BALOZI MULAMULA AFUNGUA MAFUNZO YA UANDISHI WA HABARI ZA KIDIPLOMASIA

 

Waziri wa Mambo ya Nje na Ushirikiano wa Afrika Mashariki, Balozi Liberata Mulamula akisalimiana na Balozi Patrick Tsere alipowasili katika ufunguzi wa mafunzo ya uandishi wa habari za kidiplomasia kwa waandishi wa habari nchini yaliyoandaliwa na Wizara ya Mambo ya Nje na Ushirikiano wa Afrika Mashariki na kufanyika katika Chuo cha Diplomasia jijini Dar es Salaam

Waziri wa Mambo ya Nje na Ushirikiano wa Afrika Mashariki, Balozi Liberata Mulamula akifungua mafunzo ya uandishi wa habari za kidiplomasia kwa waandishi wa habari nchini yaliyoandaliwa na Wizara ya Mambo ya Nje na Ushirikiano wa Afrika Mashariki na kufanyika katika Chuo cha Diplomasia jijini Dar es Salaam

Waziri wa Mambo ya Nje na Ushirikiano wa Afrika Mashariki, Balozi Liberata Mulamula akifungua mafunzo ya uandishi wa habari za kidiplomasia kwa waandishi wa habari nchini. Kulia ni Mkurugenzi wa Mawasiliano ya Serikali Wizara ya Mambo ya Nje na Ushirikiano wa Afrika Mashariki Balozi Mindi Kasiga na kushoto ni Kaimu Mkuu wa  Chuo cha Diplomasia Dkt. Anita Lugimbana

Balozi Peter Kalaghe akiwaeleza waandishi wa habari jinsi ya kuandika taarifa za kidiplomasia wakati wa mafunzo ya uandishi wa habari za kidiplomasia kwa waandishi wa habari nchini na kufanyika katika Chuo cha Diplomasia Dar es Salaam

Watoa mada katika mafunzo ya waandishi wa habari nchini wakifuatilia ufunguzi wa mafunzo hayo uliofamywa na Waziri Mulamula hayupo pichani

Balozi Patrick Tsere (kushoto) akiwa na Balozi Mindi Masiga (kulia) wakimfuatilia Balozi Peter Kalaghe (hayupo pichani) akizungumza na waandishi wa habari katika mafunzo ya waandishi wa habari ya kuandika habari za kidiplomasia yaliyoandaliwa na Wizara ya Mambo ya Nje na Ushirikianio wa Afrika Mashariki jijini Dar es Salaam

Baadhi ya washiriki mafunzo ya uandishi wa habari za kidiplomasia kwa waandishi wa habari nchini wakimfuatilia Waziri wa Mambo ya Nje na Ushirikiano wa Afrika Mashariki Balozi Liberata Mulamula akifungua mafunzo ya waandishi wa habari yaliyoandaliwa na Wizara ya Mambo ya Nje na Ushirikiano wa Afrika Mashariki na kufanyika katika Chuo cha Diplomasia jijini Dar es Salaam

Mkurugenzi wa Mawasiliano Serikalini Wizara ya Mambo ya Nje na Ushirikiano wa Afrika Mashariki Balozi Mindi Kasiga akizungumza wakati wa mafunzo kwa waandishi wa habari ya kuandika habari za kidiplomasia yaliyoandaliwa na Wizara na kufanyika katika Chuo cha Diplomasia cha Dar es Salaam

Balozi Patrick Tsere akiongea na waandishi wa habari juu ya kuandika habari kwa kuzingatia uzalendo katika kulinda taswira ya Tanzania wakati wa mafunzo kwa waandishi wa habari kutoka vyombo mbalimbali vya habari nchini yanayofanyika katika Chuo cha diplomasia jijini Dar es Salaam

Kaimu Mkurugenzi wa Sera na Mipango , Wizara ya Mambo ya Nje na Ushirikiano wa Afrika Mashariki Bw. Justine Kisoka akizungumza katika mafunzo ya waandishi wa habari yaliyoandaliwa na wizara na kufanyika katika chuo cha diplomasia jijini Dar es salaam

Waziri wa Mambo ya Nje na Ushirikiano wa Afrika Mashariki Balozi Liberata Mulamula (aliyekaa katikati) katika picha ya pamoja na waandishi wa habari nchini baada ya kufungua mafunzo ya uandishi wa habari za kidiplomasia kwa waandishi wa habari nchini

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula amefungua mafunzo ya uandishi wa habari za kidiplomasia kwa waandishi wa habari nchini.

Akifungua mafunzo hayo ya siku mbili yanayofanyika katika Chuo cha Diplomasia jijini Dar es Salaam, Balozi Mulamula amewataka watendaji wa Wizara kuhakikisha wanaimarisha mahusiano kati ya wizara na vyombo vya habari.

'Tuwe pamoja siku zote tuendelee kushirikiana, vyombo vya habari ni wadau muhimu, tufanye kazi pamoja kwa manufaa ya nchi yetu,' alisema.

Amesema waandishi wa habari wanajukumu la kuilinda na kuitetea taswira ya Tanzania kupitia kazi zao na kuwataka waandishi wa habari nchini kuzingatia taswira ya nchi wakati wanatekeleza majukumu yao.
"Wanahabari, tuko hapa kuelimishana juu ya kuandika habari za kidiplomasia, niwaombe kwanza mhakikishe mnailinda taswira ya nchi, hii ni nchi yetu wote, ikiharibika taswira yake hata wewe uliyeandika pia utakutana na athari zake, hata uende wapi utajulikana kama Mtanzania. Mnapoandika mzingatie uzalendo na miiko ya taaluma ya uandishi wa habari," alisema Balozi Mulamula.

