BALOZI MBAROUK AFUNGUA MKUTANO WA NNE WA BARAZA LA WAFANYAKAZI LA WIZARA

Naibu Waziri Mambo ya Nje na Ushirikiano wa Afrika Mashariki Balozi Mbarouk Nassor Mbarouk amefungua Mkutano wa Nne wa Baraza la Wafanyakazi la Wizara uliofanyika jijini Arusha.

Akifungua Mkutano huo, Mhe. Balozi Mbarouk amewasihi  Watumishi wa Wizara ya Mambo ya Nje na Ushirikiano wa Afrika Mashariki kuendelea kubuni maeneo ya kimkakati ya ushirikiano ambayo yatakuza na kuendeleza ushawishi wa Tanzania katika majukwaa ya Kikanda na Kimataifa.

“Nichukue fursa hii kuwasihi kuendelea kufanya kazi kwa kuzingatia weledi na ubunifu, muendelee kubuni maeneo ya kimkakati ya ushirikiano ili kuimarisha uhusiano wa uwili, kikanda na Kimataifa kuendeleza ushawishi wa Tanzania katika majukwaa ya kimataifa,” alisisitiza Balozi Mbarouk.


Amesema Wizara inaandelea na kazi ya uandaaji wa Mkakati wa Kitaifa wa utekelezaji wa  Diplomasia ya Uchumi ambao kukamilika kwake kutachochea ufanisi na kuleta tija katika kukuza Ushirikiano wa kiuchumi na kijamii katika ngazi ya uwili, kikanda na kimataifa.

 

Amewataka wafanyakazi wa Wizara kuimarisha ushirikiano, uhusiano na maelewano miongoni mwao huku wakiendelea kufanya kazi kwa weledi, ujuzi wa hali ya juu ili kuleta tija na ufanisi kwa taifa.

Pia amewapongeza wajumbe wa Baraza kwa kazi nzuri ya kuwawakilisha wafanyakazi wengine katika Baraza hilo.

Awali akizungumza kwenye mkutano huo, Katibu Mkuu wa Wizara ya Mambo ya Nje na Ushirikiano wa Afrika Mashariki ambaye pia ni Mwenyekiti wa Baraza hilo, Balozi Dkt. Samwel Shelukindo amesema Wizara itaendelea kushughulikia changamoto mbalimbali za Wafanyakazi na kuboresha mazingira ya kazi ili kuhakikisha utekelezaji wa majukumu ya Wizara unakamilishwa kwa tija na ufanisi.

 

Naye Mwenyekiti wa TUGHE Tawi la Wizara, Bi Pili Sukwa ameawaasa Watumishi wa Wizara kuendelea kutii sheria, kanuni  taratibu na maelekezo mbalimbali yanayotolewa na Viongozi wa Wizara na Serikali kwa ujumla ili kwa pamoja kufikia malengo tarajiwa.

Mkutano huo, pamoja na mambo mengine umepokea taarifa mbalimbali za utekelezaji wa majukumu ya Wizara pamoja na kupokea na kujadili Bajeti ya Wizara kwa mwaka wa fedha 2024/2025 kabla ya kuwasilishwa kwenye Bunge la Jamhuri  ya Muungano wa Tanzania.

Naibu Waziri wa Mambo na Ushirikiano wa Afrika Mashariki Balozi Mbarouk Nassor Mbarouk (Mb) akifungua Mkutano wa Nne wa Baraza la Wafanyakazi la Wizara lililofanyika katika Ukumbi wa Kituo cha Mikutano cha Kimataifa cha Arusha (AICC) tarehe 02 Mei, 2024

Katibu Mkuu Wizara ya Mambo na Ushirikiano wa Afrika Mashariki Balozi na Mwenyekiti wa Baraza   Baraza la Wafanyakazi la Wizara, Dkt. Samwel Shelukindo  akizungumza wakati wa Mkutano wa Baraza hilo lililofanyika katika Kituo cha Mikutano cha Kimataifa cha Arusha (AICC) tarehe 02 Mei, 2024

