WAZIRI TAX AINADI TANZANIA KWA JUMUIYA YA WAFANYABISHARA WA ITALIA

Waziri wa Mambo ya Nje na Ushirikiano wa Afrika Mashariki Dkt. Stergomena Tax Akizungumza katika mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023.

 

 

 

 

Waziri wa Mambo ya Nje na Ushirikiano wa Afrika Mashariki Dkt. Stergomena Tax Akizungumza katika mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023.

 

 

Balozi wa Tanzania nchini Italia Mhe. Mahmoud Thabit Kombo akizungumza katika mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023.

Mkurugenzi Mkuu wa Kituo cha Uwekezaji Tanzania (TIC) Bw. Gilead Teri akizungumza katika mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023.

Mwakilishi wa Mkurugenzi Mkuu wa Mamlaka ya uwekezaji Zanzibar Bw. Khamis Dunia akizungumza katika mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023.

Mkurugenzi Mkuu wa Bodi ya Utalii Tanzania (TTB) Bw. Damas Mfugale akizungumza katika mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023.

Baadhi ya Washiriki wa mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023 wakifuatilia mkutano huo.

Waziri wa Mambo ya Nje na Ushirikiano wa Afrika Mashariki Dkt. Stergomena Tax katika picha ya pamoja na Balozi wa Tanzania nchini Italia (wa pili kulia) na Mkurugenzi wa TTB Bw. Damas Mfugale (wa kwanza kulia) Mkurugenzi Mkuu wa TIC Bw. Gilead Teri (wa pili kushoto) na mwakilishi wa ZIPA Bw. Khamis Dunia baada ya kukamilisha mazungumzo yao na  Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023.

Waziri wa Mambo ya Nje na Ushirikiano wa Afrika Mashariki Mhe.Dkt. Stergomena Tax kwa kushirikiana na  Ubalozi wa Tanzania nchini Italia, Bodi ya Utalii Tanzania (TTB), Kituo cha Uwekezaji Tanzania (TIC), Kituo cha Uwekezaji Zanzibar (ZIPA) wameinadi Tanzania kama Kituo bora cha uwekezaji kwa Jumuiya ya Wafanyabiashara wa Italia.
 
Waziri Tax amewaeleza Wafanyabiashara hao kuwa Serikali ya Awamu ya Sita imeendelea kuboresha mazingira ya biashara nchini kwa kurekebisha sera na sheria mbalimbali ili kuwafanya wawekezaji wawe na mazingira bora ya kuendesha shughuli zao na hivyo kuvutia wawekezaji wengi zaidi.
 
Wafanyabiashara hao wameelezwa kuwa Tanzania ni salama kwa wao kuwekeza mitaji yao, ambapo pia watakuwa kwenye nafasi nzuri zaidi ya kulifikia na kunufaika na soko kubwa la EAC, SADC na Eneo Huru la Biashara Afrika (AfCFTA).
 
Miongoni mwa sekta zilizowavutia Wafanyabiashara walioshiriki mkutano huo ni pamoja na Kilimo, Utalii, Viwanda, Uchumi wa Buluu, na Ujenzi.
 
Mkutano huo uliofanyika jijini Roma, Italia ulijumuisha Wafanyabiashara waliowekeza nchi Tanzania katika Sekta mbalimbali na wenye nia ya kuwekeza nchini

DKT. TAX AKUTANA NA JUMUIYA YA WAFANYABIASHARA WA ITALIA JIJINI ROMA AWAITA WAJE KUWEKEZA NCHINI

  

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akizungumza katika mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akizungumza katika mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023

Baadhi ya washiriki wa mkutano kati ya  jumuiya ya wafanyabiashara wa Italia wakifuatilia mkutano huo uliofanyika jijini Roma nchini Italia tarehe 10 Juni,2023

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akizungumza na mmoja wa wafanyabiashara walioshiriki  mkutano na Jumuiya ya wafanyabiashara wa Italia uliofanyika jijini Roma nchini Italia tarehe 10 Juni,2023

 

Baadhi ya washiriki wa mkutano kati ya  jumuiya ya wafanyabiashara wa Italia wakifuatilia mkutano huo uliofanyika jijini Roma nchini Italia tarehe 10 Juni,2023

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (Mb) amekutana na Jumuiya ya Wafanyabiashara wa Italia jijini Roma na kuwaita waje kuwekeza nchini kwa kuwa Serikali ya Tanzania ina dhamira ya dhati kushirikiana nao kukuza uchumi kupitia biashara na uwekezaji .

