KONGAMANO LA PILI LA BIASHARA KATI YA TANZANIA NA ITALIA KUFANYIKA ZANZIBAR

Balozi wa Tanzania nchini Italia, Mhe. Mahmoud Thabit Kombo amesema takribani wawakilishi wa Kampuni 1,000 za nchini Italia wamethibitisha kushiriki kwenye Kongamano la Pili la Biashara na Uwekezaji linalotarajiwa kufunguliwa rasmi jijini Zanzibar tarehe 28 Septemba 2022.

 

Akizungumza leo tarehe 27 Septemba 2022 jijini Zanzibar wakati wa mkutano wa maandalizi uliokuwakutanisha Wawekezaji na Wafanyabiashara kutoka Italia na Maafisa wa Serikali ya Mapinduzi Zanzibar kutoka Sekta zinazosimamia masuala ya Biashara na Uwekezaji, Mhe. Kombo amesema mwitikio huo mkubwa wa washiriki wa kongamano kutoka Italia unatokana na jitihada zinazofanywa na ubalozi katika kutangaza fursa za biashara, uwekezaji na utalii nchini humo. 

 

“Ubalozi wa Tanzania nchini Italia umeendelea kutekeleza Diplomasia ya Uchumi kwa kutangaza fursa mbalimbali za uwekezaji, utalii na biashara zilizopo nchini. Ni kutokana na jitihada hizo Kampuni nyingi zimehamasika na kuonesha nia ya kuja kujionea fursa mbalimbali za biashara na uwekezaji zitakazowasilishwa wakati wa Kongamano hili. Nimefarijika sana kuona mwitikio huu wa washiriki kutoka Italia ambao umezidi ule wa kongamano la kwanza” amesema Balozi Kombo.

 

Kadhalika ameongeza kusema kuwa tayari zipo Kampuni kadhaa za Italia zimewekeza nchini ikiwemo ile ya Toscana Macchine Calzature (TMC) iliyopo mkoani Kilimanjaro inayojishughulisha na uuzaji wa mashine za kisasa na vipuri vyake vya utengenezaji wa viatu na bidhaa na ngozi. Amesema Kampuni hiyo ambayo huzalisha viatu zaidi ya jozi 4,000 kwa siku, imeonesha utayari wa kutoa wataalam saba (7) watakao toa mafunzo ya utengenezaji bidhaa za ngozi katika Chuo cha Mafunzo Zanzibar.

 

Vilevile, Balozi Kombo ameeleza kuwa, kutokana na jitihada zinazofanywa na ubalozi kwa kushirikiana na wadau mbalimbali wa utalii hapa nchini safari za ndege za watalii kutoka Italia zimeongezeka kutoka safari tatu hadi nane kwa wiki.

 

Balozi Kombo alitumia fursa hiyo kutoa wito kwa watanzania kuchangamkia fursa za soko la bidhaa kama Parachichi ambazo tayari zimeanza kuuzwa nchini Italia. 

 

Kwa upande wake, Balozi wa Italia hapa nchini, Mhe. Marco Lombardi amepongeza jitihada zinazofanywa na Serikali ya Tanzania katika kuboresha mazingira ya ufanyaji biashara na uwekezaji na kwamba nchi yake itaendelea kushirikiana Tanzania katika kukuza biashara na uwekezaji baina ya nchi hizi mbili.

 

Kongamano hilo ambalo litafunguliwa rasmi tarehe 28 Septemba 2022, linalenga  pamoja na mambo mengine kujadili kwa kina namna ya kukuza na kuimarisha ushirikiano kati ya nchi hizi mbili kupitia sekta ya biashara na uwekezaji. Pia kutoa nafasi kwa Tanzania kuainisha fursa za biashara na uwekezaji zilizopo nchini zinazoweza kuchangamkiwa na washiriki kutoka Italia.

 

Kongamano hilo ambalo ni mwendelezo wa Kongamano la Kwanza la aina hii lililofanyika jijini Rome, Italia mwezi Desemba 2021, linatarajiwa kuhitimishwa jijini Dar es Salaam tarehe 30 Septemba 2022.

Balozi wa Tanzania nchini Italia, Mhe. Mahmoud Thabit Kombo akiwa na Balozi wa Italia nchini, Mhe. Marco Lombardi wakiongoza kikao cha maandalizi ya Kongamano la Pili la Biashara na Uwekezaji kati ya Tanzania na Italia kilichowakutanisha Maafisa wa Serikali ya Mapinduzi Zanzibar kutoka Sekta zinazosimamia masuala ya Biashara na Uwekezaji na Wafanyabiashara na Wawekezaji kutoka Italia kwa ajili ya kubadilishana mawazo kuhusu mahitaji ya wawekezaji hao na fursa zilizopo nchini. Kikao hicho kimefanyika Zanzibar tarehe 27 Septemba 2022. Kongamano hilo litafunguliwa rasmi mjini hapa tarehe 28 Septemba 2022.