Katibu Mkuu wa Wizara ya Mambo ya Nje na Ushirikiano wa Afrika Mashariki anyeshughulikia masuala ya Afrika Mashariki, Balozi Stephen Mbundi akizungumza wakati wa Mkutano wa Nne wa Baraza la Wafanyakazi wa Wizara uliofanyika jijini AICC jijini Arusha tarehe 02 Mei 2024

Naibu Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Said Shaibu Mussa  akichangia jambo wakati wa Mkutano wa Nne wa Baraza la Wafanyakazi wa Wizara uliofanyika jijini Arusha tarehe 02 Mei 2024

Mkurugenzi wa Utawala na Usimamizi wa Rasilimali Watu katika Wizara ya Mambo ya Nje na Ushirikiano wa Afrika Mashariki, Bi. Chiku Kiguhe akiwasilisha taarifa kuhusu masuala ya Utawala kwa wajumbe wa Baraza la Wafanyakazi wakati wa Mkutano wa Nne wa Baraza hilo uliofanyika AICC jijini Arusha tarehe 02 Mei 2024

Baadhi ya Wajumbe wa Mkutano wa Nne wa Baraza la Wafanyakazi la Wizara wakifuatilia mkutano huo katika Ukumbi wa Kituo cha Mikutano cha Kimataifa cha Arusha (AICC) tarehe 02 Mei, 2024

Mjumbe wa Mkutano wa Nne wa Baraza la Wafanyakazi la Wizara Bw. Emmanuel Mwasabwite akichangia kitu wakati wa mkutano huo katika Ukumbi wa Kituo cha Mikutano cha Kimataifa cha Arusha (AICC) tarehe 02 Mei, 2024

Baadhi ya Wajumbe wa Mkutano wa Nne wa Baraza la Wafanyakazi la Wizara wakifuatilia mkutano huo katika Kituo cha Mikutano cha Kimataifa cha Arusha (AICC) tarehe 02 Mei 2024

Baadhi ya Wajumbe wa Mkutano wa Nne wa Baraza la Wafanyakazi la Wizara wakifuatilia mkutano huo katika Kituo cha Mikutano cha Kimataifa cha Arusha (AICC) tarehe 02 Mei, 2024

Meza Kuu wakifuatilia Mkutano wa Nne wa Baraza la Wafanyakazi la Wizara wakifuatilia mkutano huo katika Kituo cha Mikutano cha Kimataifa cha Arusha (AICC) tarehe 02 Mei, 2024

Baadhi ya Wajumbe wa Mkutano wa Nne wa Baraza la Wafanyakazi la Wizara wakifuatilia mkutano huo katika  Kituo cha Mikutano cha Kimataifa cha Arusha (AICC) tarehe 02 Mei, 2024

Sekretarieti ya Mkutano wa Nne wa Baraza la Wafanyakazi la Wizara wakinukuu masuala mbalimbali yaliyojadiliwa katika mkutano wa nne wa Baraza la Wafanyakazi wa Wizara uliofanyika katika Kituo cha Mikutano cha Kimataifa cha Arusha (AICC) tarehe 02 Mei, 2024

Mgeni rasmi ambaye ni Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (wa tano kushoto walioketi) pamoja na Katibu Mkuu wa Mambo ya Nje na Ushirikiano wa Afrika Mashariki ambaye ni Mwenyekiti wa Baraza la Wafanyakazi wa Wizara, Balozi Dkt. Samwel Shelukindo (wa nne kushoto walioketi) wakiwa katika picha ya pamoja na Wajumbe wa Mkutano wa Nne wa Baraza la Wafanyakazi la Wizara  baada ya ufunguzi wa mkutano huo uliofanyika katika Kituo cha Mikutano cha Kimataifa cha Arusha (AICC) tarehe 02 Mei 2024

 

 

 

DKT. MPANGO AMWAKILISHA RAIS SAMIA

 

MAWAZIRI WA URATIBU WA SERA ZA MAMBO YA NJE EAC WAKUTANA DAR ES SALAAM

Mkutano wa 14 wa Baraza la Kisekta la Mawaziri wa Uratibu wa Sera za Mambo ya Nje wa Jumuiya ya Afrika Mashariki umefanyika leo tarehe 30 Aprili 2024 jijini Dar es Salaam. 