Amesema ushirikiano huo imara utawezesha pande zote mbili kupata nafasi ya kufahamu fursa mbalimbali zinazopatikana katika nchi hizo, kunufaika nazo na kufanya kazi pamoja.

“Mmesikia mengi yakisemwa hapa, nichukue nafasi hii kuwahakikishia dhamira ya Serikali ya Tanzania ya kutaka kushirikiana na jumuiya yenu katika biashara na uwekezaji, naona kwamba tukishirikiana kwa pamoja tutafahmu fursa zinazopatikana katika nchi zetu na kujua jinsi ya kunufaika nazo, na hivyo kufanya kazi kwa pamoja” alisema.

Alisema mikutano miwili ya jukwaa la biashara iliiyofanyika awali ilikuwa nyenzo za kupatiana taarifa kwa lengo la kuimarisha uhusiano wa kibiashara na uwekezaji kati ya Tanzania na Italiana kuongeza kuwa jukwaa la tatu litakalofanyika mwezi Julai 2023 litakuwa na manufaa zaidi kwa pande zote mbili.

Amesema Italia imekuwa ni mdau mkubwa wa Tanzania na moja ya nchi zenye biashara na uwekezaji mkubwa nchini na kuipatia misaada ya kimaendeleo japo biashara kati ya nchi hizo imekuwa ikielemea upande mmoja akitolea mfano katika kipindi cha miaka mitano ya 2018 – 2022 na kuongeza ni matumaini yake kuwa mkutano huo utakuwa chachu ya kuweka sawa uwiano huo  wa biashara .

Akizungumza katika mkutano huo,  hilo Mkurugenzi Mtendaji wa Bodi ya Utalii nchini Bw. Damas Mfugale alisema Tanzania ina vivutio vingi na vizuri na kuwakaribisha wafanyabiashara ho kuja nchini kuwekeza katika tasnia ya Utalii.

Naye Mkurugenzi wa Mkuu wa Kituo cha uwekezaji nchini Dkt. Gelead Teri alisema Tanzania imeboresha mazingira ya kufanya biashara nchini na kuzingatia garantii inayowekwa ya kupata faida na kurejesha gharama za mtaji pamoja na soko kubwa linaloizunguka nchi la Afrika Mashariki, SADC na sasa AfCFTA.

Alisema hali ya amani na usalama , eneo nchi ilipo, utajiri wa maliasilia ni miongoni mwa sababu kubwa za kuvutia wawekezaji nchini. Amewaita wafanyabiashara hao waje nchini na kwamba hawatajuta kufanya hivyo.

Naye Mwakilishi wa Mtendaji Mkuu wa Taasisi ya Uwekezaji Zanzibar (ZIPA) Bw. Khamis Dunia amewakaribisha wafanyabiashara hao kuja Zanzibar kwa kuzingatia uwepo wa miundombinu ya ICT na ujenzi wa bandari kubwa ya Mangapwani. Amewaambia wafanyabiashara hao waje Zanzibar ili wanufaike na kusaidiana na Serikali ya Mapinduzi Zanzibar katika ujenzi wa bandari hiyo

Mkutano huo na jumuiya ya wafanyabiashara Italia uliofanyika jijini Roma uliandaliwa na Balozi wa Tanzania nchini Italia Mhe. Mahmoud Thabit Kombo.

 

WAZIRI TAX AFANYA MAZUNGUMZO NA MKURUGENZI WA FAO JIJINI ROMA, ITALIA

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akisalimiana na Mkurugenzi Mkuu wa Shirika la Chakula Duniani (FAO) Dkt. Qu Dongyu walipokutana kwa mazungumzo jijini Roma, Italia

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax amekutana na kufanya mazungumzo na  Mkurugenzi Mkuu wa Shirika la Chakula Duniani  (FAO) Dkt. Qu Dongyu. Katika mazungumzo yao Dkt. Tax amepongeza FAO kwa jitihada zake za kutafuta na kukusanya rasilimali kwa ajili ya jamii mbalimbali ili ziweze kunufaika na  maendeleo ya kilimo ambazo amesema Watanzania wengi pia wanazitegemea.

