Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SEOM) wakutana na Wakuu wa Misheni za Uangalizi wa Uchaguzi wa Kimataifa

Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SEOM), Mheshimiwa Mohamed Chande Othman kwenye picha ya pamoja na Wakuu wa Misheni za Uangalizi wa Uchaguzi za Kimataifa za Umoja wa Afrika, Umoja wa Nchi Zinazozungumza Kifaransa pamoja na Jukwaa la Uangalizi wa Uchaguzi wa Kusini mwa Afrika

Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SEOM), Mheshimiwa Mohamed Chande Othman akiongoza kikao cha wadau pamoja na uongozi wa SEkretarieti ya SADC na Wajumbe wa SADC TROIKA na SEAC. 

Viongozi wa Dini wakifanya mawasilisho ya hoja mbalimbali wakati wa mkutano wa pamoja na SEOM, ikiwa ni sehemu ya maandalizi ya uchaguzi Mkuu wa nchi hiyo.

Mkuu wa Misheni  ya Uangalizi wa Uchaguzi ya Umoja wa Afrika na msaidizi wake, wakifuatilia kwa karibu mawasilisho wakati wa Mkutano wa pamoja na SEOM

Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SEOM), Mheshimiwa Mohamed Chande Othman akizungumza na Mwakilishi wa Wanataaluma kutoka Chuo Kikuu cha Mauritius ambaye naye aliwasilisha maoni yake juu ya mwenendo wa uchaguzi nchini humo. 

Mhe. Lisa Simrique Singh, Mratibu Mkazi wa Umoja wa Mataifa nchini Mauritius akifananua jambo kuhusu mchango wa ushirikiano wa kimataifa  kwenye michakato ya kidemokrasia nchini humo.

Ujumbe wa Tanzania ukifuatilia mikutano ya wadau.

Mkuu wa Misheni  ya Uangalizi wa Uchaguzi ya Umoja wa Nchi zinazozungumza Kifaransa akifuatilia mazungumzo kwenye kikao cha pamoja cha Misheni za Uangalizi wa Uchaguzi za Kimataifa.

MAWAZIRI EAC KUONGEZA KASI YA UTEKELEZAJI WA MIPANGO NA MAKUBALIANO

Waziri wa Nchi, Ofisi ya Rais, IKULU Zanzibar Mhe. Ali Suleiman Ameir akifuatilia Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango uliofanyika katika Makao Makuu ya Jumuiya jijini Arusha tarehe 8 Novemba 2024. 

Mawaziri wanaosimamia masuala ya Afrika Mashariki na Mipango katika Nchi Wanachama wa Jumuiya ya Afrika Mashariki wamekubaliana kuongeza kasi ya utekelezaji wa mipango, maagizo na makubaliano mbalimbali yaliyofikiwa katika Jumuiya.

Hayo yamejiri katika Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango uliofanyika leo tarehe 08 Novemba 2024 katika Makao Makuu ya Jumuiya jijini Arusha. 

Miongoni mwa masuala hayo ni pamoja na utekelezaji wa Itifaki ya Soko la Pamoja la Jumuiya ya Afrika Mashariki ambayo inahusisha vipengele mbalimbali ikiwemo uondoaji wa tozo na ada katika shughuli mbalimbali za kiuchumi ikiwemo usafirishaji, biashara na ajira. 

Suala jingine ni la uondoaji wa vikwazo visivyo vya kiforodha katika biashara, ambapo licha ya kuripotiwa kuwa jumla ya vikwazo 274 vimeondolewa tangu mwaka 2007 wamekubaliana kuendelea kubaini vikwazo ambavyo havijafanyiwa kazi kikamilifu sambamba na uharakishwaji wake katika kuvitatua ili kuwarahishia wananchi katika Jumuiya kuendesha shughuli zao za kiuchumi kwa ufanisi na tija zaidi. 

Agenda nyingine zilizojadiliwa katika mkutano huo ni; Taarifa ya Utekelezaji wa Utatu wa Pamoja wa COMESA-EAC-SADC, Maandalizi ya Mkakati wa Saba (7) wa Maendeleo wa Jumuiya ya Afrika Mashariki (2026/2027- 2030/31) na Hadidu za Rejea za Dira ya Jumuiya ya Afrika Mashariki ya Mwaka 2050, taarifa ya maandalizi ya maadhimisho ya miaka 25 ya kuanzishwa kwa Jumuiya ya Afrika Mashariki na Mapitio ya Utekelezaji wa Mkakati wa Sita (6) wa Maendeleo wa Jumuiya ya Afrika Mashariki (2021/2022- 2025/26).

