MAKAMU WA RAIS WA CUBA ATEMBELEA TAASISI YA MWALIMU NYERERE NA KUMJULIA HALI MAMA MARIA NYERERE

Makamu wa Rais wa Cuba, Mhe. Salvador Mesa ametembelea Makao Makuu ya Taasisi ya Mwalimu Nyerere yaliyopo jijini Dar es Salaam na kuzungumza na Wafanyakazi wa Taasisi hiyo pamoja na Wajumbe wa Umoja wa Urafiki wa Tanzania na Cuba.

Mara baada ya kuwasili, Mhe. Mesa alipokelewa na Mwenyekiti wa Taasisi hiyo, Bw. Joseph Butiku pamoja na Mjumbe wa Bodi ya Wadhamini wa Taasisi hiyo, Mhe. Stephen Wasira.

Pamoja na mambo mengine Mhe. Mesa alipokea taarifa kuhusu utendaji wa Taasisi hiyo isiyo ya Serikali ambayo ilianzishwa mwaka 1996 kwa lengo la kuhamasisha  amani, umoja na maendeleo ya watu pamoja na kuenzi mchango wa Hayati Baba wa Taifa Mwalimu Julius Kambarage Nyerere katika utu na maendeleo ya watu pamoja na kutunza kumbukumbu mbalimbali za kazi zake ikiwemo vitabu, majarida, machapisho na picha.

Wakati huohuo, Mhe. Mesa amemtembelea, Mjane wa Baba wa Taifa, Hayati Mwalimu Julius Kambarage Nyerere, Mama Maria Nyerere kwenye makazi yake jijini Dar es Salaam kwa lengo la kumsalimia na kumjulia hali.

Katika mazungumzo yao, Mhe. Mesa amemweleza Mama Maria kuwa amewiwa kumtembelea kama ishara ya kuenzi urafiki wa Tanzania na Cuba ulioasisiwa na Hayati Mwalimu Julius Kambarage Nyerere na Hayati Fidel Castro na mchango mkubwa wa Mwalimu Nyerere katika kujenga amani, umoja na mshikamano na kuwa mstari wa mbele kwenye harakati za ukombozi kusini mwa Afrika. Kadhalika amemtakia afya njema na maisha marefu Mama Maria.

Kwa upande wake Mama Maria amemshukuru Mhe. Mesa kwa kutenga muda na kumtembelea.

Mazungumzo kati yao yalihudhuriwa pia na Watoto wa Hayati Baba wa Taifa akiwemo Mkuu wa Mkoa wa Rukwa, Mhe. Makongoro Nyerere.

Mwenyekiti wa Taasisi ya Mwalimu Nyerere, Bw. Joseph Butiku akimpokea Makamu wa Rais wa Cuba, Mhe. Salvador Mesa alipotembelea Taasisi hiyo tarehe 24 Januari 2024. Mhe. Mesa alifanya ziara ya siku tatu nchini kuanzia tarehe 23 hadi 25 Januari 2024

Makamu wa Rais wa Cuba, Mhe. Salvador Mesa akizungumza alipotembelea Taasisi ya Mwalimu Nyerere wakati wa ziara yake nchini

Mwenyekiti wa Taasisi ya Mwalimu Nyerere, Bw. Joseph Butiku akimzawadia Makamu wa Rais wa Cuba, Mhe. Salvador Mesa vitabu na machapisho mbalimbali ya Hayati Mwalimu Nyerere alipotembelea Taasisi hiyo tarehe 24 Januari 2024.

Mwenyekiti wa Taasisi ya Mwalimu Nyerere, Bw. Joseph Butiku akizungumza wakati wa ziara ya Makamu wa Rais wa Cuba, Mhe. Salvador Mesa (kushoto) alipotembelea Taasisi hiyo tarehe 24 Januari 2024. Wengine katika picha ni Waziri wa Maliasili na Utalii, Mhe. Angellah Kairuki (wa pili kushoto) na Balozi wa Tanzania nchini Cuba. Mhe. Humphrey Polepole.

Mhe. Mesa akiwa katika meza kuu na Mhe. Kairuki na Mhe. Polepole

Mkutano ukiendelea

Mkutano ukiendelea. Kulia ni Mhe. Stephen Wasira, Mwenyekiti wa Bodi ya Wadhamini wa Taasisi ya Mwalimu Nyerere na kushoto ni Prof. Shivji

Sehemu ya wanafunzi

Wageni waalikwa wakimsikiliza Mhe. Mesa

Mkutano ukiendelea

...............ZIARA YA MHE. MESA KWA MAMA MARIA NYERERE

Makamu wa Rais wa Cuba, Mhe. Salvador Mesa akisalimiana na Mjane wa Baba wa Taifa, Hayati Mwalimu Julius Kambarage Nyerere, Mama Maria Nyerere alipomtembelea kwenye makazi yake jijini Dar es Salaam kwa lengo la kumsalimia na kumjulia hali. Mhe. Mesa yupo nchini kwa ziara ya siku tatu kuanzia tarehe 23 hadi 25 Januari 2024