Pia aliongeza kusema mafunzo haya ambayo yatakuwa endelevu yanalenga pamoja na mambo mengine kutoa uelewa kuhusu masuala ya diplomasia ikiwemo Itifaki, Diplomasia ya Umma, Uzalendo na Mawasiliano ya kimkakati baina ya Tanzania na nchi zingine.

Kadhalika, aliwashukuru waandishi wa habari kote nchini kwa ushirikiano uliopo kati yao na wizara na kuwataka kuzingatia mafunzo yatakayotolewa kwao.

"Nawashukuru kwa ushirikiano na kuelimisha umma kuhusu umuhimu wa Wizara na Sera ya Mambo ya Nje inayosisitiza katika Diplomasia ya Uchumi. Nawaomba mzingatie mafunzo haya kwani yatakuwa na tija kubwa kwenu," alisisitiza Balozi Mulamula.

Awali akimkaribisha Waziri wa Mambo ya Nje na Ushirikiano wa Afrika Mashariki Balozi Liberata Mulamula, Mkurugenzi wa Mawasiliano ya Serikali Waziri ya Mambo ya Nje na Ushirikiano wa Afrika Mashariki Balozi Mindi Kasiga alieleza kuwa mafunzo hayo yameandaliwa kwa ajili ya kuwajengea uwezo waandishi wa habari nchini katika eneo la kuandika habari za kidiplomasia.

Amesema mafunzo hayo yatakuwa endelevu kwani kufanya hivyo kutasaidia kuboresha uandishi na kuwa daraja kati ya Wizara na waandishi wa habari na hivyo kuwafikia wananchi wengi.

Mafunzo hayo yameandaliwa na Wizara ya Mambo ya Nje na Ushirikiano wa Afrika Mashariki yamewashirikisha waandishi wa habari kutoka vyombo mbalimbali vya habari vya hapa nchini.

 

 

 

 

WAZIRI MULAMULA ATOA WITO KWA AFRIKA KUTHAMINI MCHANGO WA WANAWAKE KATIKA KUJENGA UCHUMI

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (Mb) ametoa wito kwa Jumuya ya Afrika kutambua na kuthamini mchango wa Wanawake kwenye maendeleo ya uchumi. 

Waziri Mulamula ameyasema hayo alipokuwa akifungua Mkutano wa Uchumi wa Wanawake Afrika (Pan-African Women Economic Summit 2022) uliofanyika tarehe 26 Julai 2022 jijini Dar es Salaam. Waziri Mulamula ameeleza kuwa pamoja na mchango mkubwa unaotolewa na wanawake kwenye maendeleo, bado katika maeneo mengi barani Afrika hawatambui na kuthamini ipasavyo mchango huo hivyo kufifisha jitihaza za kundi hilo muhimu na lenye idadi kubwa barani katika kujenga uchumi wa familia na Taifa kwa ujumla.

Waziri Mulamula aliendelea kubainisha kuwa endapo mchango wa wanawake ungetambuliwaingewapa motisha zaidi ya kuendelea kushiriki katika shughuli za maendeleo kwenye jamii na kajikwamua dhidi ya umaskini uliokithiri na hali ngumu ya maisha. 

Pamoja na hayo Waziri Mulamula akifafanua zaidi hoja yake alieleza kuwa kutambua mchango wa wanawake kwenye uchumi ni muhimu kwa mamlaka mbalimbali kuanza kufikiria namna ya kuwavutia wanawake kuendesha shughuli zao katika sekta rasmi. 

"Wanawake wa Kiafrika ni wajasiriamali wa hali ya juu, wanamiliki theluthi moja ya biashara zote barani Afrika, Hata hivyo wajasiriamali wanawake wana uwezekano mkubwa wa kuendesha biashara ndogo ndogo katika sekta isiyo rasmi, wakijihusisha na shughuli za ongezeko la thamani la chini ambazo huvuna faida ndogo. Wanaelekea kuwa wajasiriamali wa lazima, badala ya fursa, wakiongozwa na biashara ndogo na ukosefu wa njia mbadala” Alisema Waziri Mulamula.

Kwa upande Mkurugenzi wa Tanzania Women CEO’s Roundtable Bi. Emma Kawawa akizungumza kwenye hafla ufunguzi wa mkutano huo, alieleza kuwa lengo la mkutano huo ni pamoja na kuwahamasisha wanawake kushiri katika shughuli rasmi za uzalishaji mali. 

