MABALOZI WAPONGEZA JUHUDI ZA SERIKALI UOKOAJI HANANG, WAAHIDI MISAADA ZAIDI YA KIBINADAMU

 

Waziri wa Mambo ya Nje na Ushirikiano wa Afrika Mashariki, Mhe. January Makamba (Mb.) akizungumza katika kikao kati yake na Mabalozi na Wawakilishi wa Mashirika wa Kimataifa Jijini Dar es Salaam alipokutana nao na kuwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

Waziri wa Mambo ya Nje na Ushirikiano wa Afrika Mashariki, Mhe. January Makamba (Mb.) akizungumza na Mabalozi na Wawakilishi wa Mashirika wa Kimataifa (hawapo pichani) alipokutana nao Jijini Dar es Salaam na kuwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

 

Waziri wa Mambo ya Nje na Ushirikiano wa Afrika Mashariki, Mhe. January Makamba (Mb.) akiongoza Mabalozi na Wawakilishi wa Mashirika wa Kimataifa kusimama kwa dakika moja kwa ajili ya kuwaombea wananchi waliopoteza maisha kutokana na maafa yaliyotokea Hanang mkoani Manyara alipokutana nao Jijini Dar es Salaam na kuwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

Mwakilishi Mkazi wa Umoja wa Mataifa nchini Bw. Zlatan Milišić akichangia jambo wakati wa kikao cha Waziri wa Mambo ya Nje na Ushirikiano wa Afrika Mashariki na Mabalozi na Wawakilishi wa Mashirika wa Kimataifa Jijini Dar es Salaam ambapo Waziri Makamba aliwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

 

Baadhi ya Mabalozi na Wawakilishi wa Mashirika wa Kimataifa nchini wakimsikiliza Waziri wa Mambo ya Nje na Ushirikiano wa Afrika Mashariki Mhe. January Makamba alipokutana nao Jijini Dar es Salaam kuwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

 

Balozi wa Somalia nchini, Mhe. Zahra Ali Hassan akichangia jambo wakati wa kikao cha Waziri wa Mambo ya Nje na Ushirikiano wa Afrika Mashariki na Mabalozi na Wawakilishi wa Mashirika wa Kimataifa Jijini Dar es Salaam ambapo Waziri Makamba aliwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

Baadhi ya Mabalozi na Wawakilishi wa Mashirika wa Kimataifa nchini wakimsikiliza Waziri wa Mambo ya Nje na Ushirikiano wa Afrika Mashariki alipokutana nao Jijini Dar es Salaam kuwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

 

Waziri wa Mambo ya Nje na Ushirikiano wa Afrika Mashariki Mhe. January Makamba akizungumza na Balozi wa Italia nnchini Mhe. Marco Lombardi alipokutana na Mabalozi na Wawakilishi wa Mashirika wa Kimataifa nchini Jijini Dar es Salaam kuwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

 

Katibu Mkuu Wizara ya Mambo ya Nje na Ushirikiano wa Afrika Mashariki Balozi Dkt. Samwel Shelukindo (kushoto) na Katibu Mkuu Wizara ya Mambo ya Nje na Ushirikiano wa Afrika Mashariki Balozi Stephen Mbundi (katikati) wakizungumza na mmoja wa washiriki wa kikao kati ya Waziri wa Mambo ya Nje na Ushirikiano wa Afrika Mashariki alipokutana na Mabalozi na Wawakilishi wa Mashirika ya Kimataifa jijini Dar es Salam kuelezea yaliyotokea mkoani Manyara na jinsi Serikali ilivyokabiliana na janga hilo.