Makamu wa Rais wa Cuba, Mhe. Salvador Mesa akisalimiana na Mkuu wa Mkoa wa Rukwa, Mhe. Makongoro Nyerere ambaye pia ni mtoto wa Baba wa Taifa, Hayati Mwalimu Julius Kambarage Nyerere, Mama Maria Nyerere alipowatembelea kwenye makazi yao jijini Dar es Salaam kwa lengo la kumsalimia na kumjulia hali Mama Maria Nyerere. Mhe. Mesa yupo nchini kwa ziara ya siku tatu kuanzia tarehe 23 hadi 25 Januari 2024

Makamu wa Rais wa Cuba, Mhe. Salvador Mesa akizungumza na Mjane wa Baba wa Taifa, Hayati Mwalimu Julius Kambarage Nyerere, Mama Maria Nyerere alipomtembelea kwenye makazi yake jijini Dar es Salaam kwa lengo la kumsalimia na kumjulia hali. Mhe. Mesa yupo nchini kwa ziara ya siku tatu kuanzia tarehe 23 hadi 25 Januari 2024

Waziri wa Maliasili na Utalii, Mhe. Angellah Kairuki akiwa na Balozi wa Tanzania nchini Cuba, Mhe. Humphrey Polepole pamoja na Balozi wa Cuba nchini Tanzania, Mhe. Yordenis Vera

Mhe. Mesa akiwa katika picha ya pamja na Mama Maria Nyerer alipomtembelea nyumbani kwake jijini Dar es Salaam

Mhe. Makongoro akiwa na Wanafamilia wengine wa Hayati Mwalimu Julius Nyerere wakati wa ziara ya Makamu wa Rais wa Cuba, Mhe. Mesa alipowatembelea

Mhe. Makongoro akizungumza 

Picha ya pamoja kati Mhe. Mesa, Mama Maria Nyerere na wanafamilia wa Hayati Mwalimu Julius Nyerere

 

BALOZI FATMA AKUTANA KWA MAZUNGUMZO NA JUMUIYA MBALIMBALI NCHINI OMAN

Balozi wa Tanzania nchini Oman, Mhe. Fatma Mohammed amekutana kwa nyakati tofauti na Viongozi wa Jumuiya ya Maimamu wa Kitanzania waliopo Oman pamoja na Uongozi wa Jumuiya ya Al-Wadood Charitable Group ya Oman waliomtembelea ofisini kwake jijini Muscat hivi karibuni.

Pamoja na mambo mengine, Jumuiya hizo zilimtembelea Balozi Fatma kwa lengo la kujitambulisha kwake rasmi  baada ya kuteuliwa kuiwakilisha Tanzania nchini humo pamoja na kuwasilisha maoni ya Jumuiya hiyo kuhusu ajira zao nchini Oman na changamoto wanazokabiliana nazo

Katika taarifa yao, maimamu wa kitanzania wakiongozwa na Mwenyekiti wa Jumuiya hiyo, Sheikh Zubeir Nkwavi waliwasilisha maoni kuhusu ajira zao nchini humo na changamoto wanazokabiliana nazo. Walieleza kuwa, Jumuiya hiyo ambayo ilianzishwa rasmi mwaka 2020 imefanikiwa kusajili wanachama 88 wakiwemo maimamu na walimu katika misikiti mbalimbali nchini Oman. 

Pia Jumuiya hiyo imefanikiwa kuendesha shughuli  mbalimbali ikiwemo kusaidiana wakati wa misiba, kutoa michango wakati wa maafa, kuendesha mafunzo ya dini na kuanzisha mfuko wa akiba nchini humo.

Alisema kuwa pamoja na mafanikio hayo, Umoja huo unakabiliwa na changamoto kadhaa ikiwemo ukosefu wa Bima za Afya kwa wanachama wake, kukosa mlezi wa Jumuiya na kukosa udhamini wa masomo na kumuomba Mhe. Balozi Fatma kuwasaidia kutafuta suluhu ya changamoto hizo kwa kushirikiana na Serikali ya Oman.

Kwa upande wake, Mhe.  Balozi Fatma aliwashukuru Viongozi hao na kuwapongeza kwa kufanikiwa kupata ajira nchini Oman na hivyo kupunguza changamoto ya ukosefu wa ajira nchini Tanzania. 

Kuhusu mikataba ya ajira alisema ipo haja ya kuwepo makubaliano baina ya Taasisi za Kidini za nchi mbili hizi ili  kuwa kuweka mustakbali mzuri wa ajira zao.

Kadhalika Balozi Fatma aliwaahidi viongozi hao kuwa,  atazungumza na Mamlaka husika za nchini Oman katika kutafuta suluhisho kwa changamoto zinazowakabili pamoja na kusisitiza umuhimu wa kuwa na mikataba rasmi ya ajira ili kupata haki zinazostahili ikiwemo bima ya Afya, likizo na stahiki nyingine. 

Kwa upande wao, Jumuiya ya Al-Wadood Charitable Group ambayo inajihusisha na utoaji wa misaada kwa watu wenye mahitaji, wajane, wasiojiweza na yatima hapa nchini ikiongozwa Mwenyekiti wa Jumuiya hiyo Sheikh Abdulqadir Al-Jahdhamy waliwasilisha  taarifa na mipango yao ya mwaka kuhusu utoaji wa misaada hiyo. 

Naye Mhe. Balozi Fatma ameishukuru Jumuiya hiyo kwa misaada yao nchini na kuwaomba kuendelea kushirikiana na Serikali ya Tanzania katika kusaidia miradi mbalimbali ya kupunguza umasikini na ukali wa maisha kwa Watanzania. Pia amewaomba kusaidia kujenga mabweni katika mikoa yenye uhitaji hususan kwa wanafunzi wa kike. 

