PRELIMINARY STATEMENT BY HIS EXCELLENCY DR. AMANI ABEID KARUME, FORMER PRESIDENT OF ZANZIBAR AND HEAD OF THE SADC ELECTORAL OBSERVATION MISSION (SEOM) TO THE PRESIDENTIAL, LEGISLATIVE AND PROVINCIAL ELECTIONS IN THE REPUBLIC OF MOZAMBIQUE

 

MISHENI YA SADC YATOA TAARIFA YA AWALI KUHUSU UCHAGUZI MKUU NCHINI MSUMBIJI

Rais Mstaafu wa Zanzibar na Mkuu wa Misheni ya SADC ya Uangalizi wa Uchaguzi Mkuu nchini Msumbiji, Mhe. Dkt. Amani Abeid Karume, leo tarehe 11 Oktoba 2024 ametangaza Taarifa ya Awali kuhusu Uchaguzi wa Rais na Wabunge kufuatia uchaguzi uliofanyika nchini humo tarehe 9 Oktoba 2024.

 

Katika hotuba yake, Mhe. Dkt. Karume amesema kuwa uchaguzi nchini Msumbiji kwa kiasi kikubwa umezingatia kanuni na miongozo ya uchaguzi wa kidemokrasia ya SADC, inayosisitiza katika haki, uhuru, usawa, na uwazi.

 

Amesema katika kutekeleza jukumu lake, misheni hiyo iliangalia masuala mbalimbali muhimu kabla na wakati wa uchaguzi, ikiwemo hali ya siasa na usalama nchini humo, usimamizi wa uchaguzi, ripoti za vyombo vya habari kuhusu uchaguzi, na uwakilishi wa jinsia, ambayo yote yametekelezwa kwa kiasi kikubwa.

 

Aidha, Misheni hiyo imeshuhudia nchi hiyo ikiwa katika hali ya amani na utulivu katika kipindi chote cha kabla na wakati wa uchaguzi, ambapo kampeni, mikutano ya hadhara  na mchakato wa upigaji kura vilifanyika kwa amani, licha ya changamoto za kiusalama katika baadhi ya maeneo, hususan katika jimbo la Cabo Delgado.

 

Pia Mhe. Dkt. Karume ametumia nafasi hiyo kuwashukuru wananchi wa Msumbiji kwa kuonyesha ukomavu wa kisiasa na uvumilivu katika kipindi chote cha uchaguzi, akiwataka washindani wa kisiasa kufuata taratibu za kisheria endapo kutatokea migogoro yoyote kuhusu uchaguzi.

 

Pia ametoa wito kwa wadau mbalimbali kuendelea kuwa watulivu na wavumilivu wakati mamlaka za usimamizi wa uchaguzi zikikamilisha matokeo ya uchaguzi kabla ya kutangazwa rasmi, akiwaomba kuendelea kuhamasisha amani, uvumilivu, na utulivu kupitia majukwaa mbalimbali katika kipindi cha baada ya uchaguzi.

 

Kulingana na Misingi na Miongozo ya SADC inayosimamia uchaguzi wa kidemokrasia iliyorekebishwa mwaka 2021, misheni hiyo itatoa taarifa ya mwisho kuhusu uchaguzi siku 30 baada ya kutolewa kwa taarifa ya awali.

 

Misheni ya SADC, iliyozinduliwa rasmi tarehe 3 Oktoba 2024, ilipeleka waangalizi 52 katika majimbo yote 11 ya Msumbiji ili kuangalia uchaguzi.

 

Mhe. Dkt. Karume aliteuliwa na Rais wa Jamhuri ya Muungano wa Tanzania na Mwenyekiti wa Asasi ya Siasa, Ulinzi, na Usalama, Mhe. Dkt. Samia Suluhu Hassan, kuongoza misheni hiyo.

