DKT. TAX ASHIRIKI MAADHIMISHO YA MIAKA 60 YA UMOJA WA AFRIKA

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akizungumza wakati wa hafla ya maadhimisho ya miaka 60 ya Umoja wa Afrika iliyofanyika jijini Dar es Salaam tarehe 25 Mei, 2023

Balozi wa Visiwa  vya Comoro na Mkuu wa Mabalozi wa Nchi za Afrika nchini akizungumza wakati wa hafla ya maadhimisho ya miaka 60 ya Umoja wa Afrika iliyofanyika jijini Dar es Salaam tarehe 25 Mei, 2023

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (katikati) na Balozi wa Visiwa  vya Comoro na Mkuu wa Mabalozi wa Nchi za Afrika nchini (kushoto) wakiimba wimbo wa Afrika wakati wa hafla ya maadhimisho ya miaka 60 ya Umoja wa Afrika iliyofanyika jijini Dar es Salaam tarehe 25 Mei, 2023

Katibu Mkuu Wizara ya Mambo ya Nje na Ushirikiano wa Afrika Mashariki Balozi Dkt. Samwel Shelikindo (kushoto) akiwa na Kaimu Mkurugenzi Idara ya Afrika Bi Ellen Maduhu waliposhiriki hafla ya maadhimisho ya miaka 60 ya Umoja wa Afrika iliyofanyika jijini Dar es Salaam tarehe 25 Mei, 2023

Baadhi ya washiriki wa hafla ya maadhimisho ya miaka 60 ya Umoja wa Afrika iliyofanyika jijini Dar es Salaam tarehe 25 Mei, 2023

Bw. Ahmed Salim Ahmed Salim, Mtoto wa aliyekuwa Katibu Mkuu wa Umoja wa Afrika (OAU -(1989-2001) Mhe. Balozi Dkt. Salim Ahmed Salim ) akiangalia tuzo maalum ya Baba yake kabla ya kukabidhiwa na Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (katikati) na Balozi wa Visiwa  vya Comoro na Mkuu wa Mabalozi wa nchi za Afrika nchini (wa pili kulia) iliyotolewa na Mabalozi wa Nchi za Afrika walioko nchini wakati wa hafla ya maadhimisho ya miaka 60 ya Umoja wa Afrika iliyofanyika jijini Dar es Salaam tarehe 25 Mei, 2023

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (Mb.) katika picha ya pamoja na Mabalozi wa Nchi za Afrika walioko nchini wakati wa hafla ya maadhimisho ya miaka 60 ya Umoja wa Afrika iliyofanyika jijini Dar es Salaam tarehe 25 Mei, 2023

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (Mb.) (katikati) katika picha ya pamoja na wenza wa Mabalozi wa Nchi za Afrika walioko nchini wakati wa hafla ya maadhimisho ya miaka 60 ya Umoja wa Afrika iliyofanyika jijini Dar es Salaam tarehe 25 Mei, 2023

 

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (Mb.) ameshiriki maadhimisho ya miaka 60 ya Umoja wa Afrika. Maadhimisho hayo ya miaka 60 ya Umoja wa Afrika yalifanyika jijini Dar es Salaam tarehe 25 Mei, 2023 na kuhudhuriwa na Jumuiya ya Mabalozi wa nchi za Afrika na Taasisi za Kimataifa za Afrika zilizoko nchini.

 

Akizungumza katika maadhimisho hayo Mhe. Dkt. Tax alitoa rai  kwa nchi za Afrika kuungana ili kukua na kuwa na uchumi imara na kuongozwa na misingi na mawazo ya kuunganisha waafrika na hivyo kudumisha amani na usalama na kupata maendeleo ambayo yatatokana na utambulisho wake , urithi wa pamoja, maadili ya pamoja, mitazamo na ubunifu wa watu wake.

 

“Afrika lazima ijengwe kwa kuungana ili ishamiri, iwe na uchumi imara na kuongozwa na misingi ya kuunganisha waafrika ili kulinda amani na usalama ambayo maendeleo yake yanatokana na utambulisho wake yenyewe, urithi wa pamoja, maadili ya pamoja, mitazamo na ubunifu wa watu wake,” alisema Mhe. Waziri.

 

Dkt. Tax pia amezisihi nchi za Afrka kutumia vizuri fursa za kiuchumi zilizopo ili  kwa kuchochea ufanyaji biashara miongoni mwao na kufikia azma ya utekelezaji wa malengo ya Agenda 2063.

