Wizara Yapanda Miti kufuatia Mvua Zinazonyesha Dodoma

Katibu Mkuu wa Wizara ya Mambo ya Nje na Ushirikiano wa Afrika Mashariki, Dkt. Faraji K. Mnyepe akipanda mti katika ofisi za Wizara zilizopo Mtumba, Ddodoma. Katibu Mkuu aliongoza Wakuu wa Idara/Vitengo na watumishi kupanda miti kwa awamu ya pili kufuatia mvua kubwa zinazonyesha mjini Dodoma.

Katibu Mkuu wa Wizara ya Mambo ya Nje na Ushirikiano wa Afrika Mashariki, Dkt. Faraji K. Mnyepe akiendelea na shughuli ya kupanda mti

Katibu Mkuu wa Wizara ya Mambo ya Nje na Ushirikiano wa Afrika Mashariki, Dkt. Faraji K. Mnyepe akifukia mchanga katika shimo alilopanda mti

Mkurugenzi wa Idara ya Siasa, Ulinzi na Usalama katika Wizara ya Mambo ya Nje na Ushirikiano wa Afrika Mashariki, Balozi Stephen P. Mbundi akipanda mti

Mkaguzi Mkuu wa Ndani, Bw. Japhary Kachenje akipanda Mti

Afisa kutoka Idara ya Asia na Australasia skipanda mti.

Bi. Ellen Maduhu kutoka Idara ya Ushirikiano wa Kimataifa akipanda mti wake.

Kaimu Mkurugenzi wa Kitengo cha Sheria, Bibi. Caroline Chipeta akipanda mti

Bw. Ali Ubwa kutoka Idara ya Afrika naye akipanda mti

WAZIRI KABUDI AKUTANA, KUFANYA MAZUNGUMZO NA BALOZI WA UFARANSA NCHINI

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) amekutana na kufanya mazungumzo na Balozi wa Ufaransa nchini Tanzania, Mhe. Frederic Clavier.

Mazungumzo hayo yamefanyika leo jijini Dar es Salaam ambapo Waziri Kabudi amemueleza Mhe. Balozi Clavier kuwa, uhusiano baina ya Tanzania na Ufaransa ni wa muda mrefu ambapo hadi sasa Tanzania imekuwa na mahusiano imara na taifa hilo.

Aidha, pamoja na mambo mengine, mazungumzo yao yalijikita katika kuongeza ushirikiano baina ya Tanzania na Ufaransa, kuongeza ushirikino wa maendeleo, kuimarisha uwekezaji, biashara pamoja na kuimarisha masuala ya ulinzi na usalama.

Balozi wa Ufaransa nchini Tanzania, Mhe. Frederic Clavier akimuelezea jambo Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) wakati balozi huyo alipokutana na Mhe. Waziri leo katika ofisi ndogo za wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) akimuelezea jambo Balozi wa Ufaransa nchini Tanzania, Mhe. Frederic Clavier wakati alipokutana na balozi huyo leo katika ofisi ndogo za wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) akimsisitiza jambo Balozi wa Ufaransa nchini Tanzania, Mhe. Frederic Clavier wakati alipokutana na balozi huyo leo katika ofisi ndogo za wizara Jijini Dar es Salaam

Balozi wa Ufaransa nchini Tanzania, Mhe. Frederic Clavier akimfafanulia jambo Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) wakati balozi huyo alipokutana na Mhe. Waziri leo katika ofisi ndogo za wizara Jijini Dar es Salaam

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) akipokea zawadi kutoka kwa Balozi wa Ufaransa nchini Tanzania, Mhe. Frederic Clavier

TAARIFA KWA UMMA KUHUSU FURSA ZA UFADHILI WA MASOMO

INDIA KUFANYA UWEKEZAJI MKUBWA TANZANIA

Ujumbe wa Tanzania na India ukiwa katika picha ya pamoja mara baada ya kumaliza mazungumzo kuhusu uwekezaji.

Mjumbe wa Kamati Kuu ya Chama cha Kikomunisti cha China (CPC) Kuzuru Tanzania

SMZ YAAHIDI KUKAMILISHA SHERIA YA DIASPORA KABLA YA MEI 2020

Rais wa Zanzibar na Mwenyekiti wa Baraza la Mapinduzi, Mhe. Dkt. Ali Mohamed Shein akihutubia hadhara ya Diaspora Tanzania (haipo pichani) katika kongamano la sita la diaspora

Waziri wa Nchi Ofisi ya Rais, Issa Haji Ussi Gavu, akimkaribisha Rais wa Zanzibar na Mwenyekiti wa Baraza la Mapinduzi, Mhe. Dkt. Ali Mohamed Shein kuhutubia kongamano la sita la Diaspora

Rais wa Zanzibar na Mwenyekiti wa Baraza la Mapinduzi, Mhe. Dkt. Ali Mohamed Shein akipokea moja ya bidhaa zinazozalishwa na wajasiriamali wadogo Zanzibar wakati alipotembelea banda la wajasiriamali, kabla ya kufungua rasmi kongamano la sita la Diaspora Tanzania. Kulia kwake ni Makamu wa Pili wa Rais wa Zanzibar Balozi Seif Ali Iddi, akifuatiwa na Waziri wa Nchi, Ofisi ya Makamu wa Rais, Muungano na Mazingira, George Simbachawene pamoja na Waziri wa Nchi Ofisi ya Rais, Issa Haji Ussi Gavu.

