EU YARIDHISHWA NA UBORESHWAJI WA HAKI ZA BINADAMU, UTAWALA BORA NCHINI

 

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax akichangia jambo wakati wa majadiliano ya kisiasa kati ya Tanzania na Umoja wa Ulaya. Majadiliano hayo yamefanyika leo Jijini Dar es Salaam

Balozi wa Umaoja wa Ulaya nchini, Mhe. Manfredo Fanti akitoa mchango wake wakati wa majadiliano ya kisiasa kati ya Tanzania na Umoja wa Ulaya. Majadiliano hayo yamefanyika leo Jijini Dar es Salaam

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax pamoja na Balozi wa Umaoja wa Ulaya nchini, Mhe. Manfredo Fanti wakionesha makubaliano waliyosaini baada ya majadiliano ya kisiasa kati ya Tanzania na Umoja wa Ulaya yaliyofanyika leo Jijini Dar es Salaam

Majadiliano ya kisiasa kati ya Tanzania na Umoja wa Ulaya yakiendelea Jijini Dar es Salaam

Mkurugenzi wa Idara ya Ulaya na Amerika kutoka Wizara ya Mambo ya Nje na Ushirikiano wa Afrika Mashariki, Balozi Swahiba Mndeme akichangia mjadala wa kisiasa kati ya Tanzania na Umoja wa Ulaya Jijini Dar es Salaam

Mkurugenzi wa Kitengo cha Mawasiliano Serikalini, Wizara ya Mambo ya Nje na Ushirikiano wa Afrika Mashariki, Balozi Kasiga akiongoza majadiliano ya kisiasa kati ya Tanzania na Umoja wa Ulaya Jijini Dar es Salaam

Mabalozi wanaoiwakilisha Tanzania katika Nchi za Jumuiya ya Ulaya wakitambulishwa 

Picha ya pamoja 

VACANCY ANNOUNCEMENT

 

DKT. TAX APOKEA NAKALA ZA HATI ZA UTAMBULISHO ZA MABALOZI WA ZAMBIA, BRAZIL NA VATICAN

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax (Mb.) amepokea nakala za Hati za Utambulisho za mabalozi wateule wa nchi za Zambia, Brazil na Vatican.

Mhe. Waziri Tax amepokea nakala za Hati za Utambulisho za Balozi mteule wa Zambia nchini, Mhe. Mathew Jere, Balozi mteule wa Brazil nchini, Mhe. Gustavo Martins Nogueira na Balozi Mteule wa Vatican Nchini, Mhe. Askofu Mkuu Angelo Accattino leo katika Ofisi Ndogo za Wizara Jijini Dar es Salaam.

Akizungumza na mabalozi hao kwa nyakati tofauti Waziri Tax amewahakikishia ushirikiano kutoka Serikalini wakati wote wa utekelezaji wa majukumu yao ya kibalozi hapa nchini. Pia Waziri Tax ametoa rai kwa mabalozi hao kuendeleza na kudumisha ushirikiano uliopo baina ya Tanzania na nchi zao.

“Tanzania na Zambia tumekuwa marafiki na ndugu wa muda mrefu, Serikali ya Tanzania itaendelea kushirikiana na Serikali ya Zambia katika sekta za biashara na uwekezaji kwa maslahi mapana ya pande zote mbili,” alisema Dkt. Tax  

Balozi mteule wa Zambia nchini, Mhe. Mathew Jere ameahidi kuendelea kuimarisha ushirikiano baina ya Zambia na Tanzania katika sekta za biashara na uwekezaji, usafirishaji, pamoja na nishati.  

Kwa upande wake Balozi Mteule wa Brazil, Mhe. Gustavo Martins Nogueira ameahidi kuwa Brazil itaendelea kushirikiana na Tanzania katika maeneo mapya ya kimkakati kwa manufaa ya mataifa yote mawili hususan kilimo, biashara na uwekezaji.

Naye Balozi wa Vatican nchini, mhe. Askofu Mkuu Angelo Accattino ameahidi kuendeleza kuimarisha ushirikiano mzuri uliopo baina ya Vatican na Tanzania. 