Jumuiya ya Al-Wadood Charitable Group pia imekuwa ikishiriki katika ujenzi wa misikiti, kutoa vifaa tiba, kuchimba visima na kugharamia masomo kwa Watanzania katika mikoa mbalimbali nchini

Balozi wa Tanzania nchini Oman, Mhe. Fatma Rajab akimkabidhi nyaraka kiongozi wa Jumuiya ya Maimamu wa Kitanzania ukiongozwa na Mwenyekiti wa Jumuiya hiyo Sheikh Zubeir Nkwavi  

Balozi wa Tanzania nchini Oman, Mhe. Fatma Mohammed akimkabidhi nyaraka Mwenyekiti wa Jumuiya hiyo Sheikh Abdulqadir Al-Jahdhamy 

Balozi wa Tanzania nchini Oman, Mhe. Fatma Rajab katika picha ya Pamoja na Uongozi wa Jumuiya ya Maimamu wa Kitanzania ulioongozwa na Mwenyekiti wa Jumuiya hiyo Sheikh Zubeir Nkwavi 

Balozi wa Tanzania nchini Oman, Mhe. Fatma Mohammed katika picha ya pamoja na Uongozi wa Jumuiya ya Al-Wadood Charitable Group Sheikh Abdulqadir Al-Jahdhamy (wa kwanza kulia) katika Ofisi za Ubalozi Oman

  

TANZANIA, CUBA KUIMARISHA SEKTA ZA KIPAUMBELE

Serikali ya Jamhuri ya Muungano wa Tanzania na Jamhuri ya Cuba zimekubaliana kuimarisha ushirikiano wa maendeleo katika sekta za kipaumbele ambazo ni elimu, afya, kilimo na utalii.

Makubaliano hayo yameafikiwa wakati Makamu wa Rais wa Tanzania, Mhe. Dkt. Philip Mpango alipokutana kwa mazungumzo na Makamu wa Rais wa Cuba, Mhe. Salvador Mesa, Ikulu Jijini Dar es Salaam.

Taarifa ya makubaliano hayo ilielezwa na viongozi hao wawili wakati wa mkutano na waandishi wa Habari uliofanyika Ikulu Jijini Dar es Salaam tarehe 24 Januari 2024.

Awali, viongozi hao walishuhudia utiaji saini wa Hati mbili za Makubaliano ya Ushirikiano (MoUs) ambazo ni makubaliano kati ya Chuo Kikuu cha Kilimo cha Sokoine (SUA) na Chuo Kikuu cha Artimesa Diaz Gonzalez cha Cuba. 

Hati ya pili ya Makubaliano ni kati ya Mamlaka ya Dawa na Vifaa Tiba Tanzania(TMDA) na Kituo cha Afya cha Taifa cha Udhibiti na Vifaa Tiba (CECMED) cha Serikali ya Cuba kwa lengo la kupanua wigo na kuongeza matumizi ya teknolojia katika masuala ya dawa na vifaa tiba.

Kadhalika, Dkt. Mpango aliongeza kuwa, Serikali ya Cuba imekubali kuendelea kuimarisha kiwanda cha Viuatilifu cha Biotech, Kibaha, Pwani ambapo kwa sasa kitaanza kutengeneza dawa za binadamu na kilimo na kuwa kiwanda cha kipekee barani Afrika. 

“katika mazungumzo yetu tumekubaliana Cuba waje kuimarisha kiwanda cha Viatilifu cha Biotech cha Kibaha na kwa sasa kiwanda hicho kitaanza kutengeneza dawa za binadamu za aina zaidi ya 10 sambamba na kuongeza wigo wa masoko ukanda wa Afrika Mashariki,”alisema Dkt. Mpango.

Pamoja na mambo mengine, viongozi hao wamekubaliana kuendelea kuimarisha ushirikiano wa kihistoria baina ya mataifa hayo uliodumu kwa muda mrefu. 

Kwa upande wa Makamu wa Rais wa Cuba, Salvador Mesa ameisifu Tanzania kwa kuitetea Cuba kimataifa na kusimama kupinga vikwazo wanavyowekewa vya kiuchumi na kusema imekuwa Nchi hizo ni ndugu na rafiki wa kweli.

“Tunaishukuru Tanzania kwa kutuunga mkono dhidi ya vikwazo tulivyowekewa vya kiuchumi, mmetutetea kupinga na kutaka vikwazo hivyo viondolewe ili kutuwezesha kutumia rasilimali zetu na kukuza uchumi,” alisema Mhe. Mesa.

Mhe. Mesa aliongeza kuwa lengo la ziara yake nchini ni kuimarisha na kuendeleza ushirikiano na Tanzania katika sekta ya elimu, afya, kilimo, siasa na utalii na kuwa Cuba itaendelea kukitangaza Kiswahili nchini humo na Ukanda wa Amerika ya Kusini.

Wakati huohuo, Mhe. Mesa amekutana kwa mazungumzo na Spika wa Bunge la Tanzania, Dkt. Tulia Ackson ambapo pamoja na mambo mengine wamejadili masuala ya ushirikiano kati ya Tanzania na Cuba. 