 

Amesema Afrika ni bara la pili kwa ukubwa likiwa na watu zaidi ya bilioni 1.2 na hivyo kuwa na fursa mbalimbali ambazo zikitumiwa vizuri zitawezesha waafrika kufikia azma ya utekelezaji wa Agenda 2063.

 

“Bara la Afrika ni la pili kwa ukubwa duniani likiwa na watu zaidi ya bilioni 1.2, tuna fursa nyingi, naomba nichukue fursa hii nisisitize katika kutumia fursa hizo zikiwemo za biashara, naamini kuwa  kama sisi wote tutafanya biashara miongoni mwetu tutafanikiwa kutekeleza malengo tuliyojiwekea katika agenda 2063,” alisisitiza.

 

Alisema wakati Afrika inaadhimisha miaka 60 tangu kuanzishwa kwake ni muhimu ikaangalia kauli mbiu ya mwaka huu isemayo “Uharakishaji na Utekelezaji wa Eneo Huru la Biashara la Bara la Afrika” na kuongeza kuwa Umoja wa Afrika umechukua hatua kwa kushirikiana na taasisi zake na zile za kikanda kuharakisha utekelezaji wa Soko hilo unafanyika kwa manufaa ya waafrika.

 

Amesema Soko la Eneo Huru la Bara Afrika (AfCFTA) ni chombo muhimu katika kukuza na kuchochea ufanyaji wa biashara miongoni mwa waafrika na hivyo kukuza maeneo mbalimbali ya uchumi ikiwa ni moja ya mafanikio ya muingiliano wa kiuchumi na maendeleo kwa watu wake

 

Amesema wakati wananchi wa Afrika wanaangalia fursa mbalimbali za kiuchumi zilizopo ni wakati muafaka pia kuangalia changamoto zinazolikabili bara la Afrika ambazo zinazuia kushamiri kwa bara hilo.

 

Ametaja baadhi ya changamoto hizo kuwa ni mabadiliko ya serikali yasiyofuata demokrasia, migogoro ya kivita, mabadiliko ya hali ya hewa, umasikini na ukosefu wa ajira  na kuongeza kuwa viongozi wa Afrika lazima waunganishe jitihada zao na kuja na mikakati ya pamoja kama njia za kutatua changamoto hizo.

 

Awali akizungumza katika Maadhimisho hayo Kiongozi wa Mabalozi wa na Balozi wa Visiwa vya Comoro nchini na  Mhe. El Badaoui Mohamed Fakih alisema Bara la Afrika linajivunia mafanikio makubwa ambayo limeyapata katika  siku za hivi karibuni.

 

Amesema mafanikio hayo yanatokana na kujipanga na kuanzishwa kwa mifumo wa utendaji kazi katika Umoja wa Afrika ambayo inashughulikia changamoto mbalimbali zitokanazo na matatizo yanayoikumba dunia na kutafuta njia za kukabiliana na matatizo hayo kwa pamoja.

 

Mhe. Balozi El Badaoui alipongeza kitendo cha Serikali kushirikiana na Jumuiya ya Mabalozi wa Afrika waliopo nchini katika kuadhimisha Siku ya Afrika ambayo imefikisha miaka 60 tangu kuanzishwa kwa Umoja wa Afrika mwaka 1963.

 

Katika hafla hiyo aliyekuwa Katibu Mkuu wa Umoja wa Afrika (1989-2001) Mhe. Balozi Dkt. Salim Ahmed Salim alitunukiwa tuzo maalum na Umoja wa Mabalozi wa Afrika nchini ambayo ilipokelewa na mtoto wa Dkt. Salim Bw. Ahmed Salim Ahmed kwa niaba ya baba yake.

 

Hafla hiyo ya maadhimisho ya miaka 60 ya Siku ya Afrika iliandaliawa kwa pamoja na Serikali ya Jamhuri ya Muunganio wa Tanzania Jumuiya ya Mabalozi wa Afrika waliopo nchini

 

 

 

DKT. TAX ATETA NA MABALOZI WA ITALIA NA UMOJA WA ULAYA NCHINI

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax (Mb.) amekutana kwa mazungumzo na Balozi wa Italia nchini, Mhe. Marco Lombardi pamoja na Balozi wa Umoja wa Nchi za Ulaya (EU) nchini, Mhe. Manfredo Fanti katika Ofisi Ndogo za Wizara Jijini Dar es Salaam. 

Pamoja na mambo mengine, viongozi hao wamejadili masuala mbalimbali ya ushirikiano katika sekta mbalimbali hususan za elimu, afya, utalii, nishati, mitindo, utamaduni, uchumi wa buluu, mifugo na uvuvi.

