Mhe. Rais Magufuli apokea Hati za Utambulisho za Balozi wa Jamhuri ya Korea nchini

Rais wa Jamhuri ya Muungano wa Tanzania, Mhe. Dkt. John Pombe Magufuli akipokea Hati za Utambulisho kutoka kwa Balozi wa Jamhuri ya Korea hapa nchini, Mhe. Song Geum-young. Hafla hiyo fupi ilifanyika Ikulu Jijini Dar es Salaam tarehe 05 Januari, 2016.

Naibu Waziri wa Mambo ya Nje, Ushirikiano wa Afrika Mashariki, Kikanda na Kimataifa, Mhe. Dkt. Susan Kolimba (wa kwanza kulia) akiongoza ujumbe wa Wizara kwenye hafla ya uwasilishwaji wa Hati za Utambulisho zilizofanyika Ikulu. Wengine ni Mkurugenzi wa Idara ya Asia na Australasia, Balozi Mbelwa Kairuki ( wa pili kulia), Mkuu wa Kitengo cha Mawasiliano ya Serikali, Bi. Mindi Kasiga (wa pili kushoto) na Afisa Mambo ya Nje, Bw. Khatib Makenga

Mhe. Rais Magufuli akimtambulisha kwa Balozi Song Geum-young Naibu Waziri wa Mambo ya Nje, Ushirikiano wa Afrika Mashariki, Kikanda na Kimataifa, Mhe. Dkt. Susan Kolimba (Mb.).

Mhe. Rais akizungumza na Balozi Song Geum-young

Balozi Song Geum-young akisaini Kitabu cha wageni alipowasili Ikulu kwa ajili ya kuwasilisha Hati za Utambulisho

Picha ya Juu: Balozi wa Jamhuri ya Korea hapa nchini Mhe. Song Geum-young akisikiliza wimbo wa taifa uliopigwa na Bendi ya Polisi (picha ya chini) wakati alipowasili Ikulu kwa ajili ya kuwasilisha Hati za Utambulisho kwa Mhe. Rais. Wengine katika picha ni Mkuu wa Itifaki, Balozi Mohammed Juma Maharage na Mnikulu.

Balozi Song Geum-young akiagana na kiongozi wa Bendi ya Polisi

Mhe. Rais Magufuli apokea Hati za Utambulisho za Balozi wa EU nchini

Rais wa Jamhuri ya Muungano wa Tanzania, Mhe. Dkt. John Pombe Magufuli akipokea Hati za Utambulisho kutoka kwa Balozi wa Umoja wa Ulaya (EU) hapa nchini, Mhe. Roeland Van De Geer. Hafla hiyo fupi ilifanyika Ikulu, Jijini Dar es Salaam tarehe 05 Januari, 2016.
 

Mhe. Rais Magufuli akimtambulisha kwa Balozi Roeland Van De Geer,  Naibu Waziri wa Mambo ya Nje, Ushirikiano wa Afrika Mashariki, Kikanda na Kimataifa, Mhe. Dkt. Susan Kolimba (Mb.).

Mhe. Balozi Roeland Van De Geer akisalimiana na Mkuu wa Kitengo cha Mawasiliano ya Serikali katika Wizara ya Mambo ya Nje, Ushirikiano wa Afrika Mashariki, Kikanda na Kimataifa, Bi. Mindi Kasiga

Mhe. Balozi Roeland Van De Geer akisalimiana na Kaimu Mkurugenzi wa Idara ya Ulaya na Amerika, Bi. Mona Mahecha

Mhe. Balozi Roeland Van De Geer akisalimiana na Afisa Mambo ya Nje, Bw. Anthony Mtafya.

Mhe. Rais Magufuli akiwa katika picha ya pamoja na Balozi Roeland Van De Geer

Mhe. Rais akizungumza na Balozi Roeland Van De Geer mara baada ya kupokea Hati zake za Utambulisho

Mhe. Rais akiwa katika picha ya pamoja na Balozi Van De Geer, Mhe. Dkt. Kolimba, Msaidizi wa Rais masuala ya Diplomasia, Bi. Zuhura Bundala (wa kwanza kulia)  pamoja na wajumbe kutoka Ubalozi wa EU.