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax akipokea  nakala za Hati za Utambulisho za Balozi mteule wa Zambia nchini, Mhe. Mathew Jere katika Ofisi Ndogo za Wizara Jijini Dar es Salaam 

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax akipokea  nakala za Hati za Utambulisho za Balozi mteule wa  Brazil nchini,  Mhe. Gustavo Martins Nogueira katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax akipokea  nakala za Hati za Utambulisho za Balozi mteule wa  Vatican nchini, Mhe. Askofu Mkuu Angelo Accattino leo katika Ofisi Ndogo za Wizara Jijini Dar es Salaam

SERIKALI YAWAHAKIKISHIA WAFANYABIASHARA MAZINGIRA SALAMA YA BIASHARA

Serikali imewahakikishia wafanyabiashara kutoka Nchi za Umoja wa Ulaya (EU) kuwa mazingira ya biashara na uwekezaji nchini ni salama, bora na rafiki.

Rai hiyo imetolewa na Rais wa Zanzibar na Mwenyekiti wa Baraza la Mapinduzi Mhe. Dkt. Hussein Ali Mwinyi alipofunga Jukwaa la Biashara kati ya Tanzania na Umoja wa Ulaya lililofanyika jijini Dar es salaam kuanzia tarehe 23 – 24 Februari 2023. 

Dkt. Mwinyi alisema Serikali ya Jamhuri ya Muungano wa Tanzania imekusudia kuweka mazingira bora ya biashara na uwekezaji kwa ajili ya kuvutia wawekezaji wengi kuja kuwekeza nchini.

“EU imekuwa mwekezaji mkubwa nchini Tanzania na imechangia kwa kiasi kikubwa ongezeko la ufanyaji biashara kati yake na Tanzania, lengo la serikali ya Jamhuri ya Mungano wa Tanzania ni kukuza na kuendeleza sekta binafsi yenye nguvu, hivyo natoa rai kwenu kuwekeza kwa wingi kwani mazingira ni bora na salama,” alisisitiza Dkt. Mwinyi

Rais Mwinyi aliongeza kuwa Serikali imejikita katika kukuza uwekezaji kupitia sekta za kilimo, uchumi wa buluu, madini, usafirishaji, miundombinu, utalii na nyingine nyingi na kuwasihi wafanyabiashara wapatao 400 kutoka EU kuchangamkia fursa za biashara na uwekezaji zinazopatikana nchini. 

“Napenda kuwahakikishia kuwa Serikali imejidhatiti kuweka mazingira yenye ushindani ya biashara na uwekezaji ikiwa ni mkakati wa kuendelea kuimarisha mazingira ya uwekezaji na biashara na kuhakikisha yanakuwa rafiki kwa wawekezaji,” aliongeza Rais Mwinyi.

Awali Balozi wa Umoja wa Ulaya (EU) nchini, Mhe. Manfredo Fanti alisema Tanzania imejitahidi kuboresha mazingira, kuimarisha mahusiano ya nje na kuondoa vikwazo mbalimbali hivyo ni wakati muafaka kwa EU kufanya biashara na Tanzania kwakuwa mazingira ni mazuri na yanaridhisha.

“Mfano kitendo cha Benki ya Uwekezaji ya Umoja wa Ulaya (EIB) kurejea Tanzania na kufanya uwekezaji mkubwa wenye thamani ya Euro milioni zaidi ya 500 ni kutokana na Serikali kuboresha mazingira ya bishara na uwekezaji,” alisema Balozi Fanti   

Balozi Fanti amewasihi wafanyabiashara wa Tanzania kupenda kukuza ujuzi ili waweze kuendeleza na kukuza biashara zao pamoja na uchumi wa Taifa kwa ujumla.

“EU kwa umoja wetu tutaendelea kuimarisha nguvu zetu kwa pamoja ili kuhakikisha tunaendelea kuwekeza na kukuza biashara kati yetu na Tanzania kwa maslahi ya mataifa yote,” alisema Balozi Fanti.

Kwa upande wake Waziri wa Nchi Ofisi ya Rais Kazi Uchumi na Uwekezaji Zanzibar, Mhe. Mudrick Ramadhan Soraga amesema Tanzania na Nchi za Umoja wa Ulaya zimekuwa na ushirikiano imara na wa muda mrefu na kwamba ushirikiano huo umesaidia kuendelea kushirikiana katika sekta mbalimbali za maendeleo kwa maslahi ya mataifa yote mawili.