Mhe. Balozi Lombardi akizungumza wakati wa kikao cha maandalizi ya Kongamano la Pili la Uwekezaji kati ya Tanzania na Italia

Washiriki kutoka Serikali ya Mapinduzi Zanzibar na Wawekezaji na Wafanyabiashara kutoka Italia wakati wa kikao baina yao

Mkurugenzi Mtendaji wa Mamlaka ya Uwekezaji Zanzibar (ZIPA), Bw. Sharif Ali Sharif akifuatilia kikao

Bw, Daniele Ferradini, Meneja Mauzo wa Kampuni ya TMC ya Italia inayojishughulisha na uuzaji mashine za kutengenezea viatu na bidhaa za ngozi iliyopo Kilimanjaro akichangia jambo wakati wa kikao

Kikao kikiendelea

Kikao kikiendelea

Sehemu ya Maafisa Waandamizi kutoka Serikali ya Mapinduzi Zanzibar wakifuatilia kikao

Afisa Mambo ya Nje kutoka Wizara ya Mambo ya Nje na Ushirikiano wa Afrika Mashariki, Bi. Salma Baraka akinukuu mazungumzo wakati wa kikao

Kikao kikiendelea

Mwekezaji kutoka Italia akizungumza wakati wa kikao

Mwekezaji kutoka Italia akichangia jambo wakati wa kikao

Picha ya pamoja

 

SERIKALI, SEKTA BINAFSI WAKUBALIANA KUBORESHA MIFUMO KUWAFIKIA DIASPORA

Mkurugenzi anayeshughulikia masuala ya Diaspora katika Wizara ya Mambo ya Nje na Ushirikiano wa Afrika Mashariki, Balozi James Bwana ameeleza kuwa Serikali imejidhatiti kufanya maboresho ya mifumo ya Tehama katika sekta za umma na sekta binafsi ili kuhakikisha fursa mbalimbali zinazopatikana nchini zinawafikia diaspora kwa wakati.

Hayo yameelezwa katika siku ya pili ya mkutano wa wadau wa sekta za umma na binafsi uliojadili masuala mbalimbali kuhusu ushiriki wa Diaspora katika shughuli za maendeleo ya Taifa uliomalizika leo tarehe 27 Desemba 2022 Jijini Dodoma.

“Wadau wa mkutano huu wamepata fursa ya kushirikishana na kupeana uzoefu juu ya huduma mbalimbali wanazozitoa kwa diaspora, kutoa maoni ya namna bora ya kuboresha huduma na umuhimu wa taasisi kushirikiana ili kurahisisha utoaji wa huduma” alisema Balozi James

Miongoni mwa maeneo yaliyopendekezwa na wadau kwa ajili ya maboresho ni pamoja na: kuongeza kazi ya ukamilishwaji wa mapendekezo ya kupatikana kwa hadhi maalum kwa Diaspora, Uandaaji na ukamilishaji wa Sera na sheria ya Diaspora ya Tanzania, taasisi za fedha kuwa na huduma rafiki na zenye riba nafuu kwa Diaspora na ukamilishaji wa mfumo wa kidigitali wa kuhifadhi taarifa muhimu za watanzania wanaoishi na kufanya kazi nje ya nchi, ujulikanao kama “Diaspora Digital Hub”. Mfumo huu utawezesha kuwatambua Diaspora na mahitaji yao pamoja na kuongeza ubunifu katika utoaji huduma.

Maeneo mengine ni uharakishwaji wa mchakato wa kuwapatia Diaspora vitambulisho vya Taifa, kuwepo kwa siku maalum ya Diaspora ili kuwajengea uzalendo, Balozi za Tanzania nje ya nchi kusimamia kwa karibu changamoto mbalimbali za Diaspora, wadau kuwekeza zaidi katika kupata uzoefu kutoka mataifa mengine yaliyofanikiwa katika masula ya Diaspora, maboresho katika taratibu na sheria za ununuzi na umiliki wa ardhi na majengo, kuanzishwa kwa madawati maalum yanayohudumia Diaspora katika sekta za Umma na Binafsi hususan huduma za kidigitali.

Akifunga mkutano huo Naibu Mkurugenzi Idara ya Ushirikiano wa Kimataifa na Diaspora, Ofisi ya Rais – Ikulu Zanzibar, Bi. Maryam Ramadhan Hamoud amewahakikishia wadau kuwa Serikali ya mapinduzi Zanzibar itaendelea kutoa ushirikiano na uzoefu wake katika hatua mbalimbali za uandaji wa sera na sheria ya Diaspora kwa upande wa Tanzania bara kwa kuwa tayari Tanzania-Zanzibar ilishakamilisha taratibu hizo.

