TANZANIA MBIONI KUSAINI MKATABA WA ENEO HURU LA BIASHARA YA UTATU COMESA-EAC-SADC

Tanzania imeshiriki katika Mkutano wa Pili wa Dharura wa Baraza la Mawaziri la Utatu uliofanyika kwa njia ya video. Katika mkutano huo moja ya agenda ilikuwa nchi Wanachama kutoa taarifa kuhusu hatua iliyofikiwa katika kusaini na kuridhia mkataba wa kuanzishwa kwa Eneo Huru la Biashara ya Utatu ya COMESA-EAC-SADC. Katika mkutano huo Tanzania kupitia Waziri wa Ujenzi na Uchukuzi Mhe. Dkt. Leonard Chamuriho imeeleza kuwa ipo katika hatua za kusaini na kuridhia mkataba huo. 

Mkutano huo ulioitishwa kwa dharura pia ulilenga kupitia na kujadili rasimu ya mwongozo wa utatu wa usimamizi na ufuatiliaji wa uvukaji salama wa watu na bidhaa mipakani katika kipindi hiki cha Ugonjwa wa Virusi vya Korona (UVIKO-19). Jumuiya za COMESA, EAC na SADC baada ya kugundua kuwa nchi mbalimbali ziliaandaa miongozo ya kudhibiti maambukizi ya UVIKO-19 bila kuathiri uchumi na biashara iliamua kuratibu maandalizi ya miongozo ya kikanda ili kuondokana na changamoto za biashara baina ya nchi wanachama. Nchi wanachama zimekubaliana kuwa mkutano uitishwe tena baada ya wiki mbili ili kujadili agaenda hii na kufikia maamuzi ya pamoja.

Katika mkutano huo kwa upande wa Tanzania ulihudhuriwa na Waziri wa Afya Mhe. Dkt. Dorothy Gwajima, Naibu Waziri wa Mambo ya Nje na Ushirikiano wa Afrika Mashariki Mhe. William Ole Nasha, Naibu Waziri wa Katiba na Sheria Mhe.Geofrey Pinda Watendaji na Maafisa mbalimbali wa Serikali

Kutoka kulia ni Naibu Waziri wa Mambo ya Nje na Ushirikiano wa Afrika Mashariki Mhe. William Ole Nasha, Waziri wa Ujenzi na Uchukuzi Mhe. Dkt. Leonard Chamuriho, Waziri wa Afya Mhe. Dkt. Dorothy Gwajima na Naibu Waziri wa Katiba na Sheria Mhe.Geofrey Pinda wakifuatilia Mkutano wa Pili wa Dharura wa Baraza la Mawaziri la Utatu uliokuwa ukiendelea kwa njia ya video

Katibu Mkuu wa Wizara ya Mambo ya Nje na Ushirikiano wa Afrika Mashariki Balozi Brigedia Jenerali Wilbert A. Ibuge akifuatilia Mkutano wa Pili wa Dharura wa Baraza la Mawaziri la Utatu uliokuwa ukiendelea kwa njia ya video

Waziri wa Ujenzi na Uchukuzi Mhe. Dkt. Leonard Chamuriho akichangia jambo katika Mkutano wa Pili wa Dharura wa Baraza la Mawaziri la Utatu uliofanyika kwa njia ya video

Badhi ya Watumishi wa Serikali waliohudhuria Mkutano wa Pili wa Dharura wa Baraza la Mawaziri la Utatu uliokuwa ukiendelea kwa njia ya video wakifualia mjadala uliokuwa ukiendelea

Kutoka kulia ni Naibu Waziri wa Mambo ya Nje na Ushirikiano wa Afrika Mashariki Mhe. William Ole Nasha, Waziri wa Ujenzi na Uchukuzi Mhe. Dkt. Leonard Chamuriho, Waziri wa Afya Mhe. Dkt. Dorothy Gwajima na Naibu Waziri wa Katiba na Sheria Mhe.Geofrey Pinda wakifuatilia Mkutano wa Pili wa Dharura wa Baraza la Mawaziri la Utatu uliokuwa ukiendelea kwa njia ya video

Mkutano ukiendelea

 

BALOZI IBUGE: SIJARIDHISHWA NA MAENDELEO YA UJENZI WA MAJENGO CHUO CHA DIPLOMASI

 Na Mwandishi wetu,

Katibu Mkuu Wizara ya Mambo ya Nje na Ushirikiano wa Afrika Mashariki Balozi Brigedia Jenerali Wilbert Ibuge ameonesha kutoridhishwa na maendeleo ya ujenzi wa majengo ya mihadhara katika chuo cha Diplomasia na kumuagiza Mkandarasi anayetekeleza mradi huo kuzingatia thamani ya fedha, muda wa mkataba na ubora.