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax akisalimiana na Balozi wa Umoja wa Nchi za Ulaya (EU) nchini, Mhe. Manfredo Fanti pamoja na Balozi wa  Italia nchini, Mhe. Marco Lombardi katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax katika mazungumzo na Balozi wa Italia nchini, Mhe. Marco Lombardi pamoja na Balozi wa Umoja wa Nchi za Ulaya (EU) nchini, Mhe. Manfredo Fanti katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax katika mazungumzo na Balozi wa Italia nchini, Mhe. Marco Lombardi pamoja na Balozi wa Umoja wa Nchi za Ulaya (EU) nchini, Mhe. Manfredo Fanti katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax katika picha ya pamoja na Balozi wa Italia nchini, Mhe. Marco Lombardi pamoja na Balozi wa Umoja wa Nchi za Ulaya (EU) nchini, Mhe. Manfredo Fanti katika Ofisi Ndogo za Wizara Jijini Dar es Salaam

TAARIFA KWA DIASPORA WENYE ASILI YA TANZANIA

 

Waziri wa Mambo ya Nje na Ushirikiano wa Afrika Mashariki,  Mhe. Dkt. Stergomena L. Tax (Mb) amezindua rasmi Mfumo wa Kuwasajili Kidigitali Diaspora wote wenye asili ya Tanzania pamoja na wanafunzi wa kitanzania wanaosoma ughaibuni. Usajili huo utaiwezesha Serikali kuwa na kanzidata inayoonesha idadi yao, mahali walipo au ujuzi walionao.

SERIKALI YAZINDUA RASMI MFUMO WA KIDIGITALI KUSAJILI DIASPORA WENYE ASILI YA TANZANIA

 

Waziri wa Mambo ya Nje na Ushirikiano Mashariki, Mhe. Dkt Stergomena Tax (Mb.) akihutubia katika hafla ya uzinduzi rasmi wa mfumo wa kuwasajili Diaspora wenye asili ya Tanzania Kidigitali (Diaspora Digital Hub) Jijini Dar es Salaam  

Waziri wa Mambo ya Nje na Ushirikiano Mashariki, Mhe. Dkt Stergomena Tax akizinduzi rasmi mfumo wa kuwasajili Diaspora wenye asili ya Tanzania Kidigitali (Diaspora Digital Hub) Jijini Dar es Salaam. Wengine pichani ni Mkurugenzi Mtendaji wa CRDB, Bw. Abdulmajid Nsekela (kulia), Kamishna Jenerali wa Uhamiaji nchini Dkt.Anna Makakala (kushoto) na Mwenyekiti wa Kamati ya Bunge – Mambo ya Nje, Ulinzi na Usalama, Mhe. Vita Kawawa (Mb).  

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Dkt. Samwel Shelukindo akiwasilisha salamu za Wizara kwa Diaspora kabla ya uzinduzi rasmi wa DDH

Mkurugenzi Mtendaji wa Benki ya CRDB, Bw. Abdulmajid Nsekela akielezea faida za mfgumo wa kuwasajili Diaspora wenye asili ya Tanzania Kidigitali (Diaspora Digital Hub)

Mkurugenzi Mkuu wa Mfuko wa Taifa wa Hifadhi ya Jamii (NSSF), Bw. Masha Mshomba akieleza faida za Wanadiaspora kuchangia katika mifuko ya hifadhi ya jamii

Mwakilishi wa Mkuregenzi Mkuu wa Benki ya NMB, Bw. Philbert Mponzi akiwaeleza washiriki fursa ambazo Diaspora watazipata kupitia Benki ya NMB watakapo jiunga na mfumo wa DDH 

KUKUA KWA KISWAHILI DUNIANI NI FURSA KWA TANZANIA

Wizara imelieleza Bunge kuwa imekuwa ikizitumia Ofisi za Balozi zilizoenea duniani kukuza Kiswahili na kuchangia ongezeko la fursa za ajira kwa Watanzania.

Kauli hiyo imetolewa Bungeni leo tarehe 22 Aprili 2023 wakati wa kujibu swali la Mjumbe wa Baraza la Wawakilishi, Mhe.  Ameir Abdallah Ameir aliyetaka kujua namna Balozi zinavyotumia fursa ya kukua kwa Kiswahili duniani kutafuta ajira kwa Watanzania.

