TANZANIA, NORWAY KUONGEZA USHIRIKIANO

 Tanzania na Shirika la Maendeleo la Norway (NORAD) zimekubaliana kuimarisha ushirikiano katika sekta za nishati, utunzaji wa mazingira na matumizi bora ya ardhi.

Mkubaliano hayo yamefikiwa katika kikao kati ya Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine na Mkurugenzi wa Shirika la Maendeleo la NORAD Bw. Bard Vegar Solhjell walipokutana kwa mazungumzo katika Ofisi Ndogo za Wizara Jijini Dar es Salaam.

Pamoja na mambo mengine, viongozi hao wamejadili maeneo ambayo NORAD imeonesha utayari wa kushirikiana na Tanzania katika kusaidia kuyaendeleza na kuyaboresha kwa maslahi mapana ya pande zote mbili.   

Maeneo waliyokubaliana ni nishati jadidifu, umeme vijijni, gesi asilia, elimu, matumizi bora ya ardhi, kusaidia kaya masikini, maji safi na salama, utunzaji wa mazingira na kuzuia ukataji wa miti kwa ajili ya matumizi ya mkaa na kuni pamoja na uchumi wa buluu.

Akizungumza katika kikao hicho, Balozi Sokoine amemhakikishia Mkurugenzi wa NORAD Bw. Solhjell kuwa Serikali ya Tanzania inaendelea na jitihada za kuhakikisha kunakuwepo na umeme wa uhakika kwa kuendelea na ujenzi wa bwawa la kuzalisha umeme la Julius Nyerere, gesi asilia, nishati jadidifu na umeme wa jua ili kupunguza uharibifu wa mazingira kutokana na kushamiri kwa matumizi ya kuni na mkaa.

Norway imekuwa ikishirikiana na Tanzania katika sekta za maendeleo tangu mwaka 1964, baadhi ya maeneo ambayo nchi hizo zimekuwa zikishirikiana ni pamoja na uzalishaji wa nishati ya umeme hususan vijijini, afya, elimu, kilimo na utunzaji wa misitu. 

 

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine akizungumza na Mkurugenzi wa Shirika la Maendeleo la NORAD Bw. Bard Vegar Solhjell walipokutana kwa mazungumzo katika Ofisi Ndogo za Wizara Jijini Dar es Salaam

Mkurugenzi wa Shirika la Maendeleo la NORAD Bw. Bard Vegar Solhjell akimueleza jambo Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine walipokutana kwa mazungumzo katika Ofisi Ndogo za Wizara Jijini Dar es Salaam. Wa kwanza kulia kwa Mkurugenzi wa NORAD ni Balozi wa Norway nchini Tanzania Mhe. Elisabeth Jacobsen.

Kikao cha Katibu Mkuu Wizara ya Mambo ya Nje na Ushirikino wa Afrika Mashariki, Balozi Joseph Sokoine na Mkurugenzi wa Shirika la Maendeleo la NORAD Bw. Bard Vegar Solhjell kikiendelea katika Ofisi Ndogo za Wizara Jijini Dar es Salaam. Wa kwanza kushoto kwa Balozi Sokoine ni Mkurugenzi wa Idara ya Ulaya na Amerika Wizara ya Mambo ya Nje na Ushirikiano wa Afrika Mashariki, Balozi Swahiba Mndeme akifuatilia mazungumzo hayo.

Balozi wa Norway nchini Tanzania Mhe. Elisabeth Jacobsen akielezea jambo wakati wa kikao cha Katibu Mkuu Wizara ya Mambo ya Nje na Ushirikino wa Afrika Mashariki, Balozi Joseph Sokoine na Mkurugenzi wa Shirika la Maendeleo la NORAD Bw. Bard Vegar Solhjell kilichofanyika katika Ofisi Ndogo za Wizara Jijini Dar es Salaam

 

MKUTANO WA MAKATIBU WAKUU WANAOSHUGHULIKIA MASUALA YA AFRIKA MASHARIKI NA MIPANGO KATIKA NCHI ZA EAC UNAFANYIKA JIJINI ARUSHA

Mkutano wa Makatibu Wakuu wanaoshughulikia masuala ya Afrika Mashariki na Mipango katika Jumuiya ya Afrika Mashariki unafanyika jijini Arusha, Tanzania tarehe 4 Novemba 2021.

Mkutano huu na mkutano wa ngazi ya wataalamu uliofanyika tarehe 1 na 2 Novemba 2021 ni sehemu ya mikutano ya awali kwa ajili ya maandalizi ya Mkutano wa 32 wa Baraza la Mawaziri la Kisekta linaloshughulikia masuala ya Afrika Mashariki na Mipango utakaofanyika jijini Arusha tarehe 5 Novemba 2021.