Balozi Ibuge ametoa maagizo kwa Mkandarasi huyo ambaye ni Kampuni ya Casco Construction pamoja na mshauri muelekezi Ask architects wakati alipotembelea mradi huo katika chuo cha Diplomasia leo jijini Dar es Salaam kusema kuwa endapo Mkandarasi hata fanya hivyo atakuwa amekiuka masharti ya mkataba na mkataba wake utasitishwa mara moja.

“Huu mradi ni mradi wenye maslahi ya Taifa majadiliano yaishe leo mkataba ulishaisha tangu mwezi Disemba 2020, hizi ni hela za walipa kodi…..nataka nione thamani halisi ya fedha [Value for Money] ya walipa kodi katika mradi huu, siatakubali kupoteza fedha za walipa kodi,” Amesema Balozi Ibuge

Katibu Mkuu ameuagizo pia uongozi wa chuo hicho kuhakikisha kuwa unasimamia ujenzi wa majengo hayo kwa karibu zaidi na umakini ili kuiwezesha serikali kupata thamani halisi ya fedha katika mradi huo wenye maslahi mapana ya Taifa.

Awalia akiongea na wahadhiri pamoja na wafanyakazi katika chuo hicho Balozi Ibuge amewataka wote kwa pamoja kuhakikisha kuwa wanatekeleza diplomasia ya uchumi kutokana na mabadiliko ya dunia.

“Najua mmeanzisha mitaala inayogusia masuala ya diplomasia ya uchumi hadi mmeanza kuanzia baadhi ya matawi katika baadhi ya mikoa hili ni jambo jema, lakini uwezo wa nyinyi kuleta [link] ya utekelezaji wa diplomasia ya uchumi ambao ndiyo Wizara yetu inasimamia…unapohusisha na nchi nyingine ni lazima utafiti wenu pamoja na kuboresha wigo wa utekelezaji wa diplomasia ya uchumi,”

Balozi Ibuge ameongeza kuwa diplomasia ya uchumia inaambatana na siasa pamoja na diplomasia ya utamaduni wetu hasa kwenye lugha ya kiswahili hiyo ndiyo sehemu ya mahusiano yetu na wengine.

“Urathi wa ukombozi kusini mwa Afrika anayehusika ni Tanzania sasa Chuo cha Diplomasia ambapo ndipo mawazo mazuri ya namna bora ya sisi kuhakikisha tunaiendeleza na kuishindania na kuhakikisha hakuna mwingine wa kushindana na sisi, njia pekee ni kupitia kwenu nyinyi na tafiti zenu,” Amesema Balozi Ibuge

Kwa upande wake Mkandarasi anayetekeleza mradi huo Mhandisi Cosmas Salufu kutoka kamupuni ya ujenzi ya Casco, pamoja na mshauri elekezi mhandisi Ally Simbano kutoka kampuni Ask Architects kwa pamoja wameahidi kutekeleza maagizo ya Katibu Mkuu na kuhakikisha kuwa thanami halisi ya fedha inapatikana katika mradi huo.

Katibu Mkuu Wizara ya Mambo ya Nje na Ushirikiano wa Afrika Mashariki Balozi Brigedia Jenerali Wilbert Ibuge (aliyesimama) akiongea na wahadhiri pamoja na wafanyakazi wa chuo cha Diplomasia leo Jijini Dar es Salaam wakati alipofanya ziara chuoni hapo 

Katibu Mkuu Wizara ya Mambo ya Nje na Ushirikiano wa Afrika Mashariki Balozi Brigedia Jenerali Wilbert Ibuge akiongea na uongozi wa chuo cha Diplomasia leo Jijini Dar es Salaam  

Afisa Miliki wa Chuo cha Diplomasia, Mhandisi Athumani Mashaka akimueleza jambo Katibu Mkuu Wizara ya Mambo ya Nje na Ushirikiano wa Afrika Mashariki Balozi Brigedia Jenerali Wilbert Ibuge wakati akitembelea mradi wa ujenzi wa majengo chuoni hapo

