Tanzania yashiriki maonesho ya utalii ya kimataifa nchini Uholanzi

Tanzania imeshiriki vema katika Maonesho ya Utalii ya Kimataifa yanayofanyika kila mwaka mjini Utrecht, Uholanzi, maarufu kama Vakantiebeurs. Maonesho hayo yalifunguliwa rasmi na Mheshimiwa Halbe Zijlstra,Waziri wa Mambo ya Nje wa Uholanzi tarehe 9 Januari 2018 ambapo maelfu ya washiriki kutoka nchi mbalimbali duniani walihudhuria.

Maonesho ya Vakantiebeurs ni fursa adhimu ya kuitangaza Sekta ya Utalii ambapo Tanzania pamoja na kutangaza vivutio mbalimbali vya vya utalii vilivyopo nchini, ilitenga Siku Maalum (Tanzania Day) ambapo bidhaa, chakula na utamaduni wa Kitanzania vilioneshwa. Wawakilishi kutoka Tanzania walijumuisha Taasisi za Utalii za TANAPA, TTB, NCAA na Ubalozi wa Tanzania The Hague, Uholanzi. Kwa upande wa Kampuni za Utalii, wawakilishi kutoka Bobby Tours and Safaris, Makasa Tanzania Safaris, Mbalageti Serengeti, Chaka Travel, Migada Adventures, African Wildcats Expeditions Ltd., Eastern Sun Tours and Safaris, Gramol and Safaris, African Spoonbill Tours and Safaris, Croy African Adventure pamoja na Kitawa Tours and Safaris Ltd. walishiriki. 

Washiriki kutoka Tanzania wakiwa katika banda la Tanzania kwenye Maonesho maarufu ya Utalii ya Kimataifa (Vakantiebeurs 2018) yaliyofanyika hivi karibuni mjini Utrecht, Uholanzi.

Kutoka kushoto ni Bw. Willy Lyimo wa Bodi ya Utalii (TTB), Bibi Agnes Kiama Tengia, Afisa Ubalozi, Bw. Susuma Kusekwa wa Hifadhi za Taifa (TANAPA), Bw. John Sung’are wa African Wildcats Expeditions Ltd. (Arusha), Bibi Naomi Z. Mpemba, Kaimu Balozi wa Ubalozi wa Tanzania The Hague Uholanzi na Bw. Mushtaqali Abdalla wa Bobby Tours and Safaris (Arusha).

Kaimu Balozi Bibi Naomi Z. Mpemba akimsikiliza mteja aliyefika kwenye banda la Tanzania.

Bw. Iddi Mavura wa NCAA na Bw. Susuma Kusekwa wa TANAPA wakiwasiliza wateja waliofika kwenye banda la Tanzania katika Maonesho ya Utalii ya Kimataifa ya Vakantiebeurs 2018.

Bi. Sophia Tumsifu, Mtumishi wa Ubalozi akiwapa maelezo wateja waliofika katika banda la Tanzania ambapo pamoja na kupata taarifa kuhusu vivutio vya Tanzania, walipata pia ladha ya vyakula vya Tanzania.

Bibi Mwajuma Kitano, Mwanamuziki Mtanzania anayeishi Uholanzi, akiwa pamoja na wanafunzi wake ambao ni raia wa Uholanzi, kwa pamoja wakitumbuiza katika banda la Tanzania katika Maonesho ya Utalii ya Kimataifa ya Vakantiebeurs 2018.

Waziri Mahiga apokea Nakala za Hati za Utambulisho kutoka kwa Balozi mteule wa Taifa la Israel

Waziri wa Mambo ya Nje na Ushirikiano wa Afrika Mashariki, Mhe. Balozi Dkt. Augustine Mahiga akipokea Nakala za Hati za Utambulisho kutoka kwa Balozi Mteule wa Taifa la Israel mwenye makazi yake Nairobi-Kenya, Mhe. Noah Gal Gendler. Makabidhiano hayo yamefanyika katika ofisi za Wizara Jijini Dar es Salaam tarehe 15 Januari 2017. 

Mhe. Waziri Mahiga akizungumza na Mhe. Gendler ambapo mazungumzo yao yalijikika katika kuimarisha ushirikiano wa kidiplomasia unaolenga kuinua uchumi kwa kufanya maboresho katika sekta ya uwekezaji, Utalii na Kilimo kwa manufaa ya wananchi wa Tanzania na Israel.

Mazungumzo yakiendelea.

