BALOZI SOKOINE AFUNGUA JPC YA 15 YA TANZANIA NA MSUMBIJI

Katibu Mkuu Wizara ya Mambo ya Nje na Ushirikiano wa Afrika Mashariki Balozi Joseph Sokoine akifungua Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022

Katibu Mkuu Wizara ya Mambo ya Nje na Ushirikiano wa Afrika Mashariki Balozi Joseph Sokoine (wa pili kulia) akiteta kitu na Balozi Hermenegildo Caetano kutoka Wizara ya Mambo ya Nje na Ushirikino wa Jamhuri ya Msumbiji wakati wa ufunguzi wa Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022

Balozi Hermenegildo Caetano kutoka Wizara ya Mambo ya Nje na Ushirikiano wa Jamhuri ya Msumbiji akizungumza wakati wa ufunguzi wa Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022

Mkurugenzi wa Idara ya Afrika Wizara ya Mambo ya Nje na Ushirikiano wa Afrika Mashariki Balozi Naimi Aziz akizungumza  wakati wa ufunguzi wa Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022

Afisa kutoka Wizara ya Mambo ya Nje na Ushirikiano wa Afrika Mashariki Bi.  Mwanaasha Ngenya  akijitambulisha wakati wa Mkutano wa 15 wa Tume ya Pamoja ya Kudumu (JPC) kati ya Tanznaia na Msumbiji katika picha ya pamoja bada ya ufuinguzi wa Mkutano huo unaofanyika jijini Dar es Salam kuanzia tarehe 22 Agosti hadi 24 Agosti 2022

Afisa kutoka Wizara ya Mambo ya Nje na Ushirikiano wa Afrika Mashariki Bw. Alli Ubwa akijitambulisha wakati wa Mkutano wa 15 wa Tume ya Pamoja ya Kudumu (JPC) kati ya Tanznaia na Msumbiji katika picha ya pamoja bada ya ufuinguzi wa Mkutano huo unaofanyika jijini Dar es Salam kuanzia tarehe 22 Agosti hadi 24 Agosti 2022

Afisa kutoka Wizara ya Mambo ya Nje na Ushirikiano wa Afrika Mashariki Bw. Frank Mwega akijitambulisha wakati wa Mkutano wa 15 wa Tume ya Pamoja ya Kudumu (JPC) kati ya Tanznaia na Msumbiji katika picha ya pamoja bada ya ufuinguzi wa Mkutano huo unaofanyika jijini Dar es Salam kuanzia tarehe 22 Agosti hadi 24 Agosti 2022       

                                                               

     

 

 

 

 

 

 

 

 

 

 

 

Washiriki wa Mkutano wa 15 wa Tume ya Pamoja ya Kudumu (JPC) kati ya Tanznaia na Msumbiji katika picha ya pamoja bada ya ufuinguzi wa Mkutano huo unaofanyika jijini Dar es Salam kuanzia tarehe 22 Agosti hadi 24 Agosti 2022

 Ujumbe wa Msumbiji unaoshiriki Mkutano wa 15 wa Tume ya Pamoja ya Kudumu (JPC) kati ya Tanznaia na Msumbiji katika picha ya pamoja bada ya ufuinguzi wa Mkutano huo unaofanyika jijini Dar es Salam kuanzia tarehe 22 Agosti hadi 24 Agosti 2022

 

 

Katibu Mkuu Wizara ya Mambo ya Nje na Ushirikiano wa Afrika Mashariki Balozi Joseph Sokoine amefungua Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022.
Mkutano huo ulioanza leo tarehe 22 Agosti 2022 katika ngazi ya Wataalamu utafuatiwa na mkutano wa ngazi ya Makatibu Waku una baadaye mkutano wa ngazi ya Mawaziri utakaofanyika tarehe 24 Agosti 2022 Jijini Dar es salaam.

Akifungua mkutano huo Balozi Sokoine amewaomba watendaji kutoka Tanzania na Msumbiji kutumia mikutano ya JPC kuondoa vikwazo vya kibiashara na kuweka mazingira wezeshi ili sekta za umma na binafsi ziweze kuwekeza kwenye uchumi wa kila nchi kwa maendeleo endelevu na kuinua uchumi wa nchi zote mbili.
Balozi Sokoine pia ametumia mkutano huo kuihakikishia Msumbiji juu ya imani iliyonayo Tanzania katika uhusiano wake na Msumbiji na kwamba itaendelea kuulinda uhusiano huo na kuongeza kuwa Tanzania itaendelea kuimarisha uhusiano huo kwa manufaa ya pande zote mbili.

“Tanzania ina imani na uhusiano iliyonao na Msumbiji na itaendelea kuulinda uhusiano huo na ni dhamira yetu kuwa tutaendelea kuimarisha uhusiano wetu ambao ni wa kindugu na kihistoria kwa manufaa ya vizazi vijavyo,” alisisitiza.

Balozi Sokoine alitoa shukurani kwa Rais wa jamhuri ya Muungano wa Tanzania Mhe. Samia Suluhu Hassan na Rais wa Jamhuri ya Msumbiji Mhe. Filipe Jacinto Nyusi kwa baraka na jitihada zao katika kuimarisha uhusiano baina ya nchi mbili hizi.


Tanzania na Msumbiji zinashirikiana katika sekta za Diplomasia, Ulinzi na Usalama, Fedha, Nishati, Maendeleo ya Jamii, Afya, Kazi, Ujenzi wa Miundombinu, Uchukuzi, Sayansi, Teknolojia, Habari, Elimu,Utamaduni na Sanaa, Biashara na Uwekezaji, Utalii na Wanyamapori, Kilimo, Uvuvi, Maji, Mazingira, Madini, Afya, Mifugo, Nishati na Elimu.

