SERIKALI IPO TAYARI KUPOKEA MAPENDEKEZO YA KUFANIKISHA MPANGO WA BIMA YA AFRYA KWA WOTE, WAZIRI MKUU

Serikali imewahakikishia wananchi kuwa ina dhamira ya dhati ya kutekeleza mpango wa bima ya afya kwa wote, na kutoa wito kwa washiriki wa kongamano la mpango wa bima ya afya kwa wote na mdahalo wa kitaifa kuhusu ufadhili wa sekta ya afya kuja na mapendekezo yatakayosaidia kutimiza dhamira hiyo.

Hayo yamesemwa na Waziri Mkuu wa Jamhuri ya Muungano wa Tanzania, Mhe. Kassim Majaliwa Majaliwa (Mb) wakati anafungua matukio hayo mawili yanayofanyika katika Kituo cha Mikutano cha Kimataifa cha Arusha jijini Arusha Oktoba 30, 2024.

Matukio hayo yanayofanyika kwa siku nne hadi Novemba 1, 2024 yamekusanya wadau wa afya kutoka ndani na nje ya nchi ili kwa pamoja kujadili mikakati na mbinu bora zitakazoiwezesha Serikali kuwa na mipango endelevu ya kuhakikisha kuwa kila mwananchi, anakuwa na bima ya afya itakayomwezesha kupata matibabu bila kuangalia kipato chake.

Waziri Mkuu ambaye aliambatana na viongozi mbalimbali katika hafla hiyo ya ufunguzi, wakiwemo Waziri wa Afya, Mhe. Jenista Mhagama (Mb), Naibu Waziri wa Mambo ya Nje na Ushirikiano wa Afrika Mashariki anayeshughulikia masuala ya Afrika Mashariki, Mhe. Denis Londo (Mb) na viongozi wa mkoa wa Arusha, amesema kuwa Serikali imejiandaa vyema kutekeleza mpango wa bima ya afya kwa wote kwa kufanya uwekezaji mkubwa katika sekta ya afya.

Imeelezwa kuwa tokea aingie madarakani, Rais Samia Suluhu Hassan, jumla ya trillion 6.2 zimeelekezwa katika sekta ya afya. Fedha hizo zimetumika kujenga miundombinu kuanzia ngazi ya msingi hadi taifa, ununuzi wa vifaa tiba na kuwapatia ujuzi na elimu watumishi wa sekta ya afya.

Umetolewa mfano kuwa wakati Rais Samia anaingia madarakani, nchi ilikuwa na upungufu wa madaktari bingwa 2989, lakini kwa kipindi cha miaka mitatu tu, kupitia Ufadhili wa Mama Samia (Samia Scholarships), madaktari bingwa 1485 wamesomeshwa na kupunguza upungufu huo kwa takribani nusu.

Mhe. Waziri Mkuu amesema uwepo wa madaktari hao, ujenzi wa hospitali za ngazi mbalimvali pamoja na ununuzi wa vifaa vya kisasa umeiwezesha nchi kuwa na uwezo wa kufanya tiba za kibingwa kama vile upandikizaji wa figo, uboho, mimba na vifaa vya kusikia ambapo awali tiba hizo zilikuwa zinapatikana nje ya nchi.

Eneo lingine ambalo Serikali imeliimaalisha ni upatikanaji wa dawa katika ngazi zote kuanzia zahanati hadi hospitali za rufaa. Imeelezwa kuwa upatikanaji huo unatofautiana ambapo unaanzia asilimia 75 katika zahanati hadi 98 kwa hospitali za rufaa. Bohari Kuu ya Dawa imejenga vituo kila kanda na baadhi ya halimashauri ili kurahisisha usambazaji wa dawa katika maeneo husika.

Waziri Mkuu amesema kuwa uwekezaji katika sekta ya afya umepunguza vifo kwa asilimia 20 hadi 30 na matarajio ni kwamba mpango wa bima ya afya kwa wote utakapokamilika utapunguza zaidi vifo nchini.

Waziri Mkuu alihitimisha hotuba yake kwa kutoa maelekezo mbalimbali ikiwa ni pamoja na Wizara ya Afrya kutoa elimu kwa wananchi kuhusu umuhimu wa bima ya afya kwa wote, ili itakapoanza kusiwe na mtu atakayeachwa nyuma.   

Awali, Mhe. Naibu Waziri Londo alisema kuwa kufanyika kwa mdahalo wa kitaifa kuhusu ufadhili wa sekta ya afya ni utekelezaji wa maagizo ya Baraza la Kisekta la Mawaziri wa Afya la Jumuiya ya Afrika Mashariki, waliyoyatoa wakati wa mkutano wao uliofanyika jijini Dar Es Salaam mwezi Mei 2024. Aidha, ameongeza kuwa mdahalo huo ni mwendelezo wa vita vilivyoasisiwa na waasisi wa taifa hili dhidi ya maadui wakubwa watatu ambao ni maradhi, umasikini na ujinga,

Matukio hayo yamehudhuriwa na wadau wa maendeleo na nchi marafiki kama vile Shirika la Afya Duniani, Mfuko wa Afya, Shirika la Maendeleo la Korea (KOICA), Jamhuri ya Korea, Indonesia, Rwanda ambao wameahidi kuwa watashirikiana na Serikali ya Tanzania katika safari yake ya kufikia bima ya afya kwa kila mwananchi.