Akijibu swali hilo, Naibu Waziri wa Ardhi, Nyumba na Maendeleo ya Makazi, Mhe. Geofrey Pinda kwa niaba ya Waziri wa Mambo ya Nje na Ushirikiano wa Afrika Mashariki alisema kuwa Ofisi za Balozi zimeanzisha programu za kufundisha, kutafsiri na kufanya ukalimani wa Kiswahili duniani, hatua ambayo inatoa ajira kwa watanzania. Jumla ya balozi 13 zimeanzisha madarasa, vituo na club za Kiswahili. Kupitia programu hizo, zaidi ya watanzania 95 wamepata ajira katika maeneo hayo.

Vilevile, vyuo na vituo binafsi zaidi ya 150 vinafundisha Kiswahili duniani. Kwa sasa, Baraza la Kiswahili Tanzania (BAKITA) limepewa kazi ya kufundisha walimu kumi (10) wa Diaspora katika Ubalozi wetu wa Abu Dhabi ambao ulihitaji walimu wa kwenda kufundisha Kiswahili katika Umoja wa Falme za Kiarabu.

Mhe. Naibu Waziri aliendelea kueleza kuwa Ofisi za Balozi zipo katika mazungumzo na vyuo vikuu kwenye maeneo yao ya uwakilishi ili Lugha ya Kiswahili iweze kujumuishwa katika mitaala ya vyuo hivyo ikiwa ni pamoja na kupata wahadhiri wa Kiswahili kutoka Tanzania.  Vyuo hivyo ni pamoja na Chuo Kikuu cha Kuwait, Chuo Kikuu cha Holon Institute of Technology nchini Israel na Chuo Kikuu cha Buraimi nchini Oman.

Naibu Waziri wa Ardhi, Nyumba, na Maendeleo ya Makazi, Mhe. Geofrey Pinda akijibu Swali Bungeni kwa niaba ya Waziri wa Mambo ya Nje na Ushirikiano wa Afrika Mashariki kuhusu Lugha ya Kiswahili inavyotoa fursa za ajira kwa Watanzania.

 

ZAMANA: KUTOKA IRENTE HADI KASRI LA BUCKINGHAM

Bi. Zamana (kulia) na Balozi wa Tanzania nchini Uingereza, Mhe. Dkt. Asha-Rose Migiro wakiwa na tuzo iliyotolewa na Mfalme Charles III

Bi. Zamana (wa kwanza kushoto) katika picha ya pamoja na Mfalme Charles III (wa kwanza kulia) wakati wa hafla ya kuwapongeza waliopata tuzo iliyoandaliwa na Mfalme huyo

Bi. Zamana (katikati) akiwa katika picha ya pamoja na Balozi wa Tanzania nchini Uingereza, Mhe. Dkt. Asha-Rose Migiro (wa pili kushoto) na maafisa wengine wa Ubalozi huo

DKT SAMIA AZINDUA MAANDALIZI YA MKUTANO WA WAKUU WA NCHI AFRIKA KUHUSU RASILIMALI WATU

Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan amezindua Mkutano wa Wakuu wa Nchi za Afrika kuhusu Rasilimali watu (Africa Heads of State Human Capital Summit) utakaofanyika nchini tarehe 25 - 26 Julai, 2023. 

Mhe. Dkt. Samia ametoa wito kwa viongozi wa Afrika kuendelea kuchukua hatua kwa kuwekeza kwa watu na kutoa kipaumbele kwa vijana na wanawake.

Mhe. Rais pia amewataka viongozi wa Afrika kuchukua hatua zaidi ili kukabiliana na changamoto zinazowakabili watu wengi kwa kuwekeza zaidi katika kuboresha afya za watu, maji safi na salama, elimu bora na ujuzi muhimu kwa maendeleo ya rasilimali watu.

“Viongozi wa Afrika lazima tuendelee kuchukua hatua kwa kuwekeza kwa watu na kutoa kipaumbele kwa vijana na wanawake. Nitoe wito kwa viongozi wa Afrika kuchukua hatua zaidi ili kukabiliana na changamoto zinazokabili rasilimali watu kwa kuwekeza zaidi katika kuboresha afya za watu, kuwaletea maji safi na salama, kutoa elimu bora na ujuzi muhimu kwa maendeleo ya rasilimali watu,” alisema Mhe. Samia 

Rais Samia amesema taarifa za Umoja wa Mataifa zinaonesha kuwa nchi nyingi za Afrika ukitoa za Afrika Kaskazini zinakabiliwa na changamoto katika utekelezaji wa malengo ya milenia ya uendelezaji rasilimali watu hali ikiwa chini ya wastani hasa katika maeneo ya elimu, afya na ulinzi wa jamii. 