Makamu wa Rais wa Tanzania, Mhe. Dkt. Philip Mpango akisalimiana na Makamu wa Rais wa Cuba, Mhe. Salvador Mesa baada ya kuwasili Ikulu Jijini Dar es Salaam

Makamu wa Rais wa Tanzania, Mhe. Dkt. Philip Mpango na Makamu wa Rais wa Cuba, Mhe. Salvador Mesa wakishuhudia utiaji saini wa Hati za Makubaliano ya Ushikiano kati ya Mamlaka ya Dawa na Vifaa Tiba Tanzania(TMDA) na Kituo cha Afya cha Taifa cha Udhibiti na Vifaa Tiba (CECMED) cha Serikali ya Cuba, Ikulu Jijini Dar es Salaam. Hati hizo zimesainiwa na Mkurugenzi Mkuu wa Mamlaka ya Dawa na Vifaa Tiba Tanzania (TMDA) Bw. Adam Fimbo na Naibu Waziri wa Afya wa Cuba, Mhe. Reinol Garcia Mareno

Makamu wa Rais wa Tanzania, Mhe. Dkt. Philip Mpango na Makamu wa Rais wa Cuba, Mhe. Salvador Mesa wakiongea na waandishi wa habari Ikulu Jijini Dar es Salaam. 

Mkuu wa Chuo Kikuu cha Kilimo (SUA) Prof. Raphael Chibunda na Mkuu wa Chuo Kikuu cha Cuba, Prof. Adianez Fernandez wakionesha (MoUs) walizosaini Jijini Dar es Salaam

Makamu wa Rais wa Tanzania, Mhe. Dkt. Philip Mpango akizungumza na waandishi wa habari (hawapo pichani) Jijini Dar es Salaam

Makamu wa Rais wa Cuba, Mhe. Salvador Mesa akizungumza na waandishi wa habari (hawapo pichani) Ikulu Jijini Dar es Salaam

Makamu wa Rais wa Cuba, Mhe. Salvador Mesa akizungumza na Spika wa Bunge la Tanzania, Dkt. Tulia Ackson katika Ofisi Ndogo za Bunge Jijini Dar es Salaam

Kikao cha Makamu wa Rais wa Cuba, Mhe. Salvador Mesa akizungumza na Spika wa Bunge la Tanzania, Dkt. Tulia Ackson kikiendelea katika Ofisi Ndogo za Bunge Jijini Dar es Salaam

NAIBU WAZIRI MKUU WA CHINA AHITIMISHA ZIARA YAKE NCHINI

Naibu Waziri Mkuu wa China, Mhe. Liu Guozhong amehitimisha ziara yake ya kikazi nchini aliyoianza tarehe 22 Januari 2024. 

Baada ya kuhitimisha ziara hiyo Mhe. Guozhong ameagwa na Naibu Waziri Mkuu wa Jamhuri ya Muungano wa Tanzania na Waziri wa Nishati, Mhe. Dkt. Doto Biteko (Mb.) ambaye aliambatana na viongozi wengine waandamizi wa Serikali katika Uwanja wa Ndege wa Kimataifa wa Julius Nyerere (JNIA) tarehe 24 Januari 2024 jijini Dar es Salaam.

Naibu Waziri Mkuu wa Jamhuri ya Muungano wa Tanzania na Waziri wa Nishati, Mhe. Dkt. Doto Biteko (Mb.) (wa pili kushoto), Naibu Waziri wa Mambo ya Nje na Ushirikiano wa Afrika Mashariki anayeshughulikia masuala ya Afrika Mashariki, Mhe. Stephen Byabato (katikati), Balozi wa China nchini, Mhe. Chen Mingjian, Balozi wa Jamhuri ya Muungano wa Tanzania nchini China, Khamis Omar wakimuaga Mhe. Gouzhong.

Wakiteta jambo wakati wa kumuaga Mhe. Gouzhong.

 

MAKAMU WA RAIS WA CUBA AWASILI NCHINI KWA ZIARA YA KIKAZI

Makamu wa Rais wa Jamhuri ya Cuba, Mhe. Salvador Valdés Mesa amewasili nchini kwa ziara ya kikazi ya siku tatu kuanzia tarehe 23 - 25 Januari, 2024. 

Mara baada ya kuwasili nchini kupitia Uwanja wa Ndege wa Kimataifa wa Julius Nyerere, Mhe. Mesa alipokelewa na Waziri wa Maliasili na Utalii, Mhe. Angellah Kairuki (Mb.)

Akiwa nchini, Mhe. Mesa atakutana kwa mazungumzo na Makamu wa Rais wa Jamhuri ya Muungano wa Tanzania, Mhe. Dkt. Philip Mpango, Spika wa Bunge la Jamhuri ya Muungano wa Tanzania, Mhe. Dkt. Tulia Ackson, Rais Mstaafu wa Awamu ya Nne, Mhe. Dkt. Jakaya Kikwete na pia atatembelea Taasisi ya Mwalimu Nyerere.

Mhe. Mesa pia atamtembelea Mjane wa Baba wa Taifa, Hayati Mwalimu Julius Kambarage Nyerere, Mama Maria Nyerere pamoja na kutembelea kiwanda kinachozalisha dawa za viuadudu ya Biolarvicide cha Kibaha, Pwani.