Mkutano huo wa ngazi ya Mawaziri umepokea taarifa ya utekelezaji wa maelekezo na maazimio yaliyofikiwa katika Mikutano iliyotangulia ya Baraza hilo katika Sekta ya Uratibu wa Sera za Nje, iliyowasilishwa baada ya Mkutano wa ngazi ya Makatibu Wakuu uliofanyika tarehe 27 Aprili 2024.

Mbali na kupokea taarifa hiyo Mawaziri hao pia wamejadili mapendekezo ya maeneo ambayo Nchi Wanachama zinaweza kuwa na msimamo wa pamoja katika majukwaa ya kimataifa, utoaji wa hadhi maalum ya uangalizi kwa kamisheni na mashirika ya kimataifa, Itifaki ya Jumuiya ya Afrika Mashariki ya Uratibu wa Sera za Nje na suala la kuwa mwakilishi wa Jumuiya katika Umoja wa Afrika. 

Ujumbe wa Tanzania katika mkutano huo uliohudhiriwa na Nchi zote Wanachama wa Jumuiya, umeongozwa na Naibu Waziri wa Mambo ya Nje na Ushirikiano wa Afrika Mashariki anayeshughulikia Afrika Mashariki Mhe. Stephen Byabato.

Aidha Mkutano huo ulifuatiwa na Mkutano wa 12 wa Pamoja wa Mabaraza ya Kisekta ya Mawaziri wa Ushirikiano katika Ulinzi, Mambo ya Ndani na Uratibu wa Sera za Mambo ya Nje.

Akifungua Mkutano huo uliohusisha sekta tatu Naibu Katibu Mkuu, Sekretarieti ya Jumuiya ya Afrika Mashariki anayesimamia miundombinu, uzalishaji, jamii na siasa Bw. Andrea Ariik Malueth, ameeleza kuwa mkutano huo pamoja na masuala mengine una jukumu kubwa la kuhakikisha unalinda misingi, uhuru na kuimarisha ulinzi na usalama katika Jumuiya. 

Hali kadhalika Mkutano huo ngazi ya Mawaziri ulikuwa makhususi kwa ajili ya kupokea na kujadili taarifa iliyowasilishwa kwao na mkutano ngazi ya Makatibu Wakuu wanaosimamia masuala ya Ulinzi, Mambo ya Ndani na Sera za Mambo za Nje katika nchi Wanachama.

Naibu Waziri wa Mambo ya Nje na Ushirikiano wa Afrika Mashariki Mhe. Stephen Byabato achangia mada kwenye Mkutano wa 14 wa Baraza la Kisekta Mawaziri wa Uratibu wa Sera za Mambo ya Nje wa Jumuiya ya Afrika Mashariki uliofanyika jijini Dar es Salaam, 30 Aprili 2024

Waziri wa Ulinzi na Jeshi la Kujenga Taifa Mhe. Dkt. Stergomena Tax akichangia mada kwenye Mkutano wa 12 wa Pamoja wa Mabaraza ya Kisekta ya Mawaziri wa Ushirikiano katika Ulinzi, Mambo ya Ndani na Uratibu wa Sera za Mambo ya Nje wa EAC uliofanyika jijini Dar es Salaam, 30 Aprili 2024

Naibu Waziri wa Mambo ya Nje na Ushirikiano wa Afrika Mashariki anayesimamia masuala ya EAC Mhe. Stephen Byabato akichangia mada kwenye Mkutano wa 14 wa Baraza la Kisekta Mawaziri wa Uratibu wa Sera za Mambo ya Nje wa Jumuiya ya Afrika Mashariki uliofanyika jijini Dar es Salaam. Pamoja naye ni Katibu Mkuu, Balozi Stephen Mbundi (kushoto) na Kaimu Mkurugenzi Idara ya Siasa, Ulinzi na Usalama Bi. Mwanamridu Amity Jumaa (kulia).

Mkutano wa 14 wa Baraza la Kisekta Mawaziri wa Uratibu wa Sera za Mambo ya Nje wa Jumuiya ya Afrika Mashariki ukiendelea

Meza kuu wakiongoza Mkutano

Sehemu ya ujumbe wa Tanzania wakifuatilia Mkutano wa 12 wa Pamoja wa Mabaraza ya Kisekta ya Mawaziri wa Ushirikiano katika Ulinzi, Mambo ya Ndani na Uratibu wa Sera za Mambo ya Nje wa EAC uliokuwa ukiendelea jijini Dar es Salaam.