Picha ya pamoja Mhe. Waziri Mahiga, Mhe. Gendler na Kaimu Mkurugenzi Idara ya Mashariki ya Kati Bw. Hangi Mgaka.

Mawaziri wa Tanzania na Rwanda kujadili Ujenzi wa Reli

Mawaziri wa Tanzania na Rwanda wanaoshughulikia masuala ya miundombinu wameagizwa kukutana mara moja kujadili ujenzi wa Reli ya kiwango cha Kimataifa kutoka Isaka hadi Rwanda. 

Kauli hiyo imetolewa leo Ikulu jijini Dar Es Salaam na Rais wa Jamhuri ya Muungano wa Tanzania, Mhe. Dkt. John Pombe Joseph Magufuli mbele ya waandishi wa habari akiwa na mgeni wake, Rais wa Rwanda, Mhe. Paul Kagame ambaye amefanya ziara ya kikazi ya siku moja hapa nchini. 

“Kipande cha kutoka Isaka hadi Rwanda ni kilomita 400 tu, hatuwezi kushindwa kukijenga, tumewaagiza Mawaziri wa miundombinu wakutane ili wajadili namna ya kupata fedha na kabla mwaka huu haujaisha tunataka kuweka jiwe la msingi la ujenzi huo”, Rais Magufuli alisema.

Rais Magufuli alieleza kuwa ujenzi wa reli hiyo utasaidia kukuza biashara kati ya Tanzania na Rwanda ambayo kwa sasa, licha ya kuongezeka kidogo lakini kiwango cha biashara kati ya nchi hizo bado kipo chini, akitolea mfano wa kuongezeka kwa mizigo ya Rwanda inayopitia Bandari ya Dar Es Salaam ambayo kwa mwaka jana imefikia idadi ya tani laki tisa na nusu.

Rais Magufuli ambaye alimtaja Rais Kagame kuwa ni mwanamapinduzi wa Afrika, licha ya kumpongeza kwa kushinda kiti cha Rais kwa ushindi wa kishindo mwaka 2017 alimsifu pia kutokana na mipango yake ya kuibadilisha Rwanda na dhamira ya dhati ya kuwaletea maendeleo wananchi wa nchi hiyo. “Watanzania na watu wengine wanajua Rwanda ilipotoka na hatua ulioifikisha hivi sasa”, Rais Magufuli alisema.

Katika ziara hiyo, Rais Magufuli alimuhakikishia Rais Kagame anayewania nafasi ya Mwenyekiti wa Umoja wa Afrika (AU) kwa kipindi cha Mwaka 2018 kuwa Tanzania pamoja na marafiki zake itamuunga mkono kwenye nafasi hiyo. Mhe. Rais alielezea matumaini yake kuwa Rais Kagame atatumia nafasi yake hiyo kwa kushirikiana na viongozi wenzake kuweka mikakati ya kutatua changamoto zinazolikabili Bara la Afrika ikwemo ukosefu wa ajira unaosabisha vijana wengi kukimbia nchi zao. 

Kwa upande wake, Rais Kagame alielezea matumaini yake kuwa Tanznaia itaendelea kushirikiana na Rwanda katika masuala mbalimbali yakiwemo ya kiuchumi kwa faida ya pande zote mbili. 

Akijibu swali kuhusu hatua gani atazichukuwa atakapokuwa Mwenyekiti wa AU kukabiliana na wimbi la vijana wengi wa Afrika kukimbilia ughaibuni kutafuta maisha.

Rais Kagame alijibu kuwa nchi moja moja na kwa ujumla wao barani Afrika ziongeze biashara na uwekezaji baina yao ili kuongeza ajira kwa vijana. Aidha, aliwaasa vijana kuwa jukumu la Serikali zote duniani ni kujenga mazingira mazuri ya uwekezaji na biashara, hivyo vijana hawanabudi kutumia fursa zinazopatikana katika nchi zao badala ya kukimbilia ughaibuni na kutangatanga. 