Tume ya Kudumu ya Pamoja (JPC) kati ya Tanzania na Msumbiji ilianzishwa mwaka 1979 na tangu wakati huo jumla ya mikutano 14 imefanyika ambapo maeneo ya ushirikiano yalikuwa yanajadiliwa na kukubaliwa kwa pamoja. Maeneo hayo ni Uhusiano wa Kidiplomasia, Biashara, Mawasiliano, Uchukuzi, Uhamiaji, Ulinzi na Usalama, Kilimo, Utalii na Uvuvi.

MKUTANO WA 15 WA TUME YA KUDUMU YA PAMOJA KATI YA TANZANIA NA MSUMBIJI WAFUNGULIWA JIJINI DAR ES SALAAM

Katibu Mkuu Wizara ya Mambo ya Nje na Ushirikiano wa Afrika Mashiriki Balozi Joseph Sokoine akifuatilia utambulisho wa washiriki wa Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022 wakifuatilia mkutano huo wakati wa ufunguzi wake.

Mkurugenzi wa Idara ya Afrika Wizara ya Mambo ya Nje na Ushirikiano wa Afrika Mashariki Balozi Naimi Aziz akifuatilia utambulisho wa washiriki wa Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022 wakifuatilia mkutano huo wakati wa ufunguzi wake.

Balozi wa Tanzania nchini Msumbiji Mhe. Faustine Kasike akishiriki katika Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji kutoka nchini Msumbiji akijitambulisha wakati wa ufunguzi wa Mkutano huo unaofanyika jijini Dar es salaam kuanzia tarehe 22 -24 Agosti, 2022

Mkurugenzi wa Chuo cha Diplomasia Tanzania Bw. Felix Wandwe akijitambulisha wakati wa Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji kutoka nchini Msumbiji akijitambulisha wakati wa ufunguzi wa Mkutano huo unaofanyika jijini Dar es salaam kuanzia tarehe 22 -24 Agosti, 2022

Balozi wa Tanzania nchini Msumbiji Mhe. Faustine Kasike (wa kwanza kushoto) akiwa na Balozi Naimi Aziz-Mkurugenzi wa Idara ya Afrika Wizara ya Mambo ya Nje na Ushirikiano wa Afrika Mashariki pamoja na Katibu Mkuu Wizara ya Mambo ya Nje na Ushirikiano wa Afrika Mashiriki Balozi Joseph Sokoine wakifuatilia utambulisho wa washiriki wa Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022 wakifuatilia mkutano huo wakati wa ufunguzi wake.

Baadhi ya washiriki wa  Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022 wakifuatilia mkutano huo wakati wa ufunguzi wake.

Mshiriki kutoka Msumbiji katika Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji kutoka nchini Msumbiji akijitambulisha wakati wa ufunguzi wa Mkutano huo unaofanyika jijini Dar es salaam kuanzia tarehe 22 -24 Agosti, 2022

 

Baadhi ya washiriki wa Tanzania katika Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022 katika picha ya pamoja baada ya ufunguzi wa mkutano huo.

Baadhi ya washiriki wa Msumbiji katika Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022 katika picha ya pamoja baada ya ufunguzi wa mkutano huo.

Washiriki wa Mkutano wa 15 wa Tume ya Pamoja ya Kudumu (JPC) kati ya Tanzania na Msumbiji unaofanyika jijini Dar es salaam kuanzia tarehe 22 -24 Agosti, 2022 katika picha ya pamoja baada ya ufunguzi wa mkutano huo.

 

 

Mkutano wa 15 wa Tume ya Pamoja ya Kudumu kati ya Tanzania na Msumbiji umeanza leo tarehe 22 Agosti, 2022 katika ngazi ya Wataalamu Jijini Dar es salaam. Mkutano huu wa awali pamoja na mambo mengine utajadili masuala ya ushirikiano yaliyokubaliwa baina ya Serikali ya Jamhuri ya Muungano wa Tanzania na Jamhuri ya Msumbiji. Mkutano huu utafuatiwa na mkutano katika ngazi ya Makatibu Wakuu na ngazi ya Mawaziri utakaofanyika tarehe 24 Agosti, 2022.

Mkutano wa Tume ya Kudumu ya Pamoja unalenga kujadili na kutathmini hatua za utekelezaji zilizofikiwa katika masuala mbalimbali ya ushirikiano yaliyokubaliwa kwenye mkutano wa 14 uliofanyika mwaka 2006. 

Mkutano huu pia utajadili kuanzisha maeneo mapya ya ushirikiano kwenye sekta za Elimu, Sayansi na Teknolojia, Maji na Umwagiliaji, Nishati, Madini, Afya, Ujenzi na Uchukuzi, Mifugo, Uvuvi, Utamaduni, Sanaa na Michezo, Viwanda, Biashara na Uwekezaji, Maliasili na Utalii. 

Tanzania na Msumbiji zimekuwa zikishirikiana katika maeneo ya Uhusiano wa Kidiplomasia, Ulinzi na Usalama, Fedha, Nishati, Maendeleo ya Jamii, Afya, Kazi, Ujenzi wa Miundombinu, Uchukuzi, Sayansi, Teknolojia, Habari, Elimu,Utamaduni na Sanaa, Biashara na Uwekezaji, Utalii na Wanyamapori, Kilimo, Uvuvi, Maji, Mazingira, Madini, Afya, Mifugo, Nishati na Elimu.

Tume ya Kudumu ya Pamoja (JPC) kati ya Tanzania na Msumbiji ilianzishwa mwaka 1979 na tangu wakati huo jumla ya mikutano 14 imefanyika ambapo maeneo ya ushirikiano yalikuwa yanajadiliwa na kukubaliwa kwa pamoja. Maeneo hayo ni Uhusiano wa Kidiplomasia, Biashara, Mawasiliano, Uchukuzi, Uhamiaji, Ulinzi na Usalama, Kilimo, Utalii na Uvuvi.