Dkt. Tax yuko nchini Italia kwa ziara ya kikazi ambapo pamoja na mambo mengine anatarajiwa kuzungumza na jumuiya ya wafanyabiashara wa nchini Italia.

Mkutano ukiendelea

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax na Mkurugenzi Mkuu wa Shirika la Chakula Duniani (FAO) Dkt. Qu Dongyu wakiwa katika mazungumzo yaliyofanyika makao makuu ya FAO jijini Roma, Italy

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax na Mkurugenzi Mkuu wa Shirika la Chakula Duniani (FAO) Dkt. Qu Dongyu katika picha ya pamoja

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax na Mkurugenzi Mkuu wa Shirika la Chakula Duniani (FAO) Dkt. Qu Dongyu wakiwa kwenye picha ya pamoja na baadhi ya watumishi wa FAO, Ubalozi wa Tanzania nchini Italia na wa Wizara ya Mambo ya Nje na Ushirikiano wa Afrika Mashariki

WAZIRI TAX AFANYA MAZUNGUMZO NA RAIS WA IFAD

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akisalimiana na Rais wa Mfuko wa Kimataifa wa Maendeleo ya Kilimo (IFAD) Dkt. Alvaro Lario walipokuna kwa mazungumzo katika makao makuu wa Shirika hilo jijini Roma, Italia.

Waziri mambo ya Nje na Ushirikiano wa Afrika Mashariki Mhe. Dkt. Tax amekutana na kuzungumza na Rais wa Mfuko wa Kimataifa wa Maendeleo ya Kilimo (IFAD) Dkt. Alvaro Lario jijini Roma na kubadilishana mawazo juu ya njia za kuimarisha ushirikiano kati ya Tanzania na IFAD ili kuweza kunufaika na miradi mbalimbali ya maendeleo inayoendeshwa na shirika hilo.

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax na Rais wa IFAD Dkt. Alvaro Lario katika picha ya pamoja

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax na Rais wa IFAD Dkt. Alvaro Lario wakiwa katika mazungumzo yaliyofanyika jijini Roma, Italia

Mazungumzo yakiendelea

DKT TAX AKUTANA NA MKURUGENZI MKUU WA FAO

Waziri wa Mambo ya Nje na Ushirikiano wa Afrika Mashariki Mhe. Dkt. Tax akisalimiana na  Mkurugenzi Mkuu wa Shirika la Chakula la Umoja wa Mataifa (FAO) Dr. Qu Dongyu jijini Roma nchini Italia tarehe 09 Juni, 2023.

Waziri wa Mambo ya Nje na Ushirikiano wa Afrika Mashariki Mhe. Dkt. Tax akiwa  na Mkurugenzi Mkuu wa Shirika la Chakula la Umoja wa Mataifa (FAO) Dr. Qu Dongyu walipokutana jijini Roma nchini Italia tarehe 09 Juni, 2023.

Waziri wa Mambo ya Nje na Ushirikiano wa Afrika Mashariki Mhe. Dkt. Tax na  Mkurugenzi Mkuu wa Shirika la Chakula la Umoja wa Mataifa (FAO) Dr. Qu Dongyu wakizungumza walipokutana jijini Roma nchini Italia tarehe 09 juni, 2023.

mazungumzo yakiendelea na kushuhudiwa na wajumbe wa pande mbili.

Waziri wa Mambo ya Nje na Ushirikiano wa Afrika Mashariki Mhe. Dkt. Tax akisalimiana na Mkurugenzi Mkuu wa Shirika la Chakula la Umoja wa Mataifa (FAO) Dr. Qu Dongyu katika picha ya pamoja na wajumbe wao walipokutana jijini Roma nchini Italia tarehe 09 Juni, 2023.

