Sudan Kusini Mwanachama rasmi wa EAC baada ya kusaini mkataba

Mhe. Dkt. John Pombe Magufuli, Rais wa Jamhuri ya Muungano Tanzania na Mwenyekiti wa Jumuiya ya Afrika Mashariki akisaini Mkataba wa Kuiwezesha Sudan Kusini kuwa Mwanachama Kamili wa Jumuiya ya Afrika Mashariki (EAC), tukio hilo la kihistoria limefanyika Ikulu jijini Dar es Salaam. Tukio hilo limeshuhudiwa na Makamu wa Rais wa Jamhuri ya Muungano wa Tanzania Mhe. Samia Suluhu, Waziri Mkuu wa Jamhuri ya Muungano wa Tanzania Mhe. Majaliwa Kassim Majaliwa, Spika wa Bunge la Jamhuri ya Muungano wa Tanzania Mhe. Job Ndungai, Jaji Mkuu Mhe. Chande Othmani, Mwanasheria Mkuu, Mhe. George Masaju na Waziri wa Mambo ya Nje Ushirikiano wa Afrika Mashariki, Kikanda na Kimataifa Mhe. Balozi Augustine Mahiga    

Rais wa Jamhuri ya Sudani Kusini Mhe. Salva Kiir Mayardit naye akiweka saini kwenye Mkataba wa Kuiwezesha nchi yake ya Sudan Kusini kuwa mwanachama kamili wa Jumuiya ya Afrika Mashariki.

Sehemu ya Mabalozi waliohudhuria tukio hilo la kihistoria la Jamhuri ya Sudan Kusini kuwa mwanachama kamili wa Jamhuri ya Afrika Mashariki mara baada ya kusaini Mkataba wa kuwa Mwanachama wa Jumuhiya hiyo. 

Sehemu nyingine ya Mabalozi wanazoziwakilisha nchi zao hapa nchini, wa kwanza kushoto ni Balozi wa Japan hapa nchini Mhe. Masaharu Yoshida, Balozi wa Misri nchini Mhe Mohamed Yasser Elshawaf (katikati)

Naibu Waziri wa Mambo ya Nje na Ushirikiano wa Afrika Mashariki, Kikanda na Kimataifa, Mhe. Susan Kolimba (Mb.), akisalimiana na Rais wa Jamhuri ya Sudan Kusini Mhe. Salva Kiir Mayardit.

Naibu Katibu Mkuu wa Wizara ya Mambo ya Nje na Ushirikiano wa Afrika Mashariki, Kikanda na Kimataifa Mhe. Ramadhan Muombwa Mwinyi naye akisalimiana na Rais Kiir.

Afisa Mambo ya Nje na Ushirikiano wa Afrika Mashariki Kikanda na Kimataifa ,Bw. Hassan Mwamweta akisalimiana na Rais wa Jamhuri ya Sudan Kusini, Mhe. Salva Kiir alipokuwa akisalimiana na wageni waliohudhuria Tukio hilo.

Rais wa Jamhuri ya Muungano wa Tanzania Mhe. Dkt. John Pombe Magufuli (wa nne kutoka kulia) na Rais wa Jamhuri ya Sudan Kusini, Mhe. Salva Kiir Mayardit (wa nne kutoka kushoto) wakiwa katika picha ya pamoja na Viongozi Wakuu wa Tanzania na Jumuiya ya Afrika Mashariki

Rais wa Jamhuri ya Muungano wa Tanzania Mhe. Dkt. John Pombe Magufuli (wa nne kutoka kulia) na Rais wa Jamhuri ya Sudan Kusini Mhe. Salva Kiir Mayardit (wa nne kutoka kushoto) wakiwa katika picha ya pamoja na Mabalozi mbalimbali wanaowakilisha nchi zao nchini.

===============================

Rais wa Jamhuri ya Sudani Kusini Mhe. Salva Kiir Mayardit (kulia), akipokea zawadi ya ua kutoka kwa mtoto Sharon Innocent Shiyo wakati wa mapokezi yake rasmi Ikulu.