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula akipokelewa na Waandaaji wa Mkutano wa Uchumi wa Wanawake Afrika alipowasili katika mkutano uliofanyika jijini Dar es Salaam. Tarehe 26 Julai 2022

Sehemu ya washiriki wa Mkutano wa Uchumi wa Wanawake Afrika wakifualia mjadala ulikokuwa ukiendelea

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula akiwa katika picha ya pamoja waandaaji na baadhi ya washiriki wa Mkutano wa Uchumi wa Wanawake Afrika uliofanyika jijini Dar es Salaam

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (Mb) akisisitiza jambo wakati wa akifungua Mkutano wa Uchumi wa Wanawake Afrika (Pan-African Women Economic Summit 2022) uliofanyika jijini Dar es Salaam

BALOZI FATMA RAJAB AFANYA MAZUNGUMZO NA UJUMBE WA SERIKALI YA OMAN

Naibu Katibu Mkuu Wizara ya Mambo ya Nje na Ushirikiano wa Afrika Mashariki, Balozi Fatma Rajab amekutana kwa mazungumzo na Ujumbe wa Serikali ya Oman leo tarehe 26 Julai 2022 katika ofisi za Wizara jijini Dodoma.

Mazungumzo yao yalijikita katika kuimarisha ushirikiano wa kihistoria uliopo baina ya Tanzania na Oman kwakuwa nchi hizo  zinashirikiana katika sekta za biashara, kilimo, uwekezaji, utalii, afya, elimu, ujenzi wa miundombinu,madini na uvuvi.

Ujumbe huo upo nchini kwa ziara ya siku 6 na unaongozwa na Katibu Mkuu Wizara ya Mambo ya Nje wa Oman, Mhe. Mohammed Bin Nasser Al Wahaibi ambaye ameambana na viongozi wengine wa Serikali ya Oman.

Pamoja na Balozi Fatma Rajab, ujumbe huo pia umefanya mazungumzo na Mkuu wa Mkoa wa Dodoma, Mhe. Antony Mtaka pamoja na uongozi wa jiji la Dodoma ambapo, ulipata wasaa wa kutembelea kiwanja kilichotolewa na Serikali ya Jamhuri ya Muungano wa Tanzania kwa ajili ya kujenga ofisi za Ubalozi wa Oman.

Aidha, tarehe 24 Julai 2022 ujumbe huo ulikutana na Serikali ya Mapinduzi Zanzibar ambapo ulifanya mazungumzo na Rais wa Zanzibar na Mwenyekiti wa Baraza la Mapinduzi, Mhe. Dkt. Hussein  Ali Mwinyi. 

Ziara ya ujumbe huu ni matokeo ya ziara ya Rais wa Jamhuri ya Muungano wa Tanzania, Mhe. Samia Suluhu Hassan nchini Oman.

Hivyo, ujumbe huu upo nchini kufanya ufuatiliaji wa masuala ya utekelezaji katika maeneo mbalimbali ya ushirikiano yaliyokubaliwa wakati wa ziara hiyo na kuangalia namna ya kuhuisha mikutano ya Tume ya Pamoja ya Ushirikiano baina ya nchi hizo mbili.

=====================================

Naibu Katibu Mkuu Wizara ya Mambo ya Nje na Ushirikiano wa Afrika Mashariki, Balozi Fatma Rajab akizungumza na Katibu Mkuu Mambo ya Nje wa Oman, Mhe. Mohammed Bin Nasser Al Wahaibi leo tarehe 26 Julai 2022 katika ofisi za Wizara jijini Dodoma.

Kutoka kushoto ni Balozi wa Tanzania nchini Oman, Mhe. Abdallah Kilima, mjumbe kutoka Serikali ya Oman na Mkurugenzi Msaidizi Idara ya Mashariki ya Kati, Bw. Leonce Bilauri wakifuatilia mazungumzo.

Ujumbe uliombatana na Mhe. Wahaibi ukifuatilia mazungumzo.

Picha ya pamoja.

Balozi Fatma Rajab akimkaribisha Mhe. Wahaibi na ujumbe wake.

VACANCY ANNOUNCEMENT

 

WAZIRI MULAMULA AWAKUMBUSHA WASHIRIKA WA MAENDELEO KUTO ELEKEZA MIRADI UPANDE MMOJA WA NCHI

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula ametoa wito kwa washirika wa maendeleo nchini kuelekeza miradi na programu zao katika sehemu mbalimbali za nchi kulingana na mahitaji ya walengwa na vipaumbele vya taifa.

Waziri Mulamula ametoa wito huo alipokuwa akifanya mazungumzo ya Balozi wa Austria nchini Tanzania Mhe. Christian Fellner mwenye makazi yake jijini Nairobi, Kenya. Katika mazungumzo hayo yaliyofanyika katika Ofisi ndogo ya Wizara jijini Dar es Salaam, Waziri Mulamula ameeleza kuwa mara nyingi programu na miradi kutoka kwa washirikia wa maendeleo zinazolenga kuwawezesha wananchi katika shughuli za uzalishaji mali zimekuwa zikielekezwa upande mmoja wa nchi na kusahau maeneo mengine. 

"Tanzania ni nchi kubwa na kila sehemu ya nchi ni muhimu na inamchango wake katika maendeleo ya Taifa letu kulingana na mazingira yanayowazunguka, hiyo ni vyema miradi na programu zinazoandaliwa na washirika wetu wa maendeleo zilenge kuwawezesha wananchi wa pande zote za nchi badala ya kuelekeza nguvu upande mmoja. Alipendekeza michango hiyo ielekezwe kupitia Serikali Kuu" Alisema Waziri Mulamula

Sambamba na hayo Waziri Mulamula amemshukuru Balozi Fellner kwa msaada wa vifaa tiba kutoka Serikali ya Austria wenye thamani ya Euro 50,000 uliokabidhiwa nchini jana tarehe 25 Julai 2022 na kupongeza mchango wa Serikali hiyo katika kuchangia maendeleo ya nchi kupitia programu mbalimbali wanazozifanya hapa nchini ikiwemo katika sekta ya afya, elimu, utalii, kilimo, usafirishaji na teknolojia. 