Rais Mstaafu wa Zanzibar na Mkuu wa Misheni ya SADC ya Uangalizi wa Uchaguzi Mkuu nchini Msumbiji, Mhe. Dkt. Amani Abeid Karume, akitangaza Taarifa ya Awali ya Misheni hiyo kuhusu Uchaguzi wa Rais na Wabunge kufuatia uchaguzi uliofanyika nchini Msumbiji tarehe 9 Oktoba 2024

Katibu Mtendaji wa SADC, Mhe. Elias Magosi akishiriki Mkutano wakati Mkuu wa Misheni na Rais Mstaafu wa Zanzibar, Mhe. Dkt. Karume akitangaza kwa waandishi wa habari Taarifa ya Awali ya Uangalizi kuhusu uchaguzi Mkuu wa Msumbiji uliofanyika tarehe 09 Oktoba 2024

Wajumbe wa Troika kutoka Tanzania ambao ni Naibu Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Said Shaibu Mussa (kulia) na Mshauri wa Rais masuala ya Wanawake na Makundi Maalum, Mhe. Sofia Mjema (kushoto) wakifuatilia taarifa ya awali ya SADC kuhusu uangalizi wa uchaguzi nchini Msumbiji

Balozi wa Tanzania nchini Msumbiji, Mhe. Phaustine Kasike akishiriki mkutano wa uwasilishwaji wa Taarifa ya Awali ya SADC ya Uangalizi wa Uchaguzi Mkuu nchini Msumbiji

Mkurugenzi wa Idara ya Ushirikano wa Kikanda katika Wizara ya Mambo ya Nje na Ushirikiano wa Afrika Mashariki, Bi. Talha Waziri akishiriki mkutano wa uwasilishwaji wa Taarifa ya Awali ya Misheni ya Uangalizi ya SADC kuhusu uchaguzi mkuu nchini Msumbiji

Sehemu ya wadau mbalimbali walioshiriki mkutano

Sehemu nyingine ya wadau

Mkutano ukiendelea

Mkutano ukiendelea

Rais Mstaafu wa Zanzibar na Mkuu wa Misheni ya SADC ya  Uangalizi wa Uchaguzi Mkuu nchini Msumbiji, Mhe. Dkt. Amani Abeid Karume (wa pili kulia) akiwa katika picha ya pamoja na Katibu Mtendaji wa SADC na Wakuu wa Misheni za Kimataifa za Uangalizi wa Uchaguzi nchini Msumbiji mara baada ya kukamilisha mkutano wa pamoja wa kutoa taarifa zao za awali za uangalizi wa uchaguzi nchini humo. Kutoka kulia ni Mhe. Elias Magosi, Katibu Mtendaji wa SADC, Mkuu wa Misheni ya Uangalizi kutoka Umoja wa Afrika (AU-EOM) na Makamu wa Rais Mstaafu wa  Angola, Mhe. Bornito de Sousa Baltazar Diogo, ,  Mkuu wa Misheni ya Uangaliz ya Jumuiya ya Madola na Waziri Mkuu Mstaafu wa Saint Lucia, Mhe. Kenny Anthony, Mkuu wa Misheni ya Uangalizi wa Jumuiya ya Nchi zinazozungumza Kireno na Waziri wa Mambo ya Nje mstaafu wa Ureno, Mhe. João Gomes Cravinho na Mkuu wa Misheni ya Uangalizi ya Jukwaa la Uchaguzi la SADC, Jaji Dkt. Manuel Pereira da Silva 

 

MKUU WA MISHENI YA UANGALIZI WA UCHAGUZI YA SADC NCHINI MSUMBIJI ASHUHUDIA ZOEZI LA UPIGAJI KURA NCHINI MSUMBIJI

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume alitembelea vituo kadhaa vya kupigia kura katika jiji la Maputo kwa ajili ya kuangalia ufunguzi wa vituo hivyo, zoezi la upigaji kura na zoezi la kuhesabu kura kufuatia uchaguzi uliofanmyika tarehe 09 Oktoba, 2024 nchini humo.

 

Mhe. Dkt. Karume ambaye aliambatana na Katibu Mkuu wa Jumuiya ya Maendeleo Kusini mwa Afrika, Mhe. Elias Magosi  na Mjumbe wa Troika kutoka Tanzania na Mshauri wa Rais masuala ya Wanawake na Makundi Maalum, Mhe. Sofia Mjema, alianza kwa kutembelea kituo cha kupigia kura katika Shule ya Sekondari ya Josima Machel ambapo pia ni kituo alichopigia kura Rais wa Msumbiji, Mhe. Filipe Nyusi.