Rais wa Zanzibar na Mwenyekiti wa Baraza la Mapinduzi Mhe. Dkt. Hussein Ali Mwinyi akihutubia wakati wa kufunga rasmi Jukwaa la Biashara kati ya Tanzania na Umoja wa Ulaya lililofanyika jijini Dar es salaam kuanzia tarehe 23 – 24 Februari 2023  

Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Nassor Mbarouk akifuatilia Hotuba ya ufunguzi wa Jukwaa  la Biashara kati ya Tanzania na Umoja wa Ulaya lililofanyika Jijini Dar es Salaam. Kulia ni Naibu Waziri wa Kilimo, Mhe. Anthony Mavunde.   

Sehemu ya viongozi mbalimbali wakifuatilia Hotuba ya ufunguzi wa Jukwaa  la Biashara kati ya Tanzania na Umoja wa Ulaya lililofanyika Jijini Dar es Salaam

Baadhi ya Mabalozi wa Tanzania katika nchi za Umoja wa Ulaya  wakifuatilia Hotuba ya ufunguzi wa Jukwaa  la Biashara kati ya Tanzania na Umoja wa Ulaya lililofungwa Jijini Dar es Salaam

Balozi wa Tanzania nchini Sweden, Mhe. Grace Martin akichangia jambo wakati wa Jukwaa  la Biashara kati ya Tanzania na Umoja wa Ulaya lililofungwa leo Jijini Dar es Salaam 

VACANCY ANNOUNCEMENT

 

VACANCY ANNOUNCEMENT

 

DKT. TAX AONGOZA UJUMBE WA TANZANIA MKUTANO WA 43 WA BARAZA LA MAWAZIRI WA EAC

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax, ameongoza ujumbe wa Tanzania kwenye Mkutano wa  43 wa Kawaida wa  Baraza la Mawaziri wa Jumuiya ya Afrika Mashariki (EAC) uliofanyika jijini Bujumbura, Burundi tarehe 23 Februari 2023.

 

Mhe. Dkt. Tax ambaye ameshiriki Mkutano huo kwa mara ya kwanza tangu kuteuliwa kwake kwenye wadhifa huo, ameungana na Mawaziri wenzake wanaosimamia masuala ya Afrika Mashariki na Ushirikiano wa Kikanda katika Jumuiya hiyo kupitia, kujadili na kupitisha mapendekezo ya agenda mbalimbali zinazolenga kuboresha utendaji wa Jumuiya kwa manufaa ya Nchi Wanachama.

 

Miongoni mwa agenda zilizojadiliwa na kupitishwa na Baraza hilo ni pamoja na ripoti ya utekelezaji wa maazimio mbalimbali yaliyofikiwa na Baraza hilo kwenye vikao vilivyopita; taarifa kutoka Ofisi ya Katibu Mkuu wa Jumuiya ya Afrika Mashariki, taarifa ya utekelezaji wa program mbalimbali katika sekta za miundombinu, forodha na biashara, utalii na ajira;  taarifa ya mwaka ya ukaguzi wa hesabu za jumuiya kuanzia mwezi Januari hadi Juni 2022 na ripoti ya kamati ya utawala na fedha.pamoja na kupitia na kupitisha ratiba ya shughuli za Jumuiya kwa kipindi cha kuanzia mwezi Januari hadi Juni 2023.

 

Kadhalika masuala mengine yaliyojadiliwa ni umuhimu wa kukitangaza Kiswahili  duniani kwa kuanzisha vituo vya utamaduni wa lugha hiyo katika Balozi za Nchi za Jumuiya ya Afrika Mashariki; na kutoa mwelekeo wa kuanza kutumika kwa lugha ya Kifaransa na Kiswahili katika uendeshaji wa shughuli  rasmi za Jumuiya. 

 

Awali akizungumza na Waandishi wa Habari Mwenyekiti kutoka Jamhuri ya Burundi ambaye pia ni Waziri wa Ushirikiano wa Afrika Mashariki, Mhe. Ezekiel Nibigira amesema kuwa Burundi kama mwenyekiti inaona fahari kuandaa Mkutano wa aina hiyo ambapo pia aliwakaribisha Mawaziri wenzake na washiriki wa Mkutano  huo nchini humo na kueleza kuwa nchi hiyo imeendelea kuwa na amani na utulivu wakati wote.

                                                                                           

Mkutano huo ambao umefanyika kwa siku tano , ulitanguliwa na vikao vya Wataalam na Makatibu Wakuu kutoka nchi wanachama viilivyofanyika kuanzia tarehe 19 hadi 22 Februari 2023.