Waziri Mkuu wa Jamhuri ya Muungano wa Tanzania, Mhe. Kassim Majaliwa Majaliwa (Mb) akiwasilisha hotuba kwa washiriki wa kongamano la Mpango wa Bima ya Afya kwa Wote na Mdahalo wa Kitaifa kuhusu Ufadhili katika sekta ya afya katika Kituo cha Kimataifa cha Mikutano cha Arusha jijini Arusha Oktoba 30, 2024.

Waziri wa Afya, Mhe. Jenista Mhagama (Mb) akitoa neno kabla ya kumkaribisha Waziri Mkuu wa Jamhuri ya Muungano wa Tanzania, Mhe. Kassim Majaliwa Majaliwa (Mb) kutoa hotuba ya ufunguzi katika kongamano la Mpango wa Bima ya Afya kwa Wote na Mdahalo wa Kitaifa kuhusu Ufadhili katika sekta ya afya katika Kituo cha Kimataifa cha Mikutano cha Arusha jijini Arusha Oktoba 30, 2024.

Naibu Waziri wa Mambo ya Nje na Ushirikiano wa Afrika Mashariki anayeshughulikia masuala ya Afrika Mashariki, Mhe. Denis Londo (Mb) akitoa neno katika kongamano la Mpango wa Bima ya Afya kwa Wote na Mdahalo wa Kitaifa kuhusu Ufadhili katika sekta ya afya katika Kituo cha Kimataifa cha Mikutano cha Arusha jijini Arusha Oktoba 30, 2024.

Naibu Waziri wa Mambo ya Nje na Ushirikiano wa Afrika Mashariki anayeshughulikia masuala ya Afrika Mashariki, Mhe. Denis Londo wakiteta jambo na Mkurugenzi Mtendaji wa Kituo cha Kimataifa cha Mikutano cha Arusha, Bi. Christine Mwakatobe

Naibu Waziri wa Mambo ya Nje na Ushirikiano wa Afrika Mashariki anayeshughulikia masuala ya Afrika Mashariki, Mhe. Denis Londo (katikati) na Mkurugenzi Mtendaji wa Kituo cha Kimataifa cha Mikutano cha Arusha, Bi. Christine Mwakatobe (wa pili kushoto) wakiwa na watumisha wa Wizara ya Mambo ya Nje na Ushirikiano wa Afrika Mashariki wanaoshiriki  kongamano la Mpango wa Bima ya Afya kwa Wote na Mdahalo wa Kitaifa kuhusu Ufadhili katika sekta ya afya

Waziri Mkuu wa Jamhuri ya Muungano wa Tanzania, Mhe. Kassim Majaliwa Majaliwa (Mb) akiwa katika picha ya pamoja na Kamati ya maandalizi ya kongamano la Mpango wa Bima ya Afya kwa Wote na Mdahalo wa Kitaifa kuhusu Ufadhili katika sekta ya afya katika Kituo cha Kimataifa cha Mikutano cha Arusha jijini Arusha Oktoba 30, 2024.

Mkurugenzi wa Miundombinu ya Uchumi na Huduma za Jamii katika Wizara ya Mambo ya Nje na Ushirikiano wa Afrika Mashariki, Mhandisi Abdillah Mataka akifuatilia hotuba mbalimbali wakati wa ufunguzi wa kongamano la Mpango wa Bima ya Afya kwa Wote na Mdahalo wa Kitaifa kuhusu Ufadhili katika sekta ya afya katika Kituo cha Kimataifa cha Mikutano cha Arusha jijini Arusha Oktoba 30, 2024.

Hadhira ikifuatilia

Washiriki mbalimbali wakifuatilia kongamano la Mpango wa Bima ya Afya kwa Wote na Mdahalo wa Kitaifa kuhusu Ufadhili katika sekta ya afya katika Kituo cha Kimataifa cha Mikutano cha Arusha jijini Arusha Oktoba 30, 2024.

 

TANZANIA NA CUBA ZASISITIZA KUKUZA USHIRIKIANO WA KIMKAKATI

 

Serikali ya Tanzania na Cuba zimesisitiza kukuza ushirikiano wa kimkakati ili kuendelea kuimarisha ushirikiano wa kihistoria na kindugu ulioasisiwa na waasisi wa mataifa hayo mawili Baba wa Taifa Hayati, Mwalimu Julius Kambarage Nyerere wa Tanzania  na Hayati, Fidel Castor Ruz wa Cuba.