Vilevile Waziri Mulamula amemweleza Balozi Fellner kuhusu utayari wa Serikali ya Jamhuri ya Muungano wa Tanzania wa kuendelea kushirikiana na Austria na hasa katika kipindi hiki ambacho Tanzania inaendelea kufungua na kuongeza maeneo ya ushirikiano na Dunia. Aliongeza kusema kuwa bado kuna fursa ya kuongeza maeneo ushirikiano hasa katika biashara, uwekezaji na utalii baina ya Tanzania na Austria.

Kwa upande wake Balozi wa Austria nchini Mhe. Christian Fellner ameeleza kuwa Austria itaendelea kushirikiana na Tanzania sambamba na kuongeza nguvu zaidi katika kusaidia sekta ya elimu, ikiwemo kuanzisha na kuendesha programu za kuwajengea uwezo Wanafunzi na Taasisi za Elimu wa kufanya utafiti wa masuala mbalimbali kwa maendeleo ya nchi.

================================

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula akimsikiliza Balozi wa Autria nchini Tanzania Mhe. Christian Fellner mwenye makazi yake jijini Nairobi, Kenya walipokutana kwa mazungumzo yaliyofanyika katika Ofisi ndogo za Wizara jijini Dar es Salaam. 

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (wa tatu kushoto) Balozi wa Autria nchini Tanzania Mhe. Christian Fellner (wa pili kushoto) Balozi Swaiba Mndeme Mkurugenzi wa Idara ya Ulaya na America (wa tatu kulia) wakiwa katika picha ya pamoja na Maafisa kutoka Wizarani na Ubalozi wa Autria.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (Mb) akifafanua jambo wakati wa mazungumzo na Balozi wa Autria nchini Tanzania Mhe. Christian Fellnermwenye makazi yake jijini Nairobi, Kenya yaliyofanyika katika Ofisi ndogo za Wizara jijini Dar es Salaam.

WIZARA YA MAMBO YA NJE YAWANOA WANAHABARI JUU YA MIKAKATI, MALENGO YA SADC

Wizara ya Mambo ya Nje na Ushirikiano wa Afrika Mashariki imeahidi kuendelea kushirikiana na vyombo vya habari katika kuielimisha jamii juu ya mikakati ya Jumuiya ya Maendeleo Kusini mwa Afrika (SADC) ili waweze kutumia  fursa mbalimbali za kiuchumi kwa maslahi mapana ya Taifa. 

Ahadi hiyo imetolewa na Mkurugenzi wa Idara ya Ushirikiano wa Kikanda Wizara ya Mambo ya Nje na Ushirikiano wa Afrika Mashariki, Balozi Agnes Kayola alipofungua mafunzo hayo kwa niaba ya Katibu Mkuu Balozi Joseph Sokoine.

Balozi Kayola amesema waandishi wa habari wana mchango mkubwa katika kuhakikisha watanzania wengi hasa vijana wanafahamu umuhimu wa SADC na kutumia vizuri fursa zinazopatikana katika jumuiya hiyo.

"Waandishi wa habari mna mchango mkubwa kuhakikisha kundi la vijana linafahamu ipasavyo umuhimu wa SADC ili waweze kushiriki na kuzitumia fursa zilizopo katika jumuiya hii ya kikanda kwa manufaa,"amesema Balozi Kayola.

Balozi Kayola ameongeza kuwa Tanzania inazo huduma nyingi ambazo zikitumika ipasavyo zitaweza kuwa na mchango mkubwa katika uchumi na kuwasihi waandishi hao wa habarinkuhakikisha wanatumia lugha ya Kiswahili ipasavyo katika kutoa taarifa zao.

“Tanzania itaendelea kutumia lugha yetu ya Kiswahili kama bidhaa, hivyo jukumu kubwa ambalo mnapaswa kulifahamu ni kuhakikisha mnakitumia Kiswahili ipasavyo katika kutoa taarifa zenu," ameongeza Balozi Kayola.

Pamoja na mambo mengine, Balozi Kayola ameeleza mikakati mbalimbali ya Serikali ya Tanzania katika SADC ikiwemo kuwaenzi viongozi waanzilishi akiwemo Baba wa Taifa, Mwalimu Julius Nyerere. 

Amesema wanahabari wana jukumu la kuifanya jamii ya Watanzania inafahamu majukumu, malengo na fursa zinazopatikana katika nchi wanachama wa Jumuiya ya SADC.

Awali Mkurugenzi wa Kitengo cha Mawasiliano Serikalini Wizara ya Mambo ya Nje na Ushirikiano wa Afrika Mashariki, Balozi Mindi Kasiga aliwasihi waandishi wa habari pamoja na Maafisa Habari walioshiriki katika warsha hiyo kuhakikisha uelewa wanaoupata katika mafunzo hayo wanaielimisha jamii ya watanzania ili kuelewa mikakati na fursa za kiuchumi zinazopatika katika ukanda wa SADC.

“Vyombo vya Habari ni mhimili wa nne katika Serikali, hivyo nawasihi tujitahidi kuielimisha jamii yetu ili iweze kuchangamkia fursa mbalimbali zinazopatikana katika ukanda huo,” alisema Balozi Mindi.