Waziri wa Mambo ya Nje na Ushirikiano wa Afrika Mashariki Mhe. Dkt. Tax amekutana na kuzungumza na Mkurugenzi Mkuu wa Shirika la Chakula la Umoja wa Mataifa (FAO) Dr. Qu Dongyu jijini Roma. 

Katika mazungumzo yao Dkt. Tax ameipongeza FAO kwa jitihada za kukusanya rasilimali kwa ajili ya jamii mbalimbali kunufaika na miradi ya maendeleo ya Shirika hilo ambazo pia Watanzania wengi  wanazitegemea na kunufaika nazo.

 

DKT. TAX AKUTANA NA MKURUGENZI MKUU WA IFAD JIJINI ROMA

 

Rais wa Mfuko wa Kimataifa wa Maendeleo ya Kilimo (IFAD) Dkt. Alvaro Lario akimpokea na kumkaribisha Waziri wa Mambo ya Nje na Ushirikiano wa Afrika Mashariki Mhe. Dkt. Tax akisalimiana na walipokutana jijini Roma nchini Italia.

Waziri wa Mambo ya Nje na Ushirikiano wa Afrika Mashariki Mhe. Dkt. Tax katika picha na Rais wa Mfuko wa Kimataifa wa Maendeleo ya Kilimo (IFAD) Dkt. Alvaro Lario walipokutana jijini Roma nchini Italia. 

 

 Waziri wa Mambo ya Nje na Ushirikiano wa Afrika Mashariki Mhe. Dkt. Tax akizungumza na Rais wa Mfuko wa Kimataifa wa Maendeleo ya Kilimo (IFAD) Dkt. Alvaro Lario walipokutana jijini Roma nchini Italia.

Waziri wa Mambo ya Nje na Ushirikiano wa Afrika Mashariki Mhe. Dkt. Tax katika picha na Rais wa Mfuko wa Kimataifa wa Maendeleo ya Kilimo (IFAD) Dkt. Alvaro Lario baada ya kumaliza mazungumzo yao

 

Waziri wa Mambo ya Nje na Ushirikiano wa Afrika Mashariki Mhe. Dkt. Tax amekutana na kuzungumza na Rais wa Mfuko wa Kimataifa wa Maendeleo ya Kilimo (IFAD) Dkt. Alvaro Lario jijini Roma. 

Katika mazungumzo yao viongozi hao wamejadiliana jinsi Tanzania inavyoweza kunufaika na miradi mbalimbali inayoendeshwa na Shirika hilo katika sekta ya kilimo.

 

KAMPUNI YA TULLY’S YA JAPAN YAZINDUA UUZAJI WA KAHAWA YA TANZANIA KATIKA MIGAHAWA YAO

Balozi wa Tanzania nchini Japan, Mhe. Baraka Luvanda (kulia) akiwa na Mkurugenzi Mtendaji wa Mauzo wa Kampuni ya Tully’s inayomiliki migahawa maarufu ya Tully's nchini Japan, Bw. Daisuke Shindo wakati wa uzinduzi wa uuzaji rasmi wa kahawa ya Tanzania kwenye migahawa hiyo katika hafla iliyofanyika jijini Tokyo tarehe 9 Juni 2023

Balozi wa Tanzania nchini Japan, Mhe. Baraka Luvanda (katikati) akiwa na Mkurugenzi Mtendaji wa Mauzo wa Kampuni ya Tully’s inayomiliki migahawa maarufu ya Tully's nchini Japan, Bw. Daisuke Shindo (kulia) pamoja na Meneja Mkuu wa Idara ya Bidhaa za Vinywaji wa Kampuni ya Marubeni ambayo ni mbia wa Tully’s na miongoni mwa kampuni zinazosafirisha kwa wingi kahawa kutoka Tanzania kuingia nchini Japan, Bw. Masahiko Yoshimura (kushoto) wakati wa uzinduzi wa uuzaji rasmi wa kahawa ya Tanzania kwenye migahawa hiyo katika hafla iliyofanyika jijini Tokyo tarehe 9 Juni 2023