 

Msisitizo huo umetolewa wakati wa Mkutano wa Kwanza wa Tume ya Pamoja ya Ushirikiano kati ya Tanzania na Cuba uliofanyika kwa njia ya mtandao tarehe 30 Oktoba 2024 katika Kikao cha Ngazi ya Wataalamu ambapo ujumbe wa Tanzania ulishiriki kikao hicho katika Ofisi Ndogo za Wizara ya Mambo ya Nje na Ushirikiano wa Afrika Mashariki Jijini Dar es Salaam.

 

Akizungumza katika ufunguzi wa mkutano huo Mkurugenzi Msaidizi Idara ya Ulaya na Amerika, Bi. Naomi Mpemba kwa niaba ya Katibu Mkuu Wizara ya Mambo ya Nje na Ushirikiano wa Afrika Mashariki, Balozi Dkt. Samwel Shelukindo, ameeleza kuwa na imani na wajumbe wa mkutano huo na kwamba Tanzania ipo tayari kushirikiana kwa dhati na Cuba kwa ajili ya maendeleo endelevu na ustawi wa nchi hizo mbili.

 

Aidha, ameeleza kuwa kufanyika kwa mkutano huo ni matokeo ya ziara ya Makamu wa Rias wa Jamhuri ya Cuba, Mhe. Salvador Valdés Mesa nchini mwezi Januari, 2024 ambapo alikubaliana masuala mbalimbali ya ushirikiano na mwenyeji wake Makamu wa Rais wa Jamhuri ya Muungano wa Tanzania, Mhe. Dkt. Philip Isdor Mpango na kuelekeza kufanyika kwa Mkutano wa Tume ya Pamoja ya Ushirikiano kati ya Tanzania na Cuba.

 

‘’Mkutano huu ni ushahidi tosha wa nia thabiti waliyonayo viongozi wetu na sisi wataalamu katika kukuza ushirikiano wa kidiplomasia na kiuchumi kwa kuweka mfumo rasmi wa ufuatiliaji wa masuala mbalimbali ya utekelezaji na kujitathmini mara kwa mara’’ alieleza Bi. Mpemba.

 

Ushirikiano kati ya Tanzania na Cuba licha ya kuwa imara kisiasa na kidiplomasia, pia umekuwa ngao muhimu ya kufungua fursa mbalimbali katika sekta muhimu kama vile: afya, elimu, utalii, biashara, uwekezaji na utafiti. Kadhalika ushirikiano huu umerasimishwa kwa Mikataba na Hati za Makubaliano ya Ushirikiano zenye taratibu za kisheria zilizopelekea kupatikana kwa fursa za ufadhili wa masomo, teknolojia mpya, mafunzo ya udaktari na kushirikishana pamoja utaalamu katika maeneo tofauti.

 

Hata hivyo, ameleeza kuwa bado kuna fursa mbalimbali katika ushirikiano wa Tanzania na cuba zinazohitaji kuwekewa mikakati ya kuzikuza na kuziimarisha kwa kuongeza maeneo mapya ya ushirikiano.

 

Naye Kiongozi wa Ujumbe wa Kikao cha Wataalam na Mkurugenzi Mkuu wa Masuala ya Ushirikiano wa Uwili katika Wizara ya Mambo ya Nje ya Jamhuri ya Cuba, Balozi Carlos Hernandez ameeleza kuwa na matumaini na kikao hicho kuwa cha mafanikio kwa ustawi wa pande zote mbili na kusisitiza umuhimu wa kufanyika majadiliano ya kina na ya mafanikio katika kuimarisha ushirikiano wa kimkakati.

 

‘’ Kwa kile kidogo tulicho nacho tupo tayari kushirikiana na Serikali ya Tanzania katika kujenga uwezo na kutoa ujuzi hususan katika masuala ya teknolojia kwa maendeleo na ustawi wa pande zote mbili’’ alisema Balozi Hernandez.

 

Kikao hiki pamoja na masuala mengine kimejadili kukuza ushirikiano katika maeneo ya kimkakati kati ya Tanzania na Cuba ikiwemo ushirikiano katika sekta ya afya, kilimo na uzalishaji wa chakula, elimu na masuala ya utamaduni na michezo. Aidha, kikao hicho cha watalaamu ni maandalizi ya Mkutano wa Pamoja wa Mawaziri wa Tanzania na Cuba utakaofanyika tarehe 4 Novemba, 2024 jijini Havana, Cuba.

 

Kikao cha Ngazi ya Wataalamu pia kimehudhuriwa na Balozi wa Jamhuri ya Muungano wa Tanzania nchini Cuba, Mhe. Humprey Polepole na Balozi wa Cuba nchini, Mhe. Yordenis Despaigne Vera.

 

Tanzania na Cuba zilianzisha ushirikiano wa kidiploamsia mwaka 1962 mara baada ya uhuru wa Tanzania na mwaka 1986 zilisaini Hati za Makubaliano ya Ushirikiano ya kuanzisha Tume ya Pamoja ya Ushirikiano katika uchumi, sayansi na ushirikiano katika masuala ya kitaalamu.