Rais wa Zanzibar na Mwenyekiti wa Baraza la Mapinduzi, Mhe. Dkt. Ali Mohamed Shein akipokea moja ya bidhaa zinazozalishwa na wajasiriamali wadogo Zanzibar wakati alipotembelea banda la wajasiriamali, kabla ya kufungua rasmi kongamano la sita la Diaspora Tanzania. Kulia kwake ni Makamu wa Pili wa Rais wa Zanzibar Balozi Seif Ali Iddi, akifuatiwa na Waziri wa Nchi, Ofisi ya Makamu wa Rais, Muungano na Mazingira, George Simbachawene. 

Baadhi ya ujumbe wa Diaspora ukiwa umesimama wakati wa kuimba wimbo wa taifa wa Tanzania katika kongamano la sita la Diaspora lililofanyika Zanzibar

Na Nelson Kessy, Zanzibar

Rais wa Zanzibar na Mwenyekiti wa Baraza la Mapinduzi, Mhe. Dkt. Ali Mohamed Shein, amewahakikishia wanadiaspora kuwa serikali ya Mapinduzi ya Zanzibar itasimamia na kuhakikisha kuwa sheria ya Diaspora inakamilika kabla ya mwezi Mei, 2020.

Rais Dkt. Shein ametoa kauli hiyo leo mjini Zanzibar wakati alipokuwa akifungua rasmi kongamano la sita la Diaspora ambalo limeandaliwa na Wizara ya Mambo ya Nje na Ushirikiano wa Afrika Mashariki kwa kushirikiana na Ofisi ya Rais na Mwenyekiti wa Baraza la Mapinduzi-Zanzibar. Dhamira ya kongamano hili kuendeleza ushirikiano uliopangwa na Diaspora na wawekezaji kama wadau wa maendeleo nchini chini ya kauli mbiu ya "mtu kwao ndio ngao".

Ndugu wanadiaspora mwaka jana nilieleza jitihada za kuanziasha ofisi za Diaspora hapa Zanzibar kwa kushirikiana na Wizara ya Mambo ya Nje na Ushirikiano wa Kimataifa wakati ule kwa kuanziasha Diaspora.

"Kutokana na kutambua umuhimu wa watanzania waishio nje ya nchi, Serikali ya Jamhuri ya Muungano wa Tanzania iliunda idara maalumu ya kushughulikia masuala ya Diaspora katika wizara ya Mambo ya nje mwaka 2010 ili kuvitekeleza kwa vitendo azma yetu ya kuwashirikisha wanadiaspora Tanzania katika kuendeleza nchi yetu," Amesema Dkt. Shein

Ameongeza kuwa kwa umuhimu huohuo, na kwa kutekeleza ilani ya uchaguzi ya ccm ya mwaka 2010 na kuyapa nguvu masuala ya Diaspora tulianzisha kitengo cha Diapora na baadae idara ya Diaspora ilinzishwa hapa Zanzibar.  Tulitengeneza sera maalumu ya wanadiaspora, na sasa tupo mbioni kuanzisha sheria ya Diaspora, nimefurahi kuwa rasimu ya sheria hiyo imefikia katika hatua nzuri.

"Kwa matiki hiyo basi, namuagiza Waziri wa Nchi Ofisi ya Rais, Issa Haji Ussi Gavu kuhakikisha anasimamia kwa karibu sana utayarishaji na kukamilika kwa rasimu ya sheria hiyo na iwasilishwe kwenye Baraza la wawakilishi kabla ya mwezi mei 2020," Amesema Dkt. Shein na kuongeza kuwa atahakikisha kuwa kabla ya kumaliza muda wangu wa Urais  hapa Zanzibar sheria hiyo itakuwa imekaa vizuri kimkakati, kisera pamoja na kisheria kwa upande wa Zanzibar.

Aidha, Rais Shein, aliwapongeza wanadiaspora kwa michango yao ambayo wamekuwa wakiitoa kwa kusaidia Serikali, pamoja na mambo mengine michango hiyo imekuwa ikisaidia kijamiii na kiuchumi.