Rais wa Jamhuri ya Muungano wa Tanzania Mhe. Dkt. John Pombe Magufuli (kushoto) akimpokea rasmi Rais wa Jamhuri ya Sudan Kusini, Mhe. Salva Kiir Mayardit alipo wasili Ikulu Jijini Dar es Salaam

Rais wa Jamhuri ya Sudan kusini Mhe. Salva Kiir Mayardit akiwa pamoja na Mwenyeji wake Rais wa Jamhuri ya Muungano wa Tanzania, Mhe. Dkt. John Pombe Magufuli wakati wakipigiwa nyimbo za mataifa yote mawili.

Kikosi cha Bendi ya Jeshi

Mhe. Salva Kiir akikagua Gwaride la Heshima lililokuwa limeandaliwa kwa ajili yake

Rais Magufuli na Rai Kiir wakifurahia jambo kwa pamoja alipokuwa akimtambulisha Waziri wa Mambo ya Nje Ushirikiano wa Afrika Mashariki Kikanda na Kimataifa Mhe. Balozi Augustine Mahiga 

Rais Dkt. John Pombe Magufuli akimtambulisha Naibu Waziri wa Mambo ya Nje Ushirikiano wa Afrika Mashariki Kikanda na Kimataifa Mhe. Susan Kolimba (Mb.) kwa Mhe. Rais Salva Kiir (katikati).

Salva Kiir akiwapungia mkono viongozi mbalimbali walijitokeza kumpokea

========================= 

Waziri Mahiga akiagana na Rais Salva Kiir kabla hajaanza safari ya kurudi Sudan Kusini mara baada ya kukamilisha ziara yake ya siku moja iliyomwezesha kusaini mkataba wa kuingia rasmi kwenye Jumuiya ya Afrika Mashariki

Afisa Mambo ya Nje Bi. Olivia Maboko  akiagana na Mhe. Rais wa Jamhuri ya Sudan Kusini Mhe. Salva Kiir alipokuwa akielekea kwenye ndege tayari kwa kuanza safari ya kurudi nchini kwake.

Rais Salva Kiiri akipunga mkono wa kwaheri.

Picha na Reginald Philip

==================================================

TAARIFA KWA VYOMBO VYA HABARI 

Sudan Kusini yasaini rasmi Mkataba  wa kujiunga Jumuiya ya Afrika Mashariki

Mhe. Dkt. John Pombe Magufuli, Rais wa Jamhuri ya Muungano wa Tanzania na Mwenyekiti wa Jumuiya ya Afrika Mashariki kwa pamoja na Mhe. Salva Kiir Mayardit, Rais wa Jamhuri ya Sudan Kusini wamesaini Mkataba wa kuiwezesha Jamhuri ya Sudan Kusini kuwa Mwanachama kamili wa Jumuiya ya Afrika Mashariki (EAC). Tukio hilo la kihistoria limefanyika Ikulu Jijini Dar es Salaam tarehe 15 Aprili, 2016.

Akizungumza wakati wa haflya hiyo, Mhe. Dkt. Magufuli aliipongeza nchi hiyo na kusema kuwa anajivunia tukio hili la kihistoria kutokea wakati Tanzania ikiwa ni Mwenyekiti wa Jumuiya ya Afrika Mashariki na kwamba ukurasa mpya wa ushirikiano na mahusiano na nchi hiyo umefunguliwa.

Aliongeza kuwa kihistoria  Sudan Kusini, imekuwa  na mahusiano ya karibu na nchi za Afrika Mashariki katika nyanja mbalimbali ikiwemo mwingiliano wa tamaduni, ushirikiano wa kibiashara na uchumi na ukaribu wa kijografia.  Aidha, alieleza kuwa kujiunga kwa Sudan Kusini kwenye EAC kunaifanya Jumuiya hii kuwa na soko kubwa lenye takriban watu milioni 160.

Vile vile Mhe. Rais Magufuli alisema kuwa ili Jumuiya ya Afrika Mashariki iweze kuwa na maendeleo endelevu suala la kudumisha amani ni la msingi, hivyo aliwahimiza Sudan Kusini kuendeleza juhudi kwenye mazungumzo ya amani.

‘’Dhana ya Mtangamano ni kukuza biashara, uwekezaji na miundombinu ili kujiletea maendeleo endelevu katika Jumuiya yetu,  hivyo nahimiza  umuhimu wa nchi wanachama kudumisha amani ili kufikia malengo tuliyojiwekea ‘’ alisema Rais Magufuli.