Kushoto ni Mkurugenzi Msaidizi Idara ya Ulaya na Amerika, Bi. Naomi Mpemba kwa niaba ya Katibu Mkuu Wizara ya Mambo ya Nje na Ushirikiano wa Afrika Mashariki, Balozi Dkt. Samwel Shelukindo, akifungua kikao cha Tume ya Pamoja ya Ushirikiano kati ya Tanzania na Cuba kilichafanyika kwa njia ya mtandao tarehe 30 Oktoba, 2024 katika ngazi ya wataalamu. Pembeni yake ni Mfamasia Mkuu wa Serikali, Bw. Daudi Msasi.

Ujumbe wa Tanzania ukifuatilia kikao

WANANCHI WA BOTSWANA WAPIGA KURA KWA AMANI NA UTULIVU

 

 

 

Mkuu wa Misheni ya Uangalizi uchaguzi Mkuu ya SADC (SEOM) Mhe. Mizengo  akiwa na wajumbe wa SEOM wakiangalia moja ya sanduku la kuwekea karatasi za kupigia kura  katika kituo cha Taasisi ya sayansi ya Afya alipotembelea kituo hicho kabla ya zoezi la kupiga kura kuanza jijini Gaborone tarehe 30 Oktoba, 2024

Mkuu wa Misheni ya Uangalizi uchaguzi Mkuu ya SADC (SEOM) Mhe. Mizengo  akiwa katika chumba cha kupigia kura akiangalia zoezi hilo lilivyoendelea  katika kituo cha kupigia kura alipotembelea kituo hicho jijini Gaborone tarehe 30 Oktoba, 2024

 

Mkuu wa Misheni ya Uangalizi Uchaguzi Mkuu wa Botswana wa SADC( SEOM) Mhe. Mizengo Pinda akiangalia mmoja wa wapiga kura wenye uhitaji maalum akipokea karatasi ya kupigia kura huku asaidiwa na mmoja wa watu waliokuwa katika kituo hicho kutekeleza haki yake katika moja ya kituo cha kupiga kura alipotembelea  kuangalia zoezi linaendaje katika Uchaguzi Mkuu wa Botswana  tarehe 30 Oktoba, 2024

Mkuu wa Misheni ya Uangalizi Uchaguzi Mkuu wa Botswana wa SADC (SEOM) Mhe. Mizengo Mhe. Pinda akisalimiana na Rais wa zamani wa Botswana Mhe. Festus Mogae alipokutana naye katika kituo cha kupigia kura alipotembelea kituo hicho kuangalia upigaji kura unavyoendeshwa  tarehe 30 Oktoba, 2024

Wananchi wa Botswana wakiwa nje ya kituo cha kupigia kura wakisubiri kuingia ndani ya  kituo hicho kupiga kura zao kuchagua wabunge na wenyeviti wa mabaraza ya serikali za mitaa katika uchaguzi mkuu wa Botswana uliofanyika tarehe 30 Oktoba, 2024

 

Mkuu wa Misheni ya Uangalizi uchaguzi Mkuu ya SADC (SEOM) Mhe. Mizengo  akiwa na wajumbe wa SEOM wakiwa nje ya kituo cha kupiga kura baada ya kuangalia zoezi la kupiga kura lilivyokuwa likiendelea

 

Mkuu wa Misheni ya Uangalizi Uchaguzi Mkuu wa Botswana wa SADC (SEOM) Mhe. Mizengo Pinda akiwa na   Rais wa zamani wa Nigeria na  Mkuu wa Misheni ya uangalizi ya Umoja wa Afrika (AU EOM) Mhe. Goodluck Jonathan walipokutana katika moja ya kituo cha kupigia kura jijini Gaborone Botswana tarehe 30 Oktoba, 2024

Mkuu wa Misheni ya Uangalizi Uchaguzi Mkuu wa Botswana wa SADC (SEOM) Mhe. Mizengo Pinda katika picha ya pamoja na  

 Rais wa zamani wa Nigeria na  Mkuu wa Misheni ya uangalizi ya Umoja wa Afrika (AU EOM) Mhe. Goodluck Jonathan (katikati) na Naibu Katibu Mkuu Wizara ya Mambo ya Nje na Ushirikiano wa Afrika Mashariki Balozi Said Shaib Mussa walipokutana katika moja ya kituo cha kupigia kura jijini Gaborone Botswana tarehe 30 Oktoba, 2024

Rais wa zamani wa Nigeria na  Mkuu wa Misheni ya uangalizi ya Umoja wa Afrika (AU EOM) Mhe. Goodluck Jonathan (katikati) akizungumza na Mkuu wa Misheni ya Uangalizi Uchaguzi Mkuu wa Botswana wa SADC (SEOM) Mhe. Mizengo Pinda (kulia) walipokutana katika moja ya kituo cha kupigia kura jijini Gaborone Botswana tarehe 30 Oktoba, 2024

Wananchi wa Botswana leo tarehe 30 Oktoba 2024 wamepiga kura kuchagua wabunge watakaounda Bunge la 13 la nchi hiyo na wenyeviti wa Serikali za mitaa ambao wataongoza nchi hiyo kwa kipindi cha miaka mitano ijayo.