Awali akitoa salamu za wanadiaspora, Mwenyekiti wa wanadiaspora, Norman Jasson alisema kuwa mchakato wa sera ya Diaspora umekuwa ni wa muda mrefu na kumekuwepo na ukimya takribani miaka mitatu na kumuomba Rais Dkt. Shein kuwasaidia kusimamia zoezi hilo.

"Sera ya Diaspora ina umuhimu wa kipekee kwani tunaamini kuwa sera hiyo itakapokamilika itatoa majibu ya maswali mengi ambayo yamekuwa yakitunyima usingizi. Tunaamini sera hii itasaidia sio tu masuala ya uraia wan chi mbili au hadhi maalum, bali pia masuala mengine kama umiliki wa ardhi, mirathi, ndoa kwa wenyeji na wageni, ruhusa ya makazi nchini kupitia vibali au visa na mengine mengi," amesema Bwn. Jasson  

Aliongeza kuwa, pia wanadiaspora wanaamini kuwa sera hiyo itarahisisha utungaji wa sheria itakayowatambua watanzania wote walio ughaibuni bila kujali kama tayari wameshachukua uraia wa nchi nyingine au kama tayari wana vibali vya makazi katika nchi wanazoishi na pia bila kujaliwaliingiaje ughaibuni katika kusaka maisha.

Bwana Jasson aliongeza kuwa, msingi wa wanadiaspora ni utanzania wao na utayari wa kushiriki katika jitihada za kusuma maendeleo ya kiuchumi na kijamii kama vile kuhamasisha wawekezaji kuja kuwekeza nchini ambapo kwa sasa TDC-Global tayari imewaleta Tanzania watu wenye nia ya kuwekeza.

"Serikali ya Jamhuri ya Muungano ya Tanzania kwa kushirikiana na Diaspora itafanikisha mambo mengi kwa kuanzisha mkakati wa wa kuhakikisha kuwa watanzania waishio nje ya nchi wanatayarishiwa mfumo ambao utasaidia kukusanya michango ya kwa ajili ya miradi mbalimbali ya maendeleo," amesema Bwn. Jasson.

Kwa upande wake, Waziri wa Nchi, Ofisi ya Makamu wa Rais, Muungano na Mazingira, George Simbachawene akitoa shukrani kwa Rais wa Zanzibar na Mwenyekiti wa Baraza la Mapinduzi, Dkt. Shein amesema kuwa sera ya Diaspora kwa upande wa Tanzania rasimu ya kwanza tayari imekamilika na hatua inayofuata ni kuwashirikisha wadau mbalimbali wakiwemo wanadiaspora wenyewe kupitia balozi zetu ili na wao waweze kutoa mawazo yao.

"Mhe. Rais, kwa sasa sera ipo katika hatua nzuri, jitihada kubwa zinaendelea na jambo hili linahitaji kushughulikiwa kwa uangalifu mkubwa kwa sababu ya historia ya nchi yetu," Amesema Simbachawene.

Aidha, Waziri Simbachawene aliongeza kuwa ni muhimu kutumia wanadiaspora kama fursa, sekta muhimu katika ujenzi wa uchumi wa taifa letu na mataifa mengi dunini yanafanya hivyo.

Pamoja na mambo mengine, kongamano hili la sita la Diaspora limejadili mada saba ambazo ni urejeshaji wa taka za plastiki, Tanzania na uwekezaji, Diaspora na uwekezaji, Mradi wa nyumba za bei nafuu, kilimo cha kisasa, kubadili mfumo wa utalii wa Zanzibar pamoja na Mradi wa daraja la Zanzibar - Tanzania bara.

Mwezi Augusti, 2018 watanzania waishio ughaibuni (Diaspora) walikutana Chake Chake, kisiwani Pemba katika kongamano la tano la Diaspora kufuatia  utaratibu uliowekwa na Serikali ya Jamhuri ya Muungano wa Tanzania pamoja na Serikali ya Mapinduzi ya  Zanzibar  kuwakutanisha kila mwaka Watanzania waishio ughaibuni.

DKT. SHEIN KUFUNGUA RASMI KONGAMANO LA SITA LA DIASPORA TANZANIA

Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein

Rais wa Zanzibar na Mwenyekiti wa Baraza la Mapinduzi, Mhe. Dkt. Ali Mohamed Shein, kesho tarehe 15 Desemba 2019, anatarajiwa kufungua rasmi Kongamano la sita la Diaspora Tanzania mjini Zanzibar.

Wizara ya mambo ya Nje na Ushirikiano wa Afrika Mashariki kwa kushirikiana na Ofisi ya Rais na Mwenyekiti wa Baraza la Mapinduzi -Zanzibar wamekuwa wakiandaa makongamano ya Disapora kwa kuwakutanisha kila mwaka Watanzania waishio ughaibuni kujadili mambo mbalimbali ikiwemo masuala ya uwekezaji, Utalii, Kilimo na mengine ya maendeleo.

