BALOZI SOKOINE AONGOZA UJUMBE WA TANZANIA KWENYE MKUTANO WA 15 WA TUME YA PAMOJA YA KUDUMU KATI YA TANZANIA NA RWANDA

Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Joseph Sokoine leo tarehe 27 Oktoba 2021 ameongoza ujumbe wa Tanzania kwenye Mkutano wa 15 wa Tume ya Pamoja ya Kudumu (JPC) kati ya Tanzania na Rwanda kwa Ngazi ya Makatibu Wakuu uliofanyika katika Ukumbi wa Wakimataifa wa Mikutano wa Julius Nyerere (JNICC) jijini Dar es Salaam. 

Pamoja na mambo mengine Mkutano wa Makatibu Wakuu umepitia na kuthibitisha agenda mbalimbali zilizowasilishwa kwao na Wataalam kabla ya agenda hizo kuwasilishwa na kupitishwa kwenye Mkutano wa Mawaziri unaotarajiwa kufanyika jijini hapa tarehe 28 Oktoba 2021.

Akizungumza wakati wa hotuba yake ya ufunguzi wa Mkutano huo, Balozi Sokoine amewapongeza Wataalam kutoka Tanzania na Rwanda kwa kukamilisha taarifa kwa wakati na ufanisi na kuwezesha mkutano wa makatibu wakuu kufanyika.

“Mkutano huu wa Tume ya Pamoja ya Kudumu ni jukwaa muhimu katika kukuza ushirikiano baina ya Nchi zetu hizi mbili jirani na rafiki, kwani hutoa fursa ya kuangalia maeneo ya ushirikiano kwa upana wake pamoja na kutoa nafasi ya kubainisha maeneo ya kipaumbele na kuainisha mpango wa utekelezaji ili kuharakisha maendeleo ya wanachini kupitia programu na miradi tunayokubaliana kuitekeleza” ameeleza Balozi Sokoine

Aliongeza kusema, Mkutano huo wa 15 utatoa nafasi kwa nchi hizi kutathmini namna makubaliano ya awali yalivyotekelezwa, kuainisha changamoto zilizojitokeza kwenye utekelezaji na kutoa suluhu ya namna ya kuzitatua ili kuimarisha ushirikiano uliopo kwa manufaa ya nchi hizi mbili. 

Kwa upande wake, Mkurugenzi wa Idara ya Afrika katika Wizara ya Mambo ya Nje na Ushirikiano wa Kimataifa, Rwanda Bi. Shakilla K. Mutoni, ameeleza kuwa pamoja na kupiga hatua kwenye utekelezaji wa maazimio mengi yaliyofikiwa kwenye Mkutano wa mwisho wa Tume hiyo uliofanyika mwezi Julai, 2016 nchini Rwanda, mkutano huu wa 15 umeongeza chachu katika utekelezaji wa makubaliano, programu na miradi ambayo bado iponyuma katika utelezaji. Aidha, ameipongeza Serikali ya Tanzania kwa kutekeleza ujenzi wa Reli ya Kisasa (SGR) ambayo baada ya kukamilika kwa ujenzi itarahisisha usafirishaji wa bidhaa kuelekea nchini Rwanda.

Mkutano huu wa Makatibu Wakuu ni mwendelezo wa maandalizi ya Mkutano wa 15 wa Tume ya Kudumu ya Ushirikiano unaotarajiwa kuhitimishwa na Mkutano wa Mawaziri hapo tarehe 28 Agosti 2021.