Mikutano hii ya awali pamoja na mambo mengine ina jukumu la kupitia na kuwasilisha agenda na mapendekezo ya masuala mengine ya kikanda yatakayojadiliwa katika mkutano wa Baraza la Mawaziri la Kisekta linaloshughulikia masuala ya Afrika Mashariki na Mipango.

Ujumbe wa Tanzania kwenye mkutano wa Makatibu Wakuu unaongozwa na Katibu Mkuu, Ofisi ya Rais, Menejimenti ya Utumishi wa Umma na Utawala Bora, Dkt. Laurean Ndumbaro ambaye amemuwakilisha Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine.

Viongozi wengine walioambatana na Dkt. Ndumbaro katika mkutano huo ni pamoja na; Naibu Mwanasheria Mkuu wa Serikali, Dkt. Evaristo Longopa, Katibu Mkuu, Wizara ya Biashara na Maendeleo ya Viwanda – Zanzibar, Dkt. Islam Seif Salum, Naibu Katibu Mkuu Wizara ya Viwanda na Biashara, Dkt. Harshil Adballah, na Afisa Mtendaji Mkuu, Mamlaka ya Masoko ya Mitaji na Dhamana (CMSA) Bw. Nicodemus Mkama.

Mwenyekiti wa Mkutano wa Makatibu Wakuu ambaye pia ni Katibu Mkuu wa Wizara ya Ushirikiano wa Afrika Mashariki wa Kenya, Mhe. Dkt. Kevit Desai (wa pili kushoto) akiongoza Mkutano wa Makatibu Wakuu unaofanyika jijini Arusha tarehe 4 Novemba 2021 kwa ajili ya maandalizi ya Mkutano wa 32 wa Baraza la Mawaziri la Kisekta linaloshughulikia masuala ya Afrika Mashariki na Mipango utakaofanyika jijini Arusha tarehe 5 Novemba 2021.

Katibu Mkuu, Ofisi ya Rais, Menejimenti ya Utumishi wa Umma na Utawala Bora, Dkt. Laurean Ndumbaro (kulia) akiongoza ujumbe wa Tanzania katika Mkutano wa Makatibu Wakuu wanaoshughulikia masuala ya Afrika Mashariki na Mipango katika Nchi za Afrika Mashariki, Kushoto ni Naibu Mwanasheria Mkuu wa Serikali, Dkt. Evaristo Longopa.

Kutoka kushoto ni Katibu Mkuu, Wizara ya Biashara na Maendeleo ya Viwanda – Zanzibar, Dkt. Islam Seif Salum, Naibu Katibu Mkuu Wizara ya Viwanda na Biashara, Dkt. Harshil Adballah, na Afisa Mtendaji Mkuu, Mamlaka ya Masoko ya Mitaji na Dhamana (CMSA) Bw. Nicodemus Mkama wakifuatilia mkutano.

Kutoka kulia ni Mkurugenzi wa Idara ya Siasa, Ulinzi na Usalama katika Wizara ya Mambo ya Nje na Ushirikiano wa Afrika Mashariki, Balozi Stephen Mbundi na Mkurugenzi wa Uendelezaji wa Sera Ofisi ya Rais, Menejementi ya Utumishi wa Umma na Utawala Bora, Bi Agnes Meena wakifuatilia mkutano.

Kutoka Kushoto ni Mkurugenzi Msaidizi idara ya Sera na Mipango katika Wizara ya Mambo ya Nje na Ushirikiano wa Afrika Mashariki, Bw. Justin Kisoka na Afisa Biashara Mkuu katika Wizara ya Viwanda na Biashara, Bw. Abdul Chacha wakifuatilia mkutano. 

Ujumbe wa Tanzania ukifuatilia mkutano.

Ujumbe wa Burundi

Ujumbe wa Kenya

Ujumbe wa Uganda

TANZANIA YAAHIDI KUIUNGA MKONO MAHAKAMA YA AFRIKA YA HAKI ZA BINADAMU NA WATU

 

Makamu wa Rais  wa Jamhuri ya Muungano wa Tanzania Mhe. Dkt. Philip Mpango akifungua Mdahalo wa Tano wa Mahakama ya Afrika ya Haki za Binadamu na Watu jijini Dar es Salaam

 

Rais wa Mahakaama ya Afrika ya Haki za Binadamu na Watu Mhe. Jaji Imani Aboud akizungumza wakati wa ufunguzi wa Mdahalo wa Tano wa Mahakama hiyo jijini Dar es Salaam

Makamu wa Rais  wa Jamhuri ya Muungano wa Tanzania Mhe. Dkt. Philip Mpango (katikati) akiwa na viongozi mbalimballi meza kuu wakati wa ufunguzi wa Mdahalo wa Tano wa Mahakama ya Afrika ya Haki za Binadamu na Watu jijini Dar es Salaam