BALOZI MULAMULA AKUTANA KWA MAZUNGUMZO NA JAJI WA ICJ

Tanzania imeahidi kuendelea kushirikiana na Mahakama ya Kimataifa ya Haki (ICJ)  ili iweze kunufaika zaidi na kazi za Mahakama hiyo yenye hadhi ya juu duniani.

Ahadi hiyo imetolewa leo na Waziri wa Mambo ya Nje na Ushirikiano wa Africa Mashariki, Balozi Liberata Mulamula (Mb) wakati wa  mazungumzo na Jaji wa Mahakama hiyo, Jaji Abdulqawi Yusuf yaliyofanyika kwenye Ofisi Ndogo za Wizara Jijini Dar es Salaam.

Aidha, wamejadili ushirikiano uliopo baina ya Tanzania na Taasisi ya Afrika ya Sheria za Kimataifa yenye Ofisi zake Jijini Arusha ambayo Jaji Abduqlqawi ni Mwenyekiti. Taasisi hiyo imejikita kwenye kutoa mafunzo na kufanya tafiti kwenye masuala yanayohusu Sheria za Kimataifa.

Jaji Yusuf alimhakikishia Balozi Mulamula utayari wa Taasisi hiyo kuendelea kutoa mafunzo kwa watanzania kwenye maeneo mbalimbali yanayohusu Sheria za kimataifa. 

Kwa upande wake Balozi Mulamula alieleza kuwa Serikali itaendelea kutekeleza wajibu wake kama kupitia Mkataba wa Uenyeji.

Taasisi ya Afrika ya Sheria za Kimataifa ilianzishwa mwaka 2012 na Wakuu wa Nchi na Serikali wa Umoja wa Afrika kwa lengo la kutoa mafunzo na kufanya tafiti kwenye masuala yanayohusu Sheria za kimataifa na Sheria za Umoja wa Afrika na kuvijengea uwezo Vitivo vya Sheria vya Vyuo Vikuu vya Afrika na Wanasheria wa Afrika wanaoshughulika na Sheria za Kimataifa.

Jaji wa Mahakama ya Kimataifa ya Haki (ICJ), Jaji Abdulqawi Yusuf akizungumza na Waziri wa Mambo ya Nje na Ushirikiano wa Africa Mashariki, Balozi Liberata Mulamula katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Africa Mashariki, Balozi Liberata Mulamula akimueleza jambo Jaji wa Mahakama ya Kimataifa ya Haki (ICJ), Jaji Abdulqawi Yusuf katika Ofisi Ndogo za Wizara Jijini Dar es Salaam

Mazungumzo baina ya Waziri wa Mambo ya Nje na Ushirikiano wa Africa Mashariki, Balozi Liberata Mulamula na Jaji wa Mahakama ya Kimataifa ya Haki (ICJ), Jaji Abdulqawi Yusuf yakiendelea katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Africa Mashariki, Balozi Liberata Mulamula pamoja na Jaji wa Mahakama ya Kimataifa ya Haki (ICJ), Jaji Abdulqawi Yusuf katika picha ya pamoja na Maafisa waandamizi kutoka Wizara ya Mambo ya Nje katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Africa Mashariki, Balozi Liberata Mulamula akiagana na Jaji wa Mahakama ya Kimataifa ya Haki (ICJ), Jaji Abdulqawi Yusuf katika Ofisi Ndogo za Wizara Jijini Dar es Salaam

WAZIRI MULAMULA: IMARISHENI BIASHARA KATI YA TANZANIA, DRC

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb.) ameutaka Ubalozi wa Tanzania nchini Jamhuri ya Kidemokrasia ya Congo (DRC) kuendelea na jitihada za kuwashawishi wafanyabiashara kutoka nchini humo kufanya zaidi biashara na Tanzania. Balozi Mulamula ametoa agizo hilo alipokutana kwa mazungumzo na Balozi wa Tanzania nchini Congo, Mhe. Juma Mshana katika Ofisi za Ubalozi nchini humo.

Balozi Mulamula, ametembelea Ubalozi huo mara baada ya kumalizika kwa Mkutano wa siku mbili wa Baraza la Mawaziri wa Jumuiya ya Maendeleo Kusini mwa Afrka (SADC) uliofanyika Kinshasa nchini humo. Mkutano wa Mawaziri pamoja na mambo mengine huandaa agenda mbalimbali ambazo zitawasilishwa katika Mkutano wa Wakuu wa Nchi na Serikali kwa lengo la kuidhinishwa au kutolewa maamuzi.

Mkutano wa Kawaida wa 42 wa Wakuu wa Nchi na Serikali wa Jumuiya ya Maendeleo Kusini mwa Afrika (SADC) utafanyika tarehe 17 na 18 Agosti 2022 ambapo ujumbe wa Tanzania unatarajiwa kuongozwa na Rais wa Jamhuri ya Muungano wa Tanzania, Mhe. Samia Suluhu Hassan.