Wakati huohuo, Rais Magufuli alimpongeza Rais Kiir kwa jitihada zake katika kuhakikisha nchi yake inajiunga na Jumuiya ya Afrika Mashariki haraka ambapo miezi minne baada ya nchi hiyo kupata uhuru iliwasilisha maombi ya kujiunga na Jumuiya ya Afrika Mashariki na miaka mitano imeweza kuwa mwanachama kamili wa Jumuiya hiyo.

Kwa upande wake, Rais Kiir alieleza kufurahishwa kwake na hatua iliyofikiwa na nchi yake ya kuwa mwanachama kamili wa Jumuiya ya Afrika Mashariki. Aidha, alimshukuru Rais Magufuli na Marais wa Nchi zote wanachama kwa kuiunga mkono nchi yake kwa kauli moja.

Mhe. Kiir aliongeza kuwa uamuzi wa nchi yake wa kujiunga na Jumuiya ni wa dhati na kwamba una nia ya kuimarisha ushirikiano kwa manufaa ya wananchi wa Afrika Mashariki kwa ujumla, ambapo nchi yake imeshaanza kufanyia mabadiliko mifumo mbalimbali kwenye Serikali yake ili kuweza kushiriki kikamilifu katika hatua mbalimbali za mtangamano ikiwemo kuunda Wizara inayoshughulikia masuala ya Afrika Mashariki.

‘’Hatimaye Sudan Kusini imerudi nyumbani. Jumuiya ya Afrika Mashariki ni sehemu sahihi kwa nchi yangu kwani Jumuiya ya Afrika Mashariki ni mtangamano unaoheshimika Afrika na Duniani kwa ujumla’’ alisisitiza Rais Kiir.

Pia, Rais Kiir alitangaza kufunguliwa rasmi kwa Ubalozi wa nchi yake hapa nchini na tayari amemteua Balozi Mariano Deng Ngor kuwa Balozi wa Sudan Kusini nchini Tanzania.

Awali akizungumza kabla ya kusainiwa kwa Mkataba huo, Waziri wa Ushirikiano wa Afrika Mashariki, Kikanda na Kimataifa na Mwenyekiti wa Baraza la Mawaziri wa Jumuiya ya Afrika Mashariki, Mhe. Balozi Dkt. Augustine Mahiga alisema kuwa Jumuiya ya Afrika Mashariki itashirikiana kwa karibu na Jumuiya ya Kimataifa kuhakikisha wananchi wa Sudan Kusini waliothirika na migogoro na kuikimbia nchi yao wanarejea kwa ajili ya kuendeleza nchi yao.

Jamhuri ya Sudan Kusini ilipata uhuru wake tarehe 09 Julai, 2011 na iliwasilisha maombi rasmi ya kujiunga na Jumuiya ya Afrika Mashariki tarehe 10 Novemba, 2011. Aidha, Tangazo la kukubaliwa kuwa Mwanachama wa EAC lilitangazwa na Mwenyekiti wa Jumuiya hiyo, Mhe. Dkt. John Pombe Joseph Magufuli, Rais wa Jamhuri ya Muungano wa Tanzania wakati wa  Mkutano wa 17 wa Wakuu wa Nchi wa EAC uliofanyika jijini Arusha mwezi Machi 2016.

Imetolewa na:

Kitengo cha Mawasiliano ya Serikali,

Wizara ya Mambo ya Nje, Ushirikiano wa Afrika Mashariki, Kikanda na Kimataifa

Dar es Salaam, 15 Aprili, 2016

COMMUNIQUÉ ON THE SIGNING CEREMONY OF ACCESSION OF S. SUDAN INTO EAC

EAST AFRICAN COMMUNITY COMMUNIQUÉ ON THE SIGNING CEREMONY OF THE TREATY OF ACCESSION OF THE REPUBLIC OF SOUTH SUDAN INTO THE EAST AFRICAN COMMUNITY STATE HOUSE, DAR ES SALAAM, TANZANIA 15TH APRIL, 2016 EAC SECRETARIAT ARUSHA, TANZANIA APRIL 2016

 

SIGNING CEREMONY OF THE TREATY OF ACCESSION OF THE REPUBLIC OF

SOUTH SUDAN INTO THE EAST AFRICAN COMMUNITY

 