Mkuu wa Misheni ya Uangalizi wa Uchaguzi ya Jumuiya ya Maendeleo Kusini mwa Afrika (SADC-SEOM) Mhe. Mizengo Pinda na timu yake wametembelea vituo vitatu vya kupigia kura katika jiji la Gaborone na vituo viwili katika kijiji cha   Mochudi kujionea hali ya upigaji kura inavyoendelea.

Jumla ya Viti 61 vya ubunge na vinagombewa na wagombea kutoka vyama vinne vya siasa vya Botswana Democratic Party (BDP); Umbrella for Democratic Change (UDC); Botswana Congress Party (BCP) na Botswana Patriotic Front (BPF) ambapo Viti 609 vya mabaraza ya Serikali za mitaa vinagombewa na vyama mbalimbali vya siasa na wagombea binafsi ambao wamekidhi vigezo vilivyowekwa na Tume Huru ya Uchaguzi nchini humo (IEC).

Uchaguzi mkuu wa Botswana umeshuhudiwa na waangalizi wa kimataifa kutoka wa Misheni za Umoja wa Afrika (AUEOM) iliyoongozwa na Rais wa Mstaafu wa Nigeria, Mhe. Goodluck Jonathan, Misheni ya Uangalizi wa Uchaguzi wa Jumuiya ya Maendeleo Kusini mwa Afrika (SADC-SEOM) iliyoongozwa na Waziri Mkuu wa Zamani wa Jamhuri ya Muungano wa Tanzania, Mhe. Mizengo Pinda, Misheni ya Uangalizi wa Uchaguzi ya Jumuiya ya Madola iliyoongozwa na Mhe. Gideon Moi, na Jukwaa la Tume za Uchaguzi kutoka nchi za SADC lililoongozwa na Mwenyekiti wa Tume Huru ya Uchaguzi Tanzania (INEC), Mhe. Jaji Jacob Mwambegele.  

Sambamba na hilo, uchaguzi huo umeshuhudiwa na Ubalozi wa Marekani, Japan, Indonesia, Namibia na waangilizi kutoka katika taasisi mbalimbali zinazoshughulikia masuala ya siasa kutoka nchini humo.

Misheni hizo zimewapongeza wananchi wa Botswana kwa kuendesha shughuli za uchaguzi kwa amani na usalama katika siku ya uchaguzi mkuu ambapo waangalizi hao wameshuhudia idadi kubwa ya wapiga kura ikiwa imejitokeza kupiga kura katika hali ya amani na usalama katika jiji la Gaborone.

Kwa mujibu wa utaratibu wa uchaguzi nchini humo chama kitakachopata zaidi ya viti 31 vya Bunge ndicho kitakachotoa Rais ambaye ataunda Serikali itakayoongoza nchi hiyo kwa kipindi cha miaka mitano ijayo.

MAFANIKIO YA RAIS SAMIA KATIKA SEKTA YA AFYA YALETA HAMASA KWENYE MKUTANO WA MERCK FOUNDATION

Mafanikio ya Rais wa Jamhuri ya Muungano wa Tanzania Mheshimiwa Dkt. Samia Suluhu Hassan katika sekta ya afya yamewavutia wabia wa maendeleo katika sekta hiyo kuwekeza zaidi nchini, ili kuongeza upatikanaji wa huduma bora za afya na kukuza maendeleo ya Taifa. 

Hayo jamejili leo tarehe 29 Oktoba 2024 kwenye Mkutao wa 11 wa Taasisi ya Merck Foundation Africa Asia Luminary unaoendelea katika Hoteli ya Johari Rotana jijini Dar es Salaam ambao umefunguliwa na Mheshimiwa Rais Dkt. Samia.

Mkutano huo uliofanyika Tanzania kwa mara ya kwanza umewakutanisha wadau wa Afya, Wenza wa Marais kutoka Mataifa 15 ya Afrika na Asia, Wawakilishi kutoka taasisi za kimataifa, Wanadiplomasia, waandishi wa habari na Wanataaluma mbalimbali kwa lengo la kubadilishana uzoefu, kujadili na kutafuta suluhu dhidi ya changamoto mbalimbali za afya na kijamii zinazokabili bara la Afrika na Asia. 

Wenza hao 15 wa Marais wanatoka; Zanzibar, Burundi, Kenya, Jamhuri ya Afrika ya Kati, Jamhuri ya Kidemokrasia ya Congo, Gabon, Ghana, Liberia, São Tomé and Príncipe, Malawi, Maldives, Zimbabwe, Msumbiji, Cabo Verde na Gambia. 

Akifungua mkutano Rais Samia amesema Serikali imefanya maboresha makubwa katika sekta ya afya ikiwemo uboreshaji wa mifumo ya utoaji wa huduma za afya ikijumuisha ongezeko la vituo vya afya, vifaa tiba na kuimarika kwa huduma bora za afya za mama na mtoto.