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akisalimiana na Balozi wa Tanzania katika Jamhuri ya Kidemokrasia ya Congo Balozi Said Juma Mshana wakati akiwasili katika Ubalozi wa Tanzania -Kinshasa, DRC

Waziri wa Mambo ya Nje na Ushirikiano wa Afrika Mashariki Balozi       Liberata Mulamula (Mb) akisaini katika kitabu cha Wageni katika Ubalozi wa Tanzania nchini DRC mara baada ya kuwasili katika ubalozi huo

Ujumbe wa Jamhuri ya Muungano wa Tanzania uliopo DRC kushiriki Mkutano wa kawaida wa 42 wa Wakuu wa Nchi na Serikali wa Jumuiya ya Maendeleo Kusini mwa Afrika (SADC) wakimshuhudia Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akisaini kitabu cha wageni katika Ubalozi wa Tanzania, DRC

Waziri wa Mambo ya Nje na Ushirikiano wa Afrika Mashariki Balozi Liberata Mulamula (Mb) akiwa katika kikao kazi na baadhi ya ujumbe wa Tanzania unaoshiriki katika Mkutano wa kawaida wa 42 wa Wakuu wa Nchi na Serikali unaotarajiwa kufanyika Agosti 17 na 18, 2022 Jijini Kinshasa, DRC

DKT. KOFLER AWASILI NCHINI KWA ZIARA YA SIKU SABA

Na Mwandishi wetu, Dar

Naibu Waziri wa Ushirikiano wa Kiuchumi na Maendeleo wa Shirikisho la Ujerumani, Dkt. Bärbel Kofler amewasili nchini kwa ziara ya kikazi ya siku saba kuanzia tarehe 13 – 20 August 2022.

Mara baada ya kuwasili katika Uwanja wa Ndege wa Kimataifa wa Julius Nyerere Jijini Dar es Salaam, Dkt. Kofler amepokelewa na Mkurugenzi wa Kitengo cha Mawasiliano ya Serikali katika Wizara ya Mambo ya Nje na Ushirikiano wa Afrika Mashariki, Balozi Mindi Kasiga.  

Katika ziara yake nchini, Dkt. Kofler pamoja na mambo mengine, anatarajia kutembelea mradi wa ajira na ujuzi kwa maendeleo ya afrika (E4D) unaofadhiliwa na serikali ya Ujerumani, Kituo cha malezi na mafunzo kwa wasichana wadogo ambao ni wahanga wa biashara haramu ya binadamu kilichopo Kibamba na Hospitali ya CCBRT Jijini Dar es Salaam. 

Maeneo mengine atakayotembelea Naibu Waziri huyo ni pamoja na Kituo cha Afya cha Ngamiani na Hospitali ya Bombo mkoani Tanga, Zahanati ya Mkanyageni Wilayani Muheza, Halmashauri ya Jiji la Tanga, Asasi ya Tree of Hope iliyopo mkoani Tanga pamoja na Hospitali ya KCMC Moshi mkoani Kilimanjaro.

Katika ziara yake nchini, Waziri Kofler anategemea kukutana na mawaziri wa sekta za afya, sheria, utalii, maendeleo ya jamii, fedha, nishati na maji kujadili masuala mbalimbali ya ushirikiano kati ya Tanzania na Ujerumani.

Naibu Waziri wa Wizara ya Ushirikiano wa Kiuchumi na Maendeleo ya Shirikisho la Ujerumani Dkt. Bärbel Kofler (katikati) akiongozana na Mkurugenzi wa Kitengo cha Mawasiliano Serikalini katika Wizara ya Mambo ya Nje na Ushirikiano wa Afrika Mashariki, Balozi Mindi Kasiga (kulia) baada ya kuwasili katika Uwanja wa Ndege wa Kimataifa wa Julius Nyerere Jijini Dar es Salaam. Kushoto ni Afisa kutoka Ubalozi wa Ujerumani nchini Tanzania. 

Naibu Waziri wa Wizara ya Ushirikiano wa Kiuchumi na Maendeleo ya Shirikisho la Ujerumani Dkt. Bärbel Kofler akisalimiana na Afisa kutoka Ubalozi wa Ujerumani nchini

Mkurugenzi wa Kitengo cha Mawasiliano Serikalini katika Wizara ya Mambo ya Nje na Ushirikiano wa Afrika Mashariki, Balozi Mindi Kasiga akimueleza jambo Naibu Waziri wa Wizara ya Ushirikiano wa Kiuchumi na Maendeleo ya Shirikisho la Ujerumani, Dkt. Bärbel Kofler walipokuwa katika Uwanja wa Ndege wa Kimataifa wa Julius Nyerere Jijini Dar es Salaam

Naibu Waziri wa Wizara ya Ushirikiano wa Kiuchumi na Maendeleo ya Shirikisho la Ujerumani Dkt. Bärbel Kofler akizungumza na Mkurugenzi wa Kitengo cha Mawasiliano Serikalini katika Wizara ya Mambo ya Nje na Ushirikiano wa Afrika Mashariki, Balozi Mindi Kasiga walipokuwa katika Uwanja wa Ndege wa Kimataifa wa Julius Nyerere Jijini Dar es Salaam

VACANCY ANNOUNCEMENT AT FAO AND WFP

 

BALOZI MGAZA AKUTANA KWA MAZUNGUMZO NA BALOZI WA OMAN

Na Mwandishi wetu, Dar

Mkurugenzi wa Idara ya Mashariki ya Kati katika Wizara ya Mambo ya Nje na Ushirikiano wa Afrika Mashariki, Balozi Hemed Mgaza amekutana kwa mazungumzo na Balozi wa Oman nchini Tanzania Mhe. Saud bin Hilal bin Saud Al Shidhan katika ofisi ndogo za Wizara Jijini Dar es Salaam.

Kukutana kwa viongozi hao kumelenga kuendelea kuimarisha masuala mbalimbali ya ushirikiano baina ya Tanzania na Oman pamoja na kufuatilia masuala waliyokubaliana wakuu wa nchi hizo mbili wakati wa ziara ya Rais wa Jamhuri ya Muungano wa Tanzania Mhe. Samia Suluhu Hassan nchini Oman mwezi Mei 2022.  