 

Mbali na Mhe. Dkt. Tax ujumbe wa Tanzania pia uliwajumuisha Waziri wa Fedha na Mipango, Mhe. Dkt. Mwigulu Nchemba, Naibu Waziri wa Ujenzi, Mhe. Mhandisi Godfrey Kasekenya, Naibu Waziri wa Katiba na Sheria, Mhe. Geophrey Pinda,  Katibu Mkuu, Wizara ya Mambo ya Nje na Ushirikiano wa Afrika Mashariki, Balozi Joseph Sokoine, Balozi wa Tanzania nchini Burundi, Mhe. Jilly Maleko,  Naibu Makatibu Wakuu akiwemo Bibi.  Amina Khamis Shaaban   Naibu Katibu Mkuu, Wizara ya Fedha na Mipango na Maafisa Waandamizi kutoka Serikalini.

 

Miongoni mwa majukumu ya Baraza la Mawaziri la Jumuiya ni kutunga sera za Jumuiya, kufuatilia na kufanya mapitio ya mara kwa mara juu ya utekelezaji wa program mbalimbali za Jumuiya kwa maslahi mapana ya Nchi Wanachama.

 

Jumuiya ya Afrika Mashariki ambayo inaundwa na nchi saba za Tanzania, Kenya, Uganda, Burundi, Rwanda, Sudan Kusini na Jamhuri ya Kidemokrasia ya Congo imeendelea kuhakikisha wananchi katika nchi hizo wananufaika na Jumuiya hiyo hususan katika nyanja za biashara, ulinzi na usalama, viwanda, kilimo, miundombinu na huduma za kijamii.

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax (katikati) akichangia jambo wakati wa Mkutano wa 43 wa Kawaida wa Baraza la Mawaziri wa Jumuiya ya Afrika Mashariki uliomalizika hivi karibuni jijini Bujumbura, Burundi. Mhe. Dkt. Tax aliongoza ujumbe wa Tanzania kwenye Mkutano huo.

Mhe. Dkt. Tax akiwa na Waziri wa Fedha na Mipango, Mhe. Dkt. Mwigulu Nchemba (kushoto)na Naibu Waziri wa Ujenzi, Mhe. Mhandisi Godfrey Kasekenya (kulia) wakati wa Mkutano wa 43 wa Kawaida wa Baraza la Mawaziri wa Jumuiya ya Afrika Mashariki

 

Mwenyekiti wa Mkutano wa 43 wa Kawaida wa Baraza la Mawaziri wa Jumuiya ya Afrika Mashariki ambaye pia ni Waziri anayeshughulikia masuala ya Afrika Mashariki nchini Burundi, Mhe. Balozi Ezekiel Nibigira akizungumza wakati wa ufunguzi rasmi wa Mkutano huo. Kushoto ni Katibu Mkuu wa Jumuiya ya Afrika Mashariki, Mhe. Peter Mathuki.

Naibu Waziri wa Katiba na Sheria, Mhe. Geophrey Pinda (kulia) akishiriki Mkutano wa 43 wa Baraza la Mawaziri wa Jumuiya ya Afrika Mashariki. Wengine ni Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Joseph Sokoine na Naibu Katibu Mkuu, Wizara ya Fedha, Bibi Amina Khamis Shaaban

Sehemu ya ujumbe wa Burundi wakishiriki mkutano

Ujumbe wa Uganda na Sudan Kusin katika mkutano

Ujumbe wa Kenya katika mkutano

Ujumbe kutoka Jamhuri ya Kidemokrasia ya Congo wakishiriki Mkutano

Ujumbe wa Rwanda katika Mkutano

Mkutano ukiendelea

Awali Mhe. Dkt. Tax aliongoza ujumbe wa Tanzania katika kikao cha kupokea na kujadili taarifa ya nchi kuhusu Mkutano wa 43 wa Baraza la Mawaziri. Pichani Mhe. Dkt. Tax akizungumza wakati wa kikao hicho kilichomshirikisha pia Waziri wa Fedha na Mipango, Mhe. Dkt. Mwigulu Nchemba (kulia) na Katibu Mkuu wa Wizara ya Mambo ya Nje na Ushiriano wa Afrika Mashariki, Balozi Joseph Sokoine (kushoto)

Naibu Waziri wa Katiba na Sheria, Mhe. Geophrey Pinda akichangia jambo wakati wa kikao cha kupokea na kujadili taarifa ya nchi kuhusu Mkutano wa 43 wa Baraza la Mawaziri. Pichani Mawaziri. Kulia ni Balozi Sokoine

Balozi wa Tanzania nchini Burundi, Mhe. Dkt. Jilly Maleko akishiriki kikao cha kupokea na kujadili taarifa ya nchi kilichofanyika kabla ya kuanza Mkutano wa 43 wa Baraza la Mawaziri.