Balozi Roeland Van De Geer akisaini kitabu cha wageni mara baada ya kuwasili Ikulu

Balozi Roeland Van De Geer akisikiliza wimbo wa taifa wa Tanzania na EU kutoka Bendi ya Polisi ikiwa ni kwa  heshima yake

Mhe. Balozi Roeland Van De Geer akiagana na Kiongozi wa Bendi ya Polisi

Mhe. Rais Magufuli apokea Hati za Utambulisho za Balozi mpya wa Palestina nchini

Rais wa Jamhuri ya Muungano wa Tanzania, Mhe. Dkt. John Pombe Magufuli akipokea Hati za Utambulisho kutoka kwa Balozi wa Palestina hapa nchini, Mhe. Hazem Shabat. Hafla hiyo fupi ilifanyika Ikulu Jijini Dar es Salaam tarehe 05 Januari, 2016.

Mhe. Rais Magufuli akimtambulisha kwa Balozi Shabat Naibu Waziri wa Mambo ya Nje, Ushirikiano wa Afrika Mashariki, Kikanda na Kimataifa, Mhe. Dkt. Susan Kolimba (Mb.).

Mhe. Balozi Shabat akisalimiana na Kaimu Mkurugenzi wa Idara ya Mashariki ya Kati katika Wizara ya  Mambo ya Nje, Ushirikiano wa Afrika Mashariki, Kikanda na Kimataifa, Bw. Batholomeo Jungu.

Mhe. Rais Magufuli akiwa kwenye picha ya pamoja na Balozi Shabat

Mhe. Rais Magufuli akiwa kwenye mazungumzo na Balozi Shabat mara baada ya kupokea Hati zake za Utambulisho

Mazungumzo yakiendelea

Balozi Shabat akisaini Kitabu cha wageni alipowasili Ikulu kwa ajili ya kuwasilisha Hati za Utambulisho

Balozi Shabat (katikati) akisikiliza wimbo wa taifa lake ulipopigwa na Bendi ya Polisi kwa heshima yake mara baada ya kuwasili Ikulu kwa ajili ya kuwasilisha Hati za Utambulisho. Kushto kwake ni Mkuu wa Itifaki, Balozi Mohammed Juma Maharage na kulia kwake ni Mnikulu.

Mkurugenzi Msaidizi katika Idara ya Itifaki, Bw. James Bwana akifuatilia wimbo wa Taifa

Balozi Shabat akiagana na Kiongozi wa Bendi ya Polisi.

Naibu Waziri wa Mambo ya Nje akutana kwa mazungumzo na Balozi wa Kuwait nchini

Naibu Waziri wa Mambo ya Nje na Ushirikiano wa Afrika Mashariki, Kikanda na Kimataifa, Mhe. Dkt. Susan Kolimba (Mb.) akisalimiana na Balozi wa Kuwait hapa nchini, Mhe. Nassem Ibrahim Al Najib alipofika Wizarani kwa ajili ya kuwasilisha salamu za pongezi kwa Mhe. Dkt. Kolimba kutoka kwa Naibu Waziri wa Mambo ya Nje wa Kuwait.

Mhe. Balozi Al Najib akimkabidhi Mhe. Dkt. Kolimba salamu za pongezi kutoka kwa Naibu Waziri wa Mambo ya Nje wa Kuwait

Mhe. Balozi Al Najib akimweleza jambo Mhe. Dkt. Kolimba baada ya kukabidhi salamu za pongezi za Naibu Waziri wa Mambo ya Nje wa Kuwait

Mhe. Dkt. Kolimba nae akimshukuru Balozi Al Najib kwa kuwasilisha salamu hizo za pongezi na kwamba amezipokea na kuahidi kuwa Tanzania itaendelea kushirikiana na Kuwait katika masuala mbalimbali ya maendeleo.