Mhandisi Cosmas Salufu pamoja na Mshauri Elekezi Mhandisi Ally  wakimsikiliza Katibu Mkuu Wizara ya Mambo ya Nje na Ushirikiano wa Afrika Mashariki Balozi Brigedia Jenerali Wilbert Ibuge wakati wa ziara ya ukaguzi wa majengo

MKUTANO WA SADC TROIKA WASOGEZA MBELE MKUTANO WA WAKUU WA NCHI

 Na Mwandishi wetu,

Mkutano wa Wakuu wa nchi na Serikali za Utatu wa Jumuiya ya Maendeleo ya nchi za Kusini mwa Afrika (SADC- TROIKA) uliopangwa kufanyika mwezi Machi 2021 umesogezwa mbele hadi mwezi Mei au Juni 2021 kutokana na changamoto za (Covid 19).

Naibu Waziri wa Mambo ya Nje na Ushirikiano wa Afrika Mashariki Mhe. William Ole Nasha (Mb) amesema kuwa mkutano huo umekutana kwa lengo la kupitia na kuridhia mapendekezo ya Mawaziri wa afya wa SADC uliofanyika mwishoni wa mwezi Februari 2021.  

“Awali mawaziri wa Afya wa SADC walipendekeza kuwa mkutano wa Baraza la Mawaziri ufanyike kwa njia ya mtandao pamoja na ule wa Wakuu wa Nchi uliokuwa umepangwa pia kufanyika mwezi Machi usogezwe mbele hadi mwezi Mei au Juni 2021 kutegemeana na hali ya maambukizi ya ugonjwa wa COVID 19 itakavyokuwa na kuongeza kuwa mikutano mingine yote itafanyika kwa njia ya mtandao (Video Conference) hadi hapo hali ya maambukizi itakapokuwa imetengemaa,” Amesema Mhe. Ole Nasha

Mkutano wa (SADC TROIKA) umetanguliwa na Mkutano wa Makatibu Wakuu ambapo, Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge ameeleza kutokana na hali halisi ya kujitokeza kwa kirusi cha Covid 19 kilichojitokeza kusini mwa Jangwa la Afrika imekuwa vigumu kufanyika kwa mkutano huo wa ana kwa ana na badala yake imeamuliwa mkutano huo usogezwe mbele hadi mwezi Mei au Juni 2021.

“Mwezi Januari 2021 Mawaziri wa Afya wa SADC walikutana na kufanya mkutano kwa njia ya mtandao na kufikia maazimio kuwa mkutano wa Wakuu wa nchi na Serikali uhairishwe hadi mwezi Mei au Juni kutegemeana na hali ya COVID 19 itakapokuwa imetengemaa……. ambapo pamoja na mambo mengine, mkutano wa Baraza la Mawaziri umeridhia kusogezwa mbele kwa mkutano huo,” Amesema Balozi Ibuge

Utatu wa SADC TROIKA kwa sasa unaundwa na nchi za Msumbiji, Tanzania na Malawi.

Naibu Waziri wa Mambo ya Nje na Ushirikiano wa Afrika Mashariki Mhe. William Ole Nasha (Mb) akiwa amesimama wakati wimbo wa Taifa wa Msumbiji ulipokuwa ukipigwa wakati wa ufunguzi wa Mkutano wa Utatu wa Jumuiya ya Maendeleo ya Kusini mwa Afrika (SADC TROIKA) uliofanyika kwa njia ya mtandao  

Naibu Waziri wa Mambo ya Nje na Ushirikiano wa Afrika Mashariki Mhe. William Ole Nasha (Mb) akiandika jambo wakati wa mkutano cha SADC TROIKA) uliofanyika kwa njia ya mtandao

Katibu Mkuu Wizara ya Mambo ya Nje na Ushirikiano wa Afrika Mashariki Balozi Brigedia Jenerali Wilbert Ibuge akichangia mada katika mkutano wa Makatibu Wakuu wa SADC TROIKA 

Katibu Mkuu Wizara ya Mambo ya Nje na Ushirikiano wa Afrika Mashariki Balozi Brigedia Jenerali Wilbert Ibuge akifuatilia mkutano wa Makatibu Wakuu wa SADC TROIKA 

BIASHARA KATI YA TANZANIA, SAUDI ARABIA YAZIDI KUIMARIKA

 Na Mwandishi wetu,

Urari wa kibiashara kati ya Jamhuri ya Muungano wa Tanzania na Saudia Arabia umezidi kukuwa ambapo mpaka sasa miradi 14 ya uwekezaji kutoka nchini humo imesajiliwa katika kituo cha taifa cha uwekezaji (TIC)huku kampuni nane za Kitanzania zikipata kibali cha kuuza minofu ya samaki nchini humo.