Mhe. Balozi Luvanda (wa tatu kulia) akiwa na Bw. Shindo ( wa tatu kushoto) na wadau wengine wa Japan wakati wa zoezi la uonjaji wa kahawa ya Tanzania

Wadau mbalimbali wa Japan wakishiriki hafla ya uzinduzi wa uuzaji wa kahawa ya Tanzania kwenye migahawa ya Tully's ya nchini Japan

Mhe. Balozi Luvanda (katikati) akiwa katika picha ya pamoja na Bw. Shindo (wa tatu kulia)  na Bw. Yoshimura (wa tatu kushoto) na Maafisa kutoka Ubalozi wa Tanzania nchini Japan na wadau wengine wakati wa uzinduzi wa uuzaji wa kahawa ya Tanzania kwenye migahawa ya Tully's iliyopo Japan

Balozi Luvanda akiwa katika picha na Mkurugenzi Mtendaji wa Mauzo wa Kampuni ya Tully’s inayomiliki migahawa maarufu ya Tully's nchini Japan, Bw. Daisuke Shindo

Mhe. Balozi Luvanda akionesha baadhi ya kahawa za Tanzania zinazouzwa nchini Japan

Mhe. Balozi Luvanda akihojiwa na Mtangazaji kutoka Shirika la Utangazaji la Japan-NHK, Idhaa ya Kiswahili kuhusu jitihada za Ubalozi zilivyofanikisha uuzaji wa kahawa ya Tanzania kwenye migahawa maarufu ya Tully's ya nchini Japan.

Kahawa ya Tanzania kama inavyoonekana pichani

==========================================================

Kampuni ya Tully’s inayomiliki migahawa maarufu ya TULLY’s imezindua rasmi uuzaji wa kahawa ya Tanzania katika migahawa yao yote 700 iliyoko nchini Japan  katika hafla iliyofanyika jijini Tokyo tarehe 9 Juni 2023.

Uzinduzi huo ambao ulienda sambamba na zoezi la uonjaji wa kahawa ya Tanzania, ulishuhudiwa na Balozi wa Tanzania nchini Japan, Mhe. Baraka Luvanda;  Mkurugenzi Mtendaji wa Mauzo wa Tully’s; Bw. Daisuke Shindo pamoja na Meneja Mkuu wa Idara ya Bidhaa za Vinywaji wa Kampuni ya Marubeni ambayo ni mbia wa Tully’s na miongoni mwa kampuni zinazosafirisha kwa wingi kahawa kutoka Tanzania kuingia nchini Japan, Bw. Masahiko Yoshimura.

Akitoa hotuba yake katika uzinduzi huo, Balozi Luvanda alizihakikishia kampuni za Japan, uwepo wa mazingira wezeshi ya biashara na hata uwekezaji wanapoamua kuwekeza katika kilimo au sekta nyingine za Tanzania.

 

Aidha, amelitaja kuwa zao la kahawa ni miongoni mwa mazao ya kimkakati nchini ambalo linatumika kibiashara kwa kulipatia Taifa pato kubwa kwa mauzo mengi ya kigeni. Akitolea mfano wa Japan, alieleza kuwa kwa mwaka, Tanzania inauza kahawa yake Japan, kwa wastani wa asilimia 33 ya kahawa inayolimwa nchini, ambayo ni sawa na wastani wa kilogramu million 15 (tani 15,000) ya kahawa yote ya Tanzania inayouzwa nchini Japan.

Balozi Luvanda alieleza kuwa, soko la kahawa nchini Japan bado ni kubwa, ikilinganishwa na matumizi na uhitaji wa Japan ambapo, Japan inahitaji wastani wa kilogramu milioni 453 (tani 453,000) za kahawa kwa mwaka na kutoa rai kwa watanzania hususan, wakulima wa zao la kahawa, watayarishaji, wasafirishaji na wafanyabiashara wa zao hili kuchangamkia fursa ya soko kubwa la Japan ambalo linakua siku hadi siku.