Sehemu ya ujumbe kutoka Wizarani wakifuatilia mazungumzo kati ya Mhe. Dkt. Kolimba na Balozi wa Kuwait hapa nchini (hawapo pichani). Kutoka kushoto ni Bw. Batholomeo Jungu, Kaimu Mkurugenzi wa Idara ya Mashariki ya Kati, Bw. Tahir Bakari, Afisa Mambo ya Nje na Bw. Adam Isara, Msaidizi wa Naibu Waziri.

Mazungumzo yakiendelea

Picha ya pamoja

Mhe. Dkt. Kolimba akiagana na Balozi Al Najib

Waziri Mahiga akutana na Mabalozi wa Qatar na Kuwait waliopo nchini

Waziri wa Mambo ya Nje na Ushirikiano Afrika Mashariki, Kikanda na Kimataifa, Mhe. Dkt. Augustine Mahiga (Mb.) akifanya mazungumzo na Balozi wa Qatar Mhe. Abdullah Jassim Almaadadi alipofika Wizarani kwa ajili ya kumpongeza kwa kuteuliwa katika wadhifa wake mpya na pia kumhakikishia ushirikiano kati ya Tanzania na Qatar. Mazungumzo hayo yalifanyika tarehe 30 Desemba, 2015.

Balozi Al maadadi naye akizungumza huku Mhe. Mahiga akimsikiliza.

Mazungumzo yakiendelea

Waziri Mahiga akiagana na Balozi Al Maadadi mara baada ya kumaliza mazungumzo.

.......Mkutano na Balozi wa Kuwait nchini

Waziri wa Mambo ya Nje na Ushirikiano wa Afrika Mashariki, Kikanda na Kimataifa, Mhe. Augustine Mahiga (kulia) akizungumza na Balozi wa Kuwait nchini Mhe. Nassem Ibrahim Al Najib, alipokuja kumtembelea Wizarani na kufanya mazungumzo naye kuhusu namna ya kuimarisha ushirikiano kati ya Tanzania na Kuwait na pia kumpongeza.

Balozi Mahiga akiagana na Balozi wa Kuwait mara baada ya kumaliza mazungumzo naye.

Picha na Reginald Philip

Waziri Mahiga apokea Nakala za Hati za Utambulisho kutoka kwa Balozi Mteule wa Palestina nchini

Waziri wa Mambo ya Nje na Ushirikiano wa Afrika Mashariki, Kikanda na  Kimataifa, Mhe. Dkt. Augustine Mahiga (Mb.) akipokea Nakala za Hati za Utambulisho kutoka kwa Balozi Mteule wa Palestina hapa nchini, Mhe. Hazem Shabat. Tukio hilo lilifanyika Wizarani tarehe 30 Desemba, 2015.

Waziri Mahiga akizungumza na Mhe. Balozi Mteule wa Palestina nchini, Mhe. Shabat mara baada ya kupokea nakala za hati  za utambulisho wake. Katika mazungumzo yao Balozi Shabat alimpongeza Waziri Mahiga kwa kuteuliwa kwenye wadhifa huo na kumuahidi ushirikiano. Pia Waziri Mahiga alimkaribisha nchini Balozi Shabat na kumuomba aendeleze mahusiano mazuri yaliyopo kati ya Tanzania na Palestina.

Balozi Mteule wa Palestina nchini, Mhe. Shabat naye akizungumza huku Mhe. Dkt. Mahiga akimsikiliza.

Balozi Mteule Mhe. Shabat akimkabidhi Mhe. Mahiga zawadi ya picha inayoonesha Kanisa  lililopo katika mji wa  Jerusalem

Waziri Mahiga akiagana na Mhe. Shabat

Picha ya pamoja

Kaimu Katibu Mkuu Wizara ya Nje akutana kwa mazungumzo na Balozi Mdogo wa China nchini.

Kaimu Katibu Mkuu wa Wizara ya Mambo ya Nje na Ushirikiano wa Afrika Mashariki, Kikanda na Kimataifa, Balozi Simba Yahaya akizungumza na Balozi Mdogo wa China, Mhe. Zhang Biao. Mazungumzo yao yalijikita katika kukuza mahusiano kati ya Tanzania na China katika sekta mbalimbali zikiwemo za biashara, uchumi na kijamii.