Katibu Mkuu Wizara ya Mambo ya Nje na Ushirikiano wa Afrika Mashariki Balozi Brigedia Jenerali Wilbert Ibuge ameyasema hayo katika mazungumzo yake na  Balozi wa Saudi Arabia hapa nchini, Mhe. Mohamed Bin Mansour Al Maliki anayemaliza muda wake wa uwakilishi hapa nchini.

“Kwa hakika kipindi hiki mahusiano ya Saudi Arabia na Tanzania yameimarika vizuri kwa manufaa ya pande zote mbili, ambapo katika sekta ya uwekezaji kumekuwa na miradi 14 iliyoandikishwa katika Kituo cha Taifa cha Uwekezaji (TIC) ambapo uwiano wa biashara na uwekezaji kati ya Tanzania na Saudi Arabia unazidi kuongezeka na kuimarika,” Amesema Balozi Ibuge

Balozi Ibuge ameongeza kuwa zipo fursa nyingi za uwekezaji ambazo kupitia juhudi za Wizara ya Mambo ya Nje na Ushirikiano wa Afrika Mashariki pamoja na wadau wa sekta mbalimbali ikiwemo sekta ya kilimo, kampuni kubwa kampuni kubwa ya Serikali ya Saudi Arabia ipo katika hatua za mwisho za kuja kuwekeza katika sekta za mifugo na kilimo hapa nchini.

Balozi Ibuge ameeleza kuwa kwa upande wa Tanzania “kampuni nane zimepata kibali cha kuuza minofu ya samaki katika soko la Saudi Arabia ikiwa ni moja kati ya juhudi ambazo zimekuwa zikifanywa na Balozi Al Maliki kwa kushirikiana na Serikali katika kuimarisha mahusiano ya nchi zote mbili,”.

Kwa upande wake Balozi, anayemaliza muda wake wa uwakilishi hapa nchini Mhe. Al Maliki ambaye amekuwa hapa nchini kwa kipindi cha miaka minne amesema anajisikia fahari na bahati kupata fursa ya kuiwakilisha nchi yake hapa Tanzania na kwamba katika kipindi chake chote  amepata ushirikiano mkubwa.

“Kwa kweli wakati wote wa uwakilishi wangu, nimekuwa nikipata ushirikiano wa kutosha wakati wa kutekeleza majukumu yangu jambo hili limenifurahisha sana……........na nitakuwa balozi mwema kwa Tanzania,” Amesema Balozi Al Maliki

Balozi Al Maliki amewasihi watanzania kuendelea na utamaduni wao unaowafanya kuheshimika duniani kote hususani katika suala la umoja, amani na mshikamano bila ya kujali itikadi za kisiasa na dini.

Tanzania na Saudi Arabia zimekuwa na ushirikiano wa muda mrefu katika sekta ya kilimo, elimu, afya, biashara na uwekezaji, maji, utalii, kwa lengo la kuhakikisha utekelezaji wa diplomasia ya uchumi unafikiwa kwa wakati.

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge akiongea na Balozi wa Saudi Arabia hapa nchini, Mhe. Mohamed Bin Mansour Al Maliki wakati balozi huyo alipokuwa anamuaga katika ofisi ndogo za Wizara Jijini Dar es Salaam

Balozi wa Saudi Arabia hapa nchini, Mhe. Mohamed Bin Mansour Al Maliki akimueleza jambo Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge katika ofisi ndogo za Wizara Jijini Dar es Salaam

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge akimkabidhi zawadi ya picha ya Mlima Kilimanjaro Balozi wa Saudi Arabia hapa nchini, Mhe. Mohamed Bin Mansour Al Maliki katika ofisi ndogo za Wizara Jijini Dar es Salaam

Balozi wa Saudi Arabia hapa nchini, Mhe. Mohamed Bin Mansour Al Maliki akimkabidhi zawadi Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge katika ofisi ndogo za Wizara Jijini Dar es Salaam

 

MHE. OLE NASHA ASHIRIKI MKUTANO WA BUNGE LA NNE LA AFRIKA MASHARIKI

Naibu Waziri wa Mambo ya Nje na Ushirikiano wa Afrika Mashariki Mhe. William Tate Ole Nasha (Mb) ashiriki katika Mkutano wa Pili, Kikao cha Nne, Bunge la Nne la Afrika Mashariki uliofanyika kwa njia ya mtandao. 