“Hali ya afya ya uzazi, uwepo wa maji safi na salama na usimamizi wa maji taka bado ni changamoto kwa nchi nyingi huku ujumuishi wa kijinsia ukiwa na kasi ndogo na utekelezaji wa sheria za kulinda wanawake na watoto wa kike dhidi ya ubaguzi, unyanyasaji wa kijinsia, ndoa za utotoni na ukeketaji ukiwa mdogo na kuongeza kuwa kuwa hali ya ukamilishaji wa malengo ya milenia namba , 4, 5, 6 na 8 kwa nchi za Afrika hairidhishi na inaonesha hatari ya kutokamilika kwa malengo hayo kufikia mwaka 2030,” alisema Dkt. Samia.

Akizungumza katika uzinduzi wa Mkutano huo, Waziri wa Mambo ya Nje na Ushirikiano wa Afrika Mashariki, Dkt. Stergomena Tax (Mb.) alisema kuwa kufanyika kwa Mkutano wa Wakuu wa Nchi za Afrika wa Rasilimali Watu mwezi Julai 2023, kunatokana na jitihada za Serikali kuboresha ushirikiano na kuzingatia umuhimu wa rasilimali watu katika kukuza uchumi na umuhimu wa kuwekeza kwa watu.

 “Kufanyika kwa mkutano huo hapa nchini, kunatokana na jitihada za serikali katika kuboresha ushirikiano na kuzingatia umuhimu wa rasilimali watu katika kukuza uchumi wa na kuona umuhimu wa kuwekeza kwa watu,” 

Alisema kufanyika kwa mkutano huo kutatoa fursa kwa wakuu wa nchi kubadilishana ujuzi na uzoefu kuhusu rasilimali watu na kutoka na maazimio madhubuti kuhusu cha kufanya kuendeleza rasilimali watu.

Dkt. Tax aliongeza kuwa Azma ya agenda 2063 inalenga kuzibadilisha nchi za Afrika na kuwa na nguvu za kiuchumi lakini azma hiyo inahitaji uwekezaji wa makusudi katika ujuzi na uwezo ili kutumia fursa za kijamii na kiuchumi katika bara la Afrika.

Naye Waziri wa Fedha na Mipango  Dk. Mwigulu Nchemba (Mb.) alisema Tanzania imekuwa mwenyeji wa mkutano huo kutokana na vipaumbele vya Rais Dkt. Samia alivyoweka katika maeneo ya afya na  makundi mbalimbali ya vijana na wanawake.

Alisema mbali ya Rais kufanya mabadiliko mbali mbali yaliyofanyika nchini lakini pia tumeshuhudia uwekezaji mkubwa wa fedha ukielekezwa katika eneo la elimu ili watoto wengi zaidi wanufaike kwa kupata elimu.

Awali Mkurugenzi wa Benki ya Dunia katika nchi za Tanzania, Malawi, Zambia na Zimbabwe, Bw. Nathan Belete alisema Bara la Afrika lina nguvu kazi kubwa ambapo zaidi ya asilimia 75 ya watu wake wanafanya kazi katika sekta rasmi na kwamba nchi za Afrika zinapaswa kuungana na kufanya kazi kwa pamoja ili kumaliza changamoto zinazokabili rasilimali watu.

“Bara la Afrika lina nguvu kazi kubwa, tunaona kuwa asilimia 75 ya watu katika bara hili wanafanya kazi katika sekta rasmi, hivyo Nchi  zinapaswa kuungana na kufanya kazi kwa pamoja ili kuzimaliza changamoto zinazokabili rasilimali watu kwa urahisi katika ukanda huo,” alisema. 

Alisema nchi za Afrika lazima zifanyie kazi suala la unyanyasaji wa kijinsia kwa kuwekeza katika elimu, afya na kuwawezesha wananchi wake kupata maarifa, ujuzi na afya bora.

Rais wa Jamhuri ya Muungano wa Tanzania Mhe. Dkt. Samia Suluhu Hassan akihutubia Viongozi, Mabalozi pamoja na Wawakilishi wa Mashirika ya Kimataifa kabla ya kuzindua Mkutano wa Maandalizi kwa ajili ya Mkutano wa Wakuu wa Nchi za Afrika kuhusu Rasilimali watu (Africa Heads of State Human Capital Summit), Jijini Dar es Salaam. Mkutano wa Wakuu wa Nchi za Afrika kuhusu Rasilimali Watu unatarajiwa kufanyika tarehe 25-26 Julai, 2023 Jijini Dar es Salaam.