Waziri wa Mambo ya Nje na Ushirikiano wa Afrika Mashariki Mhe. January Makamba akizungumza na Balozi wa Marekani nchini Mhe. Michael Battle alipokutana na Mabalozi na Wawakilishi wa Mashirika wa Kimataifa nchini Jijini Dar es Salaam kuwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

 

NaibuWaziri wa Mambo ya Nje na Ushirikiano wa Afrika Mashariki Balozi Mbarouk Nassor Mbarouk akizungumza na Balozi wa Kenya nchini Mhe. Isack Njenga wakati wa Kikao kati ya Waziri wa Mambo ya Nje na Ushirikiano wa Afrika Mashariki  Mhe. January Makamba na Mabalozi na Wawakilishi wa Mashirika wa Kimataifa nchini Jijini Dar es Salaam kuwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo

 

Mkurugenzi wa Mawasiliano Wizara ya Mambo ya Nje na Ushirikiano wa Afrika Mashariki Balozi Mindi Kasiga akizungumza kuwakaribisha Mabalozi na Wawakilishi wa Mashirika wa Kimataifa nchini Jijini Dar es Salaam kuzungumza na Waziri wa Mambo ya Nje na Ushirikiano wa Afrika Mashariki Mhe. Januari Makamba

 

 

 

Mabalozi na Wawakilishi wa Mashirika ya Kimataifa nchini wamepongeza jitihada zinazochukuliwa na Serikali katika zoezi la uokoaji Hanang, kutokana na maporomoko ya tope kutoka katika mlima Hanang kufuatia mvua kubwa iliyonyesha Mkoani Manyara tarehe 02 Disemba, 2023.

 

Mabalozi na Wawakilishi wa Mashirika hayo wametoa pongezi hizo Jijini Dar es Salaam walipokutana na Waziri wa Mambo ya Nje na Ushirikiano wa Afrika Mashariki, Mhe. January Makamba (Mb.) aliyewaita kuwaelezea kilichotokea Hanang mkoani Manyara na hatua zilizochukuliwa na Serikali katika kukabiliana na janga hilo.

 

Akizungumza katika kikao hicho Mhe. Waziri Makamba amesema maporomoko hayo ya tope yamesababisha vifo vya watu 72, kujeruhi watu 117, kuharibu mali za watu, makazi na miundombinu ya barabara, maji na umeme.

 

“Serikali ya Tanzania inaishukuru Jumuiya ya Kimataifa nchini kwa jinsi ilivyoikimbilia na kusaidia wahanga wa maporomoko hayo hasa katika kusaidia urejeshaji wa huduma za muhimu za kibinadamu kwa wananchi wa Katesh” alisema.

 

Amesema katika kukabiliana na janga hilo, Serikali iliunda Kamati ya Kitaifa ya Maafa iliyo chini ya Ofisi ya Waziri Mkuu inayoshirikiana na mamlaka ya Mkoa wa Manyara na kufungua akaunti Maalum ya maafa kwa ajili ya kuratibu na upokeaji misaada mbalimbali ili kusaidia wahanga wa maporomoko hayo na kuwezesha maisha ya watu kuendelea kama kawaida.

 

“Wahanga bado wanahitaji misaada ya kibinadamu ya hali na mali, wengi wamepoteza makazi yao na kupoteza wapendwa wao pamoja na kuharibika kwa miundombinu ya barabara, maji na umeme na kusababisha maisha kusimama katika eneo hilo” alisema.

 

Amesema Serikali imeandaa maeneo maalum kwa ajili ya kuwahifadhi na kuwahudumia wahanga kwa kuwapatia huduma muhimu za kibinadamu, kuwatibu majeruhi, na kuwaokoa na kuwaondoa watu katika maeneo yaliyoathiriwa.

 

Amesema Serikali inaendelea na zoezi la kutafuta miili ya watu katika matope, kuhudumia shughuli za mazishi ya watu waliofariki na kuwafariji watu waliopoteza wapendwa wao kutokana na maporomoko hayo ili waweze kurejea katika hali zao za kawaida.

 

Naye Mwakilishi Mkazi wa Umoja wa Mataifa nchini Mhe. Zlatan Milisick amepongeza hatua za haraka zilizochukuliwa na Serikali katika zoezi la uokoaji wa wananchi na mali zao huko Hanang na kuongeza kuwa Ofisi ya Umoja wa Mataifa Tanzania itaendelea kushirikiana na Serikali na kwamba Mashirika ya Umoja wa Mataifa nchini yameungana na kuchanga misaada ya yao ya kibinadamu kwa ajili ya kusaidia wahanga hao ambayo wataikabidhi kwa Serikali.