Kikao hicho kimefunguliwa na Spika wa Bunge hilo Mhe. Martin Ngoga na baadaye kuendelea kuliongoza Bunge katika utekelezaji wa majukumu yake ya siku. Shughuli ziliyofanywa na Bunge hilo na kufuatiliwa na Mhe. Ole Nasha ilikuwa ni kusomwa kwa mara ya kwanza Muswada wa Afrika Mashariki kuhusu Mifugo wa mwaka 2021, uwasilishwaji wa taarifa ya Kamati ya Kilimo, Utalii na Maliasili ambayo inaangazia tathmini ya utekelezaji wa shughuli za Kamisheni ya Bonde la Ziwa Viktoria na uwasilishwaji wa Hoja ya Azimio la Bunge la kulishawishi Baraza la Mawaziri la Afrika Mashariki kuhusu uharakishwaji wa kuanzisha mfuko wa dharura wa kukabiliana na magonjwa ya mlipuko katika Jumuiya. 

Bunge la Afrika Mashariki linaendelea na vikao vyake kwa njia ya mtandao ambavyo vitafanyika kwa kipindi cha wiki tatu kuanzia tarehe  28 Januari hadi 17 Februari 2021. 

Naibu Waziri wa Mambo ya Nje na Ushirikiano wa Afrika Mashariki Mhe. William Tate Ole Nasha akifuatilia Kikao cha Bunge la Afrika Mashariki kilichokuwa kikiendelea kwa njia ya video 

Naibu Waziri wa Mambo ya Nje na Ushirikiano wa Afrika Mashariki Mhe. William Tate Ole Nasha akifuatilia Kikao cha Bunge la Afrika Mashariki kilichokuwa kikiendelea kwa njia ya video

TANZANIA YACHAGULIWA KUNUFAIKA NA MRADI WA ZAIDI YA SHILINGI BILIONI 8 WA INTRA – ACP

 

Balozi wa Tanzania nchini Ubelgiji ambaye pia anaiwakilisha Tanzania katika Umoja wa Ulaya Mhe. Jestas Nyamanga akifafanua kuhusu upatikanaji wa soko la migebuka na dagaa wa Kigoma katika soko la Umoja wa Ulaya jijini Dar es Salaam

BALOZI IBUGE AWATAKA MABALOZI KUKUZA DIPLOMASIA YA UCHUMI

 Na Mwandishi wetu,

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge amewataka mabalozi wanaoiwakilisha Tanzania katika nchi mbalimbali duniani kuongeza jitihada za kuhakikisha Diplomasia ya Uchumi inaleta tija iliyokusudiwa.

Balozi Ibuge ametoa kauli hiyo wakati alipokutana na kufanya mazungumzo kwa nyakati tofauti na Balozi wa Tanzania nchini Zimbambwe, Mhe. Prof. Emmanuel Mbennah pamoja na Balozi wa Tanzania nchini Marekani Mhe. Wilson Masilingi katika Ofisi ndogo za Wizara Jijini Dar es Salaam.

Balozi Ibuge katika mazungumzo yake na Balozi wa Tanzania nchini Zimbambwe Prof. Mbennah amemtaka kuhakikisha kuwa anafanya kazi kwa weledi katika kuimarisha uhusiano wa Jamhuri ya Muungano wa Tanzania na Jamhuri ya Zimbabwe pamoja na kukuza diplomasia ya uchumi kwa kuzingatia maelekezo ya Serikali. 

“Balozi nakusihi kuendelea kufanya kazi kwa bidii na weledi ili kufanikisha azma na malengo ya Serikali katika kuhakikisha tunaimarisha uhusiano wetu wa kidiplomasia na Zimbabwe lakini pia kukuza diplomasia ya Uchumi kati yetu na Zimbabwe,” Amesema Balozi Ibuge.

Kwa upande wake, Balozi Prof. Mbennah amemhakikishia Katibu Mkuu kuwa uhusiano wa Jamhuri ya Muungano na Tanzania na Zimbabwe ni mzuri na imara.