Viongozi hao pia wamejadili utekelezaji wa Mkataba wa Makubaliano (MoU) pamoja na mikataba mbalimbali iliyosainiwa na pande hizo mbili. Aidha, mikataba ambayo hadi sasa imesainiwa ni ya ushikiano katika sekta za elimu, uwekezaji, maliasili, pamoja na ushirikiano katika chakula na usalama baina ya Tanzania na Oman. 

Pamoja na mambo mengine, viongozi hao wamedajili namna bora ya kutekeleza Mkutano wa Tume ya Pamoja ya Ushirikiano baina ya Tanzania na Oman (JPC) ili kufungua zaidi maeneo mengine ya ushirikiano.  

Balozi wa Oman nchini Tanzania Mhe. Saud bin Hilal bin Saud Al Shidhan akizungumza na Mkurugenzi wa Idara ya Mashariki ya Kati katika Wizara ya Mambo ya Nje na Ushirikiano wa Afrika Mashariki, Balozi Hemed Mgaza (hayupo pichani) katika ofisi ndogo za Wizara Jijini Dar es Salaam

Mkurugenzi wa Idara ya Mashariki ya Kati katika Wizara ya Mambo ya Nje na Ushirikiano wa Afrika Mashariki, Balozi Hemed Mgaza akimsikiliza Balozi wa Oman nchini Tanzania Mhe. Saud bin Hilal bin Saud Al Shidhan (hayupo pichani) walipokutana kwa mazungumzo katika ofisi ndogo za Wizara Jijini Dar es Salaam

Mkurugenzi wa Idara ya Mashariki ya Kati katika Wizara ya Mambo ya Nje na Ushirikiano wa Afrika Mashariki, Balozi Hemed Mgaza akimueleza jambo Balozi wa Oman nchini Tanzania Mhe. Saud bin Hilal bin Saud Al Shidhan walipokuwa kwa mazungumzo katika ofisi ndogo za Wizara Jijini Dar es Salaam

BALOZI FATMA ATETA NA UJUMBE WA SAUDI ARABIA

Naibu Katibu Mkuu Wizara ya Mambo ya Nje na Ushirikiano wa Afrika ya Mashariki, Balozi Fatma Rajab amekutana kwa mazungumzo na ujumbe wa wataalam kutoka Wizara ya Mazingira, Maji na Kilimo ya Saudi Arabia ambao upo nchini kwa ziara ya kikazi kuanzia tarehe 10 -13 Aug,2022. 

Ujumbe huo umeambatana na Balozi wa Tanzania nchini Saudi Arabia, Mhe. Ali Mwadini. Aidha, ziara hiyo ni matokeo ya ziara iliyofanywa na Waziri wa Mambo ya Nje na Ushirikiano wa Afrika Mashariki, Balozi Liberata Mulamula mwezi Machi 2022 nchini Saudi Arabia ambapo katika ziara hiyo ilikubaliwa kuwa wataalamu hao kufanya ziara nchini Tanzania kwa lengo la kujionea fursa mbalimbali za uwekezaji hapa nchini katika sekta za kilimo na ufugaji. 

Pamoja na mambo mengine, wataalam hao wamekutana na wadau kutoka Chemba ya Wafanyabiashara wa Viwanda na Kilimo Tanzania (TCCIA), Kituo cha Taifa cha Uwekezaji (TIC), Wizara ya Uchumi wa Buluu, Mamlaka ya Kukuza Uwekezaji Zanzibar (ZIPA), Mamlaka ya Usimamizi wa Wanyamapori Nchini (TAWA), Kampuni ya Ranchi za Taifa (NARCO) pamoja na Taasisi ya Kuendeleza Kilimo Ukanda wa Nyanda za Juu Kusini (SAGCOT).

Maeneo mengine ambayo ujumbe huo unatarajiwa kutembelea ni pamoja na kiwanda cha Tanchoice kilichopo Kibaha mkoani Pwani na Ranchi ya Mbogo ili kiujionea fursa za uwekeji katika maeneo hayo.

Naibu Katibu wa Wizara ya Mambo ya Nje na Ushirikiano wa Afrika ya Mashariki, Balozi Fatma Rajab akipokea zawadi kutoka kwa kiongozi wa ujumbe wa wataalamu kutoka Saudi Arabia, Mhandishi Abdulaziz Bin Abdulrahman Al-Huwaish katika Ofisi Ndogo za Wizara Jijini Dar es Salaam

Naibu Katibu wa Wizara ya Mambo ya Nje na Ushirikiano wa Afrika ya Mashariki, Balozi Fatma Rajab katika picha ya pamoja na kiongozi wa ujumbe wa wataalamu kutoka Saudi Arabia, Mhandishi Abdulaziz Bin Abdulrahman Al-Huwaish katika Ofisi Ndogo za Wizara Jijini Dar es Salaam

Naibu Katibu wa Wizara ya Mambo ya Nje na Ushirikiano wa Afrika ya Mashariki, Balozi Fatma Rajab katika picha ya pamoja na Balozi wa Tanzania nchini Saudi Arabia, Mhe. Ali Mwadini,  Mkurugenzi wa Idara ya Mashariki ya Kati, Wizara ya Mambo ya Nje na Ushirikiano wa Afrika Mashariki, Balozi Hemed Mgaza na Ujumbe wa wataalamu kutoka Saudi Arabia katika Ofisi Ndogo za Wizara Jijini Dar es Salaam

SERIKALI KUSHIRIKIANA NA CCBRT KUBORESHA DIPLOMASIA YA AFYA

Na Waandishi wetu, Dar

Serikali kupitia Wizara ya Mambo ya Nje na Ushirikiano wa Afrika Mashariki imeahidi kushirikiana na Hospitali ya CCBRT kuboresha mazingira ya utoaji wa huduma za afya nchini kupitia utekelezaji wa Diplomasia ya Afya.