 

Balozi wa Kenya amesema Kenya kama nchi jirani iko pamoja na Watanzania katika sala na maombi kuwaombea marehemu na kutoa pole kwa familia za marehemu.

 

Akizungumza katika kikao hicho Balozi wa Somalia nchini Mhe. Zahra Ali Hassan amesema Umoja wa Mabalozi wa Afrika kwa umoja wao wameungana na kuwaingiza katika maombi wahanga wa maporomoko hayo na kuchanga misaada ya kibinadamu ambayo wataikabidhi kwa Serikali na kutoa pole kwa Rais wa Jamhuri ya Muungano wa Tanzania na Watanzania wote kwa maafa hayo makubwa yaliyotokea nchini.

 

Balozi wa Msumbiji Mhe.  Ricardo Mtumbuida amesema Msumbiji inaungana na Tanzania na kutoa pole kwa Mhe. Rais, Watanzania na wahanga wote na kuwaombea marehemu wapumzike kwa amani.

 

BALOZI KIBESSE AWASILISHA HATI ZA UTAMBULISHO KWA RAIS RUTO

Balozi wa Tanzania nchini Kenya, Mhe. Dkt. Bernard Kibesse amewasilisha Hati za Utambulisho kwa Rais wa Jamhuri ya Kenya, Mhe. Dkt. William Ruto, katika hafla iliyofanyika Ikulu, Nairobi tarehe 7 Disemba 2023. 

Wakati akiwasilisha Hati zake za Utambulisho, Mhe. Balozi Kibesse alimshukuru Mhe. Rais Ruto kwa kuridhia uteuzi wake kuwa Balozi wa Tanzania nchini Kenya na kuahidi kufanya kazi kwa bidii ili kuendeleza mahusiano mazuri yaliyopo kati ya Tanzania na Kenya.

Kwa upande wa Mhe. Rais Ruto alimkaribisha Mhe. Balozi Kibesse na kueleza kwamba amekuwa na ushirikiano mzuri na Rais wa Jamhuri ya Muungano wa Tanzania, Mhe. Dkt Samia Suluhu Hassan katika masuala ya kitaifa na kimataifa. Amemtakia heri Balozi Kibesse na kueleza kwamba yupo tayari kushirikiana naye katika kufanikisha majukumu yake ya kuiwakilisha Tanzania nchini Kenya

Aidha, katika mazungumzo yao, viongozi hao wamekubaliana kuongeza juhudi katika kuboresha biashara kati ya Tanzania na Kenya zikiwa ni nchi majirani na rafiki zenye ushirikiano mkubwa wa kibiashara katika muktadha wa Jumuiya ya Afrika Mashariki.

Balozi wa Tanzania nchini Kenya, Mhe. Dkt. Bernard Kibesse akisalimiana na Rais wa Jamhuri ya Kenya, Mhe. Dkt. William Ruto baada ya kuwasili Ikulu Jijini Nairobi, kuwasilisha Hati za Utambulisho

Balozi wa Tanzania nchini Kenya, Mhe. Dkt. Bernard Kibesse akiwasilisha Hati za Utambulisho kwa Rais wa Jamhuri ya Kenya, Mhe. Dkt. William Ruto Ikulu Jijini Nairobi

Rais wa Jamhuri ya Kenya, Mhe. Dkt. William Ruto katika picha ya pamoja na Balozi wa Tanzania nchini Kenya, Mhe. Dkt. Bernard Kibesse pamoja na Mabalozi mbalimbali baada ya kuwasilisha Hati za Utambulisho Ikulu Jijini Nairobi

TANZANIA , UTURUKI KUIMARISHA USHIRIKIANO SEKTA YA ELIMU

 

Naibu Waziri Mambo ya Nje na Ushirikiano wa Afrika Mashariki Mhe. Balozi Mbarouk Nassor Mbarouk (kulia) akizungumza na Rais wa Taasisi ya Presidency For Turks Abroad and Related Communities ya Jamhuri ya Uturuki (YTB) Bw. Abdullah Eren (kushoto) walipokutana katika Ofisi Ndogo za Wizara Jijini Dar es Salaam.