Kongamano hili ni muendelezo wa makongamano mengine matano yaliyofanyika jijini Dar es Salaam, Unguja na Pemba katika miaka ya kuanzia 2014 hadi 2018.

Lengo la kongamano hili la sita ni kuhamasisha na kushirikisha Diaspora katika shughuli za maendeleo nchini. Dhamira ya kongamano hili kuendeleza ushirikiano uliopangwa na Diaspora na wawekezaji kama wadau wa maendeleo nchini chini ya kauli mbiu ya "mtu kwao ndio ngao".

Kongamano hili linatarajiwa kuwa na washiriki zaidi ya 350 wakiwemo Diaspora, Viongozi wa Kitaifa, Wadau mbalimbali kutoka Serikalini na Sekta Binafsi ambapo pamoja na mambo mengine, watajadili mazingira ya uwekezaji na fursa za uwekezaji na utalii ziliopo nchini.

Leo tarehe 14 Desemba 2019 Diaspora na wadau wengine waliowasili wanafanya ziara ya kutembelea vivutio mbalimbali vya utalii ikiwa ni pamoja na Zanzibar Village Icon na mashamba ya viungo mbalimbali vya chakula.

Mwezi Augusti, 2018 watanzania waishio ughaibuni (Diaspora) walikutana Chake Chake, kisiwani Pemba katika kongamano la tano la Diaspora kufuatia  utaratibu uliowekwa na Serikali ya Jamhuri ya Muungano wa Tanzania pamoja na Serikali ya Mapinduzi ya  Zanzibar  kuwakutanisha kila mwaka Watanzania waishio ughaibuni.

Waziri Mkuchika kumwakilisha Rais, Mkutano wa Jukwaa la Doha.

TANZANIA, KENYA ZAAHIDI KUENDELEZA NA KUKUZA MAENDELEO

Tanzania na Kenya zimeahidi kuendeleza na kushirikiana katika kuhakikisha kuwa maendeleo baina ya nchi hizo yanakuwa kila wakati. 

Akihutubia sherehe za maadhimisho ya 56 ya Jamhuri ya Kenya, Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) amesema kuwa Tanzania na Kenya ni ndugu na nchi hizo zitaendelea kushikiana katika kuhakikisha kuwa maendeleo baina ya nchi hizo yanakuwa kila wakati.

"Sisi Tanzania na Kenya ni ndugu wa damu, kwa hiyo basi tunawatakia sana kila la kheri katika kuiletea Kenya maendeleo…lakini mjue kuwa maendeleo ya Kenya ni maendeleo ya pia ya Tanzania, maendeleo pia ya Uganda, ni maendeleo pia Burundi, maendeleo pia Rwanda na Maendeleo pia ya Sudani Kusini na ni maendeleo pia ya jumuiya ya Afrika Mashariki" Amesema Prof. Kabudi

Kwa upande wake, Balozi wa Kenya nchini Tanzania, Dan Kazungu ameishukuru Serikali ya Tanzania kwa umoja na mshikamano ambao imekuwa ikionesha kwa Kenya na kusema kuwa umoja huo umekuwa ni chachu ya maendeleo kwa Tanzania na Kenya.

"Napenda kuwafahamisha kuwa umoja na mshikamano wetu umekuwa chachu ya maendeleo baina ya mataifa haya mawili…..tukumbuke kuwa umoja ni nguvu na dhamira yetu ni kushirikiana na mataifa yote duniani. Na dhamira yetu ni kuishi kwa amani umoja na mshikamano ili kukuza uchumi wetu," Amesema Balozi Kazungu

Aidha, Balozi Kazungu amebainisha kuwa Tanzania itaendelea kuwa ya kipekee kwa taifa la Kenya kutokana na mshikamano ambao imekuwa ikionesha kwa nchi ya Kenya kijamii, kisiasa na kiuchumi.

"Itakumbukwa kuwa, mwezi Aprili 2019 Kenya tulipokutana na Tanzania jijini Arusha tuliweza kuondoa vikwazo vya biashara 25 kati ya 37, hii inadhihirisha ni kwa jinsi gani Kenya na Tanzania na ndugu ambao wanapenda kukuza na kuendeleza maendeleo ya biashara" ameongeza Balozi Kazungu.