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax akizungumza wakati wa Mkutano wa Maandalizi ya Mkutano wa Wakuu wa Nchi za Afrika kuhusu Rasilimali watu (Africa Heads of State Human Capital Summit), Jijini Dar es Salaam

Sehemu ya Viongozi, Mabalozi pamoja na Wawakilishi wa Mashirika ya Kimataifa wakifuatilia Hotuba ya Rais wa Jamhuri ya Muungano wa Tanzania Mhe. Dkt. Samia Suluhu Hassan wakati wa uzinduzi wa Mkutano wa Maandalizi kwa ajili ya Mkutano wa Wakuu wa Nchi za Afrika kuhusu Rasilimali watu (Africa Heads of State Human Capital Summit), Jijini Dar es Salaam

Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax akizungumza na Balozi wa Canada nchini, Mhe. Kyle Nunas kabla ya uzinduzzi wa Mkutano wa Maandalizi ya Mkutano wa Wakuu wa Nchi za Afrika kuhusu Rasilimali watu (Africa Heads of State Human Capital Summit), Jijini Dar es Salaam

VACANCY ANNOUNCEMENT

 

MAMBO YA NJE YAAINISHA FURSA ZINAZOPATIKANA KATIKA MIKUTANO YA KIMATAIFA

Naibu Waziri Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk akijibu swali bungeni jijini Dodoma lililoulizwa na Mbunge wa Viti Maalum, Mhe. Neema Kichiki Lugangira tarehe 18 Mei 2023. 
=================================

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk amefafanua fursa mbalimbali zinazopatikana nchini kupitia ushiriki wa Tanzania katika mikutano ya kimataifa.

Ufafanuzi huo umetolewa Bungeni jijini Dodoma leo tarehe 18 Mei 2023 wakati Mhe. Balozi Mbarouk akijibu swali la Mbunge wa Viti Maalum, Mhe. Neema Kichiki Lugangira aliyetaka kujua ni kwa kiasi gani ushiriki wa Tanzania katika Mikutano ya Kimataifa unazingatia upatikanaji wa fursa za kiuchumi na utekelezaji wake.

Mhe. Balozi Mabarouk amesema kuwa, ushiriki wa Tanzania katika Mikutano ya Kimataifa unalenga kupata na kutumia fursa za kiuchumi ikiwa ni pamoja na kupata mitaji, uwekezaji, masoko ya bidhaa na huduma, kukuza utalii, miradi ya kisekta, mikopo ya masharti nafuu na misaada, kujengewa uwezo wa kitaalamu, na upatikanaji wa teknolojia.

Mafanikio mengine ni pamoja na kupata masoko ya bidhaa mbalimbali kama vile mbogamboga, matunda, korosho, nafaka, nguo na mavazi, utalii, malumalu, na bidhaa za kioo. Vilevile, nchi yetu inanufaika kwa kupata wawekezaji katika sekta mbalimbali, ikiwa ni pamoja na utalii, viwanda, kilimo, uvuvi, mifugo, madini, na nishati jadidifu. 

MAJALIWA, DKT. KIKWETE WAONGOZA WAOMBOLEZAJI MAZISHI YA MEMBE

Waziri Mkuu wa Jamhuri ya Muungano wa Tanzania, Mhe. Kassim Majaliwa na Rais Mstaafu wa Awamu ya Nne, Mhe. Dkt. Jakaya Kikwete wameongoza mamia ya waombolezaji katika mazishi ya aliyewahi kuwa Waziri wa Mambo ya Nje na Ushirikiano wa Kimataifa, Mhe. Bernard Membe yaliyofanyika kijijini kweke Rondo, mkoani Lindi yaliyofanyika jana Jumanne tarehe 16 Mei 2023.

Akitoa salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan, Waziri Mkuu, Mhe. Majaliwa amesema kifo cha Bernard Membe kimewacha Watanzania na wana Lindi na simanzi, majonzi na huzuni isiyo na kifani.

"Kipekee Mhe. Rais Samia anawashukuru wananchi wote wa Lindi kwa utulivu mliouonesha wakati huu wa msiba wa Mzee Membe wakiongozwa na Mkuu wa Mkoa wa Lindi kwa kuhakikisha shughuli ya mazishi inaenda vizuri kama ilivyokusudiwa, tunawashukuru na Mwenyezi Mungu aendelee kuwajaalia faraja na uvumilivu katika kipindi hiki cha majonzi mnachopitia," alisema Mhe. Waziri Mkuu.