Rais wa Taasisi ya Presidency For Turks Abroad and Related Communities ya Jamhuri ya Uturuki (YTB) Bw. Abdullah Eren (kushoto) akizungumza na Naibu Waziri Mambo ya Nje na Ushirikiano wa Afrika Mashariki Mhe. Balozi Mbarouk Nassor Mbarouk (kulia)

Rais wa Taasisi ya Presidency For Turks Abroad and Related Communities ya Jamhuri ya Uturuki (YTB) Bw. Abdullah Eren (katikati) akizungumza na Naibu Waziri Mambo ya Nje na Ushirikiano wa Afrika Mashariki Mhe. Balozi Mbarouk Nassor Mbarouk (kulia) huku Balozi wa Uturuki nchini Mhe. Dkt. Mehmet Gulluoglu (kushoto) akifuatilia mazungumzo hayo

Naibu Waziri Mambo ya Nje na Ushirikiano wa Afrika Mashariki Mhe. Balozi Mbarouk Nassor Mbarouk katika picha ya pamoja na Rais wa Taasisi ya Presidency For Turks Abroad and Related Communities ya Jamhuri ya Uturuki (YTB) Bw. Abdullah Eren (kushoto) walipokutana katika Ofisi Ndogo za Wizara Jijini Dar es Salaam

 

Naibu Waziri Mambo ya Nje na Ushirikiano wa Afrika Mashariki Mhe. Balozi Mbarouk Nassor Mbarouk (katikati) katika picha ya pamoja na Balozi wa Uturuki nchini Mhe. Dkt. Mehmet Gulluoglu (kulia ) Rais wa Taasisi ya Presidency For Turks Abroad and Related Communities ya Jamhuri ya Uturuki (YTB) Bw. Abdullah Eren (kushoto) katika picha ya pamoja baada ya kumalizika kwa mazungumzo yao katika ofisi ndogo za wizara jijini Dar es Salaam

 

 

 

Naibu Waziri Mambo ya Nje na Ushirikiano wa Afrika Mashariki Mhe. Balozi Mbarouk Nassor Mbarouk amekutana kwa mazungumzo na Rais wa Taasisi ya Presidency For Turks Abroad and Related Communities ya Jamhuri ya Uturuki (YTB) Bw. Abdullah Eren katika Ofisi Ndogo za Wizara Jijini Dar es Salaam.

Akizungumza katika kikao hicho, Balozi Mbarouk ameiahidi Taasisi hiyo kuwa Tanzania itaendelea kushirikiana na Uturuki kuendelea kuimarisha uhusiano uliopo kwa manufaa ya pande zote mbili.

Amesema uhusiano kati ya Tanzania na Uturuki ni wa muda mrefu na unaoongoza hasa katika sekta za elimu, afya, biashara na uwekezaji na kuelezea matumaini yake kuwa uhusiano huo utaendelea kuimarika zaidi.

Naye Bw. Eren amesema YTB ni Taasisi ya Uturuki inayojihusisha na utoaji fedha za ufadhili katika ngazi ya elimu ya juu kwa wanafunzi wa mataifa mengine na kusaidia juhudi za mtangamano za Diaspora wa Uturuki wanaoishi nje ya nchi hiyo.

Mazungumzo ya viongozi hao yamelenga kuimarisha uhusiano zaidi katika sekta ya elimu kati ya Tanzania na Uturuki na Mkutano huo umewezesha kubadilishana mawazo na uzoefu katika masuala mbalimbali yenye maslahi kwa pande mbili ikiwa ni pamoja na kuona jinsi ushirikishwaji wa diaspora unavyovyoweza kuchangia maendeleo ya kisiasa, kijamii na kiutamaduni katika nchi husika.
 

BALOZI SAID AFUNGUA SEMINA YA NGAZI YA JUU KUJADILI MAENDELEO BARANI AFRIKA

 

Naibu Katibu Mkuu Wizara ya Mambo ya Nje na Ushirikiano wa Afrika Mashariki Balozi Said Mussa Shaib akizungumza wakati wa kufungua Semina ya siku tatu ya Ngazi ya Juu kuhusu Afrika tunayoitaka inayojadili fursa na changamoto mbalimbali zinazolikabili bara la Afrika katika masuala ya maendeleo inayofanyika jijini Dar es Salaam.