Baadhi ya wageni waalikwa wakisikiliza hotuba ya mgeni rasmi, Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) (hayupo pichani) wakati wa maadhimisho ya miaka 56 ya Jamhuri ya Kenya jana jijini Dar es Salaam  

Balozi wa Kenya nchini Tanzania, Dan Kazungu akigonga glasi na Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) ikiwa ni ishara ya upendo, umoja na mshikamano baina ya nchi hizo mbili mara baada ya kuzindua rasmi maadhimisho ya miaka 56 ya Jamhuri ya Kenya jijini Dar es Salaam

Waziri wa Mambo ya Nje na Ushirikiano wa Afrika Mashariki, Prof. Palamagamba John Kabudi (Mb) akiwasilisha hotuba yake wakati wa maadhimisho ya miaka 56 ya Jamhuri ya Kenya yaliyofanyika jana jijini Dar es Salaam. Kushoto kwake ni Balozi wa Kenya nchini Tanzania, Dan Kazungu

Balozi wa Kenya nchini Tanzania, Dan Kazungu akihutubia hadhara iliyojitokeza wakati wa maadhimisho ya miaka 56 ya Jamhuri ya Kenya jana jijini Dar es Salaam  

Baadhi ya wageni waalikwa wakiimba nyimbo za taifa za Tanzania pamoja na Kenya kabla ya kuanza rasmi kwa sherehe za maadhimisho ya miaka 56 ya Jamhuri ya nchi hiyo.

KATIBU MKUU AKUTANA KWA MAZUNGUMZO NA NAIBU WAZIRI WA MAMBO YA NJE WA CHINA

Katibu Mkuu wa Wizara ya Mambo ya Nje na Ushirikiano wa Afrika Mashariki Dkt. Faraji Kasidi Mnyepe (kushoto) akisaini kitabu cha Wageni alipokutana kwa mazungumzo na Naibu Waziri wa Mambo ya Nje wa China Mhe. Chen Xiaoding (kulia) jijini Beijing, China Desemba 11, 2019. Dkt. Mnyepe yupo nchini humo kushiriki Mkutano wa Pili wa Jukwaa la Haki za Binadamu kwa Nchi zinazoendelea.

Dkt. Mnyepe amemuhakikishia Mhe. Chen kuwa, Tanzania itaendelea kudumisha ushirikiano na China kupitia Jukwa la Ushirikiano kati ya Afrika na China (Forum on China-Africa Cooperation - FOCAC). Aidha, kwa pamoja wamekubaliana kuendelea kushirikiana katika kuhakikisha kuwa, mageuzi ya Baraza la Usalama la Umoja wa Mataifa yanakuwa na tija kwa chi zinazoendelea hususan nchi za Afrika.

Katibu Mkuu wa Wizara ya Mambo ya Nje na Ushirikiano wa Afrika Mashariki Dkt. Faraji Kasidi Mnyepe (kushoto) naNaibu Waziri wa Mambo ya Nje wa China Mhe. Chen Xiaoding wakiwa katika picha ya pamoja jijini Beijing, China.

Katibu Mkuu wa Wizara ya Mambo ya Nje na Ushirikiano wa Afrika Mashariki Dkt. Faraji Kasidi Mnyepe (kushoto) akisalimiana na Naibu Waziri wa Mambo ya Nje wa China Mhe. Chen Xiaoding walipokutana kwa mazungumzo jijini Beijing, China Desemba 11, 2019 

KATIBU MKUU DKT. MNYEPE ASHIRIKI MKUTANO WA HAKI ZA BINADAMU BEIJING, CHINA.

Katibu Mkuu wa Wizara ya Mambo ya Nje na Ushirikiano wa Afrika Mashariki Dkt. Faraji Kasidi Mnyepe yuko nchini China kushiriki Mkutano wa Pili wa Jukwaa la Haki za Binadamu kwa nchi zinazoendelea unaofanyika jijini Beijing nchini humo. 

 Mkutano huu ulioandaliwa na Wizara ya Mambo ya Nje ya China kwa kushirikiana na Ofisi ya Habari ya Baraza la Taifa la nchini humo, unalenga kuzikutanisha  nchi zinazoendelea kwa lengo la kubadilishana taarifa na kujadili kwa pamoja masuala ya Haki za Binadamu.

Dkt. Mnyepe  ambaye pia aliwasilisha salaam za Rais wa Jamhuri ya Muungano wa Tanzania Mhe. Dkt. John Pombe Magufuli katika Mkutano huo amesema, Tanzania itaendelea kushirikiana na nchi zingine duniani katika kulinda na kutetea Haki za Binadamu na utawala bora sambamba na kuendelea kuheshimu, na kufuata Mkataba wa Umoja wa Mataifa kuhusu kutoingilia masuala ya ndani ya nchi.

Akizungumza katika mkutano huo Dkt. Mnyepe, ameelezea hatua mbalimbali zilizochukuliwa na Serikali ya Awamu ya Tano ambazo kwa kiasi kikubwa zimechangia kuboresha mazingira ya upatikanaji wa huduma za msingi kwa wananchi. 

Hatua hizo ni pamoja  na utelezaji wa sera ya elimu bure, uboreshwaji wa mazingira ya uwekezaji na biashara, kuboresha mazingira ya utoaji wa huduma za afya, na ujenzi wa miundombinu ya barabara na nishati ambayo itarahisisha na kupunguza gharama za upatikanaji wa huduma kwa wananchi.