“Nikiwa kama Mwanamke na Mama nimefanya kazi kubwa kwa kushirikiana na wadau katika kuboresha mifumo ya matibabu na utoaji wa elimu kwa umma ili kupiga vita ongezeko la magojwa katika jamii ikiwemo magonjwa yasiyo ambukiza” Alisema Mhe. Rais Samia. 

Rais Samia ameeleza kuwa juhudi hizo zilizofanywa na Serikali zimeleta mapinduzi makubwa katika sekta ya afya ikiwemo kupunguza vifo vinavyotokana na uzazi na upatikanaji wa huduma bora za afya katika jamii. 

Aidha Rais Samia ameishukuru Taasisi ya Merck Foundation kwa kufadhili miradi mbalimbali inayochangia kuboresha huduma za afya kwa mwanawake na kutoa mafunzo stahiki kwa watumishi katika sekta ya afya hatua ambayo imewezesha kuimarisha sekta za hiyo kwa nchi za Afrika na Asia. 

Kwa upande wake Mtendaji Mkuu wa Merck Foundation Dkt. Rasha Kelej amemwelezea Rais Samia kuwa ni Kiongozi mahiri Mwanamke na mwenye ushawishi duniani kutokana juhudi zake za kuibua na kutetea agenda zinazowezesha kutatua changamoto mbalimbali zinazowakabili wanawake kitaifa na kimatiafa. 

“Tumefarijika na kuvutiwa na namna Tanzania imepiga hatua kubwa katika kuboresha sekta ya afya, elimu, kuwezesha wanawake kiuchumi na mapambano dhidi ya ukatili wa kijinsia. Hii imetupa hamasa kubwa ya kuendelea kushirikiana na Tanzania kwa kutanua uwigo wa huduma zetu hapa nchini ili kuhakikisha jamii ya Tanzania inapata maendeleo endelevu.” Alisema Dkt. Rash 

Awali Waziri wa Maendeleo ya Jamii, Jinsia, Wanawanake na Makundi Maalumu Mhe. Dkt. Dorothy Gwajima ameeleza kuwa Serikali imeweka mazingira mazuri ya kisera na kisheria katika kukuza usawa wa kijinsia na uwezeshaji wa wanawake na wasichana. Amebainisha kuwa mazingira hayo yamechangiwa na Sera ya Taifa ya Jinsia na Maendeleo ya Wanawake ya mwaka 2023, uanzishwaji wa Programu madhubuti za Elimu kwa Wasichana na Uwezeshaji Wanawake Kiuchumi kupitia mikopo na mafunzo ya ujuzi wa biashara. 

Mkutano huo wa siku mbili wa Merck Foundation ambao unatarajiwa kuhitimishwa kesho tarehe 30 Oktoba 2024 umehudhuriwa na washiriki takriban 6000 kutoka nchi zaidi ya 50 duniani. 

Rais wa Jamhuri ya Muungano wa Tanzania Mheshimiwa Dkt. Samia Suluhu Hassan akifungua Mkutano wa 11 wa Merck Foundation Africa Asia Luminary katika hoteli ya Johari Rotana Jijini Dar es Salaam tarehe 29 Oktoba, 2024.

Sehemu ya Wenza wa Wakuu wa nchi mbalimbali Barani Afrika wakifuatilia Mkutano wa 11 wa Merck Foundation Africa Asia Luminary uliokuwa ukiendelea katika hoteli ya Johari Rotana Jijini Dar es Salaam tarehe 29 Oktoba 2024.

Mkutano ukiendelea

Naibu Waziri wa Mambo ya Nje na Ushirikiano wa Afrika Mashariki Mhe. Cosato Chumi (Mb.) akisalimiana na wageni mbalimbali kwenye Mkutano wa 11 wa Merck Foundation Africa Asia Luminary uliofanyika katika hoteli ya Johari Rotana Jijini Dar es Salaam

Mwenza wa Rais wa Zanzibar na Mwenyekiti wa Baraza la Mapinduzi Mhe. Mama Mariam Mwinyi akifurahia jambo kwenye Mkutano wa 11 wa Merck Foundation Africa Asia Luminary uliofanyika katika hoteli ya Johari Rotana Jijini Dar es Salaam.

Sehemu ya Wenza wa Wakuu wa nchi mbalimbali Barani Afrika wakifuatilia Mkutano wa 11 wa Merck Foundation Africa Asia Luminary uliokuwa ukiendelea katika hoteli ya Johari Rotana Jijini Dar es Salaam tarehe 29 Oktoba 2024.

Mkurugenzi Mtendaji wa Taasisi ya Merck Foundation Dkt. Rasha Kelej akizungumza kwenye hafla ya ufunguzi wa Mkutano wa 11 wa Merck Foundation Africa Asia Luminary uliofanyika katika hoteli ya Johari Rotana Jijini Dar es Salaam.

Sehemu ya Mabalozi wa Tanzania wanaoiwakilisha nchi sehemu mbalimbali wakifuatilia Mkutano wa 11 wa Merck Foundation Africa Asia Luminary uliofanyika katika hoteli ya Johari Rotana Jijini Dar es Salaam.