Naibu Katibu Mkuu Wizara ya Mambo ya Nje na Ushirikiano wa Afrika Mashariki Balozi Said Mussa Shaib akizungumza wakati wa kufungua Semina ya siku tatu ya Ngazi ya Juu kuhusu Afrika tunayoitaka inayojadili fursa na changamoto mbalimbali zinazolikabili bara la Afrika katika masuala ya maendeleo inayofanyika jijini Dar es Salaam. 

 

Mwakilishi Mkazi wa Umoja wa Mataifa nchini Tanzania Mhe. Milisick Milovan (kulia) akifuatilia ufunguzi wa Semina ya siku tatu ya Ngazi ya Juu kuhusu Afrika tunayoitaka inayojadili fursa na changamoto mbalimbali zinazolikabili bara la Afrika katika masuala ya maendeleo inayofanyika jijini Dar es Salaam.

Balozi wa Comoro nchini Tanzania Mhe. Dkt. Ahamada El- Badaoui akipiga makofi kushangilia kitu wakati wa ufunguzi wa Semina ya siku tatu ya Ngazi ya Juu kuhusu Afrika tunayoitaka inayojadili fursa na changamoto mbalimbali zinazolikabili bara la Afrika katika masuala ya maendeleo inayofanyika jijini Dar es Salaam.

Balozi na Mwakilishi wa Tanzania nchini Ethiopia na katika Umoja wa Afrika Addiss Ababa, Mhe. Innocent Shio akishiriki ufunguzi wa Semina ya siku tatu ya Ngazi ya Juu kuhusu Afrika tunayoitaka inayojadili fursa na changamoto mbalimbali zinazolikabili bara la Afrika katika masuala ya maendeleo inayofanyika jijini Dar es Salaam.

Washiriki wa Tanzania katika  Semina ya siku tatu ya Ngazi ya Juu kuhusu Afrika tunayoitaka inayojadili fursa na changamoto mbalimbali zinazolikabili bara la Afrika katika masuala ya maendeleo inayofanyika jijini Dar es Salaam wakifuatilia ufunguzi wa Semina hiyo.

Washiriki wa Semina ya siku tatu ya Ngazi ya Juu kuhusu Afrika tunayoitaka inayojadili fursa na changamoto mbalimbali zinazolikabili bara la Afrika katika masuala ya maendeleo inayofanyika jijini Dar es Salaam katika picha ya pamoja baada ya ufunguzi wa Semina hiyo.

 

 

Naibu Katibu Mkuu Wizara ya Mambo ya Nje na Ushirikiano wa Afrika Mashariki Balozi Said Mussa Shaib amefungua Semina ya Ngazi ya Juu kuhusu Afrika tunayoitaka inayojadili fursa na changamoto mbalimbali zinazolikabili bara la Afrika katika masuala ya maendeleo.

Akifungua semina hiyo Balozi Said amesema Tanzania imejidhatiti kutekeleza Ajenda 2063 na Ajenda 2030 kwakuwa imeziweka katika mipango ya maendeleo ya kitaifa na kufanya ajenda hizo kutekelezwa kwa vitendo kupitia mipango ya maendeleo.

“Bara la Afrika bado linakabiliwa na changamoto mbalimbali zikiwemo umasikini, ukosefu wa maendeleo, ajira, amani na usalama, kutokuwa na sauti moja katika majukwaa ya kimataifa, nchi za Afrika lazima ziendelee kupambana ili kuhakikisha Afrika inayotakiwa inafikiwa” alisema Balozi Said Mussa Shaib.

Amesema Tanzania imepiga hatua katika kutekeleza malengo ya Ajenda ya Umoja wa Afrika ya mwaka 2063 na Malengo ya Maendeleo Endelevu ya Umoja wa Mataifa ya mwaka 2030 na hivyo kuendelea kuimarika kwa kiwango cha ukuaji ambacho alisema kuwa kinatarajiwa kuendelea kukua kwa zaidi ya asilimia 5 kwa mwaka 2024 na kuendelea. 