Makamu wa Rais wa Jamhuri ya Cuba, Mhe. Salvador Valdés Mesa akisalimiana na Waziri wa Maliasili na Utalii, Mhe. Angellah Kairuki baada ya kuwasili katika Uwanja wa Ndege wa Kimataifa wa Julius Nyerere, Jijini Dar es Salaam

Makamu wa Rais wa Jamhuri ya Cuba, Mhe. Salvador Valdés Mesa akisalimiana na Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Nassor Mbarouk baada ya kuwasili katika Uwanja wa Ndege wa Kimataifa wa Julius Nyerere, Jijini Dar es Salaam

Makamu wa Rais wa Jamhuri ya Cuba, Mhe. Salvador Valdés Mesa akisalimiana na Balozi wa Tanzania nchini Cuba, Mhe. Humphrey Polepole baada ya kuwasili katika Uwanja wa Ndege wa Kimataifa wa Julius Nyerere, Jijini Dar es Salaam

Makamu wa Rais wa Jamhuri ya Cuba, Mhe. Salvador Valdés Mesa akizungumza na Waziri wa Maliasili na Utalii, Mhe. Angellah Kairuki katika Uwanja wa Ndege wa Kimataifa wa Julius Nyerere, Jijini Dar es Salaam

TANZANIA YANADI SEKTA YA UCHUMI WA BULUU KWA CHINA

Waziri Mkuu wa Jamhuri ya Muungano wa Tanzania, Mhe. Kassim Majaliwa amewaalika wafanyabiashara na wawekezaji kutoka China kuwekeza katika Sekta ya Uchumi wa Buluu na sekta nyingine za kimkakati.

Waziri Mkuu ametoa mwaliko huo alipokutana kwa mazungumzo na Naibu Waziri Mkuu wa China, Mhe. Liu Guozhong ofisini kwake Jijini Dar es Salaam.

Mhe. Majaliwa amesema kuwa Tanzania ina rasilimali za kutosha ambazo wawekezaji kutoka China wanaweza kuja kuwekeza kwa manufaa ya pande zote mbili kiuchumi hususan katika sekta ya uchumi wa buluu. 

“Kupitia uhusiano uliopo  nchi hizo mbili, Tanzania imedhamiria kuongeza thamani ya mazao ya biashara ili kuiwezeesha kuhimili ushindani katika soko la kikanda na kimataifa,” Alisema Mhe. Majaliwa

Wakati huohuo, Mhe. Majaliwa ameishukuru China kwa kuiondolea Tanzania ushuru katika mazao ya kilimo ambayo ni maharage ya soya, mihogo, parachichi na pia ameiomba China kuangalia uwekezano wa kuongeza mazao mengine ya biashara katika utaratibu huo mfano asali, mahindi ya njano na Maharage mabichi (Green Beans).

Kwa upande wake, Naibu Waziri Mkuu wa China, Mhe. Liu Guozhong amesema Tanzania ni rafiki wa China kwa miaka takribani 60 hivyo, China itaendelea kuwekeza zaidi Tanzania katika sekta mbalimbali za kimkakati.

“China itaendelea kushirikiana na Tanzania kuhakikisha kuwa mazao ya biashara yanaingia katika masoko yake,” alisema Guozhong.

Kuhusu uchumi wa buluu, kiongozi huyo ameahidi kuwa atawaeleza wafanyabiashara na wawekezaji kutoka China juu ya fursa zinazopatikana katika ukanda wa pwani na furza za kuwekeza kwenye sekta ya uchumi wa buluu.

Mkutano huo pia ulihudhuriwa na Naibu Waziri Mkuu na Waziri wa Nishati, Mhe. Dkt. Doto Biteko,Waziri wa Habari, Mawasiliano na Teknolojia ya Habari, Mhe. Nape Nnauye (Mb.), Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.), Naibu Waziri wa Kilimo, David Silinde (Mb) pamoja na viongozi waandamizi wa Serikali kutoka Tanzania na China.

Waziri Mkuu wa Jamhuri ya Muungano wa Tanzania, Mhe. Kassim Majaliwa akizungumza wakati alipokutana kwa mazungumzo na Naibu Waziri Mkuu wa China, Mhe. Liu Guozhong ofisini kwake Jijini Dar es Salaam. Kushoto ni Naibu Waziri Mkuu na Waziri wa Nishati, Mhe. Dkt. Doto Biteko

Naibu Waziri Mkuu wa China, Mhe. Liu Guozhong akifuatilia mazungumzo ya kikao baina yake na Waziri Mkuu wa Jamhuri ya Muungano wa Tanzania, Mhe. Kassim Majaliwa 

Waziri Mkuu wa Jamhuri ya Muungano wa Tanzania, Mhe. Kassim Majaliwa akifuatilia mazungumzo ya kikao chake na Naibu Waziri Mkuu wa China, Mhe. Liu Guozhong. Kulia ni Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Nassor Mbarouk 

Mazungumzo ya Waziri Mkuu wa Jamhuri ya Muungano wa Tanzania, Mhe. Kassim Majaliwa na Naibu Waziri Mkuu wa China, Mhe. Liu Guozhong yakiendelea 

Mazungumzo ya Waziri Mkuu wa Jamhuri ya Muungano wa Tanzania, Mhe. Kassim Majaliwa katika picha ya pamoja na Naibu Waziri Mkuu wa China, Mhe. Liu Guozhong 