Ahadi hiyo imetolewa na Waziri wa Mambo ya Nje na Ushiikiano wa Afrika Mashariki, Balozi Liberata Mulamula (Mb.), alipofanya ziara ya kutembelea Hospitali hiyo kwa lengo la kujionea shughuli na huduma mbalimbali zinazotolewa hospitalini hapo leo Jijini Dar es Salaam 

Pamoja na mambo mengine, Waziri Mulamula ameupongeza Uongozi wa Hospitali hiyo kwa kazi nzuri wanayoifanya ya kuwahudumia watanzania hasa kuwapa akina mama tumaini la maisha hususan wanaopatwa na changamoto ya ugonjwa wa fistula.

“Wizara ninayoisimamia ni mtambuka na mchango wake umekuwa mkubwa ambapo nyinyi ni wadau wetu, tutashirikiana na Balozi zetu nje kuona ni jinsi gani tutapata wadau/washirika wa maendeleo watakaosaidia katika kuboresha sekta ya afya hususan hapa CCBRT,” amesema Waziri Mulamula.

Kwa upande wake Afisa Mtendaji Mkuu wa CCBT, Brenda Msangi amesema kuwa pamoja na jitihada ambazo Serikali imekuwa ikizichukua kuboresha sekta ya afya nchini, hospitali hiyo pia inajitahidi kuboresha huduma zake na mazingira yake kwa ujumla ili kuweza kuwahudumia wagonjwa wengi zaidi.

“Tunajitahidi kuwahudumia watanzania kadri tuwezavyo ila tunakabiliwa na baadhi ya changamoto za msaada wa utoaji wa huduma, vifaa tiba pamoja na kuwajengea uwezo wataalamu wetu ili kuweza kuboresha huduma zaidi,” amesema Bibi. Msangi.

Julai 05, 2022 Rais wa Jamhuri ya Muungano wa Tanzania, Mhe. Samia Suluhu Hassan akiwa kwenye hafla ya uzinduzi wa jengo la kutolea huduma ya afya ya mama na mtoto katika hospitali ya CCBRT alisema kuwa mikakati ya kuboresha huduma kwa akina mama wajawazito na watoto wachanga, Serikali kupitia Wizara ya afya kwa kushirikiana na vyama vya kitaaluma vya madaktari bingwa wa magonjwa ya kina mama na uzazi wameanzisha mfumo wa kupitia takwimu za vifo vya kina mama na watoto wakati wa kujifungua lengo likiwa ni kuboresha zaidi huduma katika sekta ya afya.

Waziri wa Mambo ya Nje na Ushiikiano wa Afrika Mashariki, Balozi Liberata Mulamula akioneshwa baadhi ya viungo bandia vinavyotengenezwa katika hospitali ya CCBRT na Afisa Mtendaji Mkuu wa CCBT, Bibi. Brenda Msangi. Balozi Mulamula alifanya ziara ya kutembelea hospitali hiyo kwa lengo la kujionea shughuli na huduma zinazotolewa hospitalini hapo leo Jijini Dar es Salaam.    

Mkurugenzi wa Kitengo cha Mawasiliano Serikalini, Wizara ya mambo ya Nje na Ushirikiano wa Afrika Mashariki, Balozi Mindi Kasiga akieleza jambo kwa Waziri wa Mambo ya Nje na Ushiikiano wa Afrika Mashariki, Balozi Liberata Mulamula pamoja na Afisa Mtendaji Mkuu wa CCBT, Bibi. Brenda Msangi hospitalini hapo leo Jijini Dar es Salaam 

Waziri wa Mambo ya Nje na Ushiikiano wa Afrika Mashariki, Balozi Liberata Mulamula akiwa katika kikao na Afisa Mtendaji Mkuu wa CCBT, Bibi. Brenda Msangi wakati alipofanya ziara ya kutembelea hospitali hiyo kwa lengo la kujionea shughuli na huduma zinazotolewa hospitalini hapo leo Jijini Dar es Salaam  

Waziri wa Mambo ya Nje na Ushiikiano wa Afrika Mashariki, Balozi Liberata Mulamula akiongea na baadhi ya wagonjwa wakati alipofanya ziara ya kutembelea hospitali ya CCBRT kwa lengo la kujionea shughuli na huduma zinazotolewa hospitalini hapo leo Jijini Dar es Salaam

Afisa Mtendaji Mkuu wa CCBT, Bibi. Brenda Msangi akimueleza jambo Waziri wa Mambo ya Nje na Ushiikiano wa Afrika Mashariki, Balozi Liberata Mulamula wakati Mhe. Mulamula alipofanya ziara ya kutembelea hospitali hiyo kwa lengo la kujionea shughuli na huduma zinazotolewa hospitalini hapo leo Jijini Dar es Salaam 

Mkurugenzi wa Kitengo cha Mawasiliano Serikalini, Wizara ya mambo ya Nje na Ushirikiano wa Afrika Mashariki, Balozi Mindi Kasiga akiagana na Afisa Mtendaji Mkuu wa CCBT, Bibi. Brenda Msangi hospitalini hapo leo Jijini Dar es Salaam 

JITAHADA ZAIDI ZINAHITAJIKA KUTANGAZA KAZI ZA WIZARA NDANI NA NJE YA NCHI- BALOZI MINDI

Mkurugenzi wa Mawasiliano ya Serikali Wizara ya Mambo ya Nje na Ushirikiano wa Afrika Mashariki Balozi Mindi Kasiga akiwasilisha mada ya Diplomasia ya Umma (Public Diplomacy) wakati wa mafunzo ya kuwajengea uwezo waandishi wa habari na utaalamu na ujuzi wa kuandika taarifa za kidiplomasia yaliyofanyika katika Chuo cha Diplomasia jijini Dar es Salaam.