Mkurugenzi wa Idara ya Siasa, Ulinzi na Usalama katika Wizara ya Mambo ya Nje na Ushirikiano wa Afrika Mashariki, Balozi Stephen Mbundi akifafanua jambo kuhusu agenda za Mkutano kwa Waheshimiwa Mawaziri (hawapo pichani) wakati wa kikao cha kupokea na kujadili taarifa ya nchi kuhusu Mkutano wa 43 wa Baraza la Mawaziri. Kulia ni Naibu Waziri wa Ujenzi, Mhe. Mhandisi Godfrey Kasekenya na katikati ni Mhe. Balozi Maleko

Mkuu wa Kitengo cha Ukaguzi wa Ndani wa Wizara ya Mambo ya Nje na Ushirikiano wa Afrika Mashariki, Bw. Japhary Kachenje akishiriki kikao cha kupokea na kujadili taarifa ya nchi kabla ya Mkutano wa 43 wa Baraza la Mawaziri.

Mkurugenzi wa Idara ya Sera na Mipango wa Wizara ya Mambo ya Nje na Ushirikiano wa Afrika Mashariki, Bw. Haji Janabi akishiriki kikao cha kupokea na kujadili taarifa ya nchi kuhusu Mkutano wa 43 wa Baraza la Mawaziri.

Kikao kikiendelea

BALOZI FATMA AKUTANA KWA MAZUNGUMZO NA BALOZI WA QATAR

Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab amekutana kwa mazungumzo na Balozi wa Qatar nchini Mhe. Hussain Ahmad Al – Homaid katika Ofisi Ndogo za Wizara Jijini Dar es Salaam. 

Katika mazungumzo yao, viongozi hao wamejadili masuala mbalimbali hususani ya kuimarisha ushirikiano baina ya Tanzania na Qartar ambapo Balozi Fatma amemhakikishia Balozi wa Qatar kuwa Tanzania itaendelea kushirikiana na Qatar kwenye maeneo mbalimbali ikiwemo viwanda, biashara na uwekezaji.

Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab akizungumza na Balozi wa Qatar nchini Mhe. Hussain Ahmad Al – Homaid wakati wa mazungumzo yao yaliyofanyika katika Ofisi Ndogo za Wizara Jijini Dar es Salaam

Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab akimsikiliza Balozi wa Qatar nchini Mhe. Hussain Ahmad Al – Homaid wakati wa mazungumzo yao yaliyofanyika katika Ofisi Ndogo za Wizara Jijini Dar es Salaam

Mazungumzo baina ya Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab na Balozi wa Qatar nchini Mhe. Hussain Ahmad Al – Homaid yakiendelea katika Ofisi Ndogo za Wizara Jijini Dar es Salaam

Mazungumzo baina ya Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab na Balozi wa Qatar nchini Mhe. Hussain Ahmad Al – Homaid yakiendelea katika Ofisi Ndogo za Wizara Jijini Dar es Salaam

Naibu Katibu Mkuu wa Wizara ya Mambo ya Nje na ushirikiano wa Afrika Mashariki, Balozi Fatma Rajab katika picha ya pamoja na Balozi wa Qatar nchini Mhe. Hussain Ahmad Al – Homaid yakiendelea katika Ofisi Ndogo za Wizara Jijini Dar es Salaam

BALOZI MBAROUK ATETA NA NAIBU KATIBU MKUU WA HUDUMA ZA NJE – EU

Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Nassor Mbarouk (Mb) amekutana na kuzungumza na Naibu Katibu Mkuu wa Huduma za Nje za Umoja wa Ulaya (EU), Bi Helena Konig katika Ofisi Ndogo za Wizara Jijini Dar es Salaam.