Mkutano huo wa 34 wa Baraza la Kisekta la Mawaziri wa Jumuiya ya Afrika Mashariki uliofanyika kwa njia mseto (video na ana kwa ana) na kuhudhuriwa na Nchi Wanachama wote wa Jumuiya, ulitanguliwa na Mkutano wa ngazi ya Wataalamu uliofanyika tarehe 4-6 Novemba, 2024 na kufuatiwa na Makatibu Wakuu uliofanyika tarehe 7 Novemba 2024. 

Ujumbe wa Tanzania katika mkutano huo umeongozwa na Mhe. Ali Suleiman Ameir, Waziri wa Nchi, Ofisi ya Rais, IKULU Zanzibar.

Katibu Mkuu Wizara ya Mambo ya Nje na Ushirikiano wa Afrika Mashariki anayesimamia masuala ya Afrika Mashariki Balozi Stephen P. Mbundi akiongoza Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango, Novemba 8, 2024

Ujumbe wa Tanzania ukifuatilia Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango uliokuwa ukiendelea jijini Arusha.

Ujumbe wa Tanzania ukifuatilia Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango uliokuwa ukiendelea jijini Arusha.

Ujumbe wa Tanzania ukifuatilia Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango uliokuwa ukiendelea jijini Arusha.

Sehemu ya ujumbe kutoka nchi wanachama wa Jumuiya ya Afrika Mashariki wakifuatilia Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango uliofanyika katika Makao Makuu ya Jumuiya jijini Arusha tarehe 8 Novemba 2024. 

TAARIFA KWA UMMA

 

MAKATIBU WAKUU EAC WAKUTANA JIJINI ARUSHA

        Tanzania yaendelea kuaminiwa kuongoza mikutano ya Jumuiya

Katibu Mkuu Wizara ya Mambo ya Nje na Ushirikiano wa Afrika Mashariki anayesimamia masuala ya Afrika Mashariki Balozi Stephen P. Mbundi akiongoza Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango ngazi ya makatibu wakuu uliofanyika tarehe 7 Novemba 2024

Makatibu Wakuu wanaosimamia masuala ya Afrika Mashariki na Mipango katika Nchi Wanachama wa Jumuiya ya Afrika Mashariki wamekutana leo tarehe 7 Novemba 2024 jijini Arusha, ikiwa ni maandalizi ya Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango unaotarajiwa kufanyika jijini humo tarehe 8 Novemba 2024.

Mkutano huo umeongozwa na Katibu Mkuu Wizara ya Mambo ya Nje na Ushirikiano wa Afrika Mashariki anayesimamia masuala ya Afrika Mashariki Balozi Stephen Mbundi ambaye aliteuliwa na Jamhuri ya Sudani Kusini kuongoza mkutano huo muhimu kwa niaba yao.

Makatibu Wakuu hao umepitia na kupitisha agenda mbalimbali zitakazowasilishwa kwenye Mkutano wa 34 wa Baraza la Mawaziri, baada ya kupokea taarifa iliyowasilishwa kwao na Wataalamu waliokutana tarehe 4 - 6 Novemba 2024. 

Taarifa ya Wataalamu iliyowasilishwa imeelezea hali na hatua iliyofikiwa katika utekelezaji wa maagizo yaliyotolewa na Viongozi Wakuu wa Nchi wanachama wa Jumuiya na masuala mbalimbali yaliyokubaliwa katika mikutano iliyopita. 

Masuala hayo ni pamoja na utekelezaji wa Itifaki ya Soko la Pamoja la Jumuiya ya Afrika Mashariki ikijumuisha taarifa ya uondoaji wa vikwazo visivyo vya kiforodha, Taarifa ya Utekelezaji wa Utatu wa Pamoja wa COMESA-EAC-SADC, Mapendekezo ya Vipaumbele vya Mpango na Bajeti ya Jumuiya kwa mwaka wa Fedha 2025/2026, Mapitio ya Utekelezaji wa Mkakati wa Sita (6) wa Maendeleo wa Jumuiya ya Afrika Mashariki (2021/2022- 2025/26) na Taarifa ya Maandalizi ya maadhimisho ya miaka 25 ya kuanzishwa kwa Jumuiya ya Afrika Mashariki. 