Katibu Mkuu Wizara ya Mambo ya Nje na Ushirikiano wa Afrika Mashariki Balozi Joseph Sokoine akitoa hotuba ya ufunguzi wa Mkutano wa 15 wa Tume ya Pamoja ya Kudumu (JPC) kati ya Tanzania na Rwanda kwa Ngazi ya Makatibu Wakuu uliofanyika katika Ukumbi wa Wakimataifa wa Mikutano wa Julius Nyerere (JNICC) jijini Dar es Salaam

Kutoka kushoto ni Mkurugenzi wa Idara ya Afrika katika Wizara ya Mambo ya Nje na Ushirikiano wa Kimataifa Rwanda, Bi. Shakilla K. Mutoni, Katibu Mkuu wa Wizara ya Mambo ya Nje na Ushirikiano wa Afrika Mashariki Balozi Joseph Sokoine, na Balozi Naimi Azizi Mkurugenzi wa Idara ya Afrika Wizara ya Mambo ya Nje na Ushirikiano wa Afrika Mashariki wakifuatilia mkutano uliokuwa ukiendelea. 

Ujumbe wa Tanzania ukifuatilia Mkutano wa 15 wa Tume ya Pamoja ya Kudumu kati ya Tanzania na Rwanda kwa Ngazi ya Makatibu Wakuu uliokuwa ukiendelea JNICC jijini Dar es Salaam

Picha pamoja ya washiriki wa Mkutano wa 15 wa Tume ya Pamoja ya Kudumu kati ya Tanzania na Rwanda kwa Ngazi ya Makatibu ulifanyika JNICC jijini Dar es Salaam

Katibu Mkuu Wizara ya Viwanda na Biashara Bw. Dotto James akichangia jambo kwenye Mkutano wa 15 wa Tume ya Pamoja ya Kudumu kati ya Tanzania na Rwanda kwa Ngazi ya Makatibu Wakuu uliofanyika JNICC jijini Dar es Salaam

Mkutano wa 15 wa Tume ya Pamoja ya Kudumu kati ya Tanzania na Rwanda kwa Ngazi ya Makatibu ukiendelea JNICC jijini Dar es Salaam

MKUTANO WA 15 WA TUME YA PAMOJA YA USHIRIKIANO KATI YA TANZANIA NA RWANDA KUFANYIKA JIJINI DAR ES SALAAM, TANZANIA.

Mkutano wa 15 wa Tume ya Pamoja ya Ushirikiano (JPC) kati ya Tanzania na Rwanda umeanza kufanyika leo tarehe 25 Oktoba 2021 katika Ukumbi wa Kimataifa wa Mikutano wa Julius Nyerere jijini Dar es Salaam, Tanzania. Mkutano huu utakaofanyika kwa kipindi cha siku nne kuanzia tarehe 25 hadi 28 Oktoba, 2021 unalenga kujadili mambo mbalimbali muhimu ya ushirikiano ikiwemo Mahusiano ya Kidiplomasia, miundombinu na usafirishaji, Sekta ya Kilimo, Uvuvi na Mifugo, nishati, utalii na Teknolojia ya Habari na Mawasiliano sambamba na kuibua maeneo mapya ya ushikiano kwa lengo la kuchagiza maendeleo baina ya Mataifa haya mawali (Tanzania na Rwanda). 

Mkutano huu muhimu kwa ustawi wa ushirikiano na maendeleo baina ya mataifa haya mawili, unafanyika kwa lengo la kufanya ufuatiliaji na tathimini ya utelezaji wa maelekezo yaliyotolewa na Mheshimiwa Samia Suluhu Hassan, Rais wa Jamhuri ya Muungano wa Tanzania na Mheshimiwa Paul Kagame Rais wa Jamhuri ya Rwanda, wakati wa ziara yake aliyoifanya Nchini Rwanda Agosti 2, 2021. 

Akizungumza kwenye ufunguzi wa Mkutano huo katika ngazi ya Wataalamu, Balozi Naimi S.H. Azizi, Mkurugenzi wa Idara ya Afrika katika Wizara ya Mambo ya Nje na Ushirikiano wa Afrika Mashariki amebainisha kuwa mkutano huo umetoa fursa hadhimu kwa pande zote mbili kukutana ili kutathmini utekelezaji pia kuweka mipango na mikakati ya pamoja itakayoimarisha ushirikiano kwenye utekelezaji wa vipaumbele vya shughuli za maendeleo katika sekta mbalimbali kwa manufaa ya pande zote mbili. “Natambua dhahiri kuwa Mkutano huu wa 15 wa Tume ya Pamoja ya Ushirikiano utatuwezesha kufanya tathimini na kubaini hatua tuliyoifikia katika utekezaji wa maagizo yaliyotolewa na Wakuu wetu wa Nchi hizi mbili (Tanzania na Rwanda). Nimatumaini yangu pia, kuwa Mkutano huu utatuwezesha kuweka mikakati na mipango ya pamoja itakayotuwezesha kuongeza kasi ya kutekelezaji katika maeneo ambayo bado hatujafanya vizuri.”Alisema Balozi Naimi S.H. Azizi. 