Katika tukio jingine, Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge amekutana na kufanya mazungumzo na Balozi wa Tanzania nchini Marekani Mhe. Wilson Masilingi ambapo pamoja na mambo mengine wamejadili umuhimu wa kuhakikisha kuwa Tanzania inanufaika ipasavyo na uhusiano mzuri wa kidiplomasia ilionao na Marekani. 

Katika kuhakikisha hilo, Balozi Ibuge alimsisitiza Balozi Masilingi kuendelea kufanya kazi kwa bidii katika kutekeleza Diplomasia ya Uchumi kwa manufaa ya Taifa.  

Nae balozi Masilingi amemhakikishia Katibu Mkuu kuwa Ubalozi wa Tanzania nchini Marekani unaendelea kutekeleza diplomasia ya uchumi kwa kasi inayotakiwa.

Balozi wa Tanzania nchini Zimbambwe Mhe. Prof. Emmanuel Mbennah akimuelezea jambo Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge wakati wa mazungumzo yaliyofanyika katika Ofisi ndogo za Wizara jijini Dar es Salaam

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge akiongea na Balozi wa Tanzania nchini Zimbambwe Mhe. Prof. Emmanuel Mbennah 

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge katika picha ya pamoja na Balozi wa Tanzania nchini Zimbambwe Mhe. Prof. Emmanuel Mbennah 

Balozi wa Tanzania nchini Marekani Mhe. Wilson Masilingi akimuelezea jambo Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge wakati wa mazungumzo yaliyofanyika katika Ofisi ndogo za Wizara jijini Dar es Salaam 

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge akimsikiliza Balozi wa Tanzania nchini Marekani Mhe. Wilson Masilingi mazungumzo yaliyofanyika katika Ofisi ndogo za Wizara jijini Dar es Salaam. Kulia ni Msaidizi wa Katibu Mkuu Bi. Eva Ng’itu 

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge akiongea na Balozi wa Tanzania nchini Marekani Mhe. Wilson Masilingi

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge katika picha ya pamoja na Balozi wa Tanzania nchini Marekani Mhe. Wilson Masilingi

TANZANIA, AFRIKA KUSINI ZAWASILISHA OMBI MAALUM AU

 Na Mwandishi Wetu

Serikali ya Jamhuri ya Muungano wa Tanzania pamoja Jamhuri ya Afrika Kusini zimewasilisha ombi maalumu kwa Umoja wa Afrika kuzitambua rasmi njia zilizotumika na wapigania uhuru kutoka Dar es Salaam kupitia nchi mbalimbali Kusini Mwa Bara la Afrika hadi Namibia kuwa urithi wa Kimataifa.

Ombi hilo limewasilishwa na Rais wa Jamhuri ya Afrika Kusini, Mhe. Cyril Ramaphosa katika Mkutano wa 34 wa kawaida wa Wakuu wa Nchi na Serikali wa Umoja wa Afrika unaofanyika kwa njia mtandao na kuungwa mkono na Serikali ya Jamhuri ya Muungano wa Tanzania kupitia kwa Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) ambaye alimwakilisha Rais wa Jamhuri ya Muungano wa Tanzania Dkt. John Pombe Joseph Magufuli.  

Tanzania pia imeuomba Umoja wa Afrika kuitambua lugha ya Kiswahili kama lugha ya asili na ya ukombozi katika Bara la Afrika kwa kuwa ndiyo lugha iliyotumika kwa ajili ya mawasiliano na mafunzo kwa wapigania uhuru ikizingatiwa kuwa kauli mbiu ni Sanaa, Utamaduni na urithi.

“Tumeuomba Umoja wa Afrika kuitambua lugha ya Kiswahili kama lugha ya asili na ya ukombozi katika Bara la Afrika kwa kuwa ndiyo lugha iliyotumika kwa ajili ya mawasiliano na mafunzo kwa wapigania uhuru ikizingatiwa kuwa kauli mbiu ni sanaa, utamaduni na urithi,” Amesema Prof. Kabudi.

 

Akiufunga Mkutano huo wa siku mbili, Mwenyekiti wa Umoja wa Afrika ambaye pia ni rais wa Jamhuri ya Kidemokrasia ya Kongo Mhe. Felix Tshisekedi amesisitiza kuwa umoja, mshikamano na amani katika bara la Afrika ndiyo nyenzo pekee itakayoliwezesha bara hilo kuendelea kiuchumi ili kuendana na rasilimali ilizonazo.