Katibu Mkuu Wizara ya Mambo ya Nje na Ushirikiano wa Afrika Mashariki anayesimamia masuala ya Afrika Mashariki Balozi Stephen P. Mbundi akiongoza Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango ngazi ya makatibu wakuu uliofanyika tarehe 7 Novemba 2024

Mkutano ukiendelea

Mkurugenzi wa Sera na Mipango katika Wizara ya Mambo ya Nje na Ushirikiano wa Afrika Mashariki Bw. Justin Kisoka akichangia kwenye Mkutano 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango unaofanyika jijini Arusha.

Mkurugenzi wa Siasa, Ulinzi na Usalama Bi. Mwanamridu Amity Jumaa katika Wizara ya Mambo ya Nje na Ushirikiano wa Afrika Mashariki akifuatilia Mkutano.

Sehemu ya ujumbe wa Tanzania ukifuatilia Mkutano 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango unaofanyika jijini Arusha.

Mkurugenzi wa Ufuatiliaji na Tathimini Bw. Haji Janabi katika Wizara ya Mambo ya Nje na Ushirikiano wa Afrika Mashariki akifuatilia Mkutano.

Sehemu ya ujumbe wa Tanzania ukifuatilia Mkutano 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango unaofanyika jijini Arusha.

Mkutano ukiendelea

MHE. CHANDE AZINDUA MISHENI YA UANGALIZI WA UCHAGUZI YA SEOM JIJINI PORT- LOUIS

Mkuu wa Misheni ya Uangalizi wa Uchaguzi ya SADC (SEOM) katika Uchaguzi Mkuu wa Mauritius Mhe. Jaji Mkuu (Mstaafu) Mohammed Chande Othman, amezindua Misheni hiyo jijini Port-Louis, Mauritius, kwa niaba ya BMwenyekiti wa Asasi ya Siasa, Ulinzi na Usalama ya SADC na Rais wa Jamhuri ya Muungano wa Tanzania Mhe. Dkt. Samia Suluhu Hassan. Uzinduzi huo uliofanyikia kwenye Kituo cha Sanaa cha Caudan, pia umewaaga waangalizi wa uchaguzi 35 ambao wameondoka kwenda maeneo tofauti kwa ajili ya kazi hiyo.

Katika hotuba yake, Mheshimiwa Chande alibainisha kuwa dhumuni kuu la misheni hiyo ni kufanya tathmini ya mwenendo wa uchaguzi nchini Mauritius kwa kuzingatia katiba na kanuni za uchaguzi za nchi hiyo, pamoja na misingi iliyowekwa katika Kanuni na Miongozo ya SADC inayosimamia Uchaguzi wa Kidemokrasia. "Dhamira yetu siyo tu kuangalia uchaguzi, bali ni kuchangia kwa njia ya kujenga, huku tukifanya tathmini ya kina kama uchaguzi unazingatia viwango vya kidemokrasia," alisema Mheshimiwa Chande.

Akizungumza mbele ya wadau mbalimbali waliofika kwenye uzinduzi huo ikiwemo Jumuiya ya Wanadiplomasia, Mhe. Chande alitambua kazi kubwa inayofanywa na SADC katika kusimamia chaguzi kwenye ukanda wa Kusini mwa Bara la Afrika ambapo alieleza kuwa uchaguzi wa Mauritius ni sehemu ya mfululizo wa chaguzi kwenye nchi wanachama saba wa SADC wenye takribani raia milioni 130, taswira anayoakisi dhamira ya umuiya ya kuimarisha mabadiliko ya kidemokrasia.