Mkurugenzi wa masuala ya Diaspora katika Wizara ya Mambo ya Nje na Ushirikiano wa Afrika Mashariki Balozi James Bwana akiongea na wadau kwenye mkutano wa kujadili masuala ya ushiriki wa Diaspora katika shughuli za maendeleo nchini uliomalizika tarehe 27 Septemba 2022 jijini Dodoma.

Mkurugenzi wa masuala ya Diaspora katika Wizara ya Mambo ya Nje na Ushirikiano wa Afrika Mashariki Balozi James Bwana akifurahia jambo wakati wa mkutano wa kujadili masuala ya ushiriki wa Diaspora katika shughuli za maendeleo nchini uliokuwa ukiendelea jijini Dodoma.

Mkurugenzi wa masuala ya Diaspora katika Wizara ya Mambo ya Nje na Ushirikiano wa Afrika Mashariki Balozi James Bwana akifuatilia jambo wakati wa mkutano wa kujadili masuala ya ushiriki wa Diaspora katika shughuli za maendeleo nchini uliokuwa ukiendelea jijini Dodoma.

Afisa wa Wizara ya Mambo ya Nje na Ushikiano wa Afrika Mashariki, Bi. Semeni Nandonde akichangia jambo kwenye mkutano uliokuwa ukijadili masuala ya ushiriki wa Diaspora katika shughuli za maendeleo nchini uliokuwa ukiendelea jijini Dodoma.

Mwakilishi kutoka Benki ya CRDB Bw. Joseph Haule akichangia mada kwenye mkutano wa kujadili masuala ya ushiriki wa Diaspora katika shughuli za maendeleo nchini uliokuwa ukiendelea jijini Dodoma.

Mwakilishi kutoka Exim Bank Bi. Mtenya Cheya akiwasilisha mada kwenye mkutano wa kujadili masuala yaushirikishwaji wa Diaspora katika shughuli za maendeleo nchini uliokuwa ukiendelea jijini Dodoma.

Mwakilishi kutoka Ofisi ya Rais Utumishi na Utawala Bora Bi. Victoria Saria akiwasilisha mada kwenye mkutano wa kujadili masuala yaushirikishwaji wa Diaspora katika shughuli za maendeleo nchini uliokuwa ukiendelea jijini Dodoma.

Mkutano wa kujadili masuala ya ushiriki wa Diaspora katika shughuli za maendeleo nchini ukiendelea.

TPA, BANDARI YA ANTWERP KUONGEZA USHIRIKIANO

Mamlaka ya Usimamizi wa Bandari Tanzania (TPA) pamoja na Bandari ya Antwerp ya Ubelgiji zimeahidi kuongeza ushirikiano ili kuongeza ufanisi katika shughuli za bandari pamoja na Chuo cha Bandari nchini.

Kaimu Mkurugenzi Mkuu wa TPA, Mhandisi Juma Kijavara amebainisha hayo wakati alipokutana kwa mazungumzo na Uongozi wa Bandari ya Antwerp ya Ubelgiji ulioongozwa na Mkurugenzi Mtendaji wa Bandari hiyo Bw. Kristof Waterschoot katika Ofisi za Mamlaka hiyo Jijini Dar es Salaam.

Akizungumzia ugeni huo, Mhandisi Kijavara amesema umetembelea bandari hiyo kwa lengo la kuimarisha ushirikiano baina yao na kuona maeneo gani wanaweza kuanzisha ushirikiano na kukuza ufanisi wa huduma za bandari.

“Tumeona tushirikiane na wenzetu walioendelea zaidi katika bandari ili kuboresha ufanisi katika bandari zetu na maeneo tunayoona ni ya kipaumbele ni ushirikiano katika kuboresha Chuo chetu cha bandari, kuimarisha shughuli za bandari za kila siku, miundimbinu na masuala ya Tehama,”amesema Kijavara.

Pamoja na mambo mengine, Kijavara amesema kwa mwaka wa kalenda 2021 walihudumia meli 50 - 60 kwa mwezi lakini kutokana na kuongezeka kwa ufanisi, TPA inahudumia meli kati ya 65 - 80 kwa mwezi na kuchangia makusanyo kuongezeka kutoka Sh bilioni 70 - 75 kwa mwezi hadi kufikia Sh bilioni 90 - 100 kwa mwezi.

Kwa upande wake Mkurugenzi Mkuu wa Bandari ya Antwerp ya Ubelgiji, Bw. Kristof Waterschoot amesema kuwa lengo la ziara yake nchini ni kuangalia maeneo ya ushirikiano baina ya Bandari ya Antwerp na Mamlaka ya Bandari ya Tanzania ili kuboresha zaidi ufanisi wa bandari pamoja na Chuo cha Bandari ili kuweza kuwajengea uwezo zaidi wanafunzi wanaosoma na watakaosoma katika chou cha bandari.