“Umoja, mshikamano na amani katika bara la letu la Afrika ndiyo nyenzo pekee itakatuwezesha sisi kuendelea kiuchumi ili kuendana na rasilimali tulizonazo kwa maslahi yetu mapana,” Amesema Rais Tshisekedi

Pamoja na mambo mengine, mkutano huo umejadili mambo mbalimbali ikiwemo uundaji wa Kamati mpya ya uongozi wa Umoja wa Afrika (the AU Bureau of Assembly) kwa mwaka 2021, uzinduzi wa Kaulimbiu ya Umoja wa Afrika kwa mwaka 2021 inayohusu “Sanaa, Tamaduni na Urithi katika kufikia azma ya Afrika Tuitakayo”

Mengine yaliyojadiliwa ni taarifa ya Maendeleo ya Mapambano dhidi ya Ugonjwa wa Homa Kali ya Mapafu COVID-19 Barani Afrika, taarifa ya Utekelezaji wa Mabadiliko ya Kitaasisi ya Umoja wa Afrika; na Uchaguzi wa Mwenyekiti na Makamu Mwenyekiti wa Kamisheni ya Umoja wa Afrika.

Serikali ya Jamhuri ya Muungano wa Tanzania ilitumia fursa hiyo kueleza utayari wake kuendelea kushirikiana na Umoja wa Afrika na Nchi Wanachama wa Umoja huo katika kutekeleza jitihada zinazolenga kuiwezesha Afrika kujitegemea.

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) akifuatilia Mkutano wa 34 wa kawaida wa Wakuu wa Nchi na Serikali wa Umoja wa Afrika unaofanyika kwa njia Video Conference ambapo ujumbe wa Tanzania umehudhuria mkutano huo jijini Dar es Salaam. Kulia mwa Prof. Kabudi ni Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge. Prof. Kabudi anamuwakilisha Rais wa Jamhuri ya Muungano wa Tanzania Dkt John Pombe Magufuli katika mkutano huo. 

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb), Katibu Mkuu wa Wizara hiyo Balozi Brigedia Jenerali Wilbert Ibuge pamoja na Maafisa mbalimbali wakifuatilia Mkutano wa 34 wa kawaida wa Wakuu wa Nchi na Serikali wa Umoja wa Afrika unaofanyika kwa njia Video Conference. Prof. Kabudi amemwakilisha Rais wa Jamhuri ya Muungano wa Tanzania Dkt John Pombe Magufuli katika mkutano huo. 

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb), Katibu Mkuu wa Wizara hiyo Balozi Brigedia Jenerali Wilbert Ibuge wakifuatilia Mkutano wa 34 wa kawaida wa Wakuu wa Nchi na Serikali wa Umoja wa Afrika unaofanyika kwa njia Video Conference. Prof. Kabudi amemwakilisha Rais wa Jamhuri ya Muungano wa Tanzania Dkt John Pombe Magufuli katika mkutano huo. 

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb), akifuatilia Mkutano wa 34 wa kawaida wa Wakuu wa Nchi na Serikali wa Umoja wa Afrika unaofanyika kwa njia Video Conference. Prof. Kabudi amemwakilisha Rais wa Jamhuri ya Muungano wa Tanzania Dkt John Pombe Magufuli katika mkutano huo. 

Mkutano ukiendelea 

TZ YATOA MUELEKEO WAKE KATIKA AWAMU YA PILI YA UONGOZI WA RAIS MAGUFULI

Na Mwandishi wetu, 

Serikali ya jamhuri ya Muungano wa Tanzania imesema katika kipindi cha muhula wa pili wa miaka mitano ya Rais Dkt. John Pombe Joseph Magufuli itajikita zaidi katika diplomasia ya uchumi, kuimarisha sekta binafsi, kukuza biashara pamoja na mahusiano na Mataifa mengine duniani. 

Msimamo wa Tanzania umetolewa na Waziri wa Mambo ya Nje na Ushirikiano wa Afrika Mashariki Prof. Palamagamba John Kabudi Jijini Dar es Salaam wakati wa mkutano wake na Mabalozi wanaoziwakilisha Nchi zao hapa Tanzania pamoja na Wakuu wa Mashirika ya Kimataifa na kuongeza kuwa ni dhamira ya Tanzania kuhakikisha kuwa ina uwezo wa kukuza biashara na kuuza bidhaa katika nchi mbalimbali duniani.