SEOM, ambayo ilianza kazi zake za maandalizi ya usimamizi wa uchaguzi nchini humo mnamo tarehe 28 Oktoba, inajumuisha waangalizi 73, kutoka nchi nane wanachama wa SADC. Timu ya waangalizi 35 iliyobobea kwenye masuala ya uangalizi wa chaguzi itapelekwa kwenye majimbo yote ya uchaguzi ambapo wataangalia masuala mazima ya maandalizi kabla ya uchaguzi, taratibu za siku ya uchaguzi, na shughuli baada ya uchaguzi. Vigezo muhimu vya uangalizi ni pamoja na uhuru wa wananchi kujieleza, upatikanaji wa vituo vya kupigia kura, muda wa kufunguliwa na kufungwa kwa vituo vya kupigia kura, elimu ya wapiga kura, na haki ya taasisi za uchaguzi.

Mheshimiwa Chande alisisitiza kuwa mambo haya ni muhimu katika kuhakikisha kuwa uchaguzi sio tu unafuata taratibu, bali pia unakidhi matarajio ya kidemokrasia ya wananchi wa Mauritius.

Akijibu maswali ya waandishi wa Habari, Mheshimiwa Chande alisifu wananchi wa Mauritius kwa kuwa na imani kubwa na vyombo vyao vya kuendesha uchaguzi. Alisisitiza kuwa ni nchi chache sana barani Afrika ambazo zina idadi kubwa ya wapiga kura, lakini pia kufanikisha kuwasajili kwa asilimia 98 kwenye daftari la wapiga kura. Alisema hii ni hatua kubwa sana ya demokrasia nchini humo, na inahamasisha wananchi wengine barani Afrika kufuata nyayo hizo na kutimiza haki ya kikatiba.

Hivyo aliwasihi wadau wote, ikiwemo vyama vya siasa, asasi za kiraia, na vyombo vya habari, kuendesha shughuli zao kwa amani ili uchaguzi huo ufanyike katika mazingira ya amani. Aliwahimiza wananchi wa Mauritius kujitokeza kwa wingi kama walivyojiandikisha, kutumia haki zao za kikatiba na kutimiza demokrasia kwa kupigakura na kuheshimu matokeo ya uchaguzi, ambayo SEOM itayaangalia kwa ukaribu. Taarifa ya awali ya matokeo ya uangalizi wa SEOM itatolewa tarehe 12 Novemba 2024, siku mbili baada ya kupigwa kura tarehe 10 Novemba,2024.

Wajumbe wa Misheni ya Uangalizi wa Uchaguzi ya SADC nchini Mauritius ina wajumbe wapatao 73 kutoka nchi nane (8) za Wanachama wa SADC ambazo ni Jamhuri ya Botswana, Mozambique, Namibia, Afrika Kusini, Zambia na Zimbabwe, Ufalme wa Eswatini na Jamhuri ya Muungano wa Tanzania.

Waangalizi hao wa uchaguziwalipitia mafunzo ya siku nne kuanzia tarehe 1 hadi 4 Novemba 2024, ili kupata ufahamu na muktadha wa uchaguzi nchini Mauritius. Waangalizi hao watapelekwa katika wilaya kumi za utawala za Mauritius, ambazo ni, Black River, Flacq, Grand Port, Moka, Pamplemousses, Plaines-Wilhems, Port-Louis, Rivière du Rempart, Savanne na Rodrigues.

MKUTANO WA 34 WA BARAZA LA KISEKTA LA MAWAZIRI LINALOSHUGHULIKIA MASUALA YA EAC NA MIPANGO WAANZA ARUSHA

Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango umeanza leo tarehe 04 Novemba 2024 jijini Arusha.

Mkutano unaotarajiwa kufanyika kwa siku tano kuanzia 4-8 Novemba 2024 umeanza katika Ngazi ya Wataalam na na baadaye utafuatiwa na Ngazi ya Makatibu Wakuu, watakao kutana tarehe 7 Novemba 2024 na kuhitimishwa na Mkutano Ngazi ya Mawaziri ukaofanyika tarehe 8 Novemba 2024. 

Mkutano huo katika Ngazi ya Wataalam pamoja na mambo mengine utapokea na kujadili mapendekezo na taarifa mbalimbali za Jumuiya ikiwemo: maendeleo ya utekelezaji wa Itifaki ya Soko la Pamoja la Jumuiya, kuhuisha masuala ya kuondoa vikwazo visivyokuwa vya kibiashara (NTBS) katika Jumuiya, kujadili taarifa ya maendeleo ya eneo huru la biashara la soko la utatu la COMESAS-EAC-SADC na kujadili taarifa ya maendeleo ya Eneo Huru la Biashara Barani Afrika (AFCFTA).