COMMUNIQUÉ

1.           THEIR EXCELLENCIES GENERAL SALVA KIIR MAYARDIT, PRESIDENT OF THE REPUBLIC OF SOUTH SUDAN, AND DR. JOHN POMBE JOSEPH MAGUFULI, PRESIDENT OF THE UNITED REPUBLIC OF TANZANIA AND CHAIRPERSON OF THE EAST AFRICAN COMMUNITY SUMMIT OF HEADS OF STATE HAVE THIS FRIDAY THE 15^TH OF APRIL 2016, SIGNED THE TREATY OF ACCESSION OF THE REPUBLIC OF SOUTH SUDAN INTO THE EAST AFRICAN COMMUNITY IN DAR ES SALAAM, TANZANIA. THE HEADS OF STATE MET AND SIGNED THE TREATY OF ACCESSION IN A WARM AND CORDIAL ATMOSPHERE.

2.           H.E. DR. JOHN POMBE JOSEPH MAGUFULI WAS DESIGNATED ON 2^ND MARCH, 2016 BY THE SUMMIT OF EAC HEADS OF STATE AT THEIR 17^TH ORDINARY MEETING, ON ITS BEHALF, TO SIGN THE TREATY OF ACCESSION WITH H.E. GENERAL SALVA KIIR MAYARDIT, PRESIDENT OF THE REPUBLIC OF SOUTH SUDAN

3.           H.E. DR. JOHN POMBE JOSEPH MAGUFULI THANKED H.E. GENERAL SALVA KIIR MAYARDIT FOR TAKING THE INITIATIVE TO FORMALLY APPLY FOR MEMBERSHIP TO THE EAST AFRICAN COMMUNITY IN LESS THAN FOUR MONTHS AFTER THE COUNTRY ATTAINED INDEPENDENCE.

4.           THEIR EXCELLENCIES THE HEADS OF STATE NOTED THAT THE ENTRY OF SOUTH SUDAN INTO THE EAST AFRICAN COMMUNITY WAS FOR THE BENEFIT OF THE ENTIRE REGION.

5.           H.E. GENERAL SALVA KIIR MAYARDIT THANKED THE SUMMIT OF EAC HEADS OF STATE FOR AGREEING TO ADMIT THE REPUBLIC OF SOUTH SUDAN INTO THE EAST AFRICAN COMMUNITY.

6.           H.E. GENERAL SALVA KIIR MAYARDIT OBSERVED THAT THE REPUBLIC OF SOUTH SUDAN’S ADMISSION INTO THE EAST AFRICAN COMMUNITY WAS THE FULFILMENT OF A DREAM HELD BY THE COUNTRY’S FOREFATHERS MORE THAN FIFTY YEARS AGO, ADDING THAT IT MARKED A DECISIVE SHIFT IN THE COUNTRY’S FOREIGN AND ECONOMIC POLICY.

7.           H.E. DR. JOHN POMBE JOSEPH MAGUFULI DIRECTED THE EAC SECRETARIAT TO URGENTLY DEVELOP A ROADMAP FOR FAST-TRACKING THE INTEGRATION OF THE REPUBLIC OF SOUTH SUDAN INTO THE ACTIVITIES, PROGRAMMES AND PROJECTS OF THE EAST AFRICAN COMMUNITY.

8.           H.E. GENERAL SALVA KIIR MAYARDIT, PRESIDENT OF THE REPUBLIC OF SOUTH SUDAN, THANKED HIS EXCELLENCY DR. JOHN POMBE JOSEPH MAGUFULI, PRESIDENT OF THE UNITED REPUBLIC OF TANZANIA AND CHAIRPERSON OF THE EAC SUMMIT OF HEADS OF STATE, FOR THE WARM AND CORDIAL HOSPITALITY EXTENDED TO HIM AND HIS DELEGATION DURING THEIR STAY IN TANZANIA.

DONE AT DAR ES SALAAM, THIS 15^TH DAY OF APRIL, 2016.