“Tunaamini ushirikiano baina ya Bandari ya Antwerp na TPA utaimarisha sekta ya bandari zetu na kuongeza ufanisi katika utoaji wa huduma za bandari kwa maslahi ya mataifa yetu,” amesema Bw. Waterschoot    

Uongozi wa Bandari ya Antwerp ya Ubelgiji umewasili nchini leo kwa ziara ya kikazi ya siku tatu ambapo mbali na kuitembelea Mamlaka ya Usimamizi wa Bandari Tanzania (TPA), pia ujumbe huo utafanya ziara katika Shirika la Bandari Zanzibar (ZPC) pamoja na Wizara ya Ujenzi na Uchukuzi Jijini Dodoma.

Balozi wa Ubelgiji nchini, Mhe. Peter Huyghebaert akifuatilia kikao baina ya Ujumbe wa Mamlaka ya Usimamizi wa Bandari Tanzania (TPA) na Mkurugenzi Mkuu wa Bandari ya Antwerp ya Ubelgiji, Bw. Kristof Waterschoot kilichofanyika katika ofisi za Bandari Jijini Dar es Salaam 

Kikao kikiendelea baina ya Ujumbe wa Mamlaka ya Usimamizi wa Bandari Tanzania (TPA) na ujumbe wa Bandari ya Antwerp ya Ubelgiji kikiendelea katika ofisi za Bandari Jijini Dar es Salaam 

Mkurugenzi Mkuu wa Bandari ya Antwerp ya Ubelgiji, Bw. Kristof Waterschoot akieleza jambo wakati wa kikao kati yake na Ujumbe wa Mamlaka ya Usimamizi wa Bandari Tanzania (TPA). kikao hicho kilichofanyika katika ofisi za Bandari Jijini Dar es Salaam 

Ujumbe wa Mamlaka ya Usimamizi wa Bandari Tanzania (TPA) na katika pichaa ya pamoja na Ujumbe wa Bandari ya Antwerp ya Ubelgiji

Ujumbe wa Bandari ya Antwerp ya Ubelgiji ukipata ufafanuzi wa shughuli mbalimbali za Mamlaka ya Usimamizi wa Bandari Tanzania (TPA) ulipofanya ziara katika bandari hiyo leo Jijini Dar es Salaam

WIZARA YA MAMBO YA NJE YATOA WITO KWA WADAU KUFUNGUA HUDUMA MAALUM KWA DIASPORA

Wizara ya Mambo ya Nje na Ushirikiano wa Afrika Mashariki imekutanisha wadau wa sekta ya umma na  binafsi katika mkutano wa kujadili masuala ya diaspora na ushirikishwaji wao ili waweze kuchangia maendeleo ya Taifa kwa ufanisi zaidi.

Akifungua mkutano huo  wa siku mbili tarehe 26 na 27 Septemba 2022, Kaimu Naibu Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Agness Kayola ameeleza kuwa madhumuni ya mkutano  huo ni  kujadili namna wadau hao watakavyoweza kuongeza huduma za taasisi zao kwa diaspora ili kuleta ushirikiswaji wenye tija katika maendeleo ya Taifa.

“Mkutano huu umewakutanisha wadau wanaotoa huduma mbalimbali kwa Diaspora na wale ambao hawana huduma bado, lakini ni Wadau wanaoweza kuwa na mchango muhimu katika kuongeza ushiriki wa Diaspora wa Tanzania kwenye masuala ya maendeleo ya taifa’’ alisema Balozi Kayola.

Pia akaeleza kupitia mkutano huo wadau watapata fursa ya kushirikishana juu ya masuala mbalimbali muhimu, kama vile Fursa za Uwekezaji nchini; Vigezo vya Kusajili Wawekezaji Wazawa na Wawekezaji Wageni, wakiwemo Diaspora wenye Uraia wa nchi nyingine; Fursa za Uwekezaji kwa Diaspora na nini kifanyike kuongeza Uwekezaji kutoka kwa Diaspora wa Tanzania.

Naye Mkurugenzi wa masuala ya Diaspora katika Wizara ya Mambo ya Nje na Ushirikiano wa Afrika Mashariki, Balozi James Bwana ameeleza kuwa mkutano huo umezikutanisha taasisi za fedha, kampuni za simu za mikononi, taasisi za umma na binafsi za ujenzi wa nyumba za makazi kama vile Shirika la nyumba la Taifa (NHC), Hamidu City Park, KC Land na wengine.