Mafunzo ya waandishi wa habari nchini  yameandaliwa na Wizara ya Mambo ya Nje kwa kushirikiana na Shirika la Maendeleo la Ujerumani (GIZ).

Mkurugenzi wa Idara ya Ushirikiano wa Kikanda Wizara ya Mambo ya Nje na Ushirikiano wa Afrika Mashariki, Balozi Agnes Kayola akifungua mafunzo ya waandishi wa habari mjini Bagamoyo mkoani Pwani

Mkurugenzi wa Kitengo cha Mawasiliano Serikalini Wizara ya Mambo ya Nje na Ushirikiano wa Afrika Mashariki, Balozi Mindi Kasiga akiongea na washiriki wa mafunzo ya waandishi wa habari mjini Bagamoyo mkoani Pwani

Balozi mstaafu Mhe. Dkt. Mohamed Omar akiwasilisha mada katika mafunzo ya waandishi wa habari mjini Bagamoyo mkoani Pwani

Mkurugenzi wa Idara ya Ushirikiano wa Kikanda Wizara ya Mambo ya Nje na Ushirikiano wa Afrika Mashariki, Balozi Agnes Kayola pamoja na Mkurugenzi wa Kitengo cha Mawasiliano Serikalini Wizara ya Mambo ya Nje na Ushirikiano wa Afrika Mashariki, Balozi Mindi Kasiga wakifuatilia mafunzo  ya waandishi wa habari mjini Bagamoyo mkoani Pwani

Mwezeshaji wa masuala yanayohusu SADC, Bw. Chibamba Kanyama akizungumza na waandishi wa habari walioshiriki mafunzo mjini Bagamoyo Mkoani Pwani

Sehemu ya waandishi wa habari wakifuatilia mafunzo mjini Bagamoyo Mkoani Pwani

Viongozi kutoka Wizara ya Mambo ya Nje na Ushirikiano wa Afrika Mashariki katika picha ya pamoja na washiriki wa mafunzo ya waandishi wa habari mjini Bagamoyo Mkoani Pwani

WAZIRI MULAMULA AKUTANA NA MKURUGENZI MTENDAJI WA UNON

Waziri wa Mambo ya Nje na Ushirikiano wa Afrika Mashariki, Mhe. Balozi Liberata Mulamula amekutana kwa mazungumzo na Mkurugenzi Mtendaji wa Ofisi ya Umoja wa Mataifa Nairobi (UNON), Bi. Zainab Hawa Bangura katika Makao Makuu ya Jumuiya ya Afrika Mashariki tarehe 23 Julai 2022 jijini Arusha. 

Viongozi hao wamejadili juu ya kuendelea kuimarisha ushirikiano kati ya Tanzania na Ofisi ya Umoja wa Mataifa Nairobi katika masuala ya upatikanaji wa fursa za ajira, kuwajengea uwezo wananchi katika maeneo mbalimbali ya utendaji, kukuza lugha ya kiswahili kupitia kitengo cha lugha cha ofisi hiyo na ushirikiano katika masuala ya biashara na ugavi.

Mkurugenzi Msaidizi wa Idara ya Ushirikiano wa Kikanda kutika Wizara ya Mambo ya Nje na Ushirikiano wa Afrika Mashariki, Bi Ellen Maduhu akifuatilia mazungumzo kati ya Mhe. Mulamula na Bi. Bangura (hawapo pichani). 

Maafisa walioambatana na viongozi hao wakifuatilia mazungumzo.

Sehemu nyingine ya maafisa wakifuatilia mazungumzo.

Mazungumzo yakiendelea.

Mhe. Balozi Liberata Mulamula pamoja na Bi. Bangura wakiwa katika picha ya pamoja na ujumbe walioambatana nao katika mazungumzo yao.

Mhe. Balozi Liberata Mulamula pamoja na Bi. Bangura wakiagana baada ya mazungumzo.

 

RAIS NDAYISHIMYE AKABIDHIWA UENYEKITI WA EAC

Rais wa Jamhuri ya Burundi, Mhe. Jen. Evariste Ndayishimye amekabidhiwa nafasi ya Uenyekiti wa Jumuiya ya Afrika Mashariki na Mwenyekiti aliyemaliza muda wake Rais wa Jamhuri ya Kenya, Mhe. Uhuru Kenyatta wakati wa Mkutano wa 22 wa Wakuu wa Nchi za Jumuiya ya Afrika Mashariki uliomalizika tarehe 22 Julai 2022.

 

Akikabidhi nafasi hiyo Mhe. Kenyatta aliwasilisha taarifa ya utekelezaji wa majukumu ya jumuiya hiyo wakati wa uongozi wake ambapo alieleza kwamba Jumuiya imefanikiwa kukamilisha mchakato wa Jamhuri ya Kidemokrasia ya Kongo (DRC) kuwa mwanachama, Kuondolewa kwa vikwazo vya kibiashara 13 kati ya 22 vilivyokuwepo awali, kutafuta ufumbuzi wa pamoja katika changamoto za Covid–19 na kuanzisha mchakato utakaowezesha nchi wanachama kupata chanjo ya Covax.

 

Masuala mengine ya utekelezaji ni; Kuhakikisha Burundi inafanikiwa kushiriki katika Shirikisho la Afrika Mashariki, kusimamia ushiriki wa asasi za kiraia na ushiriki wa sekta binafsi katika utekelezaji wa majukumu ya kikanda.