Mwanza wa Makamu wa Rais wa Jamhuri ya Muungano wa Tanzania Mhe.  Mama Mbonimpaye Mpango kwenye Mkutano wa Mkutano wa 11 wa Merck Foundation Africa Asia Luminary uliofanyika katika hoteli ya Johari Rotana Jijini Dar es Salaam.

Mkurugenzi wa Mawasiliano katika Wizara ya Mambo ya Nje na Ushirikiano wa Afrika Mashariki kwenye Mkutano wa 11 wa Merck Foundation Africa Asia Luminary uliofanyika katika hoteli ya Johari Rotana Jijini Dar es Salaam.

Mwenza wa Rais wa Jamhuri ya Ghana Mhe. Mama Rebecca Victoria Akufo-Addo akiwasalimia washiriki wa Mkutano wa 11 wa Merck Foundation Africa Asia Luminary uliofanyika katika hoteli ya Johari Rotana Jijini Dar es Salaam.

Mwenza wa Rais wa Jamhuri ya Kenya Mhe. Mama Rachel Ruto akiwasalimia washiriki wa Mkutano wa 11 wa Merck Foundation Africa Asia Luminary uliofanyika katika hoteli ya Johari Rotana Jijini Dar es Salaam.

Mwenza wa Rais wa Jamhuri ya Maldives Mhe. Mama Sajidha Mohamed akiwasalimia washiriki wa Mkutano wa 11 wa Merck Foundation Africa Asia Luminary uliofanyika katika hoteli ya Johari Rotana Jijini Dar es Salaam.

Mkutano ukiendelea

RAIS SAMIA WATAKIA HERI WANANCHI WA BOTSWANA KATIKA UCHAGUZI WA TAREHE 30 OKTOBA, 2024

 TAARIFA YA MHESHIMIWA DKT. SAMIA SULUHU HASSAN, RAIS WA JAMHURI YA MUUNGANO WA TANZANIA, NA MWENYEKITI WA ASASI YA SIASA, ULINZI NA USALAMA YA JUMUIYA YA MAENDELEO KUSINI MWA AFRIKA (SADC - ORGAN) KUHUSU UCHAGUZI MKUU WA JAMHURI YA BOTSWANA TAREHE 30 OKTOBA, 2024.

 

 

MHE. PINDA , SEOM WAKUTANA NA MACHIFU WA BOTSWANA

Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda, akisalimiana na Kiongozi wa Machifu wa Botswana Chifu Gaborone wa kabila la Batlokwa walipokutana jijini Gaborone tarehe 27 Oktoba, 2024

 

Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda, akisalimiana na Kiongozi wa Machifu wa Botswana Chifu Gaborone wa kabila la Batlokwa walipokutana jijini Gaborone tarehe 27 Oktoba, 2024

 

 

 

 

Kiongozi wa Machifu wa Botswana Chifu Gaborone wa kabila la Batlokwa akizungumza na Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda na ujumbe wake (hawako pichani) walipokutana jijini Gaborone tarehe 27 Oktoba, 2024

 

Kiongozi wa Machifu wa Botswana Chifu Gaborone wa kabila la Batlokwa akizungumza na Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda na ujumbe wake (hawako pichani) walipokutana jijini Gaborone tarehe 27 Oktoba, 2024

 

 Baadhi ya Machifu wa Botswana wakifuatilia kikao chao na Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda na ujumbe wake (hawako pichani) walipokutana jijini Gaborone tarehe 27 Oktoba, 2024

 

mmoja wa Machifu wa Botswana akizungumza  kikao cha machifu  na Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda na ujumbe wake (hawako pichani) walipokutana jijini Gaborone tarehe 27 Oktoba, 2024

 

 Kiongozi wa wa Chama cha Real Alternative Bw.  Gaontebale Mokgosi akizungumza  kikao cha machifu  na Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda na ujumbe wake (hawako pichani) walipokutana jijini Gaborone tarehe 27 Oktoba, 2024

 Kiongozi wa wa Chama cha Real Alternative Bw.  Gaontebale Mokgosi akizungumza  kikao cha machifu  na Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda na ujumbe wake (hawako pichani) walipokutana jijini Gaborone tarehe 27 Oktoba, 2024

Baadhi ya Machifu wa Botswana katika picha ya pamoja na Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda na ujumbe wake (hawako pichani) walipokutana jijini Gaborone tarehe 27 Oktoba, 2024

Kiongozi wa Machifu wa Botswana Chifu Gaborone wa kabila la Batlokwa akizungumza na Naibu Katibu Mkuu Wizara ya Mambo ya Nje na Ushirikiano wa Afrika Mashariki Balozi Said Shaib Mussa huku Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda akiwaangalia walipokutana jijini Gaborone tarehe 27 Oktoba, 2024

 

Kiongozi wa wa Chama cha Real Alternative Bw.  Gaontebale Mokgosi (wapili kulia waliokaa) katika picha ya pamoja na Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda na ujumbe wake (hawako pichani) walipokutana jijini Gaborone tarehe 27 Oktoba, 2024

 

 

Mkuu wa Misheni ya Uangalizi wa Uchaguzi ya Jumuiya ya Maendeleo ya Kusini mwa Afrika (SADC-SEOM) Mhe. Mizengo Pinda, amekutana na kuzungumza na machifu kutoka koo mbalimbali za nchini Botswana katika kikao kilichofanyika jijini Gaborone tarehe 27 Oktoba 2024 ikiwa ni sehemu ya vikao ambavyo SEOM imekuwa ikifanya na wadau mbalimbali wa uchaguzi nchini humo.