Sehemu ya washiriki wakifuatilia Mkutano wa 12 wa Pamoja wa Mabaraza ya Kisekta ya Mawaziri wa Ushirikiano katika Ulinzi, Mambo ya Ndani na Uratibu wa Sera za Mambo ya Nje wa EAC uliokuwa ukiendelea jijini Dar es Salaam.

Sehemu ya ujumbe wa Tanzania wakifuatilia Mkutano wa 12 wa Pamoja wa Mabaraza ya Kisekta ya Mawaziri wa Ushirikiano katika Ulinzi, Mambo ya Ndani na Uratibu wa Sera za Mambo ya Nje wa EAC uliokuwa ukiendelea jijini Dar es Salaam.

Sehemu ya washiriki wakifuatilia Mkutano wa 12 wa Pamoja wa Mabaraza ya Kisekta ya Mawaziri wa Ushirikiano katika Ulinzi, Mambo ya Ndani na Uratibu wa Sera za Mambo ya Nje wa EAC uliokuwa ukiendelea jijini Dar es Salaam.

MKUTANO WA 24 WA BARAZA LA MAWAZIRI SEKTA YA AFYA EAC WAANZA DAR ES SALAAM

Mganga Mkuu wa Serikali Prof. Tumaini Nagu akizungumza kwenye ufunguzi wa Mkutano wa Kawaida wa 24 wa Baraza la Mawaziri la Kisekta la Afya unaofanyika jijini Dar es Salaam. 

Mkutano wa Kawaida wa 24 wa Baraza la Mawaziri la Sekta ya Afya umeanza jijini Dar es Dar es Salaam.

Mkutano huo wa siku tano unaofanyika kwa njia ya mseto (mtandao na ana kwa ana) kuanzia terehe 29 Aprili hadi tarehe 3 Mei 2024 umeanza kwa Ngazi ya Wataalam ukilenga kufanya tathimini ya utekelezaji wa maagizo na makubaliano yaliyofikiwa katika mkutano wa 23 wa Baraza hilo. 

Mkutano huo Ngazi ya Wataalam utafuatiwa na Ngazi ya Makatibu Wakuu utakaofanyika tarehe 2 Aprili 2024 na kuhitimishwa na Mkutano Ngazi ya Mawaziri ukaofanyika tarehe 3 Mei 2024. 

Mbali na kufanya tathimini ya utekelezaji wa maagizo na makubaliano yaliyofikiwa katika mkutano wa 23 wa Baraza hilo, agenda zingine zitakazojadiliwa katika katika Mkutano huo ni pamoja na; Kujadili taarifa za Vikundi Kazi (Technical Working Group – TWG) sita (06) vya Sekta ya Afya na pendekezo la Jamhuri ya Muungano wa Tanzania la kuanzisha Kituo cha Umahiri cha Upandikizaji Uloto na Sayansi ya Matibabu ya Magonjwa ya Damu chini ya Hospitali ya Benjamin Mkapa. 

Akizungumza katika ufunguzi wa Mkutano huo Mganga Mkuu wa Serikali ya Tanzania Prof. Tumaini Nagu, ametoa rai kwa Wataalamu wa Sekta ya Afya wanaoshiriki Mkutano huo, kutoa mchango utakaoisaidia Jumuiya kuimarisha miundombinu ya huduma ya afya ili kukabiliana na matishio ya kiafya ya magonjwa yanayoambukiza na yasiyoambukiza.

“Hatukutani kujadili pekee, bali kutoa suluhisho na majawabu yatakayosaidai kustahimili changamoto za kiafya katika Jumuiya yetu kwa kuzingatia ubunifu na weledi katika mifumo yetu ya afya huku tukiwa wamoja na wenye nguvu zaidi”amesema Prof. Nagu

Amehimiza umuhimu wa Sekta ya Afya ndani Jumuiya kuendelea kufanya kazi kwa ufanisi na umoja katika utekeleza progamu, miradi ya Sekta ya Afya na mikakati mbalimbali inayopangwa ili kufikia mafanikio yanayotarajiwa kwa wakati.