 

Vituo vingine alivyotembelea ni katika Shule za Msingi za Fevereiro, Maxaquene, Maxaquene Khovo na Kitivo cha Elimu ya Michezo na Mazoezi.  

 

Mhe. Dkt. Karume pia alishuhudia ufungwaji wa vituo vya kupigia kura na zoezi la kuhesabu kura baadaye jioni.

 

Misheni ya Uangalizi ya SADC nchini Msumbiji imepeleka Waangalizi 52 katika majimbo yote 11 nchini humo ambayo ni Cabo Delgado, Gaza, Inhambane, Manica, Maputo City, Maputo, Niassa, Nampula Tete na Zambezia.

 

Mhe. Dkt. Karume aliteuliwa na Rais wa Jamhuri ya Muungano wa Tanzania na Mwenyekiti wa Asasi ya Siasa, Ulinzi na Usalama, Mhe. Dkt. Samia Suluhu Hassan, kuongoza Misheni hiyo.

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume akizungumza na mmoja mawakala wa vyama wanaosimamia zoezi la upigaji alipotembelea vituo kadhaa vya kupigia kura katika jiji la Maputo kwa ajili ya kuangalia ufunguzi wa vituo hivyo, zoezi la upigaji kura na zoezi la kuhesabu kura kufuatia uchaguzi uliofanmyika tarehe 09 Oktoba, 2024 nchini humo.

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume akizungumza na mmoja wa mawakala wa vyama wanaosimamia zoezi la upigaji alipotembelea vituo kadhaa vya kupigia kura katika jiji la Maputo kwa ajili ya kuangalia ufunguzi wa vituo hivyo, zoezi la upigaji kura na zoezi la kuhesabu kura kufuatia uchaguzi uliofanmyika tarehe 09 Oktoba, 2024 nchini humo. Mhe. Dkt. Karume aliambatana na ujumbe wake akiwemo Katibu Mtendaji wa SADC, Mhe. Eliasi Magosi (mwenye kofia) na Mjumbe wa Troika kutoka Tanzania na Mshauri wa Rais masuala ya Wanawake na Makundi Maalum, Mhe. Sofia Mjema (mwenye kilemba)

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume akizungumza na maafisa wanaosimamia zoezi la upigaji alipotembelea vituo kadhaa vya kupigia kura katika jiji la Maputo kwa ajili ya kuangalia ufunguzi wa vituo hivyo, zoezi la upigaji kura na zoezi la kuhesabu kura kufuatia uchaguzi uliofanmyika tarehe 09 Oktoba, 2024 nchini humo.

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume akizungumza na mmoja wa mawakala wa vyama wanaosimamia zoezi la upigaji alipotembelea vituo kadhaa vya kupigia kura katika jiji la Maputo kwa ajili ya kuangalia ufunguzi wa vituo hivyo, zoezi la upigaji kura na zoezi la kuhesabu kura kufuatia uchaguzi uliofanmyika tarehe 09 Oktoba, 2024 nchini humo.

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume akizungumza na maafisa wanaosimamia zoezi la upigaji alipotembelea vituo kadhaa vya kupigia kura katika jiji la Maputo kwa ajili ya kuangalia ufunguzi wa vituo hivyo, zoezi la upigaji kura na zoezi la kuhesabu kura kufuatia uchaguzi uliofanmyika tarehe 09 Oktoba, 2024 nchini humo.

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume akiangalia moja ya sanduku la kupigia kura alipotembelea vituo kadhaa vya kupigia kura katika jiji la Maputo kwa ajili ya kuangalia ufunguzi wa vituo hivyo, zoezi la upigaji kura na zoezi la kuhesabu kura kufuatia uchaguzi uliofanmyika tarehe 09 Oktoba, 2024 nchini humo.

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume akizungumza na mawakala wanaosimamia zoezi la upigaji kura alipotembelea vituo kadhaa vya kupigia kura katika jiji la Maputo kwa ajili ya kuangalia ufunguzi wa vituo hivyo, zoezi la upigaji kura na zoezi la kuhesabu kura kufuatia uchaguzi uliofanmyika tarehe 09 Oktoba, 2024 nchini humo.