 

Majaji na viongozi mbalimbali wa Serikali wakifuatilia ufunguzi wa Mdahalo wa Tano wa Mahakama ya Afrika ya Haki za Binadamu na Watu jijini Dar es Salaam

Washiriki wa Mdahalo wa Tano wa Mahakama ya Afrika ya Haki za Binadamu na Watu wakifuatilia ufunguzi wa mdahalo huo jijini Dar es Salaam

Mabalozi mbalimbali kutoka katika bara la Afrika wanaoziwakilisha nchi zao  Tanznaia wakifuatilia ufunguzi wa Mdahalo wa Tano wa Mahakama ya Afrika ya Haki za Binadamu na Watu jijini Dar es Salaam

 

 

 Makamu wa Rais  wa Jamhuri ya Muungano wa Tanzania Mhe. Dkt. Philip Mpango (katikati) akiwa na viongozi mbalimballi katika picha ya pamoja baada ya kufungua Mdahalo wa Tano wa Mahakama ya Afrika ya Haki za Binadamu na Watu jijini Dar es Salaam

 

 Na Waandishi wetu Dar,

 

Tanzania kuendelea kuiunga mkono Mahakama ya Afrika ya Haki za binadamu na watu katika kuhakikisha utoaji haki kwa wananchi unatekelezeka kwa wakati, uwazi na uadilifu.

Makamu wa Rais  wa Jamhuri ya Muungano wa Tanzania Mhe. Dkt. Philip Mpango amebainisha hayo wakati wa kufungua Mdahalo wa tano wa Mahakama ya Afrika ya Haki za Binadamu na Watu jijini Dar es Salaam.

Amesema Tanzania itaendelea kuiunga mkono Mahakama hiyo katika kuhakikisha inatekeleza majukumu yake na kuongeza kuwa itaendelea kuwa mwanachama wa Mahakama hiyo kutokana na ukweli kuwa ni miongoni mwa nchi zilizoshiriki kikamilifu katika kuanzishwa kwa mahakama hiyo.

Ameongeza kuwa lengo la kuanzishwa kwa Mahakama hiyo ilikuwa ni pamoja na kuzisaidia Mahakama za nchi wanachama katika utoaji haki kwa kutekeleza maamuzi ya Mahakama hiyo na siyo kukinzana na Mahakama na sheria za nchi wanachama  kupitia utekelezaji wa maamuzi yake.

‘Tanzania itaendelea kuwa mwanachama, tulishiriki katika uanzishwaji wake, tutaendelea kuwa sehemu ya Mahakama hii kwa kuzingatia kuwa Mahakama hii ilianzishwa kwa lengo la kuzisaidia mahakama za nchi wanachama na sio kukinzana na mahakama na sheria za nchi wanachama,’ amesema Dkt. Mpango.

 Amewataka washiriki wa mdahalo huo kupitia majadiliano yao kuja na mapendekezo yatakayosaidia na kuwezeha upatikanaji wa haki kwa wananchi wote kwa wakati badala ya kukinzana na sheria za nchi wanachama.

Amesema utoaji haki kwa wananchi wote ndio jambo la msingi na kwamba mfumo wa utoaji haki  hauna budi kuimarishwa ili kutekeleza jukumu hilo kwa nguvu zote kwani imani ya wananchi kwa mfumo huo ndio msingi wa imani ya wananchi .

Awali akizungumza katika ufunguzi wa Mdahalo huo, Rais wa Mahakama hiyo Mhe. Jaji Imani Aboud amesema mdahalo wa mwaka huu umejikita katika kuangalia ufanisi na utekelezaji wa majukumu ya mahakama.  

Naye mwakilishi wa Jaji Mkuu wa Tanzania Mhe. Jaji Dkt. Deo John Nangela kutoka Mahakama Kuu Kitengo cha Biashara amesema Tanzania ina mahusiano makubwa na taasisi za Kimataifa ikiwemo Mahakama ya Afrika ya Haki za Binadamu na Watu na Mahakama nyingine zilizoko katika kanda na kuongeza kuwa Tanzania ni mdau katika mahakama hizo na itaendelea kuziunga mkono mahakama hizo katika kuhakikisha utoaji haki unapatikana kwa wakati na uwazi.

Mdahalo wa Tano wa Mahakama ya Afrika ya Haki za Binadamu na watu unahudhuriwa na majaji na Wanasheria wa Serikali kutoka nchi wanachama wa Umoja wa Afrika na kauli mbiu yake inasema kujenga imani kwa mfumo wa mahakama wa Afrika.