Balozi Naimi S.H. Azizi aliongeza kusema kuwa ni muhimu wajumbe wa mkutano wajikite katika kujadili masuala muhimu yenye maslahi kwa pande zote mbili ili kukidhi matarajio ya Wakuu wa Nchi hizi mbili, ya kuona Wataalamu katika Serikali wanazoziongoza wanaendelea kuwajibika ipasavyo katika kuwaletea maendeleo wananchi. 

Mkutano huu umejumuisha Viongozi, Watendaji na Maafisa mbalimbali wa Serikali kutoka Tanzania na Rwanda. 

Balozi Naimi S.H. Azizi Mkurugenzi wa Idara ya Afrika katika Wizara ya Mambo ya Nje na Ushirikiano wa Afrika Mashariki akichangia jambo kwenye Mkutano wa 15 wa Tume ya Pamoja ya Ushirikiano katika ngazi ya Wataalam kati ya Tanzania na Rwanda uliokuwa ukiendela katika Ukumbi wa Kimataifa wa Mikutano wa Julius Nyerere jijini Dar es Salaam, Tanzania.

Balozi Naimi S.H. Azizi Mkurugenzi wa Idara ya Afrika katika Wizara ya Mambo ya Nje na Ushirikiano wa Afrika Mashariki akizungumza kwenye ufunguzi wa Mkutano wa 15 wa Tume ya Pamoja ya Ushirikiano kati ya Tanzania na Rwanda unaofanyika jijini Dar es Salaam, Tanzania.

Bi. Shekila Mutori Mkurugenzi wa Idara ya Afrika katika Wizara ya Mambo ya Nje na Ushirikiano wa Kimataifa Rwanda akizungumza kwenye ufunguzi wa Mkutano wa 15 wa Tume ya Pamoja ya Ushirikiano kati ya Tanzania na Rwanda unaofanyika jijini Dar es Salaam, Tanzania.

Picha ya pamoja ya washiriki wa Mkutano wa 15 wa Tume ya Pamoja ya Ushirikiano kati ya Tanzania na Rwanda unaoendelea jijini Dar es Salaam, Tanzania.

Mkutano ukiendelea

Kutoka kushoto Balozi wa Rwanda nchini Tanzania Mhe.Maj.Gen.Charles Karamba, Balozi Naimi S.H. Azizi Mkurugenzi wa Idara ya Afrika katika Wizara ya Mambo ya Nje na Ushirikiano wa Afrika Mashariki na Bi. Shekila Mutori Mkurugenzi wa Idara ya Afrika katika Wizara ya Mambo ya Nje na Ushirikiano wa Kimataifa Rwanda.

Balozi wa Rwanda nchini Tanzania Mhe.Maj.Gen.Charles Karamba, akifuatilia Mkutano wa 15 wa Tume ya Pamoja ya Ushirikiano kati ya Tanzania na Rwanda unaofanyika jijini Dar es Salaam, Tanzania.

TANZANIA YAUNGA MKONO UN KUMTUMA MJUMBE WAKE ZIMBABWE .. YATOA TAMKO KUUNGA AZIMIO LA SADC KUSITISHA VIKWAZO DHIDI YA ZIMBABWE

 

MAKAMBA AWASILISHA UJUMBE MAALUM WA RAIS SAMIA KWA RAIS WA UMOJA WA FALME ZA KIARABU

Na Mwandishi Wetu,

Waziri wa Nishati Mhe. January Makamba (Mb), amewasilisha Ujumbe Maalum wa Rais wa Jamhuri ya Muungano wa Tanzania Mhe. Samia Suluhu Hassan kwa Rais wa Umoja wa Falme za Kiarabu (UAE) Mhe. Khalifa Bin Zayed Al Nahyan.