Amesema Kiwango hicho cha ukuaji kimechochewa na utekelezaji wa miradi mikubwa ya kimkakati ya miundombinu na uwekezaji inayotekelezwa na Serikali katika sekta mbalimbali. Ametaja miradi hiyo kuwa ni pamoja na ujenzi wa Reli ya Kisasa ya SGR, Barabara, Bwawa la kuzalisha Umeme la Mwalimu Nyerere pamoja na urekebishaji wa miundombinu ya bandari na viwanja vya ndege nchini.

Amesema Tanzania imeendelea kuwekeza kwa kiasi kikubwa katika kilimo ili kuongeza uzalishaji wa chakula na kutokomeza njaa nchini na kuongeza kuwa hatua kadhaa zimechukuliwa kuimarisha upatikanaji na usawa katika Elimu na Mafunzo ya Ufundi na Ufundi (TVET) na elimu ya juu. 

Amesema Tanzania pia imefanikiwa kupunguza viwango vya vifo vya mama na watoto wachanga na watoto walio chini ya umri wa miaka mitano huku ikiendelea kufurahia amani na utulivu kwa kuboresha demokrasia, utawala bora, haki za binadamu na kuzingatia utawala wa sheria.

“Mbali na mafanikio niliyoyaeleza, bado nchi wanachama zinakabiliwa na changamoto mbalimbali katika kutekeleza Ajenda ya Umoja wa Afrika ya mwaka 2063 na Ajenda ya Umoja wa Mataifa ya mwaka 2030 na hivyo taarifa za tathmini katika nchi mbalimbali zinaonyesha utendaji wa jumla uko katika kiwango cha wastani” alisema Balozi Mussa.

Ametaja baadhi ya sababu zinazochangia utekelezaji wa ajenda hizo kuwa wa kiwango cha wastani kuwa ni pamoja na utawala dhaifu, mifumo mibovu ya usimamizi na uratibu kati ya wahusika wa maendeleo wa ndani na nje katika ngazi ya nchi, pamoja na rasilimali zisizotosha. 

Ameishukuru Ofisi ya Umoja wa Mataifa Tanzania kwa kuendelea kushirikiana na Tanzania katika kuhakikisha utekelezaji wa Malengo ya Milenia yanaendelea kufanyiwa kazi na kuahidi kuwa Tanzania itaendelea kufanya kazi kwa karibu na Ofisi hiyo  ili  kufikia  malengo hayo kwa ukamilifu.

Semina hiyo imeandaliwa na Kamisheni ya Umoja wa Afrika kwa kushirikiana na Kamisheni ya Umoja wa Mataifa ya Uchumi Barani Afrika (UNECA) inajadili utekelezaji wa Agenda 2063 na Agenda 2030 katika ngazi ya Nchi  na Mpango wa utekelezaji wa Miaka 10 wa Ajenda 2063 ambao utatoa ramani ya mabadiliko ya Bara la Afrika ndani ya muongo mmoja kama ulivyopitishwa na Mawaziri wa Umoja wa Afrika mwezi Oktoba 2023

NIGERIA YARIDHISHWA NA UTENDAJI WA SERIKALI YA AWAMU YA SITA

Nigeria imeoneshwa kuridhishwa na utendaji wa Serikali ya Awamu ya Sita chini ya Uongozi wa Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan.

Kauli hiyo imetolewa na Balozi wa Nigeria nchini, Mhe. Hamisu Umar Takamawa alipokuwa akimuga Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk katika Ofisi Ndogo za Wizara baada ya kumaliza muda wake wa uwakilishi nchini.

Balozi Takamawa ameipongeza Serikali ya Tanzania kwa jitihada zake za kuboresha Sera ya Mambo ya Nje pamoja na kuanzisha Tume ya kuboresha Haki Jinai nchini.