 

Naye Rais wa Burundi, Mhe. Jen. Ndayishimye baada ya kupokea majukumu hayo ya nafasi ya Mwenyekiti, alimshukuru Mhe. Kenyatta kwa uongozi bora na kwa mafanikio yaliyopatikana katika uongozi wake.

 

Aidha, akazishukuru nchi wanachama wa Jumuiya hiyo kwa kuiamini Burundi kuongoza, na akaeleza uelekeo wa utekelezaji wa majukumu katika kipindi chake cha uongozi utazingatia masuala yafuatayo; Kukuza mtangamano wa Afrika Mashariki na kuimarisha ujirani mwema; kuharakisha mkakati wa viwanda katika Jumuiya; Kuzingatia ombi la Jamhuri ya Shirikisho la Somalia kujiunga na Jumuiya hiyo na Usimamizi wa agenda ya amani na usalama ili kuondoa migogoro.

Masuala mengine yatakayosimamiwa ni pamoja na; Kuimarisha mfumo wa mageuzi ya kitaasisi, Kuendelea kusisitiza umuhimu wa maridhiano ya kitaifa ili kuweza kuyafikia maridhiano ya kisiasa katika ngazi ya jumuiya, Ushirikishwaji wa Wanawake na Vijana; na Wake za viongozi kushirikishwa katika utekelezaji wa malengo ya jumuiya.

 

Naye Rais wa Jamhuri ya Muungano wa Tanzania, Mhe. Samia Suluhu Hassan akihutubia katika mkutano huo alimuaga Mhe. Kenyatta kwakuwa anaelekea kipindi cha mwisho cha uongozi wake nchini Kenya  kuitakia nchi hiyo uchaguzi mkuu mwema unaotarajiwa kufanyika mwezi Agosti 2022.

 

Pamoja na mambo mengine mkutano huo umemchagua Rais wa Jamhuri ya Kenya, Mhe. Uhuru Kenyatta kuwa msimamizi wa mazungumzo ya amani ya Jamhuri ya Kidemokrasia ya Kongo (DRC); umefanya uapisho wa majaji wa Mahakama ya Afrika Mashariki ambao ni; Mhe. Jaji Leonard Gacuko kutoka Burundi na Mhe. Jaji Cheborion Barishaki kutoka Uganda.

 

Pia mkutano huo ulikabidhi zawadi kwa wanafunzi wa sekondari walioshinda katika nafasi mbalimbali kwenye mashindano ya uandishi wa insha kwa lugha ya Kiswahili, kiingereza na kifaransa. Walishiriki hao ni wale ambao walishiriki mashindano hayo kuanzia mwaka 2019 hadi 2021 lakini hawakukabidhiwa zawadi kufuatia kutoitishwa kwa mikutano ya Wakuu wa Nchi ya ana kwa ana kutokana na changamoto ya maambukizi yaCovid-19.

===========================================

Rais wa Jamhuri ya Kenya na Mwenyekiti wa Jumuiya ya Afrika Mashariki aliyemaliza muda wake wa uongozi, Mhe. Uhuru Kenyatta akikabidhi vitendea kazi kwa Mwenyekiti mpya wa Jumuiya hiyo Rais wa Jamhuri ya Burundi, Mhe. Evariste Ndayishimye. Makabidhiano hayo yamefanyika wakati wa Mkutano wa 22 wa Wakuu wa Nchi za Jumuiya ya Afrika Mashariki uliofanyika tarehe 22 Julai jijini Arusha.

Rais wa Jamhuri ya Kenya na Mwenyekiti wa Jumuiya ya Afrika Mashariki aliyemaliza muda wake wa uongozi, Mhe. Uhuru Kenyatta akimpongeza Mwenyekiti mpya wa Jumuiya hiyo Rais wa Jamhuri ya Burundi, Mhe. Evariste Ndayishimye kwa kuaminiwa kushika nafasi hiyo. Anayeshuhudia ni Katibu Mkuu wa Jumuiya ya Afrika Mashariki, Dkt. Peter Mathuki.

Rais wa Jamhuri ya Burundi na Mwenyekiti wa Jumuiya ya Afrika Mashariki, Mhe. Evariste Ndayishimye akiongoza Mkutano wa 22 wa Wakuu wa Nchi za Jumuiya ya Afrika Mashariki baada ya kukamilika kwa makabidhiano ya nafasi hiyo ya Mwenyekiti.

BARABARA YA KIKANDA YA ARUSHA BYPASS CHACHU YA MAENDELEO YA KIUCHUMI KWA NCHI ZA EAC

Wakuu wa Nchi za Jumuiya ya Afrika Mashariki (EAC) wamesisitiza umuhimu wa kujenga miundombinu bora na ya kisasa ili kuweza kuyafikia malengo ya pamoja ya maendeleo ya kiuchumi katika jumuiya.

 

Hayo yameelezwa na Mwenyekiti wa Jumuiya ya Afrika mashariki aliyemaliza muda wake, Mhe. Uhuru Kenyatta wakati wa hafla ya ufunguzi wa barabara ya kikanda ya Arusha Bypass uliofanyika leo tarehe 22 Julai jijini Arusha na kuhudhuriwa na nchi zote wanachana pamoja na mgeni mwalikwa Serikali ya Shirikisho la Somalia.