Vilevile ameeleza kuwa kupitia mkutano huo Serikali na wadau wa sekta binafsi wataweza kujadili namna mataifa mengine duniani yalivyofanikiwa katika eneo la ushirikishwaji wa diaspora ikiwa ni hatua ya kuboresha huduma za sekta binafsi katika kuchagiza ari na hamasa ya diaspora kuchangia katika maendeleo ya Taifa.

"Takwimu zinaonesha nchi kama China, India, Ethiopia, Kenya, Rwanda, Ghana, Nigeria zilivyofanikiwa katika eneo la dispora hivyo, hatuna budi kuongeza ubunifu ili kufanikisha mikakati yetu ya kitaifa kwa kuunganisha nguvu ya diaspora na sekta binafsi" alisema Balozi Bwana.

Kwa upande wa Naibu Mkurugenzi, Idara ya Ushirikiano wa Kimataifa na Diaspora, Ofisi ya Rais – Ikulu, Zanzibar, Bi. Maryam Ramadhan Hamoud ameeleza kuwa mkutano huo utawafahamisha wadau kuhusiana na mchango wa Diaspora katika sekta mbalimbali hususan Afya, Elimu, Uwekezaji na umuhimu wa Diaspora katika kuchangia maendeleo ya nchi kupitia fedha wanazotuma nyumbani (Remittances).

Mbali na hayo Bi. Maryam aliongeza kuwa, wadau watapata fursa ya kutambua huduma mbalimbali za misaada ya kijamii, Sayansi na Ubunifu, ambayo huletwa nchini na Wafadhili kupitia uratibu wa Diaspora.

Mwaka 2010, Serikali ilianzisha Kitengo cha Diaspora chini ya Wizara ya Mambo ya Nje na Ushirikiano wa Afrika Mashariki na kwa Serikali ya Mapinduzi ya Zanzibar, ilianzishwa Idara ya Ushirikiano wa Kimataifa na Uratibu wa Masuala ya Diaspora katika Ofisi ya Rais Ikulu – Zanzibar. Jukumu kubwa la Ofisi hizi mbili, ni kusimamia, kuratibu na kushughulikia masuala yanayohusu Ushiriki wa Diaspora katika shughuli za Maendeleo ya nchini.

Mkurugenzi wa masuala ya Diaspora katika Wizara ya Mambo ya Nje na Ushirikiano wa Afrika Mashariki Balozi James Bwana akiongea na wadau kwenye mkutano wa kujadili masuala yaushirikishwaji wa Diaspora katika shughuli za kiuchumi nchini uliofanyika jijini Dodoma

Kaimu Naibu Katibu Mkuu wa Wizara ya Mambo ya Nje naUshirikiano wa Afrika Mashariki Balozi Agnes Kayola akifunguamkutano wa wadau kujadili masuala ya ushirikishwaji wa Diasporakatika shughuli za maendeleo nchini uliofanyika jijini Dodoma

Mkurugenzi wa masuala ya Diaspora katika Wizara ya Mambo ya Nje na Ushirikiano wa Afrika Mashariki Balozi James Bwana akifuatilia majadala uliokuwa ukiendelea kuhusu ushirikishwaji wa Diaspora katika shughuli za maendeleo nchini uliofanyika jijini Dodoma

Meza kuu; Mkurugenzi wa masuala ya Diaspora katika Wizaraya Mambo ya Nje na Ushirikiano wa Afrika Mashariki BaloziJames Bwana (kushoto) Kaimu Naibu Katibu Mkuu Balozi Agnes Kayola (katika) na Naibu Mkurugenzi, Idara ya Ushirikiano waKimataifa na Diaspora, Ofisi ya Rais – Ikulu, Zanzibar, Bi. Maryam Ramadhan Hamoud wakifuatilia mkutano

Sehemu ya wadau wakifuatilia mkutano wa kujadili masuala yaushirikishwaji wa Diaspora katika shughuli za maendeleo nchini uliofanyika jijini Dodoma

Sehemu ya wadau wakifuatilia mkutano wa kujadili masuala yaushirikishwaji wa Diaspora katika shughuli za maendeleo nchini uliofanyika jijini Dodoma

Meza Kuu wakiwa katika picha ya pamoja na baadhi ya wadauwalioshiriki mkutano wa kujadili masuala ya ushirikishwaji wa Diaspora katika shughuli za maendeleo nchini uliofanyika jijini Dodoma

BALOZI MULAMULA AZUNGUMZA NA WAFANYAKAZI UBALOZI WA NEW YORK

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula akizungumza na wafanyakazi wa Ubalozi wa Kudumu wa Tanzania katika Umoja wa Mataifa jijini New York

Waziri wa Mambo ya Nje na Ushirikiano wa Afrika Mashariki Balozi Liberata Mulamula akizungumza na Balozi na Mwakilishi wa Kudumu wa Tanzania katika Umoja wa Mataifa Mhe. Prof. Gaston Kennedy (kushoto) na Balozi na Naibu Mwakilishi wa Kudumu wa Tanzania katika Umoja wa Mataifa Mhe. Dkt. Suleiman Ali Suleiman (kulia) alipokutana na wafanyakazi wa ofisi hiyo jijini New York