Mazungumzo ya Waziri Mkuu wa Jamhuri ya Muungano wa Tanzania, Mhe. Kassim Majaliwa na Naibu Waziri Mkuu wa China, Mhe. Liu Guozhong, Naibu Waziri Mkuu wa Jamhuri ya Muungano wa Tanzania, Mhe. Dkt. Dotto Biteko (Mb.) katika picha ya pamoja na viongozi mbalimbali waandamizi wa Serikali 

WAZIRI MAKAMBA AKUTANA NA NAIBU WAZIRI MAMBO YA NJE WA INDONESIA

 

Waziri wa Mambo ya Nje na Ushirikiano wa Afrika Mashariki Mhe. January Makamba akipeana mkono na Naibu Waziri wa Mambo ya Nje wa Indonesia Mhe. Pahala Mansury jijini Jakarta wakati Waziri Makamba alipotembelea Ofisi za Wizara ya Mambo ya Nje ya Indonesia, ikiwa ni hatua za mwisho za maandalizi ya Ziara ya Kitaifa ya Rais wa Jamhuri ya Muungano wa Tanzania Mhe. Dkt. Samia Suluhu Hassan itakayofanyika kuanzia tarehe 24-26 Januari, 2024 nchini humo.

Waziri wa Mambo ya Nje na Ushirikiano wa Afrika Mashariki Mhe. January Makamba akisaini kitabu cha wageni alipowasili katika Ofisi za Wizara ya Mambo ya Nje ya Indonesia jijini Jakarta, ikiwa ni hatua za mwisho za maandalizi ya Ziara ya Kitaifa ya Rais wa Jamhuri ya Muungano wa Tanzania Mhe. Dkt. Samia Suluhu Hassan itakayofanyika kuanzia tarehe 24-26 Januari, 2024 nchini humo.

Waziri wa Mambo ya Nje na Ushirikiano wa Afrika Mashariki Mhe. January Makamba katika picha na Naibu Waziri wa Mambo ya Nje wa Indonesia Mhe. Pahala Mansury jijini Jakarta wakati Waziri Makamba alipotembelea Ofisi za Wizara ya Mambo ya Nje ya Indonesia, ikiwa ni hatua za mwisho za maandalizi ya Ziara ya Kitaifa ya Rais wa Jamhuri ya Muungano wa Tanzania Mhe. Dkt. Samia Suluhu Hassan itakayofanyika kuanzia tarehe 24-26 Januari, 2024 nchini humo.

Waziri wa Mambo ya Nje na Ushirikiano wa Afrika Mashariki Mhe. January Makamba na ujumbe wake (kulia) katika kikao na Naibu Waziri wa Mambo ya Nje wa Indonesia Mhe. Pahala Mansury na ujmbe wake (kushoto) jijini Jakarta wakati Waziri Makamba alipotembelea Ofisi za Wizara ya Mambo ya Nje ya Indonesia, ikiwa ni hatua za mwisho za maandalizi ya Ziara ya Kitaifa ya Rais wa Jamhuri ya Muungano wa Tanzania Mhe. Dkt. Samia Suluhu Hassan itakayofanyika kuanzia tarehe 24-26 Januari, 2024 nchini humo.

Waziri wa Mambo ya Nje na Ushirikiano wa Afrika Mashariki Mhe. January Makamba amekutana kwa mazungumzo na Naibu Waziri wa Mambo ya Nje wa Indonesia Mhe. Pahala Mansury jijini Jakarta, ikiwa ni hatua za mwisho za maandalizi ya Ziara ya Kitaifa ya Rais wa Jamhuri ya Muungano wa Tanzania Mhe. Dkt. Samia Suluhu Hassan itakayofanyika kuanzia tarehe 24-26 Januari, 2024 nchini humo.

Pamoja na mambo mengine, viongozi hao wamejiridhisha na maandalizi yanayoendelea ikiwemo ukamilishwaji wa hati saba za ushirikiano kwenye maeneo mbalimbali zinazotarajiwa kusainiwa wakati wa ziara hiyo.

Akizungumza katika kikao hicho Mhe. Waziri Makamba amesema ziara hiyo ni muendelezo wa jitihada za Serikali ya Awamu ya Sita katika kukuza na kuimarisha uhusiano wa kidiplomasia uliopo kati ya Tanzania na Indonesia ambao mwaka huu unatimiza miaka 60 tangu kuanzishwa kwake.

Ameongeza kuwa ziara hiyo pia inalenga kuimarisha ushirikiano kati ya Tanzania na Indonesia katika maeneo ya kımkakati ya biashara, uwekezaji, afya, elimu, uchumi wa buluu na kilimo.

Naye Naibu Waziri wa Mambo ya Nje wa Indonesia Mhe. Siregar amesema Indonesia iko tayari kumpokea Mhe. Rais Samia nchini mwao na kusisitiza kuwa Indonesia inathamini uhusiano wake na Tanzania na itaendelea kushirikiana kwa manufaa ya pande zote mbili.

Mkutano huo pia umehudhuriwa na Balozi wa Tanzania nchini Indonesia Mhe. Makocha Tembele na Mkurugenzi wa Afrika Wizara ya Mambo ya Nje ya Indonesia

Tanzania na Indonesia zimekua na uhusiano wa kidiplomasia wa muda mrefu tangu miaka ya 60, ambapo uhusiano ulijikita kwenye masuala ya ushirikiano baina ya nchi za Asia na Afrika ulioasisiwa na Mkutano wa Bandung mwaka 1955.