Kwa upande wake Mkurugenzi wa Sekta ya Jamii katika Sekretarieti ya Jumuiya ya Afrika Mashariki Dkt. Irene Isaka ameeleza kuwa kupitia mkutano huo nchi wanachama zitapata fursa ya kusikia taarifa zitakazowasilishwa na kila nchi ili kwa pamoja wachangia na kushauri namna bora ya kusimamia na kuendesha programu, miradi, miundombinu ya afya katika Jumuiya.

Mkutano huo Ngazi ya Wataalam unahudhuriwa na Nchi zote Wanachama wa Jumuiya na ujumbe wa Tanzania unaongozwa na Mganga Mkuu wa Serikali Prof. Tumaini Nagu. 

Wizara ya Mambo ya Mambo ya Nje na Ushirikiano wa Afrika Mashariki inawakilishwa na Kaimu Mkurugenzi wa Idara ya Miundombinu ya Uchumi na Huduma za Jamii Mhandisi Abdillah Mataka. 

Mkutano huo unahudhuriwa na Wizara za Afya (Tanzania Bara na Zanzibar), Hospitali ya Benjamin Mkapa, Taasisi ya Moyo ya Jakaya Kikwete (JKCI), Kituo cha Umahiri cha Magonjwa ya Moyo na Mishipa ya Damu cha Afrika Mashariki, Taasisi ya Taifa ya Utafiti wa Magonjwa ya Binadamu (NIMR), Mamlaka ya Chakula na Dawa (TMDA), Mpango wa Taifa wa Kudhibiti Ukimwi (NACP), Chuo Kikuu cha Afya na Sayansi Shirikishi (MUHAS) Bohari ya Dawa (MSD), Maabara Kuu ya Taifa, Mpango wa Kitaifa wa Kudhibiti Malaria (NAMCP) na Mamlaka ya Chakula na Dawa Zanzibar (ZFDA)

Mwenyeki wa Mkutano wa 24 wa Baraza la Mawaziri la Kisekta la Afya Ngazi ya Wataalam Dr. Agai K. Akec Mkurugenzi wa Masula ya HIV/AIDS kutoka Jumhuri ya Sudan akiongoza Kikao

Sehemu ya Ujumbe wa Tanzania wakifuatalia Mkutano wa 24 wa Baraza la Mawaziri la Kisekta la Afya unaofanyika jijini Dar es Salaam. Tarehe 29 Aprili hadi 3 Mei 2024. 

Mkutano wa 24 wa Baraza la Mawaziri la Kisekta la Afya ukiendelea jijini Dar es Salaam

Mkurugenzi wa Idara ya Miundombinu ya Uchumi na Huduma za Jamii katika Wizara ya Mambo ya Nje Ushirikiano wa Afrika Mashariki Mhandisi Abdillah Mataka akifuatilia Mkutano wa 24 wa Baraza la Mawaziri la Kisekta la Afya unaoendelea jijini Dar es Salaam

Sehemu ya Ujumbe wa Tanzania wakifuatalia Mkutano wa 24 wa Baraza la Mawaziri la Kisekta la Afya unaofanyika jijini Dar es Salaam. Tarehe 29 Aprili hadi 3 Mei 2024. 

Sehemu ya Ujumbe wa Tanzania wakifuatalia Mkutano wa 24 wa Baraza la Mawaziri la Kisekta la Afya unaofanyika jijini Dar es Salaam. Tarehe 29 Aprili hadi 3 Mei 2024. 

BARAZA LA MAWAZIRI EAC LAKUTANA JIJINI ARUSHA.

Naibu Waziri wa Mambo ya Nje na Ushirikiano wa Afrika Mashariki Mhe. Stephen Byabato (Mb.).(kulia) akiwa na Naibu Waziri Menejimenti ya Utumishi wa Umma na Utawala Bora Mhe. Ridhiwani Kikwete (Mb.) wakishiriki Mkutano Maalum wa 53 wa Baraza la Mawaziri la Jumuiya ya Afrika Mashariki uliofanyika  tarehe 25 Aprili 2024 Makao Makuu ya Jumuiya hiyo jijini Arusha.