Mhe. Zhang Biao naye akizungumza

Maafisa kutoka Wizarani na Ubalozi wa China nao wakifuatilia mazungumzo

Balozi Simba akiagana na Mhe. Biao

Picha na Reginald Philip

Waziri Mahiga awasilisha ujumbe maalum wa Mhe. Rais Magufuli kwa Rais Nkurunziza

Waziri wa Mambo ya Nje na Ushirikiano wa Afrika Mashariki, Kikanda na Kimataifa, Mhe. Dkt. Augustine Mahiga akisalimiana na Balozi wa Tanzania nchini Burundi, Mhe. Rajabu Gamaha mara baada ya kuwasili nchini humo kwa ajili ya kuwasilisha ujumbe maalum wa Mhe. John Pombe Magufuli, Rais wa Jamhuri ya Muungano wa Tanzania na Mwenyekiti wa Jumuiya ya Afrika Mashariki kwa Rais wa Burundi, Mhe. Pierre Nkurunziza kuhusu hali ya kisiasa na usalama nchini humo.

Rais wa Burundi, Mhe. Pierre Nkurunziza akimkaribisha Waziri Mahiga alipowasili kwa ajili ya kuwasilisha ujumbe maalum kwake. Pembeni ni Balozi wa Tanzania nchini humo, Mhe. Gamaha.

Waziri Mahiga akimsikiliza Makamu wa Kwanza wa Spika, Mhe. Aghaton Rwasa alipokutana kwa mazungumzo na Spika wa Bunge la Burundi, Mhe.Paschal Nyabenda (aliyekaa kushoto kwa Waziri Mahiga)

==================================== 

TAARIFA KWA VYOMBO VYA HABARI

 

Waziri wa Mambo ya Nje wa Tanzania Mhe. Dkt. Augustine Mahiga leo amekutana na kufanya mazungumzo na Mhe. Pierre Nkurunziza, Rais wa Jamhuri ya Burundi kwenye Ikulu yake jijini Bujumbura, Burundi kufuatia maagizo ya Mhe. John Pombe Magufuli, Rais wa Jamhuri ya Muungano wa Tanzania na Mwenyekiti wa Jumuiya ya Afrika Mashiriki ikiwa ni hatua ya Tanzania kutafuta suluhu ya kisiasa ya migogoro iliyojitokeza baina ya Serikali na vikundi vinavyo hatarisha amani nchini humo.

Kwenye mazungumzo yao yaliyodumu takriban saa mbili, Mhe. Mahiga alimueleza Rais Nkurunziza azma ya Rais Magufuli kuamsha mazungumzo ya kisiasa ya kuleta amani na kwamba tayari msuluhishi aliyeteuliwa na Jumuiya ya Afrika Mashariki, Rais Yoweri Kaguta  Museveni ameanza maandalizi ya uzinduzi wa mazungumzo hayo yatakayofanyika Entebe, Uganda tarehe 28 Desemba 2015. Waziri Mahiga pia alieleza maoni yake kuhusu hali ya utulivu aliyoiona kwa kipindi cha takriban saa 24 alizokuwa Jjijini Bujumbura na kwamba hakusikia sauti za milipuko wala silaha zozote.

Mhe. Nkurunziza alimshukuru mjumbe huyo wa Rais Magufuli na kumhakikishia ushiriki wa Burundi akieleza kuwa mazungumzo ya Entebe yatasaidia kuleta amani na mshikamano baina ya wananchi wa Burundi. Hata hivyo Mhe. Nkurunziza alisisitiza kuwa ili mazungumzo hayo yawe na tija ni lazima yawe muendelezo wa mazungumzo ya ndani ambayo yeye na Serikali yake wamekwisha yaanza. Aliongeza kuwa ni matumaini yake kuwa makundi yote nchini humo wataungana kwenye mazungumzo hayo yatakayojumuisha asasi za kiraia, kidini, vyama vya siasa na makundi mengine ili kujadili mustakabali wa taifa lao kwa pamoja.