Kwenye awamu ya sita ya uongozi wa Tanzania, Mhe. Dkt. Samia Suluhu Hassan ameimarisha zaidi uhusiano huu kwa kuelekeza nguvu zaidi kwenye kuongeza biashara na uwekezaji baina ya nchi hizi mbili.

Tanzania inaitazama Indonesia kama nchi rafiki wa muda mrefu , lakini pia kama lango la kufungua fursa nyingi zaidi za kibiashara baina yake na nchi za eneo la ukanda wa Kusini Mashariki mwa bara la Asia.

Mhe. Rais Samia anatarajiwa kuwasili kwa ziara hiyo ya Kitaifa nchini Indonesia kuanzia tarehe 24 Januari 2024.

NAIBU WAZIRI MKUU WA CHINA MHE. LIU ATEMBELEA JKCI

 

Naibu Waziri Mkuu wa China, Mhe. Liu Guozhong ametembelea Taasisi ya Moyo ya Jakaya Kikwete (JKCI) leo tarehe 21 Januari 2024 na kupokelewa na Naibu Waziri wa Wizara ya Afya, Mhe. Dkt. Godwin Mollel. 

Akiwa katika Taasisi hiyo, Mhe. Liu alipokea taarifa ya utendaji kazi iliyowasilishwa kwake na Mkurugenzi Mtendaji wa Taasisi hiyo, Dkt. Peter Kisenge pamoja na kutembelea chumba cha upasuaji mdogo na mkubwa wa moyo na chumba cha wagonjwa mahututi wa moyo. 

JKCI imejengwa kwa ushirikiano kati ya Serikali ya Tanzania na Jamhuri ya Watu wa China kuanzia mwaka 2006 na kukamilika mwaka 2014 kwa ajili ya kutoa matibabu ya moyo nchini.

Taasisi ya JKCI inashirikiana na Taasisi za afya za China katika maeneo ya kubadilishana ujuzi na utaalam, utafiti, vifaa tiba na huduma za upasuaji wa moyo.

Naibu Waziri Mkuu wa Jamhuri ya Watu wa China na Mjumbe wa Kamati Kuu ya 20 ya Chama cha Kikomunisti cha China, Mhe. Liu Gouzhong akipokelewa na Naibu Waziri wa Afya, Mhe. Godwin Mollel baada ya kuwasili katika Taasisi ya Moyo ya Jakaya Kikwete-JKCI tarehe 22 Januari 2024 jijini Dar es Salaam.

Naibu Waziri Mkuu wa Jamhuri ya Watu wa China na Mjumbe wa Kamati Kuu ya 20 ya Chama cha Kikomunisti cha China, Mhe. Liu Gouzhong (wa pili kushoto) akisikiliza taarifa ya utendaji kazi kwa Mkurugenzi Mtendaji wa Taasisi ya Moyo ya Jakaya Kikwete-JKCI (wa pili kulia), Dkt. Peter Kisenge alipotembelea taasisi hiyo tarehe 22 Januari 2024 jijini Dar es Salaam. 

Mhe. Liu akieleza jambo wakati wa ziara hiyo.

Ziara ikiendelea.

Picha ya pamoja, Mhe. Liu (wa tano kutoka kulia), Mhe. Dkt. Mollel (wa sita kutoka kulia), Dkt. Kisenge na ujumbe kutoka Serikali ya China na  wafanyakazi wa Taasisi ya JKCI

NAIBU WAZIRI MKUU WA CHINA AWASILI NCHINI KWA ZIARA YA KIKAZI

Naibu Waziri Mkuu wa Jamhuri ya Watu wa China na Mjumbe wa Kamati Kuu ya 20 ya Chama cha Kikomunisti cha China, Mhe. Liu Gozhong, amewasili nchini kwa ziara ya siku tatu (3) kuanzia tarehe 22 hadi 24 Januari 2024 na kupokelewa na Naibu Waziri Mkuu wa Jamhuri ya Muungano wa Tanzania na Waziri waNishati, Mhe. Dkt. Doto Mashaka Biteko (Mb.)

Ziara hii inafanyika ikiwa ni jitihada za makusudi kati ya Tanzania na China katika kuimarisha ushirikiano wa kihistoria na kidugu ulioasisiwa na kujengwa na waasisi wa mataifa hayo mawili mwaka 1964; Baba wa Taifa la Tanzania, Mwalimu Julius Kambarage Nyerere wa Tanzania na Mwenyekiti Mao Zedong wa China na kuimarishwa na awamu zote za uongozi zilizofuatia katika mataifa hayo mawili.

Pamoja na mambo mengine, akiwa nchini Mhe. Liu atatembelea; Taasisi ya Moyo ya Jakaya Kikwete (JKCI ), Makumbusho ya Taifa, Shirika la Reli ya Tanzania na Zambia (TAZARA) kadhalika atatembelea eneo la makaburi ya wataalamu wakichina waliofariki wakati wa ujenzi wa reli ya TAZARA.