 

Pia akafafanua kuwa barabara hiyo pamoja na mambo mengine itasaidia kupunguza msongamano wa magari, itaongeza mawasiliano na muingiliano wa kijamii, itakuza biashara, itarahisisha usafiri wa mizigo na kupunguza umasikini kwa nchi wanachama na kujiletea heshima duniani.

 

Naye Rais wa Jamhuri ya Muungano wa Tanzania na Mwenyeji wa mkutano huo, Mhe. Samia Suluhu Hassan katika hotuba yake ameeleza kuwa barabara iliyozinduliwa ina urefu wa kilomita 42.4 na imegharimu kiasi cha shilingi Billioni 197.4 na kwamba imejengwa kwa ushirikiano kati ya Serikali ya Tanzania na Kenya.

 

Vilevile, ameishukuru Benki ya Maendeleo ya Afrika (AfDB), Shirika la Maendeleo la Kimataifa la Japan (JICA) na Washirika wa Maendeleo wa Jumuiya ya Afrika Mashariki “East Africa Trademark” kwa kuendelea kutoa uwezeshaji wa kifedha kukamilisha kwa awamu ya kwanza ya mradi huo na kukubali kuendelea kuwezesha awamu ya pili ya mradi wa barabara inayoanzia Arusha, Horiri, Taveta, Voi yenye urefu wa kilomita 117.

 

Kadhalika, Mhe. Rais Samia ametoa rai kwa wananchi kutumia fursa za miundombinu katika kukuza sekta za utalii, biashara, uwekezaji, usafirishaji wa mizigo na akawataka wananchi kutunza miundombinu iliyopo kuiwezesha serikali kuendelea na ujenzi wa miundombinu katika maeneo mengine kama vile uimarishaji wa miundombinu ya reli, bandari na usafiri wa anga.

 

Maboresho hayo ya miundombinu yatawezesha kuiunganisha Afrika Mashariki na nchi nyingine za Afrika na kulitumia vema soko la eneo huru la biashara la Afrika.

========================================

Wakuu wa Nchi za Jumuiya ya Afrika Mashariki wakikata utepe kuashiria ufunguzi wa barabara ya EAC Arusha Bypass uliofanyika eneo la Kisongo nje kidogo ya jiji la Arusha tarehe 22 Julai 2022.

Wakuu wa Nchi za Jumuiya ya Afrika Mashariki wakiwa wamesimama wakati ulipopigwa wimbo wa Taifa na wa Jumuiya ya Afrika Mashariki baada ya kuwasili kwenye hafla ya uzinduzi wa barabara ya EAC Arusha Bypass.

Rais wa Jamhuri ya Muungano, Mhe. Samia Suluhu Hassan (mwenye mask nyeupe) akiwasili eneo la Kisongo nje kidogo ya mji wa Arusha kwenye hafla ya ufunguzi wa barabara ya EAC Arusha Bypass. Kulia kwake ni Katibu Mkuu wa Jumuiya ya Afrika Mashariki, Dkt. Peter Mathuki akimuongoza Mhe. Rais Samia jukwaani.

Waziri wa Mambo ya Nje na Ushirikiano wa Afrika Mashariki, Mhe. Balozi Liberata Mulamula akiwasili katika eneo la Kisongo nje kidogo ya mji wa Arusha kushiriki hafla ya ufunguzi wa Barabara ya EAC Arusha Bypass.

WAKUU WA NCHI ZA EAC WASISITIZA UMUHIMU WA SOKO LA PAMOJA KATIKA KUKUZA UCHUMI WA KIKANDA

 Wakuu wa Nchi za Jumuiya ya Afrika Mashariki (EAC) wamesisitiza umuhimu wa soko la pamoja katika kukuza uchumi wakati waliposhiriki Mkutano Maalum wa Ngazi ya Juu wa Soko la Pamoja la Jumuiya ya Afrika Mashariki.

 

Mkutano huo maalum wa ngazi ya Wakuu wa Nchi uliofanyika tarehe 21 Julai 2022 na mkutano maalum wa ngazi ya Mawaziri uliofanyika tarehe 20 Julai 2022 jijini Arusha ni sehemu ya mikutano ya awali kuelekea Mkutano wa 22 wa Wakuu wa Nchi za Jumuiya ya Afrika Mashariki utakaofanyika tarehe 22 Julai 2022.

 

Katika mkutano huo Wakuu wa Nchi walijadili na kuyawekea msisitizo masuala mbalimbali ya hali ya halisi ya utekelezaji wa Itifaki ya Soko la Pamoja la Jumuiya ya Afrika Mashariki sambamba na kuainisha changamoto zinazohitaji ufumbuzi wa pamoja katika kuyafikia malengo ya jumuiya hiyo.

 

Akichangia mada wakati wa mkutano huo Rais wa Jamhuri ya Muungano wa Tanzania, Mhe. Samia Suluhu Hassan ambaye pia ni mwenyeji wa mkutano huo, amesisitiza juu ya kukuza uzalishaji pamoja na  kuongeza thamani ya mazao na bidhaa  zinazozalishwa ndani ya jumuiya ili kuweza kuingia katika ushindani wa kibiashara kimataifa.