Mhe. Majaliwa ameongeza kuwa Makamu wa Rais wa Jamhuri ya Muungano wa Tanzania, Mhe. Dkt. Philip Mpango naye ameungana na Rais Samia kutoa pole kwa wana Lindi na wana Mtama na amewasihi kuendelea kuyaenzi mazuri yote aliyofanya enzi za uhai wake.

Marehemu Membe atakumbukwa kwa mengi hususani utumishi wake uliotukuka na hasa katika taasisi za Kimataifa alizohudumu wakati wa uhai wake ambapo pia ametumikia Watanzania katika nafasi mbalimbali na kuleta maendeleo. 

“Mchango wa marehemu Membe ni mkubwa hasa katika Jimbo la Mtama," alisema Mhe. Majaliwa.

Mhe. Waziri Mkuu aliongeza kuwa CCM imeelezea kazi nzuri aliyoifanya kwa nafasi mbalimbali alizoshika wakati wa utumishi wake, umahiri na weledi, alikuwa pia na siasa za kistaarabu hakika Chama kimempoteza kiongozi makini na hodari na utumishi uliotikuka, hakika alikuwa kiongozi wa kuigwa.

Kwa upande wake, Rais Mstaafu wa Awamu ya Nne, Mhe. Dkt. Jakaya Kikwete alisema alifahamiana na Marehemu Membe muda mrefu na tangu wakati huo wamekuwa wakisaidiana mambo mengi katika kazi na nje ya kazi.

"Alikuwa msaada mkubwa kwangu wakati wote wa utumishi. Alifanya mambo makubwa na alileta medali za kimataifa kutokana na uchapa kazi wake wa kujitoa kwa moyo wake wote," alisema Dkt. Kikwete.

Mhe. Dkt. Kikwete aliongeza kuwa Marehemu alikuwa mwanadiplomasia mahiri na aliyekuwa na mikakati mizuri iliyokuwa na mafanikio makubwa kwa taifa.......na alikuwa msomi mzuri lakini pia alikuwa mcha Mungu," alisisitiza Dkt. Kikwete.

Dkt. Kikwete aliongeza kuwa Marehemu Membe aliweka maslahi ya Tanzania mbele na hakutaka mchezo na maslahi ya taifa lake, alikuwa jasiri, hakika taifa limepoteza moja kati ya watu muhimu.

Akitoa salamu za Wizara ya Mambo ya Nje na Ushirikiano wa Afrika Mashariki, Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) alisema Marehemu Membe alitoa mchango mkubwa katika Wizara ya Mambo ya Nje na mchango huo utakumbukwa daima.

"Marehemu alikuwa mchapa kazi, mpenda watumishi wake, kiongozi mahiri na mwanadiplomasia nguli....na Kipindi cha uongozi wake, Serikali ilipata medali nyingi za Kimataifa kutokana na uchapa kazi wake," alisema Balozi Mbarouk.

Balozi Mbarouk aliongeza kuwa Marehemu Membe alikuwa ni Mwalimu na mfano bora wa kuigwa, hivyo kwa niaba ya watumishi wa Wizara ya Mambo ya Nje na Ushirikiano wa Afrika Mashariki waliopo nchini na Nje ya nchi, Wizara inatoa pole kwa familia, Mungu awajalie uvumilivu wakati huu mgumu wa msiba.

Naye Katibu wa Itikadi na Uenezi wa (NEC), CCM Taifa, ndgu Sophia Mjema alisema Marehemu Membe aliyeshika nafasi mbalimbali kwenye Chama za Ubunge, Mjumbe wa Halmashauri Kuu ya Taifa, Mjumbe wa Sektrtariet ya Halmashauri Kuu ya Taifa na Mjumbe wa Kamati Kuu ya Taifa Ali fanya kazi y’a kukitetea Chama chake na daima watamkumbuka kwa hilo. 

"Membe alifanya kazi ya kutetea Chama chake CCM, alikuwa kiongozi makini na hodari, alikuwa mwana CCM kweli kweli, CCM itamkumbuka ndgu Membe kwa uanachama wake na uongozi wake mahiri...aliweza kukitetea Chama chake na kuiunganisha CCM na vyama rafiki katika Dunia," alisema ndugu. Mjema

Ndgu Mjema alisema kuwa CCM itaendelea kumkumbuka kwa kazi nzuri aliyoifanya.