Naibu Waziri Mkuu wa Jamhuri ya Watu wa China, Mhe. Liu Guozhong akisalimiana na Naibu Waziri Mkuu wa Jamhuri ya Muungano wa Tanzania, Mhe. Doto Biteko alipowasili kwenye  Uwanja wa Ndege wa Kimataifa wa Julius Nyerere Dar es Salaam kwa ajili ya kuanza ziara ya kikazi ya siku tatu kuanzia tarehe 22 hadi 24 Januari 2024.

Naibu Waziri Mkuu wa Jamhuri ya Watu wa China, Mhe. Liu Guozhong akisalimia wadau mbalimbali waliofika kumpokea mara baada ya kuwasili nchini kwa ajili ya kuanza ziara ya kikazi ya siku tatu kuanzia tarehe 22 hadi 24 Januari, 2024

Naibu Waziri Mkuu wa Jamhuri ya Watu wa China,  Mhe. Liu Guozhong akiwa ameambatana na naibu Waziri Mkuu na Waziri wa Nishati, Mhe. Dotto Biteko mara baada ya kuwasili nchini kwa ajili ya kuanza ziara ya kikazi ya siku tatu kuanzia tarehe 22 hadi 24 Januari, 2024.

Naibu Waziri Mkuu wa Jamhuri ya Watu wa China, Mhe. Liu Guozhong akisalimiana na Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Mbarouk mara baada ya kuwasili katika Uwanja wa Ndege wa Kimataifa wa Julius Nyerere Dar es Salaam kwa ajili ya kuanza zaia ya kikazi ya siku tatu kuanzia tarehe 22 hadi 24 Januari 2024. Aliyesimama kulia kwa Mhe. Balozi Mbarouk ni Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Dkt. Samwel Shelukindo akifuatiwa na Balozi wa Tanzania nchini China, Mhe. Khamis Mussa Omar

Naibu Waziri Mkuu wa Jamhuri ya Watu wa China, Mhe. Liu Guozhong akisalimiana na Katibu Mkuu wa Wizara ya Mambo ya Nje na Ushirikiano wa Afrika Mashariki, Mhe. Samwel Shelukindo alipowasili katika Uwanja wa Ndege wa Kimataifa wa Julius Nyerere jijini Dar es Salaam kwa ajili ya kuanza ziara ya kikazi ya siku tatu kuanzia tarehe 22 hadi 24 Januari 2024

Naibu Waziri Mkuu wa Jamhuri ya Watu wa China, Mhe. Liu Guozhong akisalimiana na Mkuu wa Mkoa wa Dar es Salaam, Mhe. Albert Chalamila alipowasili katika Uwanja wa Ndege wa Kimataifa wa Julius Nyerere jijini Dar es Salaam kwa ajili ya kuanza ziara ya kikazi ya siku tatu kuanzia tarehe 22 hadi 24 Januari, 2024.

Mmoja wa Wajumbe walioongozana na Naibu Waziri Mkuu wa Jamhuri ya Watu wa China Mhe. Liu Guozhong akichukua matukio wakati wa mapokezi ya kiongozi huyo nchini.

 Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Mbarouk (kulia) akiwa na  Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Dkt. Samwel Shelukindo (wa pili kulia) akifuatiwa na Balozi wa Tanzania nchini China, Mhe. Khamis Mussa Omar (wa tatu kulia)  na wajumbe wengine kutoka Ubalozi wa China nchini wakati wa mapokezi ya Naibu Waziri Mkuu wa Jamhuri ya Watu wa China, Mhe. Lio Guozhong ambaye amewasili nnchini kwa ajili ya kuanza ziara ya kikazi ya siku tatu kuanzia tarehe 22 hadi 24 Januari 2024.

TANZANIA, OMAN KUIMARISHA UTAMADUNI NA KUMBUKUMBU

Tanzania na Oman zimekubaliana kuimarisha sekta ya utalii kupitia utamaduni na kumbukumbu za mambo ya kale ili kuongeza utalii na kukuza uchumi wa mataifa hayo mawili kwa maslahi ya pande zote mbili.

Makubaliano hayo yameafikiwa na Balozi wa Tanzania nchini Oman, Mhe. Fatma Rajab alipokutana kwa mazungumzo na Waziri wa Urithi wa Mambo ya Kale na Utalii wa Oman, Mhe. Salim Mohammed Al Mahrouq kujadili masuala mbalimbali ya kuimarisha ushirikiano kati ya Tanzania na Oman katika ukumbi wa Wizara hiyo. 

 

Pamoja na mambo mengine, viongozi hao wamejadiliana na kukubaliana kuongeza fursa na ushirikiano katika nyanja za mafunzo na uzoefu kwa wataalam wa pande zote mbili. Adha, katika Utekelezaji wa mambo hayo, viongozi na wataalam wa Tanzania na Oman watakutana hivi karibuni kupanga mikakati ya utekelezaji wa makubaliano ya ushirikiano.

Mazungumzo hayo ni hatua ya utekelezaji wa Balozi wa Tanzania nchini Oman, Mhe. Fatma Rajab ya kukuza ushirikiano wa kidiplomasia na Utekelezaji wa Diplomasia ya Uchumi.

Balozi wa Tanzania nchini Oman, Mhe. Fatma Rajab akizungumza na Waziri wa Urithi wa Mambo ya Kale na Utalii wa Oman, Mhe. Salim Mohammed Al Mahrouq kujadili masuala mbalimbali ya kuimarisha ushirikiano kati ya Tanzania na Oman katika ukumbi wa Wizara hiyo