Pamoja na kuridhia ushiriki wa Burundi kwenye mchakato huo wa Jumuiya ya Afrika Mashariki, Mhe. Nkurunziza alieleza kuwa yeye na Serikali yake wako tayari kushirikiana na Umoja wa Afrika na Umoja wa Mataifa kutathmini hali ya usalama nchini mwake.  Hivi karibuni Baraza la Amani na Usalama la Umoja wa Afrika lilitangaza kupeleka vikosi vya askari elfu tano nchini Burundi kufuatia kile kilichodaiwa kuwa viashiria vya mauaji ya kimbari kama yale yaliyofanyika nchini Rwanda miaka ya tisini.

Rais Nkurunziza alisema uamuzi huo wa Umoja wa Afrika umewashtua wao Serikalini na hata Wabunge ambao ni wawakilishi wa wananchi wanaohoji sababu za umoja huo kupeleka jeshi kubwa nchini humo. Burundi imekuwa ikishirikiana na Umoja wa Afrika kwenye ulinzi wa amani ambapo ina vikosi vya askari zaidi ya elfu sita nchini Somalia na Afrika ya Kati.

Naye Spika wa Bunge la Burundi Mhe. Paschal Nyabenda alieleza kusikitishwa kwake na uamuzi huo wa Umoja wa Afrika. Mhe. Nyabenda ambaye pia ni Mwenyekiti wa chama tawala cha CNDD-FDD nchini humo alimweleza Mhe. Mahiga kuwa misingi ya kukataa ukabila imeainishwa kwenye katiba ya nchi hiyo na makubaliano ya Arusha ambapo inalazimisha taasisi zote ziwe na uwakilishi na pengine uwiano sawa kati ya Wahutu na Watusi. Akielezea muundo wa Bunge lake ambalo lina asilimia 60 kwa 40 ya uwakilishi wa Wahutu na Watusi Mhe. Nyabenda alisema kuwa Makamu wa Kwanza wa Spika Mhe. Agathon Rwasa anatoka kwenye kabila la Wahutu na Makamu wa Pili wa Spika, Mhe. Edouard Nduwimana anatokea kwenye kabila la Watusi.

Naibu Spika wa Kwanza wa Bunge hilo Mhe. Agathon Rwasa ambaye pia alishiriki kwenye mazungumzo hayo alisema kuwa wakati umefika sasa kwa Burundi kuangalia mbele na kwa manufaa na maendeleo ya vizazi vijavyo. Alisifu maendeleo aliyoyashuhudia nchini Tanzania ambapo alisisitiza yamekuwepo kutokana na amani nchini humo.

Akiwa nchini Burundi, Mhe. Mahiga na ujumbe wake walikutana na kufanya mazungumzo na Uongozi wa Wizara ya Usalama wa Raia na Mambo ya Ndani ambapo alipokea taarifa ya Waziri Mhe. Alain Guillaume Bunyoni kuhusu hali ya usalama nchini humo tangu Rais Nkurunziza alipochaguliwa na chama chake kugombea tena nafasi ya Urais mwezi Aprili mwaka huu.

Kwa upande wake Waziri Mahiga alisifia jitihada zilizowekwa na Wizara hiyo hususan kwenye upande wa ulinzi wa raia na mali zao na kusisitiza umuhimu wa Wizara hiyo na Serikali nzima kuwaelezea wananchi na jumuiya za Kimataifa kwa ujumla jitihada za Serikali kuleta amani nchini humo.

Ziara ya siku mbili ya Waziri wa Mambo ya Nje wa Tanzania ilianzia Entebe, nchini Uganda ambapo Mhe. Dkt. Mahiga alifanya mazungumzo na Mhe. Dkt Crispus Kiyonga, Waziri wa Ulinzi wa Uganda ambaye ameanza maandalizi ya mazungumzo ya amani chini ya uenyekiti wa Rais Yoweri Kaguta Museveni wa Uganda. 

Imetolewa na:

Kitengo cha Mawasiliano ya Serikali kwa Umma,

Wizara ya Mambo ya Nje, Ushirikiano Afrika Mashariki, Kikanda na Kimataifa,

25 Desemba, 2015