Aidha, Katibu Mkuu Dkt. Mnyepe katika mkutano huo ameendelea kusisitiza dhamira ya Tanzania ya kuitaka Jumuiya ya Kimataifa kuondoka vikwazo dhidi ya Zimbabwe. 

Katibu Mkuu wa Wizara ya Mambo ya Nje na Ushirikiano wa Afrika Mashariki Dkt. Faraji Kasidi Mnyepe akizungumza kwenye Mkutano wa Pili wa Jukwaa la Haki za Binadamu kwa nchi zinazoendelea unaofanyika jijini Beijing, China.

Sehemu ya hadhira iliyojitokeza kwenye Mkutano wa Pili wa Jukwaa la Haki za Binadamu kwa nchi zinazoendelea wakifuatilia hotuba iliyokuwa ukitolewa na Dkt. Faraji Kasidi Mnyepe

Katibu Mkuu wa Wizara ya Mambo ya Nje na Ushirikiano wa Afrika Mashariki Dkt. Faraji Kasidi Mnyepe akizungumza kwenye Mkutano wa Pili wa Jukwaa la Haki za Binadamu kwa nchi zinazoendelea unaofanyika jijini Beijing, China.    

TAARIFA KWA VYOMBO VYA HABARI.

EURO MILIONI 140 KUWANUFAISHA WAKULIMA WA MAHINDI NA KOROSHO WA NCHI ZA AFRIKA,CARIBBEAN NA PACIFIC (ACP) TANZANIA IKIWEMO.

Jumla ya Euro milioni 140 zimetengwa ili kuwanufaisha wakulima wa mazao ya korosho na mahindi katika mpango maalum wa kutoa mikopo,kujenga uwezo katika uzalishaji,masoko,uwekezaji na kuongeza mnyororo wa thamani wa mazao hayo kwa wakulima wa nchi za Afrika,Caribbean na Pacific jambo litakalosaidia kupunguza umasikini na njaa katika nchi hizo.

Akizungumza katika mkutano wa 110 wa nchi za Afrika,Caribbean na Pacific uliofunguliwa na makamu wa rais wa Kenya Mhe. William Ruto jijini Nairobi nchini Kenya,Waziri wa Mambo ya Nje na Ushirikiano wa Afrika Mashariki Prof. Palamagamba John Kabudi amesema Tanzania imetoa hoja ya kutaka mazao ya korosho na mahindi kuongezwa katika mazao ya vipaumbele kwa nchi za ACP jambo ambalo limeridhiwa na kuungwa mkono nan chi za Benin na Burkinafaso.

Ameongeza kuwa kukubalika kwa hoja hiyo iliyowezesha mazao hayo kuingizwa katika moja ya mazao ya vipaumbele kwa nchi za ACP Serikali ya Tanzania itajipanga kupitia wizara husika ili kuandaa mapendekezo ya namna ambayo wakulima wa Tanzania watanufaika na program hiyo sambamba na mazao mengine yakiwemo pamba,miwa na kahawa.

Aidha,Waziri Kabudi amesema kuwa kupitia program hiyo maalum ya ACP  wakulima wa korosho na mahindi watawekewa mikakati ya kusaidiwa katika uzalishaji,kutafutiwa masoko na mbinu za uwekezaji sanjari na kuongeza mnyororo wa  thamani na kusaidiwa kukabiliana na mabadiliko ya tabianchi yanayoweza kuathiri uzalishaji wa mazao hayo.

Program hiyo ya ACP imetajwa kuwa mkombozi kwa nchi hizo katika jitihada za kupunguza umasikini na ukosefu wa chakula kwa kuwa  unalenga zaidi wakulima wa chini na wa kati hususani wanawake na vijana.

Mazao mengine yaliyopo katika mpango wa nchi za Afrika,Caribbean na Pacific kwa muda mrefu sasa licha ya kuwa Tanzania haijatumia fursa hiyo kikamilifu ni pamoja na Pamba,kahawa na cocoa kwa nchi nyingi za Afrika nan dizi,miwa,kava na raum kwa nchi za Caribbean na Pacifiki.

Kwa upande wake Balozi wa Tanzania nchini Kenya Balozi Pindi Chana amesema Ubalozi wa Tanzania Nchini humo unafuatilia kwa ukaribu mkutano huo kwa kuwa utatoa fursa mbalimbali ambazo zitaiwezesha Tanzania kunufaika nazo hususani kupitia mazao ya kilimo jambo ambalo litasaidia kupunguza umasikini na ukosefu wa ajira hususani kwa akina mama na vijana.

Imetolewa na

Kitengo cha Mawasiliano Serikalini,

Wizara ya Mambo ya Nje na Ushirikiano wa Afrika Mashariki.