 

Naibu Waziri wa Mambo ya Nje na Ushirikiano wa Afrika Mashariki Mhe. Stephen Byabato (Mb.) (katikati) akiwa na Naibu Waziri Menejimenti ya Utumishi wa Umma na Utawala Bora Mhe. Ridhiwani Kikwete (Mb.) (kushoto) na Katibu Mkuu Wizara ya Mambo ya Nje na Ushirikiano wa Afrika Mashariki anayeshughulikia masuala ya Afrika Mashariki Balozi Stephen Mbundi (kulia) wakishiriki Mkutano Maalum wa 53 wa Baraza la Mawaziri la Jumuiya ya Afrika Mashariki uliofanyika  tarehe 25 Aprili 2024 Makao Makuu ya Jumuiya hiyo jijini Arusha.

Washiriki wa Mkutano Maalum wa 53 wa Baraza la Mawaziri la Jumuiya ya Afrika Mashariki uliofanyika  tarehe 25 Aprili 2024 Makao Makuu ya Jumuiya hiyo jijini Arusha katika picha ya pamoja baada ya kumaliza mkutano huo.

Mkutano Maalum wa 53 wa Baraza la Mawaziri la Jumuiya ya Afrika Mashariki umefanyika leo tarehe 25 Aprili 2024 Makao Makuu ya Jumuiya hiyo jijini Arusha.

Mkutano huo, pamoja na masuala mengine umejadili na kupitisha Makadrio ya Bajeti ya Jumuiya ya Afrika Mashariki kwa mwaka wa fedha 2024/2025. 

Ujumbe wa Tanzania katika Mkutano huo umeongozwa na Naibu Waziri wa Mambo ya Nje na Ushirikiano wa Afrika Mashariki Mhe. Stephen Byabato (Mb.).

Viongozi wengine walioshiriki mkutano huo ni pamoja na Naibu Waziri Menejimenti ya Utumishi wa Umma na Utawala Bora Mhe. Ridhiwani Kikwete (Mb.) na Katibu Mkuu Wizara ya Mambo ya Nje na Ushirikiano wa Afrika Mashariki anayeshughulikia masuala ya Afrika Mashariki Balozi Stephen Mbundi.

Mkutano huo umefanyika kufuatia kukamilika kwa kikao cha ngazi ya Makatibu Wakuu kilichofanyika tarehe 24 Aprili 2024 ambacho kilitanguliwa na kikao cha ngazi ya Wataalam cha tarehe 23 Aprili 2024.

KATIBU MKUU, CCM AWAPONGEZA MABALOZI WAKIKAMILISHA WARSHA YA SIKU 4 KIBAHA

Katibu Mkuu wa Chama cha Mapinduzi (CCM) Dkt. Emmanuel Nchimbi akizungumza na Mabalozi wa Tanzania wanaoshiriki warsha ya siku 4 katika Chuo cha Uongozi cha Mwalimu Julius Nyerere mjini Kibaha, Pwani. 

Katibu Mkuu wa CCM, Balozi Dkt. Emmanuel Nchimbi amewatembelea Mabalozi wa Tanzania wanaoshiriki warsha ya siku 4 ambayo imekamilika mjini Kibaha leo Aprili 24, 2024 kwa kufikia makubaliano mbalimbali ambayo yanalenga kuipaisha diplomasia ya Tanzania duniani.

Dkt. Nchimbi aliwapongeza Mabalozi hao kwa kazi nzuri wanayoifanya ya kuitangaza nchi na kuchangia kwa kiasi kikubwa ongezeko la biashara, uwekezaji na utalii nchini. 

Warsha hiyo ambayo ililazimika kumalizika usiku kila siku ilifanyika chini ya uenyekiti wa Waziri wa Mambo ya Nje na Ushirikiano wa Afrika Mashariki, Mhe January Makamba (Mb) ilijadili mikakati ya kuboresha utekelezaji wa Sera ya Mambo ya Nje na namna ya kutafuta ufumbuzi wa kudumu wa changamoto ambazo zimekuwa kikwazo kufikia ufanisi wa shughuli za Wizara hiyo.