Wananchi wakiwa wamejipanga mstari katika vituo vya kupigia kura jijini Maputo tayari kwa kupiga kura

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume akishuhudia Afisa anayesimamia zoezi la upigaji akitoa maelezo kwa mpiga kura kabla ya kupiga kura

Mwananchi akipiga kura

Mwananchi akiwa katika chumba cha kupigia kura

Mwananchi akiwekwa alama ya wino mara baada ya kupiga kura

Mkurugenzi wa Idara ya Ushirikiano wa Kikanda katika Wizara ya Mambo ya Nje na Ushirikiano wa Afrika Mashariki, Bi. Talha Waziri akimwonesha Mhe. Dkt. Karume taarifa  iliyotumwa kwa njia ya video  kutoka kwa waangalizi wa uchaguzi wa SADC waliopelekwa kwenye majimbo mbalimbali kuhusu namna uchaguzi unavyoendelea kwenye maeneo hayo

Rais Mstaafu wa Zanzibar na Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC –SEOM) nchini Msumbiji, Mhe. Dkt. Amani Abeid Karume akishuhudia zoezi la kuhesabu kura

Zoezi la kuhesabu kura likiendelea

 

NAIBU WAZIRI CHUMI ASISITIZA WELEDI NA UWAJIBIKAJI

Naibu Waziri wa Mambo ya Nje na Ushirikiano wa Afrika Mashariki, Mhe. Cosato Chumi (Mb.) amewasisitiza Maafisa Mambo ya Nje Waandamizi wa Wizara ya Mambo ya Nje na Ushirikiano wa Afrika Mashariki kuongeza uchapakazi na weledi katika utekelezaji wa majukumu yao.

Hayo yamejili wakati wa hafla ya ufunguzi wa mafunzo ya siku nne (4) ya Mawasiliano ya Kidiplomasia kwa Maafisa Waandamizi wa Wizara hiyo yanayoendelea katika Hotel ya St. Gaspar jijini Dodoma kuanzia tarehe 8 hadi 11 Oktoba, 2024.

Akiongea katika ufunguzi huo Mhe. Chumi ameeleza furaha yake kuwaona Mabalozi Wastaafu wakiendelea kushirikiana na Wizara na kutoa mafunzo ya kuwajengea uwezo watumishi wa Wizara kila wanapohitajika au kuombwa kufanya hivyo.

Mafunzo hayo yanalenga pamoja na masuala mengine kuwajengea uwezo watumishi katika utekelezaji wa majukumu yao kwa ufasaha kwa kuwa wao ni kiungo muhimu katika kutekeleza jukumu la msingi la Wizara la kuratibu masuala ya kikanda na kimataifa kwa niaba ya Serikali.

"Katika mafunzo haya ya mawasiliano ya kidiplomasia mtajifunza kukusanya taarifa, kuchambua taarifa na kutunza siri za serikali kwa maslahi ya taifa, hivyo natarajia yatakuwa chachu katika kuongeza ufanisi na uwajibikaji’’, alisema Mhe. Chumi.

Mabalozi hawa ni watumishi waliomaliza muda wa utumishi wa umma lakini wameiishi na kuitekeleza diplomasia kwa vitendo, hivyo ni vema mkawa makini kufuatilia na kuyapokea mafunzo mnayopewa kwa umakini. Pia akaongeza kuwa naye ni zao lililotengenezwa na Mabalozi wanaotoa mafunzo hayo na akawashukuru kwa malezi yao na kwa kuendelea kuisaidia wizara na Serikali kwa ujumla.

Ameeleza pia mafunzo hayo yatainua utendaji wa Wizara kwa kuwa idadi kubwa ya watumishi wapya watapata fursa ya kupata ujuzi zaidi wa namna ya kutekeleza Sera ya Mambo ya Nje inayotilia msisitizo wa utekelezaji wa Diplomasia ya Uchumi.

Naye Katibu wa Mabalozi Wastaafu, Balozi Bertha Semu Somi ameeleza kuwa jukumu hilo la kuwajengea uwezo watumishi wa Wizara ya Mambo ya Nje na Ushirikiano wa Afrika Mashariki kwao ni fahari kwa kuwa ni kielelezo kuwa bado wanamchango katika kuendelea kusaidia Serikali.