 

BALOZI FATMA AFUNGA MKUTANO WA MAHAKAMA YA AFRIKA YA HAKI ZA BINADAMU NA WATU

 

Balozi Fatma Rajab akizungumza katika hafla ya kufunga Mkutano wa Kimataifa wa Mahakama ya Afrika ya Haki za Binadamu na Watu uliofanyika jijini Dar es Salaam

 

Balozi Fatma Rajab (kushoto) akizungumza katika hafla ya kufunga Mkutano wa Kimataifa wa Mahakama ya Afrika ya Haki za Binadamu na Watu uliofanyika jijini Dar es Salaam na kuhudhuriwa wanasheria waandamizi kutoka katika nchi wanachama wa Umoja wa Afrika kulia  kwake ni Rais wa Mahakama hiyo Mhe. Jaji Iman Abood kutoka Tanzania.

Balozi Fatma Rajab (kushoto) akizungumza katika hafla ya kufunga Mkutano wa Kimataifa wa Mahakama ya Afrika ya Haki za Binadamu na Watu uliofanyika jijini Dar es Salaam

Balozi Fatma Rajab (katikati) akiwa meza kuu wakati wa hafla ya kufunga Mkutano wa Kimataifa wa Mahakama ya Afrika ya Haki za Binadamu na Watu uliofanyika jijini Dar es Salaam

 

Washiriki wa Mkutano wa Kimataifa wa Mahakama ya Afrika ya Haki za Binadamu na Watu uliofanyika jijini Dar es Salaam wakifuatilia hafla ya ufungaji wa mkutano huo

Washiriki wa Mkutano wa Kimataifa wa Mahakama ya Afrika ya Haki za Binadamu na Watu uliofanyika jijini Dar es Salaam wakifuatilia hafla ya ufungaji wa mkutano huo.

 

 

Naibu Katibu Mkuu Wizara ya Mambo ya Nje na Ushirikiano wa Afrika Mashariki Mhe. Balozi Fatma Rajab amefunga Mkutano wa siku tatu wa Kimataifa wa Utekelezaji wa maamuzi ya  Mahakama ya Afrika ya Haki za Binadamu na Watu uliofanyika jijini Dar es Salaam.

Mkutano huo pia uliangalia changamoto ambazo nchi wanachama wa Umoja wa Afrika unakabiliana nazo katika kutekeleza maamuzi yanayotolewa na Mahakama hiyo na kuzitafutia njia ya kukabiliana nazo pamoja na matarajio ya kuanzishwa kwa Mahakama hiyo.

Akizungumza wakati wa kufunga Mkutano huo Balozi Fatma amewataka washiriki wa mkutano huo kuyachukua yale yote waliyokubaliana katika mkutano huo ili kuziwezesha nchi zao kutekeleza maamuzi yanayotolewa na Mahakama hiyo kwa ufanisi.

Mkutano huo ulianza Novemba  Mosi umehudhuriwa na Wanasheria waandamizi kutoka nchi wanachama wa Umoja wa Afrika.

MKUTANO WA 32 WA BARAZA LA MAWAZIRI LA KISEKTA LINALOSHUGHULIKIA MASUALA YA AFRIKA MASHARIKI NA MIPANGO WAFUNGULIWA JIJINI ARUSHA

Mkurugenzi Idara ya Siasa, Ulinzi na Usalama katika Wizara ya Mambo ya Nje na Ushirikiano wa Afrika Mashariki, Balozi Stephen Mbundi (kati) akiongoza ujumbe wa Tanzania katika mkutano wa maandalizi ngazi ya wataalamu unaofanyika jijini Arusha, Tanzania tarehe 1 na 2 Novemba 2021.

Mkutano huo wa ngazi ya wataalamu na mkutano wa ngazi ya Makatibu Wakuu utakaofanyika tarehe 3 na 4 Novemba 2021 ni sehemu ya mikutano ya maandalizi kuelekea Mkutano wa 32 wa Baraza la Mawaziri la Kisekta linaloshughulikia masuala ya Afrika Mashariki na Mipango utakaofanyika tarehe 5 Novemba 2021. 

Wataalamu wengine waandamizi walioambatana na Balozi Mbundi ni pamoja na Mkurugenzi wa Uendeshaji Sera Ofisi ya Rais, Menejimenti ya Utumishi wa Umma na Utawala Bora, Bi. Agnes Meena (kushoto) na kulia ni Mkurugenzi Msaidizi Idara ya Sera na Mipango katika Wizara ya Mambo ya Nje na Ushirikiano wa Afrika Mashariki, Bw. Justin Kisoka.

Mwenyekiti wa Mkutano ngazi ya wataalamu Dkt. Alice Yalla kutoka Kenya akiongoza mkutano huo unaofanyika jijini Arusha, Tanzania tarehe 1 na 2 Novemba 2021.

Ujumbe wa Uganda ukifuatilia mkutano.

Ujumbe wa Burundi ukifuatilia mkutano

 

Ujumbe wa Kenya ukifuatilia mkutano