Katika mazungumzo hayo, viongozi hao wamejadili masuala mbalimbali ya ushirikiano kati ya Tanzania na Umoja wa Ulaya ambapo Balozi Mbarouk amemhakikishia Bi. Konig kuwa Tanzania itaendelea kushirikiana na Umoja wa Ulaya katika nyanja za biashara na uwekezaji, utunzanji wa mazingira hususan uchumi wa buluu, nishati, miundombinu pamoja na ushirikiano wa kikandaa na kimataifa kwa maslahi ya pande zote mbili. 

“Napenda kukuhakikishia kuwa Serikali ya Tanzania inayoongozwa na Mhe. Samia Suluhu Hassan itaendelea kushirikiana na Umoja wa Ulaya katika sekta za biashara na uwekezaji, uchumi wa buluu, nishati, miundombinu kwa maslaahi ya pande zote mbili,” alisema Balozi Mbarouk

Balozi Mbarouk aliongeza kuwa Tanzania itaendelea kushirikiana na Umoja wa Ulaya kuimarisha maeneo muhimu hususan biashara na uwekezaji kwa kuwa sekta hiyo ni muhimu kwa kukuza uchumi wa pande zote mbili.

Naye, Naibu Katibu Mkuu wa Huduma za Nje Umoja wa Ulaya, Bi. Konig amesema licha ya changamoto ya uviko 19 kuikumba Dunia na vita ya Urusi na Ukraine, Umoja wa Ulaya utaendelea kushirikiana na Afrika, hususan Tanzania kuimarisha na kuendeleza sekta za biashara na uwekezaji.

“EU tunaendelea kushikamana na kuimarisha nguvu zetu kwa pamoja ili kuhakikisha tunaendelea kuwekeza na kukuza biashara kati yetu na Tanzania kwa maslahi ya mataifa  yote,” alisema Bibi Konig.

Viongozi hao pia wamejadili masuala ya jinsia, digitali, ulinzi na usalama katika ukanda wa Afrika Mashariki na Jumuiya ya Maendeleo Kusini mwa Afrika (SADC) pamoja na kijamii na kisiasa.

Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Nassor Mbarouk akizungumza na Naibu Katibu Mkuu wa Huduma za Nje za Umoja wa Ulaya (EU), Bi Helena Konig katika Ofisi Ndogo za Wizara Jijini Dar es Salaam

Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Nassor Mbarouk akimsikiliza na Naibu Katibu Mkuu wa Huduma za Nje za Umoja wa Ulaya (EU), Bi Helena Konig wakati wa mazungumzo yao yaliyofanyika katika Ofisi Ndogo za Wizara Jijini Dar es Salaam

  Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Nassor Mbarouk katika picha ya pamoja na Naibu Katibu Mkuu wa Huduma za Nje za Umoja wa Ulaya (EU), Bi Helena Konig

SERIKALI YAWASIHI WAFANYABIASHARA KUJIFUNZA, KUBADILISHANA UZOEFU WA BIASHARA

Serikali imewasihi wafanyabiashara na wawekezaji nchini kutumia fursa ya Jukwaa la Biashara kati ya Tanzania na Umoja wa Ulaya kujifunza, kubadilishana uzoefu na mawazo ya kibiashara ili kukuza na kuchochea maendeleo ya uchumi. 

Rai hiyo imetolewa na Makamu wa Rais wa Jamhuri ya Muungano wa Tanzania, Mhe. Dkt. Philip Mpango alipofungua Jukwaa la Biashara kati ya Tanzania na Umoja wa Ulaya (EU) linalofanyika kwa siku mbili kuanzia tarehe 23 – 24 Februari, 2023 Jijini Dar es Salaam. 

“Nawasihi wafanyabiashara wa Tanzania, kutumia fursa hii adhimu kujifunza, kubadilishana uzoefu na mawazo ya kibiashara ili kupiga hatua kama wenzetu na muweze kukuza na kuchangia katika uchumi wa taifa letu,” alisema Dkt. Mpango

Dkt. Mpango alisema Serikali ya Tanzania inatoa kipaumbele katika sekta kilimo kwa kuwa ni moja ya sekta ambazo zina mchango mkubwa kwenye uchumi wa taifa. 