“Serikali iliwekeza katika kutujengea uwezo wa kutekeleza kwa ufasaha majukumu ya kidiplomasia hivyo, nasi tunapata nafasi ya kurejesha kile kilichowekezwa kwetu kwa vijana ambao wanarithishwa jukumu hili muhimu kwa maslahi ya nchi’’ alisema Balozi Somi.

Pia ameeleza maafisa wanaonesha umakini kwa kuwa katika siku ya pili kila Afisa amefanya wasilisho ya yale yaliyotangulia kufundishwa ambapo ametoa mrejesho mzuri kwa Mabalozi wanaofundisha katika kufahamu nini kimepungua na nini kiongezwe katika kuyaboresha mafunzo hayo.

Maafisa wanaohudhuria mafunzo wamesisitizwa kujiongezea weledi kwa kusoma sera, sheria na miongozo mbalimbali na pia wasome nyaraka kama Sera ya Mambo ya Nje, Diara ya Maendeleo ya Taifa, Ilani ya Chama cha Mapinduzi, Mkataba wa Vienna, Kanuni za Utumishi wa Mambo ya Nje, na miongozo mingine ya kikanda na kimataifa.

Naibu Waziri wa Mambo ya Nje na Ushirikiano wa Afrika Mashariki, Mhe. Cosato Chumi (Mb.) akifungua mafunzo ya siku nne (4) ya Mawasiliano ya Kidiplomasia kwa Maafisa Waandamizi wa Wizara hiyo yanayofanyika katika Hotel ya St. Gaspar jijini Dodoma kuanzia tarehe 8 hadi 11 Oktoba 2024.

Mkurugenzi wa Utawala na Rasilimali Watu katika Wizara ya Mambo ya Nje na Ushirikiano wa Afrika Mashariki Bi. Chiku Kiguhe akimkaribisha Naibu Waziri Mhe. Cosato Chumi kwenye ufunguzi wa mafunzo ya Mawasiliano ya Kidiplomasia kwa Maafisa Waandamizi wa Wizara hiyo yanayofanyika katika Hotel ya St. Gaspar jijini Dodoma.

Mfunzo yakiendelea

Mafunzo yakiendelea

Picha ya pamoja

Hafla ya ikiendelea

Katibu wa Mabalozi Wastaafu, Balozi Bertha Semu Somi akisisitiza jambo kwenye ufunguzi wa mafunzo ya Mawasiliano ya Kidiplomasia kwa Maafisa Waandamizi wa Wizara ya Mambo ya Nje na Ushirikiano wa Afrika Mashariki yanayofanyika katika Hotel ya St. Gaspar jijini Dodoma.

Balozi Peter Kalaghe akifuatilia mafunzo Maafisa Waandamizi wa Wizara ya Mambo ya Nje na Ushirikiano wa Afrika Mashariki akifuatilia hafla ya ufunguzi wa mafunzo ya Mawasiliano ya Kidiplomasia kwa Maafisa Waandamizi wa Wizara ya Mambo ya Nje na Ushirikiano wa Afrika Mashariki yanayofanyika katika Hotel ya St. Gaspar jijini Dodoma.

PRESS STATEMENT ON THE SITUATION IN LEBANON

 

WAZIRI KOMBO: TANZANIA ITAENDELEA KUUNGA MKONO JUHUDI ZA KULETA AMANI AFRIKA

Waziri wa Mambo ya Nje na Ushirikiano wa Afrika Mashariki Mhe. Balozi Mahmoud Thabit Kombo (Mb.) akihutubia kwenye Mdahalo wa kwanza wa Amani na Usalama Afrika (APSD) ulioandaliwa na Taasisi ya Thabo Mbeki uliofanyika jijini Johannesburg, nchini Afrika Kusini.

Waziri wa Mambo ya Nje na Ushirikiano wa Afrika Mashariki Mhe. Balozi Mahmoud Thabit Kombo amesisitiza kuwa Tanzania itaendelea kuunga mkono juhudi za kurejesha hali ya amani na usalama zinazoendelea kufanywa sehemu mbalimbali barani Afrika ikiwemo Ukanda wa Afrika Magharibi, Pembe ya Afrika na Sudan Kusini.