 

Aidha, aliongeza kufafanua kuwa katika kuyafikia malengo ya pamoja ni muhimu kwa nchi wanachama kuwekeza katika amani na utawala bora ili nchi ziweze kuongeza nguvu katika usimamizi wa rasilimali na uzalishaji badala ya kuwekeza katika migogoro.

 

Naye Mwenyekiti wa mkutano huo na Rais wa Jamhuri ya Kenya, Mhe. Uhuru Kenyatta amesisitiza umuhimu wa kuwa na mawasiliano kupitia ujenzi wa miundombinu ambao ndio msingi mkuu wa kuyafikia malengo ya soko la pamoja.

 

Vilevile akaeleza kwa sasa nchi wanachama zimeunganishwa kupitia ujenzi wa miundombinu ya kisasa na akatolea mfano ujenzi wa reli ya kisasa unaofanywa na Tanzania ambao utaziunganisha nchi wanachama na kwamba kwa upande mwingine Tanzania na Kenya zinaunganishwa kupitia ujenzi wa miundombinu uliofanywa mipakani katika eneo la Namanga na Taveta.

 

Maeneo mengine yaliyojadiliwa ni pamoja na fursa za kiuchumi zilizoongezeka kufuatia Jamhuri ya Kidemokrasia ya Kongo kujiunga na jumuiya hiyo, umuhimu wa usimamizi wa rasilimali kama vile madini na umuhimu wa ushiriki wa sekta binafsi katika kuyafikia malengo yaliyowekwa.

 

Kadhalika, mkutano huo ulijadili mafanikio yaliyofikiwa na jumuiya hiyo ikiwemo, uhuru wa kufanya biashara, mtangamano wa kijamii na fursa za kuvuka mipaka kupitia Hati ya kusafiria ya kielektroni ya Afrika Mashariki na kuondoleana visa miongozi mwa nchi wanachama.

 

Mkutano huo umehudhuriwa na Nchi zote saba wanachama wa Jumuiya ya Afrika Mashariki ambao ni pamoja mwenyekiti wa mkutano huo Jamhuri ya Kenya; Mwenyeji wa mkutano huo Jamhuri ya Muungano wa Tanzania; Jamhuri ya Uganda; Jamhuri ya Burundi, Jamhuri ya Rwanda, Jamhuri ya Sudan Kusini, na Jamhuri ya kidemokrasia ya Kongo. Pia ulihudhuriwa na Jamhuri ya Shirikisho la Somalia ambaye alikuwa mgeni mwalikwa katika mkutano huo.

==========================================================

Waziri wa Mambo ya Nje na Ushirikiano wa Afrika Mashariki, Mhe. Balozi Liberata Mulamula akiwatambulisha viongozi mbalimbali wa Serikali ya Jamhuri ya Muungano wa Tanzania kwa Rais wa Jamhuri ya Kenya, Mhe. Uhuru Kenyatta baada ya kuwasili katika Uwanja wa Ndege wa Arusha tarehe 21 Julai 2022.
Mhe. Kenyatta yupo nchini kwa ajili ya kushiriki Mkutano wa 22 wa Wakuu wa Nchi za Jumuiya ya Afrika Mashariki utakaofanyika tarehe 22 Julai 2022.

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Joseph Sokoine aliposhiriki Mkutano Maalum wa Ngazi ya Juu wa Soko la Pamoja la Afrika Mashariki uliofanyika tarehe 21 Julai 2022 jijini Arusha.

Katibu Mkuu wa Jumuiya ya Afrika Mashariki, Dkt. Peter Mathuki akimkaribisha Waziri anayeshughulikia masuala ya Rais wa Jamhuri ya Sudan Kusini, Mhe. Barnaba Marial Benjamin mara baada ya kuwasili katika Kituo cha Mikutano cha Kimataifa cha Arusha kushiriki Mkutano Maalum wa Ngazi ya Juu wa Soko la Pamoja la Jumuiya ya Afrika Mashariki uliofanyika tarehe 21 Julai 2022 jijini Arusha.
Mhe. Benjamin anamwakilisha Rais wa Jamhuri ya Sudan Kusini, Mhe. Salva Kiir katika mkutano huo pamoja na Mkutano wa 22 wa Wakuu wa Nchi wa EAC .

Waziri wa Fedha na Mipango, Mhe. Mwigulu Nchemba akifafanua kwa wananchi juu ya umuhimu wa soko la pamoja na fursa zake kwa taifa na wanachi wa Tanzania kwa ujumla kupitia kituo cha Luninga cha TBC1 .

Waziri wa Uwekezaji, Viwanda na Biashara, Mhe. Dkt. Ashatu Kijaji akifafanua juu ya fursa za biashara na uwekezaji zinazopatikana katika Soko la Pamoja la Jumuiya ya Afrika Mashariki kwa wananchi kupitia kituo cha Luninga cha TBC1.

Sehemu ya wajumbe wa mkutano huo wakifatilia majadiliano ya Wakuu wa Nchi wa Jumuiya ya Afrika.

Wapili kushoto ni Mkurugenzi Idara ya Siasa, Ulinzi na Usalama katika Wizara ya Mambo ya Nje na Ushirikiano wa Afrika Mashariki, Balozi Stephen Mbundi akifuatilia Mkutano Maalum wa Ngazi ya Juu wa Soko la Pamoja la Afrika Mashariki uliofanyika tarehe 21 Julai 2022 jijini Arusha.

VACANCY ANNOUNCEMENT