“Katika mwaka huu unaoanza sasa na miaka ijayo katika mhula wa pili awamu ya tano ni wakati muafaka wa Tanzania kuimarisha diplomasia ya uchumi na uhusiano mwema baina yake na nchi mbalimbali kwa kuwakaribisha wawekezaji kutoka nchi hizo katika maeneno ya uzalishaji, viwanda na kuongeza biashara kwa manufaa ya mataifa yote,” Amesema Prof. Kabudi 

Pamoja na mambo mengine, Prof. Kabudi amewaambia Mabalozi na Wakuu wa Mashirika ya Kimataifa hapa Nchini kuwa hali ya kisiasa na amani Zanzibar na Tanzania kwa ujumla imeimarika kuliko wakati wowote hususani mara baada ya uchaguzi mkuu uliomalizika Octoba, 2020 na kwamba uwepo wa Serikali ya Umoja wa Kitaifa Zanzibar unachochea kuongezeka kwa uwekezaji na ufanyaji wa biashara kwa lengo la kukuza uchumi. 

Kwa upande wake Kiongozi wa Mabalozi Dkt. Ahmada El Badasui ambaye pia ni Balozi wa Comoro hapa nchini ameshukuru kwa uwepo wa mkutano huo ambao unawapa fursa mabalozi kufahamu masuala mbalimbali yanayoendelea hapa nchini.

“Nakupongeza Mhe. Waziri na uongozi wa Wizara kwa kuandaa mkutano huu ambao unatupa fursa sisi mabalozi kujadili na kujua mambo mbalimbali yanayoendelea hapa nchini, mikutano kama hii ni muhimu sana kwetu kwani inatusaidia na kutuwezesha kuboresha mahusiano yetu ya kidiplomasia,” Amesema Dkt. El Badasui

Kwa upande wake Balozi wa Umoja wa Ulaya Mhe. Manfredo Fanti ameipongeza Tanzania kwa kuingia uchumi wa kati na kwamba Umoja wa Ulaya uko tayari kutoa ushirikiano wa kutosha ili kuhakikisha Uchumi wa Tanzania unaendelea kukua na kuimarika.

Mkutano huo wa Mabalozi na Wakuu wa Mashirika ya Kimataifa umehudhuriwa pia na Naibu Waziri wa Mambo ya Nje na Ushirikiano wa Afrika Mashariki Mhe William Tate Ole Nasha, Katibu Mkuu Balozi, Brigedia Jenerali Wilbert Ibuge na Wakurugenzi na Wakuu wa Idara na vitengo vya Wizara ya Mambo ya Nje na Ushirikiano wa Afrika Mashariki.

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) akiongea na mabalozi wanaoziwakilisha nchi zao hapa Tanzania pamoja na Wakuu wa Mashirika ya Kimataifa wakati wa mkutano uliofanyika leo jijini Dar es Salaam

Naibu Waziri wa Mambo ya Nje na Ushirikiano wa Afrika Mashariki Mhe William Tate Ole Nasha (Mb) akiongea na mabalozi wanaoziwakilisha nchi zao hapa Tanzania pamoja na Wakuu wa Mashirika ya Kimataifa wakati wa mkutano uliofanyika leo jijini Dar es Salaam

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Brigedia Jenerali Wilbert Ibuge akiongea na mabalozi wanaoziwakilisha nchi zao hapa Tanzania pamoja na Wakuu wa Mashirika ya Kimataifa wakati wa mkutano uliofanyika leo jijini Dar es Salaam

Balozi wa Comoro hapa nchini na kiongozi wa Mabalozi Dkt. Ahmada El Badasui akitoa neno la shukrani kwa viongozi wakuu wa Wizara (hawapo pichani) kabla ya kumalizika kwa mkutano 

Sehemu ya Mabalozi na Wakuu wa Mashirika ya Kimataifa wakifuatilia mkutano 

Balozi wa Canada Mhe. Pamela O’Donnel akichangia jambo wakati wa Mkutano   

Balozi wa Umoja wa Ulaya Mhe. Manfredo Fanti akichangia jambo wakati wa Mkutano. Kulia kwake ni Balozi wa Rwanda hapa nchini, Mhe. Meja Jenerali Charles Karamba.