Mhe. Makamba amewasilisha ujumbe huo Maalum kupitia kwa Waziri wa Nchi anayeshughulikia Mambo ya Nje, Mhe. Sheikh Shakhbout bin Nahyan Al Nahyan, tarehe 24 Oktoba 2021 katika Ofisi za Wizara ya Mambo ya Nje na Ushirikiano wa Kimataifa ya UAE.

Waziri Makamba yupo nchini Umoja wa Falme za Kiarabu kwa ziara ya kikazi kwa lengo la kuimarisha ushirikiano katika masuala Mafuta na Gesi.

Waziri Makamba ameambatana na Balozi wa Tanzania katika Umoja wa Falme za Kiarabu, Mhe. Mohamed Mtonga, Kamishina wa Nishati na Gesi kutoka Wizara ya Nishati pamoja na Mkurugenzi Mkuu wa Shirika la Petroli Nchini (TPDC). 

Waziri wa Nishati Mhe. January Makamba akiwasilisha Ujumbe Maalum wa Rais wa Jamhuri ya Muungano wa Tanzania Mhe. Samia Suluhu Hassan kwa Rais wa Umoja wa Falme za Kiarabu (UAE) Mhe. Khalifa Bin Zayed Al Nahyan. Ujumbe huo umepokelewa na Waziri wa Nchi anayeshughulikia Mambo ya Nje, Mhe. Sheikh Shakhbout bin Nahyan Al Nahyan. 

Waziri wa Nchi anayeshughulikia Mambo ya Nje na Ushirikiano wa Kimataifa wa UAE Mhe. Sheikh Shakhbout bin Nahyan Al Nahyan akiuangalia ujumbe wa Rais wa Umoja wa Falme za Kiarabu (UAE) Mhe. Khalifa Bin Zayed Al Nahyan aliokabidhiwa na Waziri Makamba kutoka kwa Rais wa Jamhuri ya Muungano wa Tanzania Mhe. Samia Suluhu Hassan

Waziri wa Nishati Mhe. January Makamba akizungumza na Waziri wa Nchi anayeshughulikia Mambo ya Nje na Ushirikiano wa Kimataifa wa UAE Mhe. Sheikh Shakhbout bin Nahyan Al Nahyan  

Waziri wa Nishati Mhe. January Makamba katika picha ya pamoja na Waziri wa Nchi anayeshughulikia Mambo ya Nje na Ushirikiano wa Kimataifa wa UAE Mhe. Sheikh Shakhbout bin Nahyan Al Nahyan na Balozi wa Tanzania katika Umoja wa Falme za Kiarabu, Mhe. Mohamed Mtonga

RAIS NDAYISHIMIYE AHITIMISHA ZIARA YAKE NCHINI, KUREJEA BURUNDI

Rais wa Jamhuri ya Burundi Mhe. Evariste Ndayishimiye leo amehitimisha ziara yake ya kikazi ya siku tatu nchini na kurejea nchini Burundi.

Rais Ndayishimiye kabla ya kuondoka nchini, alitembelea Mamlaka ya Bandari Tanzania (TPA) na kupata fursa ya kupata taarifa za utendaji wa Bandari.

Akiwa katika Mamlaka ya Bandari, Mhe. Ndayishimiye ameipongeza Mamlaka ya Bandari Tanzania (TPA) kwa kazi nzuri mnayoifanya na inayorahisisha biashara kati ya Tanzania na Burundi.

“Nashukuru sana pia kwa maamuzi mazuri mliyofanya ya kuweka Ofisi zenu Bujumbura-Burundi ili wafanyabiashara waweze kusafirisha bidhaa zao,” Amesema Rais Ndayishimiye.