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula akizungumza na wafanyakazi wa Ofisi ya Uwakilishi wa Kudumu wa Tanzania katika Umoja wa Mataifa jijini New York

Balozi na Naibu Mwakilishi wa Kudumu wa Tanzania katika Umoja wa Mataifa Mhe. Dkt. Suleiman Ali Suleiman (wa tatu kulia) akizungumza katika kikao cha Mhe Waziri Mulamul alipokutana na wafanyakazi wa Ofisi ya Uwakilishi wa Kudumu wa Tanzania katika Umoja wa Mataifa jijini New York

Waziri wa Mambo ya Nje na Ushirikiano wa Afrika Mashariki Balozi Liberata Mulamula akizungumza na wafanyakazi wa Ubalozi wa Kudumu wa Tanzania katika Umoja wa Mataifa jijini New York

Waziri wa Mambo ya Nje na Ushirikiano wa Afrika Mashariki Balozi Liberata Mulamula katika picha ya pamoja na wafanyakazi wa Ofisi ya Uwakilishi wa Kudumu wa Tanzania katika Umoja wa Mataifa jijini New York

 

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula amekutana na kuzungumza na wafanyakazi wa Ubalozi wa Kudumu wa Tanzania katika Umoja wa Mataifa jijini New York na kuwataka kutanguliza uzalendo na kuzingatia sheria, taratibu na kanuni za utumishi wa umma wakati wa kutekeleza majukumu yao kwa faida ya nchi.

Balozi Mulamula pia amewataka watumishi hao kusimamia matumizi mazuri ya fedha za Serikali katika kutekeleza majukumu yao kwenye vituo vya uwalikishi wa nchi na kutangaza kazi mbalimbli zinazofanywa na ubalozi ili kuonesha kazi zao na hivyo kuonesha umuhimu wa uwakilishi katika Umoja wa Mataifa na mchango wao katika Diplomasia ya Uchumi.

"Hapa New York mna kila sababu ya kujitangaza, nyinyi hapa mnamuingiliano mkubwa, ni nyumbani kwa Umoja wa Mataifa, lazima  muoneshe faida ya nyinyi kuwakilishaa nchi kwenye Umoja wa Mataifa, onesheni mchango wenu katika shughuli za diplomasia ya uchumi na mashirika ya kimataifa,"alisema Balozi.

Amewapongeza kwa namna mnavyoshirikiana na Diaspora wa Tanzania walioko jijini New York, na kuawataka waendeleze ushirikiano huo kwani wao ni walezi  na wasaidizi wao panapohitajika jambo la kufuatilia
 

Nimeona mna ushirikiano sana na Diaspora wa hapa,  muendelee kuwashirikisha na muendelee kuwa walezi, washauri na msimbague mtu, sisi kama Wizara tunapenda kuwaona mkiwa pamoja, mshirikiane na Idara ya Diaspora katika kutekeleza suala hilo," alisema Balozi Mulamula

TUNATHAMINII NA KUTAMBUA MCHANGO WA INDIA: BALOZI MULAMULA

z

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula Balozi Mulamula akizungumza wakati wa hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula Balozi Mulamula akiwa na washiriki kutoka mataifa mbalimbali  katika hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

Naibu Katibu Mkuu wa Umoja wa Mataifa Mhe. Amin Juma Mohamed akizungumza wakati wa hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

Waziri wa Mambo ya Nje wa visiwa Vya Jamaica Mhe. Kamina Johnson Smith akizungumza wakati wa hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

Baadhi ya washiriki wa  hafla maalum ya kuadhimisha miaka 75 ya Jamhuri ya India katika Umoja wa Mataifa katika picha ya pamoja kwenye hafla hiyo iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

Baadhi ya washiriki wa  hafla maalum ya kuadhimisha miaka 75 ya Jamhuri ya India katika Umoja wa Mataifa katika picha ya pamoja kwenye hafla hiyo iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

 

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula amesema Tanzania inathamini na kutambua mchango mkubwa wa India katika kuendeleza miradi ya maji na afya nchini na hivyo kusaidia jiotihada za Tanzania katika kutekeleza malengo endelevu ya Umoja wa Mataifa na dira ya Tanzania ya Mwaka 2025 .