 

Mhe. Pinda ametumia kikao hicho kuwajulisha machifu hao kuhusiana na kazi ya uangalizi wa uchaguzi mkuu wa Botswana kuanzia maandalizi, mwenendo wake na jinsi mambo yalivyo wakati huu wa uchaguzi ikiwa ni kutekeleza jukumu la Uangalizi kwa kuzingatia misingi na miongozo ya uchaguzi wa kidemokrasia iliyowekwa na SADC.

 

Aliwaambia machifu hao kuwa SEOM imekuwa ikikutana na wadau mbalimbali na  kuzungumza nao moja kwa moja na hivyo kupata picha halisi ya jinsi mwenendo na maandalizi ya uchaguzi huo yalivyo na kuongeza kuwa SEOM imepeleka waangalizi wake katika majimbo yote ya uchaguzi ili kuangalia hali inavyokwenda, itakavyokuwa siku ya uchaguzi na baada ya uchaguzi.

 

Akizungumza katika kikao hicho Kiongozi wa Machifu wa Botswana Chief Gaborone toka kabila la Batlokwa alisema wao kama machifu wana jukumu la kuhakikisha koo zao hazigawanyiki licha ya kuwa wananchi wao ni wafuasi wa vyama vya siasa na kwa kufanya hivyo  amani na usalama vitaendelea kuwepo katika maeneo yao.

 

Alisema wao wakiwa viongozi wa kimila na kijadi nchini humo wana wajibu wa kuwahimiza wananchi kushiriki katika michakato ya siasa ili waweze kuchagua viongozi wa kisiasa ambao wataongoza nchi kwa kipindi husika.

 

Amesema wao sio wanasiasa ila wanashirikiana na viongozi serikali kuhakikisha wananchi wanashiriki kikamilifu katika shughuli za siasa kwa kufuata sheria, kanuni, taratibu na miongozo iliyopo akitolea mfano wa Tume Huru ya Uchaguzi ya Botswana ilivyowafuata na kuwajulisha juu ya juu ya kufanyika kwa zoezi la uandikishaji wapiga kura na kuwaomba kuwasaidia kufikisha ujumbe huo wa uandikishaji wapiga kura kwa wananchi kwenye maeneo yao.

 

Naye Chifu Lotlamoreng kutoka kabila la Barolong amesema kama chifu akitaka kujihusisha moja kwa moja na masuala ya siasa ni lazima aondoke katika kazi ya uchifu ili aweze kuwa huru kujihussiha na masuala ya siasa nchini humo.

 

Wamesema machifu hawajazuiwa kugombea nafasi za siasa ila wanatakiwa wajue kuwa ukiamua kugombea na kushiriki kama mgombea unatakiwa kuondoka katika ofisi ya chifu ili kuepuka mgogoro wa maslahi na sheria Sheria ya Machifu ya mwaka 2008 ambayo inawatambua machifu na Ofisi zao nchini Botswana.

 

Ameongeza kuwa katiba ya Botswana pia inatambua Ofisi ya Machifu na inawatambua machifu hao ambo wako zaidi ya 500 wakiwamo machifu wananwake ambao wanakaribia 100.

Katika mkutano mwingine, SEOM ilikutana na Kiongozi wa wa Chama cha Real Alternative Bw.  Gaontebale Mokgosi ambaye alionyesha wasiwasi kuhusu maandalizi ya uchaguzi huo ambayo yamefanywa na Tume Huru ya Uchaguzi (IEC), akitaja kuchelewa kwa uchapishaji wa karatasi za kupigia kura kama mfano wa mandalizi duni ya uchaguzi huo na wanadhani kuwa IEC haiko tayari kuendesha uchaguzi huru na wa na haki.

Chama hicho kilisisitiza umuhimu wa kuongeza utoaji wa elimu ya wapiga kura na kupendekeza kuwa IEC inapaswa kushirikiana kwa karibu na vyama vya siasa nchini Botswana ili kuhamasisha watu wengi zaidi kushiriki zoezi la kuandikisha wapiga kura na kujitokeza kupiga kura. Pia walisisitiza umuhimu wa ofisi ya ushirikiano wa vyama vya kisiasa kutakiwa kufanya kazi zaidi mwaka huu wa uchaguzi kinyume na ilivyokuwa kwakuwa ofisi hiyo ina jukumu muhimu la kuunganisha IEC, vyama vya kisiasa, na raia kwa ujumla.