Ameongeza kuwa amefurahi sana kuona Serikali ya Tanzania inaendelea kurahisisha biashara kati yake na Burundi……“sisi hatuna bahari, lakini mnarahisisha usafiri wetu,” Ameongeza Rais Ndayishimiye.

Nimetembea Kwara nimeona ujenzi wa reli umeanza, itafika Burundi kutoka Uvinza hadi Kitega, Mji Mkuu wa siasa. Kwa kweli namshukuru sana Rais Samia Suluhu pamoja na watanzania wote kwa mapokezi mazuri.

Rais wa Jamhuri ya Burundi Mhe. Evariste Ndayishimiye akisalia wananchi mara baada ya kuwasili katika viwanja vya Mamlaka ya Bandari Tanzania (TPA)  leo jijini Dar es Salaam. Mhe. Ndayishimiye ameambatana na Waziri wa Mambo ya Nje na Ushirikiano wa Afrika Mashariki, Balozi Liberata Mulamula 

 Mkurugenzi Mkuu wa Mamlaka ya Bandari Tanzania (TPA)

Bw. Eric Hamissi akitoa taarifa fupi juu ya utendaji wa Bandari kwa Rais wa Jamhuri ya Burundi Mhe. Evariste Ndayishimiye (hayupo pichani) leo jijini Dar es Salaam

Waziri wa Ujenzi na Uchukuzi Prof. Makame Mbarawa akitoa salamu za Wizara   

Waziri wa Mambo ya Nje na Ushirikiano wa Afrika Mashariki, Balozi Liberata Mulamula akisalimia wananchi 

Rais wa Jamhuri ya Burundi Mhe. Evariste Ndayishimiye akiongea na wananchi katika viwanja vya Mamlaka ya Bandari Tanzania (TPA)  leo jijini Dar es Salaam   

Rais wa Jamhuri ya Burundi Mhe. Evariste Ndayishimiye akipokea zawadi ya picha ya muonekano wa zamani wa Bandari kutoka kwa Waziri wa Ujenzi na Uchukuzi Prof. Makame Mbarawa jijini Dar es Salaam   

Rais wa Jamhuri ya Burundi Mhe. Evariste Ndayishimiye pamoja na Waziri wa Ujenzi na Uchukuzi Prof. Makame Mbarawa wakiangalia picha muonekano mpya wa  Bandari     

Rais wa Jamhuri ya Burundi Mhe. Evariste Ndayishimiye akipokea zawadi ya picha kutoka kwa Waziri wa Mambo ya Nje na Ushirikiano wa Afrika Mashariki, Balozi Liberata Mulamula  

Wananchi wakifuatilia hotuba ya Mhe. Ndayishimye katika viwanja vya Mamlaka ya Bandari Tanzania

Rais wa Jamhuri ya Burundi Mhe. Evariste Ndayishimiye akiagana na Mwenyeji wake Rais wa Jamhuri ya Muungano wa Tanzania Mhe. Samia Suluhu Hassan katika Uwanja wa Ndege wa Kimataifa wa Julius Nyerere Jijini Dar es Salaam kabla ya kuanza safari ya kurejea Burundi 

Rais wa Jamhuri ya Muungano wa Tanzania Mhe. Samia Suluhu Hassan akimuaga Rais wa Jamhuri ya Burundi Mhe. Evariste Ndayishimiye katika Uwanja wa Ndege wa Kimataifa wa Julius Nyerere Jijini Dar es Salaam  

RAIS WA BURUNDI ATEMBELEA BANDARI KAVU – KWALA

Rais wa Jamhuri ya Burundi Mhe. Evariste Ndayishimiye amewasili leo mchana katika Uwanja wa Ndege wa Kimataifa wa Julius Nyerere Jijini Dar es Salaam akitokea Zanzibar na kupokelewa na Mkuu wa Mkoa wa Dar es Salaam, Mhe. Amos Makalla. Mhe. Ndayishime ameambatana na Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb).