Ibada ya mazishi ya Marehemu Membe ilihudhuriwa na viongozi mbalimbali wa Serikali akiwemo Mkuu wa Mkoa wa Lindi, Mhe. Zainabu Telack, Mkuu wa Mkoa wa Mtwara, Mhe. Kanali Mstaafu Ahmed Abbas; Mkuu wa Mkoa wa Tabora, Mhe. Batilda Buriani; Mkuu wa Mkoa wa Njombe, Mhe. Anthony Mtaka.

Wengine ni Waziri wa TAMISEMI Mhe. Angela Kairuki, Waziri wa Habari Mawasiliano na Teknolojia ya Habari, Mhe. Nape Nnauye, Naibu Waziri, Ofisi ya Rais Menejimenti ya Utumishi Umma na Utawala Bora, Mhe. Ridhiwan Kikwete, Mhe. William Lukuvi, Mbunge Isimani; Wakuu wa Wilaya mbalimbali na wakuu wa taasisi za Serikali na viongozi wa vyama mbalimbali vya siasa

Waziri Mkuu wa Jamhuri ya Muungano wa Tanzania Mhe. Kassim Majaliwa (Mb.) akiwasili nyumbani kwa Marehemu Bernard Membe kijiji cha Rondo, Lindi ambapo aliongoza mamia ya waombolezaji kwenye  mazishi ya Mwanadiplomasia huyo ambaye aliwahi kuwa Waziri wa Mambo ya Nje na Ushirikiano wa Kimataifa

Rais Mstaafu wa Awamu ya Nne, Mhe. Dkt. Jakaya Kikwete akiwasili nyumbani kwa Marehemu Bernard Membe kijiji cha Rondo, Lindi ambapo aliongoza mamia ya waombolezaji kwenye  mazishi ya Mwanadiplomasia huyo ambaye aliwahi kuwa Waziri wa Mambo ya Nje na Ushirikiano wa Kimataifa

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) akitoa salamu za pole kwa familia na waombolezaji muda mfupi baada  ya Ibada ya kumwombea Marehemu Bernard Membe iliyofanyika nyumbani kwake Rondo, Lindi

Rais Mstaafu wa Awamu ya Nne, Mhe. Dkt. Jakaya Kikwete na Mke wake Mhe. Salma Kikwete (Mb) wakiweka shada la maua kwenye kaburi la Marehemu Bernard Membe

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) akiweka udongo kwenye kaburi la Marehemu Bernard Membe

Mwili wa Marehemu Bernard Membe ukiwa katika eneo la ibada maalumu ya kumwombea muda mfupi kabla ya kupunzishwa kwenye nyumba yake ya milele. 

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) akisalimiana  na baadhi ya waombolezaji alipowasili nyumbani kwa Marehemu Bernard Membe Rondo, Lindi kwenye  mazishi ya Mwanadiplomasia huyo ambaye aliwahi kuwa Waziri wa Mambo ya Nje na Ushirikiano wa Kimataifa

Mwili wa Marehemu Bernard Membe ukiwa kwenye ibada maalumu ya kumwombea muda mfupi kabla ya kupunzishwa kwenye nyumba yake ya milele. 

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (wa kwanza kushoto) akishiriki Ibada ya kumwombea Marehemu Bernard Membe

Ibada maalumu ya kumwombea Marehemu Bernard Membe ikiendelea nyumbani kwake kijiji cha Rondo, Lindi

Waziri Mkuu wa Jamhuri ya Muungano wa Tanzania Mhe. Kassim Majaliwa (Mb.) akitoa salamu za pole kwa familia na waombolezaji muda mfupi baada  ya Ibada ya kumwombea Marehemu Bernard Membe iliyofanyika nyumbani kwake Rondo, Lindi

Naibu Waziri Mhe. Balozi Mbarouk Nassor Mbarouk na Mkurugenzi wa Kitengo cha Diaspora katika Wizara ya Mambo ya Nje na Ushirikiano wa Afrika Mashariki Balozi James Bwana wakiweka shada la maua kwenye kaburi la Marehemu Bernard Membe

Sehemu ya waombolezaji walioshiriki kwenye mazishi ya Marehemu Bernard Membe

Sehemu ya Viongozi wakiweka mataji ya maua kwenye kaburi la Marehemu Bernard Membe

Waziri wa TAMISEMI Mhe. Anjela Kairuki (Kulia) na Balozi wa Tanzania nchini China Mhe. Mbelwa Kairuki (katika) wakiwasili nyumbani kwa Marehemu Bernard Membe Kijiji cha Rondo, Lindi kushiriki kwenye  mazishi ya Mwanadiplomasia huyo ambaye aliwahi kuwa Waziri wa Mambo ya Nje na Ushirikiano wa Kimataifa