“Naipongeza Serikali ya Awamu ya Sita chini ya Uongozi Imara wa Rais Dkt. Samia Suluhu Hassan, kwa kweli imefanya mambo ambayo nadhani mataifa mengine tunapaswa kuiga hususan masuala ya kuboresha haki jinai, hili ni jambo kubwa na jema ambalo taifa lolote lile linapaswa kuiga mfano huo hapa Tanzania,” alisema Balozi Takamawa

Kuhusu Sera ya Mambo ya Nje, Balozi Takamawa amesema kuwa kuboreshwa kwa sera hiyo kunatoa mwanga wa kuimarisha utekelezaji wa diplomasia ya uchumi, kuongeza wigo wa biashara za kimataifa, kuvutia uwekezaji wa mitaji na teknolojia kutoka nje katika sekta za kijamii na kiuchumi. 

Pamoja na mambo mengine, Balozi Takamawa ameishukuru Wizara ya Mambo ya Nje na Ushirikiano wa Afrika Mashariki na Serikali kwa ujumla kwa ushirikiano iliompatia wakati wote wa utekelezaji wa majukumu yake hapa nchini.

Kwa Upande wake, Balozi Mbarouk amesema kuwa uhusiano wa Tanzania na Nigeria ni matunda yalijengwa kwa misingi imara ya viongozi wa mataifa haya mawili (Hayati Mwl. Julius Nyerere na hayati Dkt. Nnamdi Azikiwe) ambao umedumu kwa takriban miaka 60.

Kadhalika, Balozi Mbarouk alimpongeza Balozi Takamawa kwa kuimarisha misingi ya ushirikiano wa Nigeria na Tanzania wakati wa uwakilishi wake hapa nchini ambapo katika kipindi chake uhusiano uliimarika katika sekta mbalimbali hususan elimu, bishara na uwekezaji.

“Tanzania na Nigeria zimekuwa na ushirikiano mzuri kibiashara na wewe ni shahidi wa hilo, ambapo benki ya ‘United Bank of Afrika’ kutoka Nigeria imewekeza nchini, kadhalika Kiwanda cha kuzalisha Cement cha Dangote pia kimewekeza Tanzania na kutoa ajira…..huu ni Ushahidi tosha kuwa ushirikiano wa kibiashara kati ya Tanzania na Nigeria ni Imara,” amesema Balozi Mbarouk.

“Naamini kuwa ukiwa nchini Nigeria utakuwa balozi mwema wa Tanzania, nakutakia kila la kheri katika utumishi wako,” amesema Balozi Mbarouk

“Katika kipindi chako umeiwakilisha vyema Australia na kuonesha mafanikio makubwa ambayo yamefikiwa kati ya Tanzania na Australia. 

Tanzania na Nigeria zimekuwa zikishirikiana katika sekta za elimu, utalii pamoja na biashara na uwekezaji.  

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk akisalimiana na Balozi wa Nigeria nchini, Mhe. Hamisu Umar Takamawa alipokuwa akimuga 
katika Ofisi Ndogo za Wizara Jijini Dar es Salaam baada ya kumaliza muda wake wa uwakilishi nchini

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk akizungumza na Balozi wa Nigeria nchini, Mhe. Hamisu Umar Takamawa 
katika Ofisi Ndogo za Wizara Jijini Dar es Salaam

Mazungumzo baina ya Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk na Balozi wa Nigeria nchini, Mhe. Hamisu Umar Takamawa yakiendelea katika Ofisi Ndogo za Wizara Jijini Dar es Salaam

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk akimkabidhi zawadi ya picha ya Mlima Kilimanjaro Balozi wa Nigeria nchini, Mhe. Hamisu Umar Takamawa baada ya kumaliza muda wake wa uwakilishi nchini

BALOZI SHELUKINDO AKUTANA KWA MAZUNGUMZO NA UJUMBE WA BENKI YA UWEKEZAJI YA ULAYA (EIB)

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Dkt. Samwel Shelukindo amekutana kwa mazungumzo na Ujumbe wa Benki ya Uwekezaji ya Ulaya (European Investment Bank – EIB) ulioongozwa na Bw. Christian Elias Mkuu wa Kitengo cha Mashariki na Kusini mwa Afrika, katika Ofisi za Wizara jijini Dodoma, tarehe 30 Novemba 2023.