Mara baada ya kuwasili jijini Dar es Salaam, Mhe. Ndayishimiye alielekea katika Stesheni ya Pugu na kapata taarifa fupi kuhusu mradi wa Reli ya Kisasa (SGR) inayojengwa kutoka Dar es Salaam – Morogoro, Morogoro – Makutupora na Mwanza – Isaka ikiwa ni jumla ya Kilomita 1063 za njia kuu na njia za kupishania.

Mkurugenzi Mkuu wa Shirika la Reli, Bw. Masanja Kadogosa amemueleza Mhe. Ndayishimiye kuwa hadi sasa ujenzi wa SGR (kipande cha Pugu - Morogoro) umefikia asilimia 94 na kuwa unaendelea vizuri.

Aidha, mara baada ya kupata taarifa fupi kuhusu mradi wa ujenzi wa SGR, Mhe. Rais Ndayishimiye ametembelea bandari kavu eneo la Kwala Mkoani Pwani.

Mhe. Ndayishimiye amesema kuwa eneo la bandari kavu (Kwala) litakuza biashara kati ya Tanzania na Burundi na litatusaidia kupunguza gharama za usafiri na fedha zitakazookolewa zitaenda kwenye miradi mingine.

“Mradi huu pia utapunguza gharama za bidhaa mbalimbali Nchini Burundi, kwetu sisi Burundi, mtu akikupa eneo amekuthamini sawa na kukuunga undugu kwenye familia yake,” amesema Mhe. Ndayishimie.

Awali akitoa taarifa ya eneo hilo, Waziri wa Ujenzi na Uchukuzi Prof. Makame Mbarawa (Mb) amesema eneo hilo lina ukubwa wa hekta 502, kati ya hizo hekta 10 zimetengwa kwa ajili ya Serikali ya Burundi.

“Dhumuni la kutenga eneo hili ni kupunguza msongamano wa mizigo kutoka bandari ya Dar es Salaam,” Amesema Prof. Mbarawa na kuongeza kuwa ujenzi wa miundombinu ya eneo hili utakapokamilika utagharimu kiasi cha shilingi bilioni 37.23

Kwa upande wake Waziri wa Mambo ya NJe na Ushirikiano wa Afrika Mashariki Balozi Liberata Mulamula (Mb) amesema kuwa kupitia mradi wa ujenzi wa bandari kavu eno la Kwala utasaidia kuimarisha uhusiano wa Tanzania na Burundi pamoja na ukanda wa Afrika Mashariki kwa ujumla.

Rais wa Jamhuri ya Burundi Mhe. Evariste Ndayishimiye akisalimiana na Mkuu wa Mkoa wa Dar es Salaam, Mhe. Amos Makalla. mara baada ya kuwasili katika Uwanja wa Ndege wa Kimataifa wa Julius Nyerere Jijini Dar es Salaam akitokea Zanzibar. Mhe. Ndayishime katika ziara yake ameambatana na Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb).

Rais wa Jamhuri ya Burundi Mhe. Evariste Ndayishimiye pamoja na Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb), Waziri wa Ujenzi na Uchukuzi Prof. Makame Mbarawa (Mb) na baadhi ya Mabalozi wakimsikiliza Mkurugenzi wa Shirika la Reli Tanzania Bw. Masanja Kadogosa alipokuwa akitoa taarifa fupi kuhusu maendeleo ya ujenzi wa Reli ya Kisasa (SGR) wakati Mhe. Ndayishimiye alipowasili leo katika Stesheni ya Pugu ikiwa ni muendelezo wa ziara yake ya kikazi ya siku tatu hapa nchini  

Rais wa Jamhuri ya Burundi Mhe. Evariste Ndayishimiye pamoja na Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb), Waziri wa Ujenzi na Uchukuzi Prof. Makame Mbarawa (Mb) na baadhi ya Mabalozi wakimsikiliza Mkurugenzi Mkuu wa Bandari ya Tanzania Bw. Eric Hamissi alipokuwa akitoa taarifa ya eneo la Bandari Kavu (Kwala) mkoani Pwani leo