Waziri Kombo ameeleza hayo alipokuwa akihutubia Mdahalo wa Kwanza wa Amani na Usalama Afrika (APSD) uliolenga kujadili na kupata ufumbuzi wa migogoro inayoendelea sehemu mbalimbali barani Afrika ulioandaliwa na Taasisi ya Thabo Mbeki, uliofanyika jijini Johannesburg, nchini Afrika Kusini terehe 6 Oktoba 2024. 

"Tanzania tukiwa wanachama wa Baraza la Usalama la Umoja wa Afrika tunaunga mkono juhudi zote zinazofanywa na Jumuiya za Kikanda, Kimataifa na Taasisi mbalimbali ili kurejesha amani na usalama katika maeneo husika, Afrika tumejaliwa utajiri wa rasilimali tuache migogoro". Ameeleza Waziri Kombo 

Waziri Kombo akimwakilisha Rais wa Jamhuri ya Muungano wa Tanzania Mheshimiwa Dkt. Samia Suluhu Hassan katika mdahalo huo, mbali na kuunga mkono juhudi ametoa wito kwa wadau wa amani kote Afrika kuhakikisha kuwa pande zote zinazohusika kwenye migogoro sehemu mbalimbali barani, zinahusishwa katika kila hatua ya utatuzi wa migogoro hiyo ikiwemo kualikwa kwenye mazungumzo na midahalo ya kujadili masuala ya amani na usalama.

Akielezea kuhusu mchango na uzoefu wa muda mrefu wa Tanzania katika masuala ya ujenzi wa amani na usuluhishi wa migogoro sehemu mbalimbali barani Afrika, Waziri Kombo amehimiza umuhimu wa kushirikisha Wanawake na Vijana kwenye shughuli za kulinda na kurejesha amani na usalama. 

Aidha, Waziri Kombo kwenye mdahalo huo amebainisha masuala mengine saba (7) muhimu ya kuzingatiwa kwenye juhudi za kulinda amani na usalama barani Afrika, ambayo ni kuimarisha ushirikiano na wadau wa kikanda na kimataifa katika kutafuta rasimalimali na utalaamu unaohitajika kwenye utatuzi wa migogoro husika, kuhakikisha mazungumzo ya kutafuta amani na usalama yanakuwa jumuishi, kuzingatia utawala bora, demokrasia na haki za binadamu na kuwawezesha Wanawake na Vijana.

Masuala mengine ni kuwekeza katika kuimarisha mtangamano wa kikanda, kuimarisha mifumo ya kuonesha viashiria vya uvunjifu wa amani na usalama, ikiwemo uhalifu katika maeneo ya mipakani na kuwekeza katika kujengeana uwezo zaidi kwenye masuala ya amani na usalama.

Kwa sasa Tanzania inachangia vikosi vya kulinda amani na usalama katika maeneo mbalimbali ikiwemo Afrika ya Kati, Jumhuri ya Kidemokrasia ya Congo (DRC) Msumbiji katika jimbo la Cabo Delgado na Sudani Kusini.

Waziri wa Mambo ya Nje na Ushirikiano wa Afrika Mashariki Mhe. Balozi Mahmoud Thabit Kombo (Mb.) akihutubia kwenye Mdahalo wa kwanza wa Amani na Usalama Afrika (APSD) ulioandaliwa na Taasisi ya Thabo Mbeki uliofanyika jijini Johannesburg, nchini Afrika Kusini.

Rais wa zamani wa Afika Kusini Mhe. Thabo Mbeki akichangia jambo kwenye Mdahalo wa kwanza wa Amani na Usalama Afrika (APSD) ulioandaliwa na Taasisi ya Thabo Mbeki jijini Johannesburg, nchini Afrika Kusini.

Balozi wa Tanzania nchini Afrika Kusini Mhe. James G. Bwana akifuatilia Mdahalo wa kwanza wa Amani na Usalama Afrika (APSD) ulioandaliwa na Taasisi ya Thabo Mbeki uliofanyika jijini Johannesburg, nchini Afrika Kusini. Kulia ni Mkurugenzi Msaidizi wa Idara ya Afrika katika Wizara ya Mambo ya Nje na Ushirikiano wa Afrika Mashariki Dkt. Bertha Makilagi

 Mkutano ukiedelea