Mkurugenzi wa Mawasiliano ya Serikali Wizara ya Mambo ya Nje na Ushirikiano wa Afrika Mashariki Balozi Mindi Kasiga akizungumza wakati wa mafunzo ya kuwajengea uwezo waandishi wa habari na utaalamu na ujuzi wa kuandika taarifa za kidiplomasia yaliyofanyika katika Chuo cha Diplomasia jijini Dar es Salaam

Balozi Mindi Kasiga akizungumza wakati wa mafunzo ya kuwajengea uwezo waandishi wa habari na utaalamu na ujuzi wa kuandika taarifa za kidiplomasia yaliyofanyika hivi karibuni jijini Dar es Salaam

                                     

Mkurugenzi Msaidizi  Idara ya Ushirikiano wa Kimataifa, Bw. Songalieli Shila akiwasilisha mada ya Umuhimu wa Tanzania kuwa mwanachama wa Jumuiya za Kikanda na Kimataifa wakati wa mafunzo ya kuwajengea uwezo waandishi wa habari na utaalamu na ujuzi wa kuandika taarifa za kidiplomasia yaliyofanyika hivi karibuni jijini Dar es Salaam

Mkurugenzi Msaidizi  Idara ya Ushirikiano wa Kimataifa, Bw. Songalieli Shila akizungumza wakati wa mafunzo ya kuwajengea uwezo waandishi wa habari na utaalamu na ujuzi wa kuandika taarifa za kidiplomasia yaliyofanyika hivi karibuni jijini Dar es Salaam

 Mkurugenzi wa Biashara, Uwekezaji na Sekta za Uzalishaji, Wizara ya Mambo ya Nje na Ushirikiano wa Afrika Mashariki  Bw. Bernard Haule akiwasilisha mada ya Umuhimu wa Soko Huru la Biashara Barani Afrika iliyowasilishwa wakati wa mafunzo ya kuwajengea uwezo waandishi wa habari na utaalamu na ujuzi wa kuandika taarifa za kidiplomasia yaliyofanyika hivi karibuni jijini Dar es Salaam

Baadhi ya washiriki wa mafunzo ya kuwajengea uwezo waandishi wa habari na utaalamu na ujuzi wa kuandika taarifa za kidiplomasia yaliyofanyika hivi karibuni jijini Dar es Salaam wakifuatilia mafunzo hayo 

 Mkurugenzi Msaidizi  Idara ya Ushirikiano wa Kimataifa, Bw. Songalieli Shila akiwa na baadhi ya washiriki wa mafunzo  ya kuwajengea uwezo waandishi wa habari na utaalamu na ujuzi wa kuandika taarifa za kidiplomasia yaliyofanyika hivi karibuni jijini Dar es Salaam

Mkurugenzi wa Mawasiliano ya Serikali Wizara ya Mambo ya Nje na Ushirikiano wa Afrika Mashariki Balozi Mindi Kasiga amesema kuwa kuwa jitahada zaidi zinahitajika kutangaza ndani na nje ya nchi kazi ambazo Wizara inazifanya.

Balozi Mindi ametoa kauli hiyo alipowasilisha mada ya Diplomasia ya Umma (Public Diplomacy) wakati wa mafunzo ya kuwajengea uwezo waandishi wa habari na utaalamu na ujuzi wa kuandika taarifa za kidiplomasia yaliyofanyika katika Chuo cha Diplomasia jijini Dar es Salaam.

Amesema kuwa licha ya Wizara kufanya kazi kubwa bado kazi hizo hazijapata fursa ya kutangazwa ipasavyo na kuna haja ya kuongeza jitihada zaidi ili kuhakikisha kazi hizo zinajulikana ndani na nje ya nchi.

Amesema waandishi wa habari ni wadau muhimu katika kufanikisha azma hiyo ya Wizara kwa kushirikiana na Kitengo cha Mawasiliano cha Wizara. Balozi Kasiga aliahidi kuwa Wizara itaendelea kuandaa mafunzo hayo ambayo pamoja na mambo mengine yatawezesha kuwepo na orodha ya waandishi wenye ujuzi wa kuandika taarifa za kidiplomasia ambao watatambulishwa katika Jumuiya ya wanadiplomasia nchini na hivyo kuendelea kufanya nao kazi kwa ufanisi zaidi kuitangaza diplomasia ya Tanzania ndani na nje ya mipaka ya nchi yetu.

Mafunzo hayo ya siku mbili (tarehe 27-28/ Julai, 2022) yameandaliwa na Wizara ya Mambo ya Nje na Ushirikiano wa Afrika Mashariki kupitia Kitengo chake cha Mawasiliano (GCU) yamewashirikisha waandishi wa habari kutoka vyombo mbalimbali vya habari vya hapa nchini ikiwemo mitandao ya kijamii ambapo walieleza jinsi walivyofaidika na mada za mafunzo hayo zilizowasilishwa na mabalozi wabobezi na Wakuu wa Idara na Vitengo wa Wizara ya Mambo ya Nje na Ushirikiano wa Afrika Mashariki.

 

Waandishi wa habari waliohudhuria mafunzo hayo walipata nafasi ya kusikiliza mada za Utekelezaji wa diplomasia ya uchumi iliyowasilishwa na Kaimu Mkurugenzi wa Idara ya Sera na Mipango, Bw. Justin Kisoka; Uandishi wa taarifa za kidiplomasia iliyowasilishwa na Balozi Mstaafu Peter Kallaghe; Uzalendo katika kujenga na kulinda tasiwra ya Tanzania iliyowasilishwa na Balozi Mstaafu Patrick Tsere; Diplomasia ya Umma iliyowasilishwa na Mkurugenzi wa Kitengo cha Mawasiliano ya Serikali (GCU), Balozi Mindi Kasiga; Umuhimu wa Tanzania kuwa mwanachama wa Jumuiya za Kikanda na Kimataifa iliyowasilishwa na Mkurugenzi Msaidizi kutoka Idara ya Ushirikiano wa Kimataifa, Bw. Songalieli Shila; na Umuhimu wa Soko Huru la Biashara Barani Afrika iliyowasilishwa na Mkurugenzi wa Biashara, Uwekezaji na Sekta za Uzalishaji, Bw. Bernard Haule.