Masuala mengine yatakayo jadiliwa ni pamoja na maeneo ya vipaombele kwa mwaka wa fedha 2025/2026, randama ya taarifa ya nusu mwaka ya Mkakati wa 6 wa Maendeleo ya Jumuiya, taarifa ya agenda ya pili ya utafiti katika Jumuiya, taariafa ya utekelezaji wa maagizo ya mkutano wa kawaida wa Baraza la 45 kuhusu kufanya maboresho ya nembo za Jumuiya na taarifa ya maandalizi ya maadhimisho ya miaka 25 ya Jumuiya ya Afrika Mashariki. 

Akifungua mkutano huo kwa niaba ya Katibu Mkuu wa Sekretarieti ya Jumuiya ya Afrika Mashariki Bw. Aime Uwase Mkurugenzi Mipango wa Sekretarieti ya Jumuiya hiyo amehimiza kuhusu umuhimu wa mkutano huo katika kutathimini, kupanga na kusimamia utekelezaji na wa sera na mipango iliyowekwa kwa maendeleo ya Jumuiya. 

Mkutano huo unaofanyika kwa njia mseto (Video na ana kwa ana) umehudhuriwa na nchi zote Wanachama wa Jumuiya, huku ujumbe wa Tanzania ukijumuisha; Mkurugenzi wa Miundombinu ya Uchumi na Huduma za Jamii Mhandisi Abdillah Mataka, Mkurugenzi wa Siasa, Ulinzi na Usalama Bi. Mwanamridu Amity Jumaa, Mkurugenzi wa Ufuatiliaji na Tathimini Bw. Haji Janabi, Mkurugenzi wa Sera na Mipango Bw. Justin Kisoka, ambaye pia ni kiongozi wa ujumbe huo, wote kutoka Wizara ya Mambo ya Nje na Ushirikiano wa Afrika Mashariki.

Mkurugenzi wa Sera na Mipango katika Wizara ya Mambo ya Nje na Ushirikiano wa Afrika Mashariki Bw. Justin Kisoka akichangia kwenye Mkutano 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango unaofanyika jijini Arusha.

Mkurugenzi wa Miundombinu ya Uchumi na Huduma za Jamii Mhandisi Abdillah Mataka akichangia kwenye Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango unaofanyika jijini Arusha.

Sehemu ya ujumbe kutoka Jamhuri ya Burundi wakifuatilia Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango unaofanyika jijini Arusha.

Mkutano ukiendelea

Sehemu ya ujumbe wa Tanzania ukifuatilia Mkutano wa 34 wa Baraza la Kisekta la Mawaziri wa Jumuiya ya Afrika Mashariki linaloshughulikia masuala ya Afrika Mashariki na Mipango unaofanyika jijini Arusha.

MHE. PINDA ASHIRIKI MAADHIMISHO YA MIAKA 30 YA UMOJA WA WATANZANIA BOTSWANA

Waziri Mkuu Mstaafu wa Jamhuri ya Muungano wa Tanzania Mhe. Mizengo Pinda akizungumza katika Maadhimisho ya miaka Thelathini ya kuanzishwa kwa Umoja wa Watanzania wanaoishi nchini Botswana (ATB) yaliyoandaliwa na Jumuiya hiyo kwa kushirikiana na Ubalozi wa Tanzania nchini Botswana yaliyofanyika  jijini Gaborone tarehe 2 Novemba, 2024

Balozi wa Tanzania nchini Botswana mwenye makazi yake Afrika Kusini Mhe. James Bwana akizungumza katika Maadhimisho ya miaka Thelathini ya kuanzishwa kwa Umoja wa Watanzania wanaoishi nchini Botswana (ATB) yaliyoandaliwa na Jumuiya hiyo  yaliyofanyika  jijini Gaborone tarehe 2 Novemba, 2024

Mwenyekiti wa Watanzania wanaoishi nchini Botswana (ATB) Bw. Naiman Kissasi akizungumza katika Maadhimisho ya miaka Thelathini ya kuanzishwa kwa Umoja wa Watanzania wanaoishi nchini Botswana (ATB) yaliyoandaliwa na Jumuiya hiyo  yaliyofanyika  jijini Gaborone tarehe 2 Novemba, 2024