MHE.WILLIAM RUTO AFUNGUA MKUTANO WA BARAZA LA MAWAZIRI WA ACP

Makamu wa Rais wa Jamhuri ya Kenya Mhe. William Ruto akifungua Mkutano wa 110 wa Baraza la Mawaziri kwa Nchi za Afrika,Caribbean na Pacific (ACP) katika ukumbi wa mikutano wa Kimataifa wa Kenyatta (KICC) unaoendelea Nairobi-Kenya

Waziri wa Mambo ya Nje na Ushirikiano wa Afrika Mashariki Prof. Palamagamba John Kabudi (Mb) akiwa katika mkutano wa Baraza la Mawaziri wa nchi za Afrika,Caribbean na Pacific (ACP) unaoendelea Katika ukumbi wa mikutano wa kimataifa wa Kenyatta (KICC) Jijini Nairobi,Kenya

Waziri wa Mambo ya Nje na Ushirikiano wa Afrika Mashariki Prof. Palamagamba John Kabudi (Mb) akiwa anajadiliana jambo na Balozi anayeiwakilisha Tanzania Nchini Ubelgiji na Jumuiya ya Ulaya (EU) Balozi Jestas Nyamanga wakati wa Mkutano wa 110 wa nchi za Afrika,Caribbean na Pacific (ACP) ukiendelea Katika ukumbi wa kimataifa wa mikutano wa Kenyatta (KICC) Jijini Nairobi-Kenya.

Balozi wa Tanzania Nchini Kenya Balozi Pindi Chana akiwa anafuatilia mijadala mbalimbali katika mkutano wa 110 wa Baraza la Mawaziri wa nchi za Afrika,Caribbean na Pacific (ACP) unaoendelea Katinka ukumbi wa kimataifa wa mikutano wa Kenyatta (KICC)  Jijini Nairobi - Kenya

MAPENDEKEZO YA TANZANIA ACP YAUNGWA MKONO

Waziri wa Mambo ya Nje na Ushirikiano wa Afrika Mashariki Prof. Palamagamba John Kabudi (Mb) akiwasilisha hoja ya Tanzania katika Mkutano wa 110 wa Baraza la Mawaziri wa Nchi za Afrika,Carribean na Pacific (ACP) katika ushirikiano na Jumuiya ya Ulaya unaofanyika katika ukumbi wa Kimataifa wa Mikutano wa Kenyatta (KICC) Nairobi, Kenya.
Nyuma ya Prof. Kabudi ni Balozi wa Tanzania Nchini Ubelgiji na Jumuiya ya Ulaya Balozi Jestas Nyamanga.

 Waziri wa Mambo ya Nje na Ushirikiano wa Afrika Mashariki Prof. Palamagamba John Kabudi (Mb) akiwa anafuatilia mkutano wa Baraza la Mawaziri wa  nchi za Afrika,Carribean na Pacific (ACP).
Nyuma ya Prof. Kabudi ni Balozi wa Tanzania Nchini Kenya Balozi Pindi Chana akifuatiwa na  Balozi wa Tanzania Nchini Ubelgiji na katika Jumuiya ya Ulaya Balozi Jestas Nyamanga

Waziri wa Mambo ya Nje na Ushirikiano wa Afrika Mashariki Prof. Palamagamba John Kabudi (Mb) akiwa anajadiliana jambo na Balozi wa Tanzania Nchini Ubelgiji na katika Jumuiya ya Ulaya Balozi Jestas Nyamanga (aliyesimama) akifuatiwa na Balozi wa Tanzania Nchini Kenya Balozi Pindi Chana pamoja na baadhi ya maafisa wa Ubalozi na wa Wizara ya Mambo ya NJe na Ushirikiano wa Afrika Mashariki katika ukumbi wa Kimataifa wa Mikutano wa Kenyatta (KICC) Nairobi Kenya.

                        TAARIFA KWA VYOMBO VYA HABARI.

TANZANIA YATOA MAPENDEKEZO YAKE KATIKA MKUTANO WA ACP NA KURIDHIWA NA BARAZA LA MAWAZIRI WA NCHI ZA ACP.

Tanzania imetoa mapendekezo makuu matatu na yamekubaliwa katika kikao cha mashauriano baina ya Mawaziri wa Baraza la Nchi za Afrika,Carribean na Pacific kilichoanza leo jijini Nairobi, Kenya. 