“Napenda kutoa wito kwa watanzania wenzangu kuzingatia ubora wa viwango kwa mazao tunayolima nchini kwani nchi nyingi tunazouza bidhaa zetu hususan, hapa Japan wanazingatia sana viwango. Hivyo, ili kulikamata soko hili la Japan ipasavyo, inatupasa kwenda sambamba na mahitaji ya kidunia ikiwemo, uzalishaji kwa viwango bora” alieleza Balozi Luvanda.

 

Vilevile, Balozi Luvanda alieleza juhudi za Serikali ya Awamu ya Sita, inayoongozwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan,  kuwa imefanya mageuzi makubwa katika sekta ya kilimo kwa kuwekeza katika miradi ya muda mrefu na mifupi pamoja na maeneo ya msingi ya kutatua changamoto za kilimo kuanzia shambani hadi sokoni ili kujihakikishia uhakika wa chakula, kulisha wengine kibiashara duniani, na pia wakulima kujipatia kipato cha kutosha ili kupunguza umaskini.

 

“Serikali ya Tanzania kwa kasi kubwa imewekeza kwenye rasilimali fedha na watu pamoja na uhamasishaji wa sekta binafsi kuwekeza na kukifanya kilimo kuanza kutoa ajira zenye staha hususan, kwa vijana na wanawake, ikiwa ni pamoja na hatua ya kuongeza bajeti ya Wizara ya Kilimo na kujenga msingi imara wa utekelezaji wa mipango ya kilimo yenye kutazama Tanzania ifikapo mwaka 2050”, alieleza.

 

Alihitimisha hotuba yake kwa kuelezea jitihada za ubalozi za kufanikisha azma ya Serikali ya Tanzania katika mageuzi ya sekta ya kilimo ya kukifanya kuwa biashara. “Ubalozi unatekeleza jukumu kubwa la kuendelea kutafuta masoko ya bidhaa mbalimbali zinazozalishwa nchini ikiwemo, mazao ya kilimo kama kahawa, kwa kuzitangaza bidhaa hizo na kutafuta wawekezaji wa kuendeleza sekta mbalimbali kama vile sekta ya kilimo hususan, kilimo cha biashara kwa mazao ya kimkakati”, alihitimisha.

 

Kadhalika,  Balozi Luvanda alihamasisha ushiriki wa wadau wa kahawa nchini katika Maonesho ya Kimataifa ya Kahawa ya Mwaka 2023 (World Specialty Coffee Conference and Exhibition 2023) yatakayofanyika jijini Tokyo kuanzia tarehe 27  hadi  29 Septemba 2023, ambayo yanaratibiwa na Ubalozi kwa kushirikiana na Bodi ya Kahawa Tanzania. Tanzania ilishiriki kikamilifu katika Maonesho hayo kwa mwaka 2023 na manufaa yake yameonekana.

Tully’s Co. Ltd., inamiliki migahawa takribani 700 nchini Japan na imejipatia umaarufu mkubwa katika biashara ya uuzaji wa kahawa za aina mbalimbali duniani. Kahawa ya Tanzania iliyozinduliwa ni kutoka Mashamba ya Kahawa ya GDM (GDM Farms) yaliyoko Mbozi mkoani Mbeya.

Kuzinduliwa kwa kahawa ya GDM nchini Japan kunapandisha zaidi uhakika wa soko la kahawa ya Tanzania nchini Japan ambayo imejizolea umaarufu mkubwa kwa ubora na radha ya aina yake na kupelekea kupewa jina maarufu la kibiashara la Kilimanjaro Coffee. Jina hili hutumika nchini Japan, kwa kahawa zinazozalishwa Tanzania pekee, kwa kutambua kivutio kikubwa cha Mlima Kilimanjaro uliopo nchini Tanzania.

 

Tanzania inasifika Japan kwa kutoa kahawa bora aina ya Arabica (Arabica laini - full washed na Arabica ngumu - natural) inayolimwa katika mikoa ya Kilimanjaro, Arusha, Manyara, Mara, Tanga, Morogoro, Njombe, Iringa, Katavi, Rukwa, Ruvuma, Kigoma, Songwe na Mbeya; na kahawa ya Robusta inayolimwa mkoani Kagera.

 

IMETOLEWA NA UBALOZI WA TANZANIA NCHINI JAPAN

TAREHE 9 JUNI 2023