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) akitoa hotuba yake kwa wananchi wa Kwala kabla ya mkaribisha Rais wa Jamhuri ya Burundi kuongea na wananchi wa eneo la Bandari Kavu (Kwala) mkoani Pwani 

Rais wa Jamhuri ya Burundi Mhe. Evariste Ndayishimiye akihutubia wananchi wa Kwala wakati alipotembelea eneo la Bandari Kavu leo mkoani Pwani

Rais wa Jamhuri ya Burundi Mhe. Evariste Ndayishimiye akipokea nakala ya hati ya eneo lenye ukubwa wa hekta 10 zilizotengwa na Serikali ya Jamhuri ya Muungano wa Tanzania kwa ajili ya Serikali ya Burundi kutoka kwa Waziri wa Ujenzi na Uchukuzi Prof. Makame Mbarawa (Mb)

Dunia yatakiwa kujipanga kukabili magonjwa ya Mlipuko

Dunia yatakiwa kujipanga kukabili magonjwa ya Mlipuko

Ugonjwa wa Corona (UVIKO-19) umesababisha changamoto nyingi duniani katika sekta mbalimbali kama vile afya, elimu, uchumi, usafirishaji, maji na utalii, hivyo dunia imetakiwa kuchukua changamoto hizo kama funzo ili kujipanga upya na namna ya kukabiliana na majanga ya mlipuko.

Hayo yemeelezwa na Waziri wa Ulinzi na Jeshi la Kujenga Taifa, Mhe. Dkt. Stergomena Tax (Mb) alipokuwa anahutubia katika sherehe za kuadhimisha Miaka 76 ya Umoja wa Mataifa (UN DAY) zilizofanyika leo jijini Dodoma kwenye viwanja vya Nyerere Square.

Dkt. Tax alisema kuwa kaulimbiu ya maadhimisho ya mwaka huu “Kujijenga tena kwa kujenga mifumo ya afya bora” ni kielelezo cha wazi kuwa dunia haina budi kushirikiana ili kujenga mifumo madhubuti ya afya yenye uwezo wa kukabiliana na magonjwa ya mlipuko. Lengo la mifumo hiyo ni kuhakikisha kuwa nchi hazipati athari kubwa zinazosababishwa na majanga kama hili la mlipuko wa UVIKO-19.

Dkt. Tax aliushukuru Umoja wa Mataifa kwa ushirikiano wake katika sekta mbalimbali nchini na kuuahidi umoja huo na wadau wengine wa maendeleo kuwa, Tanzania itaendelea kushirikiana nao katika kukabiliana na janga la Corona. Alifafanua kuwa Serikali itaendelea kufuata miongozo yote inayotolewa na Shirika la Afya Duniani pamoja na kujenga mfumo imara wa afya wenye kuhakikisha vituo bora vya afya, watumishi wa kutosha, vitendea kazi, dawa na miundombinu mingine ili kutoa huduma bora za afya nchini.

Alisema Serikali ilishaweka mikakati ya utekelezaji wa haya yote katika Mpango wa Maendeleo kwa Ustawi wa Taifa na Mapambano dhidi ya UVIKO-19 uliozinduliwa na Rais wa Jamhuri ya Muungano wa Tanzania, Mhe. Samia Suluhu Hassan jijini Dodoma hivi karibuni.

Alihitimisha hotuba yake kwa kuwahimiza wananchi kutumia fursa ya chanjo zilizopo nchini, kwa kuwa chanjo hizo zinapatikana kwa tabu na hadimu duniani.  

Kwa upande wake, Mratibu Mkazi wa Umoja wa Mataifa nchini, Bw. Ziatan Milisic alisema kuwa kufanyika kwa maadhimisho hayo, inaashiria kuwa Umoja wa Mataifa una dhamira ya dhati ya kushirikiana na Serikali ya Tanzania katika sekta mbalimbali kama za afya, elimu mazingira ili kufikia Malengo ya Maendeleo Endelevu (SDGs). 