Mapendekezo hayo ya Tanzania yametolewa na Waziri wa Mambo ya Nje na Ushirikiano wa Kimataifa Prof. Palamagamba John Kabudi katika Mkutano wa 110 wa Baraza la mawaziri wa wa Nchi za Afrika,Carribean na Pacific katika ushirikiano na Jumuiya ya Ulaya ambao utafuatiwa na Mkutano wa tisa wa wakuu wa Nchi na Serikali katika jiji la Nairobi Nchini Kenya na kuongeza kuwa Tanzania imetoa mapendekezo hayo ili kutodhoofisha umoja wa ACP hususani katika kipindi hiki ambacho nchi hizo ziko katika majadiliano ya kina na Jumuiya ya ulaya kuhusu mkataba mpya wa ushirikiano baada ya mkataba wa sasa unaofikia ukomo Februari mwakani.

Mapendekezo ya Tanzania yaliyokubaliwa na kuingizwa kama sehemu ya maazimio ya Baraza la Mawaziri ni hoja ya kutokuruhusu wanachama washiriki nje ya wanachama wa ACP, (Associate members),kutoingiza wanachama watazamaji kutoka katika makundi yaliyoganyika kutoka katika serikali zao na ambazo  hazitambuliwi  na mamlaka za serikali za nchi wanachama pamoja na kutaka majadiliano ya kisiasa baina ya nchi za ACP na Umoja wa Ulaya kuendelea kusalia katika mamlaka za serikali za Nchi za Afrika,Carribean na Pacific badala ya kuyaamishia katika Bunge la ACP.

Ameitaja sababu nyingine kuwa ni kuepuka mivutano isiyo na tija kati ya Nchi za Afrika,Carribean na Pacific na Nchi za Jumuiya ya Ulaya hususani katika nyakati ambazo nchi hizo zinahitaji mshikamano mkubwa zikiwa zinapita katika  kipindi muhimu cha kujenga uchumi na ustawi wa jamii ya nchi zao na pia kujenga wigo wa kuaminiana baina ya Nchi wanachama.

Ameongeza kuwa majadiliano baina ya Nchi wanachama wa ACP ni muhimu ili kupitia upya mkataba wa George Town,mkataba ambao ndiyo ulianzisha Kundi la ACP na kusainiwa katika jiji la Goergetown nchini Guyana mwaka 1975. Nchi za ACP zimekubaliana kufanya mabadiliko makubwa ya Mkataba huo ili kujenga Umoja wa ACP unaoendana  na mabadiliko ambayo yamejitokeza ulimwenguni na masuala mbalimbali ya Kimataifa ambayo yanahitaji mtazamo mpya.

Prof. Kabudi amesema katika muktadha huo wa majadiliano, Tanzania imetoa mapendkezo hayo matatu ambayo yote yamekubaliwa na kuungwa mkono na  nchi zote 79 wananchama wa ACP  jambo linaloonesha kuwa Jamhuri ya Muungano wa Tanzania inaheshimika sana  katika masuala ya kimataifa.

Akizungumzia juu ya faida ya Mkutano huo wa Nchi za Afrika,Carribean na Pacific , Balozi wa Tanzania nchini Ubelgiji ambaye pia anaiwakilisha Tanzania katika Jumuiya ya Ulaya Balozi Jestas Abuok Nyamanga amesema kuwa mkutano huo unatumika kama kutoa fursa kwa nchi 79 wanachama wa ACP kutathmini changamoto mbalimbali zinazokabili nchi hizo, kuweka mikakati ya pamoja na kuwa na sauti ya pamoja katika kusimamia utekelezaji wa mikakati hiyo na katika majadiliano na Jumuiya ya Ulaya. Alisema kuwa miongoni mwa masuala yatakayojadiliwa na kuwekewa mikakati ya pamoja ni pamoja na masuala yanayohusu uwekezaji, viwanda na biashara; uongezaji wa mnyororo wa thamani katika mazao ya kilimo, kuongeza uwezo na wigo wa ukusanyaji wa kodi. Mkutano huo pia unajadili namna ya kuwaongezea uwezo wafanyabiashara wadogo,kuongeza ubunifu na matumizi sahihi ya teknolojia  na kukabiliana na mabadiliko ya tabiachi. Masuala yote hayo ni moja ya kipaumbele cha serikali ya Jamhuri ya Muungano wa Tanzania katika awamu hii ya tano inayoongozwa na Dkt John Pombe Magufuli.

Amehitimisha kwa kusema katika mkutano huu Katibu Mkuu wa ACP anatarajiwa kuchaguliwa ili kuweka mfumo mpya wa kiuongozi utakaosaidia wanachama wa ACP kupita katika ushirikiano kwa miaka  mingine ijayo katika ushirikiano baina ya nchi za Afrika,Carribean na Pacific na Jumuiya ya Ulaya.  

Imetolewa na:

Kitengo cha Mawasiliaono ya Serial,

Wizara ya Mambo ya Nje na Ushirikiano wa Afrika Mashariki.

06 Desemba,2019

Nairobi - Kenya.

CALL FOR APPLICATION FOR INCLUSION IN THE SADC SECRETARIAT DATABASE OF FREELANCE INTERPRETERS