Waziri Mkuu Mstaafu wa Jamhuri ya Muungano wa Tanzania Mhe. Mizengo Pinda akizungumza na mmoja wa wazee wanachama wa Jumuiya ya Watanzania wanaoishi nchini Botswana katika hafla ya  Maadhimisho ya miaka Thelathini ya kuanzishwa kwa Umoja wa Watanzania wanaoishi nchini Botswana (ATB) yaliyoandaliwa na Jumuiya hiyo kwa kushirikiana na Ubalozi wa Tanzania nchini Botswana yaliyofanyika  jijini Gaborone tarehe 2 Novemba, 2024

Watanzania wanaoishi nchini Botswana wakifuatilia Maadhimisho ya miaka Thelathini ya kuanzishwa kwa Umoja wa Watanzania wanaoishi nchini Botswana (ATB) yaliyoandaliwa na Jumuiya hiyo  yaliyofanyika  jijini Gaborone tarehe 2 Novemba, 2024

Watanzania wanaoishi nchini Botswana wakifuatilia Maadhimisho ya miaka Thelathini ya kuanzishwa kwa Umoja wa Watanzania wanaoishi nchini Botswana (ATB) yaliyoandaliwa na Jumuiya hiyo  yaliyofanyika  jijini Gaborone tarehe 2 Novemba, 2024

Watanzania wanaoishi nchini Botswana wakifuatilia Maadhimisho ya miaka Thelathini ya kuanzishwa kwa Umoja wa Watanzania wanaoishi nchini Botswana (ATB) yaliyoandaliwa na Jumuiya hiyo  yaliyofanyika  jijini Gaborone tarehe 2 Novemba, 2024

Watanzania wanaoishi nchini Botswana wakifuatilia Maadhimisho ya miaka Thelathini ya kuanzishwa kwa Umoja wa Watanzania wanaoishi nchini Botswana (ATB) yaliyoandaliwa na Jumuiya hiyo  yaliyofanyika  jijini Gaborone tarehe 2 Novemba, 2024

Waziri Mkuu Mstaafu Mhe. Mizengo Pinda akikata keki alıposhiriki katika Maadhimisho ya miaka thelathini ya Umoja wa Watanzania wanaoishi nchini Botswana (ATB) yaliyofanyika  jijini Gaborone tarehe 2 Novemba, 2024

Waziri Mkuu Mstaafu Mhe. Mizengo Pinda (katikati) akiongoza viongozi walioshiriki Maadhimisho ya miaka thelathini ya Umoja wa Watanzania wanaoishi nchini Botswana (ATB) kukata keki maakum ya maadhimisho hayo katika hafla iliyofanyika  jijini Gaborone tarehe 2 Novemba, 2024

Waziri Mkuu Mstaafu Mhe. Mizengo Pinda (katikati) katika picha ya pamoja na viongozi wa Jumuiya ya  Watanzania wanaoishi nchini Botswana (ATB) katika hafla ya madhimisho ya miaka 30 ya Jumuiya hiyo iliyofanyika  jijini Gaborone tarehe 2 Novemba, 2024

Waziri Mkuu Mstaafu Mhe. Mizengo Pinda (katikati) katika picha ya pamoja na viongozi wa Jumuiya ya  Watanzania wanaoishi nchini Botswana (ATB) katika hafla ya madhimisho ya miaka 30 ya Jumuiya hiyo iliyofanyika  jijini Gaborone tarehe 2 Novemba, 2024

 

Waziri Mkuu Mstaafu Mhe. Mizengo Pinda (katikati) katika picha ya pamoja na Mwenyekiti wa Jumuiya ya  Watanzania wanaoishi nchini Botswana (ATB) Bw. Naiman Kissasi na Balozi wa Tanzania nchini Botswana Mhe. James Bwana (kulia) katika hafla ya madhimisho ya miaka 30 ya Jumuiya hiyo iliyofanyika  jijini Gaborone tarehe 2 Novemba, 2024

 

 

 

 

 

 

 

 

 

 

 

 

 

Waziri Mkuu Mstaafu wa Jamhuri ya Muungano wa Tanzania Mhe. Mizengo Pinda ameshiriki  Maadhimisho ya miaka Thelathini ya kuanzishwa kwa Umoja wa Watanzania wanaoishi nchini Botswana (ATB) yaliyoandaliwa na Jumuiya hiyo kwa kushirikiana na Ubalozi wa Tanzania nchini Botswanayaliyofanyika  jijini Gaborone tarehe 2 Novemba, 2024.