Waziri wa Ulinzi na Jeshi la Kujenga Taifa, Mhe. Dkt. Stergomena Tax na wageni wengine waalikwa wakiwa wamesimama kwa ajili ya Wimbo wa Taifa.

Waziri wa Ulinzi na Jeshi la Kujenga Taifa, Mhe. Dkt. Stergomena Tax akikagua Gwaride maalum lililoandaliwa kwa heshima yake ikiwa ni moja ya shughuli za kuadhimisha Siku ya Umoja wa Mataifa.

Waziri wa Ulinzi na Jeshi la Kujenga Taifa, Mhe. Dkt. Stergomena Tax akishuhudia upandishaji wa Bendera ya Umoja wa Mataifa ikiwa ni moja ya tukio muhimu katika sherehe za kuadhimisha Siku ya Umoja wa Mataifa.

Wanajeshi kutoka Jeshi la Wananchi walioshiriki sherehe za kuadhimisha Siku ya Umoja wa Mataifa wakifuatilia hotuba za viongozi akiwemo Waziri wa Ulinzi na Jeshi la Kujenga Taifa.

Dua ya kubariki sherehe za kuadhimisha Siku ya Umoja wa Mataifa

Dua ya kubariki sherehe za kuadhimisha Siku ya Umoja wa Mataifa

Mratibu Mkazi wa Umoja wa Mataifa nchini, Bw. Zaitan Milišić akisoma Hotuba katika hafla ya maadhimisho ya Siku ya Umoja wa Mataifa jijini Dodoma.

Wanafunzi kutoka Shule ya Sekondari Lumumba ya mjini Zanzibar wakiimba ngonjera ya kuhamasisha watu kujitokeza kwa ajili ya kupata chanjo ya UVIKO-19.

Mkurugenzi wa Idara ya Ushirikiano wa Kimataifa kutoka Wizara ya Mambo ya Nje na Ushirikiano wa Afrika Mashariki, Balozi Macocha Tembele akitoa neno kabla ya kumkaribisha Mgeni Rasmi ambaye ni Waziri wa Ulinzi na Jeshi la Kujenga Taifa kuzungumza na wageni waalikwa.

Waziri wa Ulinzi na Jeshi la Kujenga Taifa, Mhe. Dkt. Stergomena Tax akihutubia mamia ya watu walioshiriki sherehe za kuadhimisha Siku ya Umojha wa Mataifa jijini Dodoma.

Mkuu wa Mkoa wa Dodoma, Mhe. Anthony Mtaka akitoa neno la shukurani kufuatia sherehe za kuadhimisha Siku ya Umoja wa Mataifa kufanyika Dodoma.

Waziri wa Ulinzi na Jeshi la Kujenga Taifa, Mhe. Dkt. Stergomena Tax akipokea cheti kutoka kwa Mratibu Mkazi wa Umoja wa Mataifa nchini, Bw. Zaitan Milišić.

Waziri wa Ulinzi na Jeshi la Kujenga Taifa, Mhe. Dkt. Stergomena Tax akiwa katika picha ya pamoja na wanafunzi wa shule za sekondari za Lumumba na Chinangali ambao waliimba ngonjera na shairi kwa ajili ya kuhamasisha chanjo ya UVIKO-19.

Rais Ndayishimiye aweka jiwe la msingi kiwanda cha mbolea cha ItraCom jijini Dodoma

 

Rais wa Jamhuri ya Burundi Mhe. Everiste Ndayishimiye akiwasalimia wananchi (hawapo pichani) waliohudhuria uzinduzi wa kiwanda cha Mbolea ya Asili cha ItraCom jijini Dodoma alipotembelea kiwanda hicho

Rais wa Jamhuri ya Burundi Mhe. Everiste Ndayishimiye akizindua kiwanda cha Mbolea ya Asili cha ItraCom jijini Dodoma

Baadhi ya wananchi walioshiriki katika uzinduzi wa kiwanda cha Mbolea ya Asili cha ItraCom jijini Dodoma uliofanywa na Rais wa Jamhuri ya Burundi Mhe. Everiste Ndayishimiye .