Balozi Mulamula ametoa kauli hiyo katika hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

 

“TANZANIA inathamini na kutambua mchango wa India katika kuisaida serikali kutekeleza mipango yake ya maendeleo, na tunaamini kuwa ushirikiano uliopo utakuwa zaidi na zaidi kwani ushirikiano huo ni matunda ya uhusiano wa nchi za kusini na kusini,”

 

Amesema uhusiano na Indi unachangia juhudi za Tanzania kufikia malengo ya maendeleo endelevu ya Umoja wa Mataifa ya Afya na ustawi wa watu na maji safi na salama na hivyo kuchangia utekelezaji wa dira ya Tanzania ya mwaka 2025 na kuongeza kuwa ni mmoja ya wawekezaji wakubwa nchini ambaye anachangia asilimia 16 ya biashara ya Tanzania na kuchagiza utekelezaji wa dira yetu ya 2025.

 

Ametaja miradi inayonufaika na ushirikiano huo kuwa ni usambaza maji Dar es Salaam hadi Chalinze wenye thamani ya Dolla za Marekani Milioni 178 ambao unatarajiwa kukamilika mwezi Desemba mwaka huu. 

Miradi mingine ni usambazaji wa bomba la maji kutoka Ziwa Victoria hadi  Tabora, Igunga, na Nzega uliozinduliwa mwezi January 2021; kusambaza bomba la maji kwenda katika miji ya Tinde na Shelui na vijiji vya jirani wenye thamani ya dola milioni 10.64 za Marekani ambao unaotarajiwa kukamilika mwezi Oktoba 2022; na mradi wa ujenzi wa mfumo wa usambazaji maji katika miji 28 Tanzanian wenye thamani ya dola milioni 500 za Marekani ambao utekelezaji wake unatarajiwa kuanza mwezi Disemba 2022.
 

Kuhusu sekta ya Afya Balozi Mulamula amesema Tanzania inaishukuru India kwa mchango wake kwa Tanzania kujiweka tayari kukabiliana na mlipuko wa ugonjwa wa COVID 19 hasa kwa kuwekeza katika ujenzi wa vituo vya afya, kuongeza nguvu ya watumishi wa afya nchini na kuongeza uwezo wa nchi kutengenza dawa, ugavi, chanjo na vifaa tiba.
 

Tarehe 15 Agosti 2022 India  iliadhimisha miaka 75 ya kuwa Jamhuri na miaka 76 tangu ipate uhuru  ipate Uhuru wake.

BALOZI MULAMULA AKUTANA NA MAWAZIRI WA UFARANSA NA RWANDA

Waziri wa Mambo ya Nje na Ushirikiano wa Afrika Mashariki Balozi Liberata Mulamula akisalimiana na Waziri wa Nchi, Maendeleo, Kifaransa na Ushirikiano wa Kimataifa wa Ufaransa Mhe. Chrysoula Zacharopoulou walipokutana katika Ofisi za Ubalozi wa Ufaransa Umoja wa Mataifa jijini New York ikiwa ni moja ya mikutano ya pembeni inayoendelea sambamba na Mkutano wa 77 wa Baraza Kuu la Umoja wa Mataifa nvhini Marekani.

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula akiangalia kitabu cha taarifa alichopatiwa na  na Waziri wa Nchi, Maendeleo, Kifaransa na Ushirikiano wa Kimataifa wa Ufaransa Mhe. Chrysoula Zacharopoulou walipokutana katika Ofisi za Ubalozi wa Ufaransa Umoja wa Mataifa jijini New York.

Waziri wa Mambo ya Nje na Ushirikiano wa Afrika Mashariki Balozi Liberata Mulamula akimuelezea kuhusu zawadi ya picha aliyompa Waziri wa Nchi, Maendeleo, Kifaransa na Ushirikiano wa Kimataifa wa Ufaransa Mhe. Chrysoula Zacharopoulou walipokutana katika Ofisi za Ubalozi wa Ufaransa Umoja wa Mataifa jijini New York.

Waziri wa Mambo ya Nje na Ushirikiano wa Afrika Mashariki Balozi Liberata Mulamula na ujumbe wake katika picha ya pamoja na Waziri wa Nchi, Maendeleo, Kifaransa na Ushirikiano wa Kimataifa wa Ufaransa Mhe. Chrysoula Zacharopoulou walipokutana katika Ofisi za Ubalozi wa Ufaransa Umoja wa Mataifa jijini New York.

Waziri Mulamula alipokutana na  Waziri wa Mambo ya Nje wa Rwanda Mhe. Vincent Biruta jijini New York na kujadiliana juu ya masuala yenye maslahi baina ya nchi zao.

Waziri Mulamula akiwa na Balozi wa Tanznia nchini Marekani Mhe. Dke Elsie Kanza (wa kwanza kulia) walipokutana na Waziri wa Mambo ya Nje wa Rwanda Mhe. Vincent Biruta jijini New York na kujadiliana juu ya masuala yenye maslahi baina ya nchi zao.