Imetolewa na:

Kitengo cha Mawasiliano ya Serikali,

Wizara ya Mambo ya Nje na Ushirikiano wa Afrika Mashariki, Dar es Salaam

14 Janauri 2018

Makamu wa Rais wa Jamhuri ya Muungano wa Tanzania, Mhe. Samia Suluhu Hassan akisalimiana na Baadhi ya viongozi wa Serikali mara baada ya kuwasilia katika Uwanja wa Ndege wa Kimataifa wa Julius Nyerere (JNIA) kwa ajili ya mapokezi ya Rais wa Jamhuri ya Rwanda, Mhe.Paul Kagame aliyefanya ziara ya kikazi ya siku moja leo Jijini Dar es Salaam. Rais wa Jamhuri ya Rwanda, Mhe. Paul Kagame akishuka kutoka katika ndege kwenye Uwanja wa Ndege wa Kimataifa wa Julius Nyerere (JNIA) Terminal I leo Jijini Dar es Salaam. Rais Kagame amefanya ziara ya kikazi ya siku moja. Baadhi ya wananchi wakimlaki Rais wa Jamhuri ya Rwanda, Mhe. Paul Kagame mara baada ya kupokelewa na mwenyeji wake, Rais wa Jamhuri ya Muungano wa Tanzania, Mhe.  Dkt. John Pombe Magufuli katika Uwanja wa Ndege wa Kimataifa wa Julius Nyerere (JNIA) leo Jijini Dar es Salaam. Rais wa Jamhuri ya Muungano wa Tanzania, Mhe. Dkt. John Pombe Magufuli (kulia) akimkaribisha mgeni wake, Rais wa Jamhuri ya Rwanda, Mhe. Paul Kagame Ikulu Jijini Dar es Dar es Salaam leo. Rais Kagame amekuja nchini kwa ziara ya kikazi ya siku moja. Rais wa Jamhuri ya Muungano wa Tanzania, Mhe. Dkt. John Pombe Magufuli akiongea na waandishi wa habari Ikulu jijini Dar es Salaam kuelezea masuala waliojadili na mgeni wake Rais Kagame. Rais wa Jamhuri ya Muungano wa Tanzania, Mhe. Dkt. John Pombe Magufuli akisisitiza jambo mbele ya waandishi wa habari kuhusu mazungumzo baina yake na mgeni wake Rais wa Jamhuri ya Rwanda, Mhe. Paul Kagame (kushoto) leo Ikulu Jijini Dar es Dar es Salaam. Rais Kagame amekuja nchini kwa ziara ya kikazi ya siku moja. Rais wa Jamhuri ya Rwanda, Mhe. Paul Kagame akisisitiza jambo mbele ya waandishi wa habari kuhusu mazungumzo baina yake na mwenyeji wake Rais wa Jamhuri ya Muungano wa Tanzania, Mhe. Dkt. John Pombe Magufuli (kulia) leo Ikulu Jijini Dar es Dar es Salaam. Rais Kagame amekuja nchini kwa ziara ya kikazi ya siku moja. Baadhi ya Viongozi wa Serikali waliokuwa Ikulu kushiriki katika ziara ya Rais wa Rwanda, Mhe. Paul Kagame. Baadhi ya viongozi wakifuatilia mkutano wa Marais Dkt. John Pombe Magufuli wa Tanzania na Mhe. Paul Kagame wa Rwanda mara baada ya kumaliza mazungumzo yao Ikulu Jijini Dar es Salaam. Rais wa Jamhuri ya Muungano wa Tanzania, Mhe. Dkt. John Pombe Magufuli akipeana mikono na mgeni wake Rais wa Jamhuri ya Rwanda, Mhe. Paul Kagame leo Ikulu Jijini Dar es Dar es Salaam. Rais Kagame amekuja nchini kwa ziara ya kikazi ya siku moja.

Balozi Mteule wa Australia awasilisha Nakala za Hati za Utambulisho

Waziri wa Mambo ya Nje na Ushirikiano wa Afrika Mashariki, Balozi Dkt. Augustine Mahiga akisalimiana na Balozi Mteule wa Australia nchiniTanzania mwenye makazi yake Nairobi, Kenya, Mhe. Alison Chartres kabla ya kuwasilisha Nakala za Hati za Utambulisho.

Balozi Mteule wa Australia nchiniTanzania mwenye makazi yake Nairobi, Kenya, Mhe. Alison Chartres akiwasilisha Nakala za Hati za Utambulisho kwa Waziri wa Mambo ya Nje na Ushirikiano wa Afrika Mashariki, Balozi Dkt. Augustine Mahiga jijini Dar Es Salaam leo.

Waziri wa Mambo ya Nje na Ushirikiano wa Afrika Mashariki, Balozi Dkt. Augustine Mahiga akiwa katika mazungumzo na Balozi Mteule wa Australia nchiniTanzania mwenye makazi yake Nairobi, Kenya, Mhe. Alison Chartres mara baada ya zoezi la kwasilisha Nakala za Hati za Utambulishokukamilika.

Mazungumzo yanaendelea.