Akizungumza katika hafla hiyo Mhe. Pinda amesema Serikali ya Tanzania inabuni mbinu na mikakati mahsusi kwa lengo la kuwawezesha Diaspora kuendelea kuchangia zaidi katika maendeleo ya taifa kupitia maeneo ya kimkakati na kuwasihi wachangamkie fursa mbalimbali za biashara na uwekezaji zinazopatikana nyumbani.

Mhe. Pinda pia amewasihi Diaspora hao kutumia mifumo rasmi ya kutuma fedha nyumbani (remittances) ili kuiwezesha Serikali kuwa na taarifa na takwimu sahihi za mchango wa disapora kwa Taifa lao.
“Nichukue nafasi hii kuwajulisha kuwa Serikali iko katika hatua ya maandalizi ya Dira ya Maendeleo ya Mwaka 2050, niwasihi Diaspora mtumie ujuzi na uzoefu mlioupata huku ugenini kwa kutoa maoni yenu kwa ajili ya Dira ya mpya ya Maendeleo ya Mwaka 2050 kwani kwa kufanya hivyo mtaliwezesha Taifa kupata dira itakayolifikisha kule  kunakotarajiwa, alisisitiza Mhe. Pinda.

Pia amewasihi Diaspora hao kuendelea kujisajili katika mfumo wa kidijitali ujulikanao kama Diaspora Digital Hub (DDH) ili kuiwezesha Serikali kuwa na takwimu sahihi za Diaspora wake na kufanikisha maamuzi ya kisera kwa kuzingatia idadi na mchango wa dispora kwa Taifa.

Mhe. Pinda amewaomba Disapora hao wa Botswana kuendelea kuitetea nchi yao, kudumudisha mila, desturi na tamaduni zao, kupendana, kusadiana, kuinuana na kutatua changamoto kwa pamoja huku wakiendelea kushirikiana na Balozi wao aliyepo Pretoria, Afrika Kusini kama mlezi wao na kufuata sheria za nchi mwenyeji na wakumbuke kuwa nyumbani kwao ni Tanzania. 

Maadhimisho hayo yalihudhuriwa pia na Naibu Katibu Mkuu wa Wizara ya Mambo ya Nje na Ushirikiano wa Afrika Mashariki Balozi Said Shaib Mussa, Balozi wa Tanzania Afrika Kusini anayewakilisha pia nchi za Botswana na Lesotho Mhe. James  Bwana; Balozi Dkt. Salim Omar Othman; Mwambata wa Biashara na Uwekezaji katika Ubalozi wa Tanzania nchini Afrika Kusini  Bi. Happyness  Godfrey pamoja na Watanzania wanaoishi nchini Botswana.

Maadhimisho hayo yalitanguliwa na Mkutano Mkuu wa Mwaka wa ATB ambao uliambatana na Uchaguzi wa Viongozi wa ATB kwa Muhula mpya ambapo Bw. Naiman Kissasi alichaguliwa kuwa Mwenyekiti , Peace Byengozi alichaguliwa kuwa Katibu pamoja na Viongozi wengine wa Kamati Tendaji. Kupitia Maadhimisho hayo Benki ya CRDB pamoja na Kampuni ya KC LAND walipata fursa ya kunadi huduma zao mahususi kwa ajili ya Diaspora wa nchini Botswana.

Mhe. Pinda yuko nchini Botswana kwa ajili ya kuongoza misheni ya Uangalizi ya Uchaguzi. Mkuu wa Botswana ya SADC (SEOM) uliofanyika nchini humo tarehe 30 Oktoba, 2024 ambako Chama cha Upinzani cha UDC kilipata ushindi wa zaidi ya viti 31 vya Bunge la nchi hiyo na hivyo kukiondoa madarakani chama tawala cha BDP kilichokuwa kikiongozwa na aliyekuwa Rais wa nchi hiyo Mhe. Mokgweetsi Masisi