Katika siku zao 4, Mabalozi pamoja na mambo mengine, walipitia mikakati ya Utekelezaji wa Diplomasia ya Uchumi, Uendelezaji wa majengo ya ofisi na makazi ya Balozi, Diplomasia ya Umma na Diplomasia ya kidigitali na viashiria vya kupima utendaji (Key Performance Indicators- KPIs).

Mabalozi walieleza kuwa kukamilika kwa nyaraka hizo ambazo hazikuwahi kuwepo Wizarani kabla ni chachu katika mwelekeo mpya wa Utekelezaji wa Diplomasia ya Uchumi.

Mabalozi walisisitiza umuhimu wa kumaliza changamoto za kimawasiliano baina yao na wadau ambazo zimekuwa kikwazo za kukamilika kwa wakati kwa fursa na miradi ambayo imekuwa ikiletwa nchini. Changamoto nyingine kubwa ambayo Mabalozi wamesisitiza itafutiwe ufumbuzi ni uwezo mdogo wa nchi yetu wa kuzalisha bidhaa za kukidhi soko katika maeneo yao ya uwakilishi. Waheshimiwa Mabalozi walisema kuna soko kubwa la nyama, maparachichi, korosho, mchele na bidhaa nyingine lakini hakuna bidhaa za kutosha nchini za kulisha soko hilo.

Mabalozi katika warsha hiyo walipata fursa ya kusikiliza nasaha za Rais wa Jamhuri ya Muungano wa Tanzania, Mhe. Dkt. Samia Suluhu Hassan kwa njia ya mtandao ambaye aliwataka kuwa jicho la Tanzania katika maeneo yao ya uwakilishi ili nchi isipitwe na mabadiliko yanayotokea duniani. 

Aidha, Katibu Mkuu Kiongozi, Balozi Dkt. Moses Kusiluka alifika katika warsha hiyo na kuwambia Mabalozi kuwa wapo katika Wizara iliyokusanya watu wenye taaluma, ujuzi, uzoefu na historia ya kutoka sekta tofauti mchini. Aliwasihi washirikiane kutumia fursa hiyo kuharakisha mabadiliko ndani ya Wizara ya Mambo ya Nje na kutatua changamoto zinazowakabili.

Taasisi kadhaa pia zilialikwa na kuwasilisha mada kuhusu shughuli za ofisi zao ambazo ni Kituo cha Uwekezaji Tanzania (TIC), Mfuko wa Fidia kwa Wafanyakazi (WCF) na Benki ya Azania. 

Warsha hiyo pia wakati wa ufunguzi, walikaribishwa Mabalozi wastaafu ambao walipata fursa ya kubadilishana uzoefu na Mabalozi wa sasa kwa lengo moja tu la kujengeana uwezo wa kukuza na kuimarisha uhusiano wa kidiplomasia baina ya Tanzania na mataifa mengine, mashirika ya Kikanda na Kimataifa. 

Waziri Makamba ambaye ana muda wa takribani miezi 7 tokea ahamishiwe Wizara ya Mambo ya Nje na Ushirikiano wa Afrika Mashariki amesema Wizara inaweza kufanya zaidi kuliko inavyofanya hivi sasa. Hivyo, warsha hiyo iliandaliwa ili kupigana msasa wa kufikia nchi ya ahadi.

Katibu Mkuu wa Chama cha Mapinduzi (CCM) Dkt. Emmanuel Nchimbi akizungumza na Mabalozi wa Tanzania wanaoshiriki warsha ya siku 4 katika Chuo cha Uongozi cha Mwalimu Julius Nyerere mjini Kibaha, Pwani. 

Warsha ikiendelea

Waziri wa Mambo ya Nje na Ushirikiano wa Afrika Mhe. January Makamba akimkaribisha Katibu Mkuu wa CCM Dkt. Emmanuel Nchimbi kuzungumza na  Mabalozi  kwenye warsha katika Chuo cha Uongozi cha Mwalimu Julius Nyerere mjini Kibaha, Pwani. 