“Serikali imetoa msukumo wa kipekee katika kujenga uchumi wa nchi kwa kuwekeza kwenye kilimo biashara ili kuifanya sekta ya kilimo kukua kwa asilimia 10 ifikapo mwaka 2030,” alisema Dkt. Mpango

“Serikali imechagua kilimo cha mashamba makubwa ya pamoja kwa vijana ambacho kinahitaji uwekezaji wa kisasa, tunalenga uwekezaji mkubwa wa kibiashara kwenye kilimo cha miwa, ngano, alizeti, mahindi, zabibu, matunda, mbogamboga, uvuvi wa bahari kuu, ufugaji na ufugaji wa Samaki,”alisema Dk Mpango

Amesema Serikali ya Tanzania inatambua na kuthamini mchango wa muda mrefu wa EU kwa Tanzania ambapo imenufaika na msaada kwa programu mbalimbali za ushirikiano wenye thamani ya Dola za Marekani bilioni tatu ikiwemo msaada wa kukabiliana na janga la Uviko -19.

Awali akimkaribisha Makamu wa Rais, Waziri wa Uwekezaji, Viwanda na Biashara, Dkt. Ashatu Kijaji alisema Jukwaa hilo ni muhimu kwa Tanzania kwakuwa linatoa fursa ya wafanyabiashara kutoka pande zote kujadili fursa za biashara na uwekezaji wenye tija kwa pande zote mbili.

“Jukwa hii ni muhimu kwa sababu linatoa fursa kwa wafanyabiashara kujadili na kubadilishana mawazo ya kibiashara hususan katika sekta za kilimo, utalii, nishati, na madini, tehama, miundombinu, fedha na nyinginezo, na kuwawezesha wafanyabiashara kuchochea maendeo yao na mataifa yao kwa ujumla" alisema Dkt. Kijaji 

Jukwaa hilo limehudhuriwa na wafanyabiashara zaidi ya 700 kutoka Tanzania na Umoja wa Ulaya. Umoja wa Ulaya unaongoza kwa uwekezaji hapa nchini katika sekta mbalimbali ambapo imewekeza kiasi cha Euro milioni 344.23.

Jukwaa hilo pia limehudhuriwa na Mabalozi wa Tanzania katika nchi za Umoja wa Ulaya ambao ni Balozi wa Tanzania nchini Ubelgiji, Mhe. Jestus Nyamanga, balozi wa Tanzania nchini Ufaransa, Mhe. Dkt. Samwel Shelukindo, Balozi wa Tanzania nchini Italia, Mhe. Mahmoud Thabit Kombo, Balozi wa Tanzania nchini Ujerumani, Mhe. Dkt. Abdallah Possi na Balozi wa Tanzania nchini Uholanzi, Balozi Caroline Chipeta.

Makamu wa Rais wa Jamhuri ya Muungano wa Tanzania, Mhe. Dkt. Philip Mpango akihutubia wakati wa ufunguzi wa Jukwaa la Biashara kati ya Tanzania na Umoja wa Ulaya (EU) linalofanyika kwa siku mbili kuanzia tarehe 23 – 24 Februari, 2023 Jijini Dar es Salaam

Sehemu ya washiriki wa Jukwaa la Biashara kati ya Tanzania na Umoja wa Ulaya (EU) linalofanyika kwa siku mbili kuanzia tarehe 23 – 24 Februari, 2023 Jijini Dar es Salaam

Sehemu ya washiriki wa Jukwaa la Biashara kati ya Tanzania na Umoja wa Ulaya (EU) linalofanyika kwa siku mbili kuanzia tarehe 23 – 24 Februari, 2023 Jijini Dar es Salaam

Waziri wa Nchi, Ofisi ya Waziri Mkuu (Kazi, Vijana, Ajira na Wenye Ulemavu) Mhe. Dkt. Joyce Ndalichako, Naibu Waziri wa Mambo ya Nje na Ushirikiano wa Afrika Mashariki, Balozi Mbarouk Nassor Mbarouk pamona na viongozi wengine wakifuatilia Jukwaa la Biashara kati ya Tanzania na Umoja wa Ulaya (EU) linalofanyika kwa siku mbili kuanzia tarehe 23 – 24 Februari, 2023 Jijini Dar es Salaam

Viongozi mbalimbali wakifuatilia jukwaa la biashara kati ya Tanzania na Umoja wa Ulaya (EU) (EU) linalofanyika kwa siku mbili kuanzia tarehe 23 – 24 Februari, 2023 Jijini Dar es Salaam

VACANCY AT INTERNATIONAL COTTON ADVISORY COMMITTEE