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula amekutana na kuzungumza na Waziri wa Mambo ya Nje wa Ufaransa Mhe. Chrysoula Zacharopoulou katika Ofisi za Ubalozi wa Ufaransa Umoja wa Mataifa jijini New York.

Katika mazungumzo yao viongozi hao wamejadili masuala mbalimbali ya kimaendeleo na namna ya kuendelea kuimarisha uhusiano baina ya Tanzania  na Ufaransa na namna ya kuendeleza sekta za uchukuzi, muindombinu, kilimo,  biashara na uwekezaji nchini.

Viongozi hao pia wamejadiliana namna ya kuongeza ujazo wa biashara kati ya Tanzania na Ufaransa na kuihusisha sekta binafsi katika harakati za kuinua uchumi wa Tanzania.

Katika tukio jingine Waziri Mulamula amekutana na Waziri wa Mambo ya Nje wa Rwanda Mhe. Vincent Biruta jijini New York na kujadiliana juu ya masuala yenye maslahi baina ya nchi hizo.

Viongozi hao wajadili namna wanavyoweza kushirikiana kupitia sekta ya biashara, uwekezaji na uchukuzi na hivyo kuchangia harakati za ukuzaji wa uchumi wan chi hizo.

Viongozi hao wako jijini New York kuhudhuria Mkutano wa 77 wa Baraza Kuu la Umoja wa  Mataifa (UNGA) unaoendelea nchini Marekani.

BALOZI MULAMULA ASHIRIKI MKUTANO WA AMANI NA USALAMA WA AU

 

 

 

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (kulia) akiwa na Mkurugenzi wa Idara ya Ushirikiano wa Kimataifa Balozi Robert Kahendaguza aliposhiriki katika  Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa Jijini New York.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (kulia) akiwa na Mkurugenzi wa Idara ya Ushirikiano wa Kimataifa Balozi Robert Kahendaguza akizungumza  katika  Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa Jijini New York tarehe 23/09/2022

Mwenyekiti wa Kamisheni ya Umoja wa Afrika Mhe. Mussa Faki Mahamat (kushoto ) katika meza kuu wakati wa ufunguzi wa Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa Jijini New York tarehe 23/09/2022

Baadhi ya washiriki wa Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa Jijini New York wakifuatilia mkutano huo.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula ameshiriki katika Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa  Jijini New York.

Akizungumza katika mkutano huo Balozi Mulamula ameuhakikishia Umoja wa Afrika na Jumuiya ya Kimataifa kuwa Tanzania iko tayari na itaendelea kushirikiana na jumuiya hizo kushughulikia changamoto za amani na usalama.

Amesema utayari huo wa Tanzania unakwenda sambamba na kufanya mapambano dhidi ya ugaidi wa aina zote lazima uwe kipaumbele katika nchi zote na kutoa wito wa kuanzishwa kwa kamati ya mawaziri  ya kukabiliana na ugaidi kama ilivyokubaliwa wakati wa mkutano wa AU uliofanyika mjini Malabo.
 
Amesema vita dhidi ya ugaidi na vitendo vya kihalifu vinahitaji nguvu ya kushirikiana pamoja kwa ngazi zote kuanzia taasisi, nchi, kanda na taasisi za kimataifa na kusisitiza juu ya umuhimu wa kuunganisha kazi ya uangalizi ya Umoja wa Afrika  na Baraza la Usalama la Umoja wa Afrika ili kuwa na uratibu wa pamoja.
 
Amezisihi nchi wanachama wa Umoja wa Afrika kusaini na kuridhia mikataba muhimu kama  Mkataba wa  kuzuia na kupambana na ugaidi; Mkataba wa Umoja wa Afrika wa ushirikiano wa kuvuka mipaka na Mkataba wa Afrika wa  Ulinzi wa Usafiri majini,usalama na maendeleo ili kuimarisha nguvu katika kupambana na ugaidi, vitendo vya kidhalimu.

FILAMU YA THE ROYAL TOUR ILIYOTAFSIRIWA KWA KIJAPAN YAZINDULIWA JAPAN

Wageni wanaotembelea Banda la Tanzania katika Maonesho ya Kimataifa ya Utalii yanayoendelea nchini Japan wakiangalia Filamu ya "The Royal Tour"

Wageni wanaotembelea Banda la Tanzania katika Maonesho ya Kimataifa ya Utalii yanayoendelea nchini Japan wakiangalia Filamu ya "The Royal Tour" huku wakiburudika kwa kula vyakula vya Kitanzania

Sehemu ya Filamu ya "The Royal Tour" ikimuonesha Rais wa Jamhuri ya Muungano wa Tanzania, Mhe. Samia Suluhu Hassan alivyokuwa akiapa kushika wadhifa huo

Banda la Tanzania limependeza kweli kweli ambapo linavutia wageni wengi kulitembelea.