Waziri wa Mambo ya Nje na Ushirikiano wa Afrika Mashariki Mhe. January Makamba akizungumza wakati akiongoza warsha ya siku 4 ya Mabalozi iliyofanyika katika Chuo cha Uongozi cha Mwalimu Julius Nyerere mjini Kibaha, Pwani.

Katibu Mkuu Wizara ya Mambo ya Nje na Ushirikiano wa Afrika Mashariki Balozi Dkt. Samwel Shelukindo akielezea jambo kwenye warsha ya Mabalozi iliyofanyika katika Chuo cha Uongozi cha Mwalimu Julius Nyerere mjini Kibaha, Pwani.

TUMIENI UZOEFU KUHARAKISHA MADADILIKO, BALOZI KUSILUKA

Katibu Mkuu Kiongozi, Balozi Dkt. Moses Kusiluka akiongea na Mabalozi katika warsha ya kutathimini utekelezaji wa Sera ya Mambo ya Nje inayofanyika mjini Kibaha, Pwani.

Mabalozi wamehimizwa kutumia taaluma, uzoefu na ujuzi tofauti waliokuwa nao kuharakisha mabadiliko ya kimfumo yanayoendelea ndani ya Wizara ya Mambo ya Nje na Ushirikiano wa Afrika Mashariki.

Kauli hiyo imetolewa leo Aprili 23, 2024 na Katibu Mkuu Kiongozi, Balozi Dkt. Moses Kusiluka wakati anaongea na Mabalozi katika warsha ya siku 4 ya kutathimini utekelezaji wa Sera ya Mambo ya Nje inayofanyika mjini Kibaha tokea tarehe 21 Aprili 2024.

"Wizara ya Mambo ya Nje na Ushirikiano wa Afrika Mashariki mmebarikiwa kuwa na watu wenye taaluma tofauti na wenye historia ya sekta tofauti, tumieni fursa yenu hii kumsadia Mwanadiplomasia namba moja, Rais Dkt. Samia Suluhu Hassan ambaye amewarahisishia kazi yenu kwa kuitekeleza diplomasia kwa vitendo", Balozi kusiluka alisema.

Amesema Serikali inazitambua changamoto wanazokabiliana nazo na inazifanyia kazi lakini kutokana na Wizara kuwa na watu wenye uzoefu wa kutoka sekta tofauti, wakishirikiana wanaweza kuzitatua na kuifikisha nchi katika hatua nzuri.

Balozi Kusiluka alimaliza hotuba yake kwa kuwapongeza Mabalozi kwa kazi nzuri wanayofanya na kuwaahidi kuwa Serikali itapokea mawazo yote mazuri na ya kibunifu yatakayotokana na warsha hiyo na kuyafanyia kazi.

Katibu Mkuu Kiongozi, Balozi Dkt. Moses Kusiluka akiongea na Mabalozi katika warsha ya kutathimini utekelezaji wa Sera ya Mambo ya Nje inayofanyika mjini Kibaha, Pwani.

Katibu Mkuu Kiongozi, Balozi Dkt. Moses Kusiluka akiongea na Mabalozi katika warsha ya kutathimini utekelezaji wa Sera ya Mambo ya Nje inayofanyika mjini Kibaha, Pwani.

Katibu Mkuu Kiongozi, Balozi Dkt. Moses Kusiluka akifuatilia mjadala uliokuwa ukiendelea kwenye warsha ya Mabalozi ya kutathimini utekelezaji wa Sera ya Mambo ya Nje inayofanyika katika Shule ya Uongozi ya Mwalimu Julius Nyerere mjini Kibaha, Pwani

Kutoka Kushoto; Waziri wa Mambo ya Nje na Ushikiano wa Afrika Mashariki Mhe. January Makamba, Katibu Mkuu Kiongozi Balozi Dkt. Moses, Naibu Waziri Mhe. Balozi Mbarouk Nassor Mbarouk na Naibu Waziri anayeshughulikia masuala ya Afrika Mashariki Mhe. Stephen Byabato wakifuatilia warsha ya Mabalozi ya kutathimini utekelezaji wa Sera ya Mambo ya Nje inayofanyika katika Shule ya Uongozi ya Mwalimu Julius Nyerere mjini Kibaha, Pwani