Mada hizo zililenga kuwapatia waandishi wa habari ufahamu kuhusu majukumu, malengo na mikakati ya Wizara katika utekelezaji wa Sera ya Mambo ya Nje inayojikita katika diplomasia ya uchumi.

Wawasilishaji mada walitumia fursa hiyo kuwaelimisha waandishi wa habari hao kuhusu agenda za nchi katika Jumuiya ya Kimataifa zikiwemo kutumia Soko Huru la Biashara barani Afrika kwa manufaa ya kiuchumi.

Mafunzo hayo yalifunguliwa na Waziri wa Mambo ya Nje na Ushirikiano wa Afrika Mashariki, Balozi Liberata Mulamula tarehe 27 Julai, 2022 ambapo aliwaeleza waandishi wa habari kuwa ni wadau muhimu na kuwaahidi kuwa Wizara itaendelea kuimarisha uhusiano na kundi hilo muhimu kwa kuwawekea mazingira mazuri ikiwa ni pamoja na kuwaandalia mafunzo ya mara kwa mara ili waweze kutekeleza majukumu yao kwa ufanisi zaidi.

WAZIRI MULAMULA AMUAGA BALOZI WA CANADA BAADA YA KUMALIZA MUDA WA UWAKILISHI

Na Waandishi wetu, Dar

Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb.), ameagana na Balozi wa Canada nchini Mhe. Pamela O'Donnell ambaye amemaliza muda wake wa uwakilishi hapa nchini walipokutana katika Ofisi Ndogo za Wizara Jijini Dar es Salaam.

Akizungumza na Balozi O'Donnell Waziri Mulamula ameelezea kuridhishwa kwake na utendaji kazi wake ambao umewezesha Serikali ya Tanzania na Canada kuendelea kuimarisha ushirikiano katika sekta za afya, elimu pamoja na biashara na uwekezaji.

Waziri Mulamula ameongeza kuwa ushirikiano uliopo kati ya Tanzania na Canada ni jambo lililochochewa na kazi nzuri iliyofanywa na Balozi O'Donnell wakati akitekeleza majukumu yake ya kibalozi hapa nchini.

“Katika kipindi chako umeiwakilisha vyema Canada na kuonesha mafanikio makubwa ambayo yamefikiwa na Tanzania na Canada. Kazi yako imechochea uboreshaji wa sekta za afya na elimu pamoja na kuchangia ukuaji wa sekta ya biashara uwekezaji katika nchi zetu, ni matumaini yangu kuwa utaendelea kuwa Balozi mwema kwa Tanzania nchini Canada na kokote uendako Duniani,” amesema Balozi Mulamula.

Kwa upande wake Balozi wa Canada nchini Mhe. Pamela O'Donnell amesema anajivunia uwepo wake Tanzania, amejifunza mengi ikiwemo ukarimu wa Watanzania na amewashukuru Watanzania kwa upendo mkubwa waliomuonesha katika kipindi chote cha uwakilishi wake nchini.

“Naishukuru Tanzania na watu wake kwa ukarimu na ushirikiano walionionesha wakati natekeleza majukumu yangu ya kibalozi hapa nchini, kwa kweli ni ngumu sana kuaga na kusema kwaheri lakini hakuna budi, siku zote nitakumbuka utu na ukarimu wa Watanzania,” amesema Mhe. Balozi O'Donnell.

Pamoja na mambo mengine, Balozi O'Donnell ameihakikishia Tanzania kuwa Canada itaendelea kushirikiana na Tanzania katika sekta ya gesi pamoja na biashara na uwekezaji kwa maslahi ya pande zote mbili.

“Wawekezaji na wafanyabiashara kutoka Canada wamekuwa wakiridhishwa na mazingira ya biashara na uwekezaji na baadhi yao wameonesha nia ya dhati ya kuwekeza katika sekta ya gesi Tanzania,” ameongeza Balozi O'Donnell

Kadhalika, Balozi O’Donell amepongeza kazi nzuri inayofanywa na Serikali ya Tanzania ya kuimarisha ukuaji wa Uchumi, utoaji wa huduma bora za afya, elimu ya msingi bure kwa watanzania pamoja na kuboresha miundimbinu kwa maendeleo ya watanzania.

Waziri wa Mambo ya Nje na Ushirikiano wa Afrika Mashariki, Balozi Liberata Mulamula  akizungumza na Balozi wa Canada nchini Mhe. Pamela O'Donnell katika Ofisi Ndogo za Wizara Jijini Dar es Salaam

Sehemu ya Maafisa kutoka Wizara ya Mambo ya Nje na Ushirikiano wa Afrika Mashariki, wakifuatilia kikao cha Waziri Mulamula na Balozi wa Canada nchini Mhe. Pamela O'Donnell katika Ofisi Ndogo za Wizara Jijini Dar es Salaam

Balozi wa Canada nchini Mhe. Pamela O'Donnell akimueleza jambo Waziri wa Mambo ya Nje na Ushirikiano wa Afrika Mashariki, Balozi Liberata Mulamula  katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki, Balozi Liberata Mulamula  akimkabidhi zawadi ya picha Balozi wa Canada nchini Mhe. Pamela O'Donnell katika Ofisi Ndogo za Wizara Jijini Dar es Salaam

TAARIFA KWA UMMA