………………….............….................... H.E. DR. JOHN POMBE JOSEPH MAGUFULI, PRESIDENT OF THE UNITED REPUBLIC OF TANZANIA; AND CHAIRPERSON, EAC SUMMIT OF HEADS OF STATE

……….………………....…………………… H.E. GENERAL SALVA KIIR MAYARDIT, PRESIDENT, REPUBLIC OF SOUTH SUDAN

Wafanyabiashara kutoka nchini Oman wafanya ziara mkoani Tanga

                Mtendaji Mkuu wa Wakala wa Maabara za Vetenari Tanzania "TVLA" Dkt. Furaha Mramba akiwakaribisha baadhi ya wafanyabiashara kutoka nchini Oman waliopo nchini kwa ziara ya siku tatu (3) inayomalizika leo, ambao walitembelea katika Taasisi  ya utafiti na uchunguzi wa wadudu na magonjwa waenezayo "VVBDRI -TANGA" inayosimamiwa na wakala hiyo na kutembelea sekta ya mifugo ili kuweza kujionea fursa za uwekezaji kupitia miradi hiyo.

 Kiongozi wa ujumbe wa wafanyabiashara kutoka nchini Oman Bw. Warith Al- Kharusi akieleza  malengo ya ziara yao Mkoani Tanga ambapo alieleza kuwa wamekuja kutembelea mradi wa shamba la mifugo ili waweze kujionea fursa za uwekezaji zinazoweza kupatikana kupitia mradi huo na miradi mingine watakayoitembelea.  

 Afisa Mambo ya Nje kutoka Wizara ya Mambo ya Nje, Ushirikiano wa Afrika Mashariki, Kikanda na Kimataifa Bw. Hangi Mgaka wa pili kutoka kushoto ambaye pia aliratibu Ziara hiyo akifuatilia uwasilishaji wa taarifa kabla ya ziara kuanza.

 Ujumbe wa wafanyabiashara kutoka Omani wakiongozwa na viongozi wakuu na maafisa  wa Taasisi za TVLA na VVBDRI-TANGA wakiwasili katika shamba la utafiti Mivumoni lililopo Wilayani Pangani Mkoani Tanga lenye ukubwa wa ekari 12789.6 ili kuweza kuona shughuli za ufugaji zinazofanyika katika shamba hilo

 Bw. Warith Al - Kharusi akijadili jambo na wafanyabiashara wenzie wakati walipokuwa wakitembelea shamba hilo linalofuga Ngo'mbe, mbuzi na Kondoo, ambapo mpaka sasa Taasisi ya VVBDRI - Tanga imeweza kutumia asilimia 20 ya shamba hilo kwaajili ya shughuli za ufugaji na sehemu inayobaki bado haitumiki.

 Dkt. Mramba akielezea utengenezaji wa marobota ya nyasi kwaajili ya malisho ya mifugo na uhifadhi wake unavyofanyika katika shamba hilo, ambapo Wafanyabiashara hao walivutiwa nazo na kuonesha nia ya kuwekeza katika katika uzalishaji huo ili shamba hilo ambalo sehemu kubwa ya eneo lake halijafanyiwa matumizi liweze kuzalisha nyasi hizo kwa wingi kupitia teknolojia za kisasa na kuweza kuwa na tani za kutosha kusafirisha kwaajili ya mauzo nje ya nchi

 ===================================================

Wakati huo huo wafanyabishara hao pia walitembelea katika kiwanda cha kuzalisha maziwa "TANGA FRESH LTD"  kilichopo eneo la Kange Jijini Tanga

 Mkuu wa Idara ya Fedha katika kiwanda cha Tanga Fresh BW. Clemence Winfredy akiukaribisha ujumbe wa wafanyabiasha kutoka Oman waliotembelea kiwanda hicho ili kujionea shughuli za uzalishaji

Bw.Clemence Winfredy akiwasilisha taarifa ya shughuli za uzalishaji wa kiwanda pamoja na kuainisha fursa za uwekezaji zinazopatikana katika kiwanda hicho 

 Sehemu ya wafanyabishara wakifuatilia uwasilishwaji wa taarifa ambapo pia waliweza kushauri baadhi ya maboresho kwaajili ya kuongeza uzalishaji na usindikaji wa maziwa

 Wafanyabiashara wakitembelea eneo la uzalishaji wa maziwa

 Wakiangalia na kupokea maelezo namna uzalishaji wa maziwa unavyofanyika hadi hatua ya kufungasha na kwenda sokoni

 Matanki kwaajili ya kuhifadhia maziwa yaliyokwisha kamilisha hatua zote za utayarishaji na kuwa tayari kwa kufungashwa

Ujumbe wa wafanyabiashara ukiondoka mkoani Tanga mara baada ya kukamilisha ziara