Kupitia mazungumzo hayo ambayo ameyafanya kwa niaba ya Waziri wa Mambo ya Nje na Ushirikiano wa Afrika Mashariki Mhe. January Makamba (Mb) wamejadili kuhusu ushirikiano katika miradi mbalimbali ya maendeleo inayotekelezwa nchini Tanzania kupitia Benki hiyo.

Aidha, wamejadili yatokanayo na Mkutano wa Pamoja wa Baraza la Mawaziri la Nchi Wanachama wa Jumuiya ya Nchi za Afrika, Karibiani na Pasifiki –OACPS na Umoja wa Ulaya – EU, uliofanyika tarehe 14 – 15 Novemba 2023 nchini Samoa, na baadae kufuatiwa na hafla ya kusaini Mkataba wa Ubia baina ya Nchi za OACPS na EU.

Vilevile, wamejadili juu ya utayari wa Tanzania kushirikiana na Umoja wa Ulaya ili kunufaika na Euro milioni 150 zilizotengwa kwa ajili ya Bara la Afrika kupitia mpango wake wa Global Gateway.

Pia, Balozi Shelukindo aliwasilisha shukrani za Serikali ya Jamhuri ya Muungano wa Tanzania kwa Wawakilishi wa EIB kwa kuendelea kuwa mshirika wa maendeleo katika uwekezaji wa miradi ya umma, ikiwemo: Awamu ya pili ya mradi wa maji safi na usafi wa mazingira wa Ziwa Victoria mkoani Mwanza; Mradi wa huduma za usafirishaji wa mabasi yaendayo haraka; Mradi wa maji safi na usafi wa mazingira mkoani Tanga; ujenzi wa bandari mpya ya Mangapwani, Zanzibar na mradi wa umeme mkoani Kigoma.

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Dkt. Samwel Shelukindo akisisitiza jambo wakati wa mazungumzo na Ujumbe wa Benki ya Uwekezaji ya Ulaya yaliyofanyika Wizarani jijini Dodoma

Mazungumzo yakiendelea 

Katibu Mkuu Wizara ya Mambo ya Nje na Ushirikiano wa Afrika Mashariki, Balozi Dkt. Samwel Shelukindo akimsikiliza Bw. Christian Elias Mkuu wa Kitengo cha Mashariki na Kusini mwa Afrika wa Benki ya Uwekezaji ya Ulaya (European Investment Bank – EIB) kwenye mazungumzo yaliyofanyika Wizarani jijini Dodoma 

Mkurugenzi wa Idara ya Ulaya na America Balozi Swaiba Mndeme wa Wizara ya Mambo ya Nje na Ushirikiano wa Afrika Mashariki akifafanua jambo wakati wa mazungumzo kati ya Wizara na Ujumbe wa Benki ya Uwekezaji ya Ulaya yaliyofanyika Wazarani jijini Dodoma

SERIKALI YAKITAKA KITUO CHA UHUSIANO WA KIMATAIFA CHA DKT. SALIM KUTOA ELIMU BORA YA DIPLOMASIA, STRATEJIA

Serikali imekitaka Kituo cha Uhusiano wa Kimataifa cha Dkt. Salim Ahmed Salim kuhahikisha kinaendelea kutoa elimu bora ya Uhusiano wa Kimataifa, Diplomasia na Stadi za Stratejia.

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) ambaye alimwakilisha Waziri wa Mambo ya Nje na Ushirikiano wa Afrika Mashariki, Mhe. January Makamba (Mb.) ametoa agizo hilo katika mahafali ya 26 ya Kituo cha Uhusiano wa Kimataifa cha Dkt. Salim Ahmed Salim na kuwatunuku vyeti wahitimu 1,008.

Wahitimu hao wamwtunukiwa vyeti katika maeneo ya Uhusiano wa Kimataifa na Diplomasia, Diplomasia ya Uchumi, Usimamizi wa Amani na Migogoro na Utawala wa Kimkakati.

“Wizara inapenda kusisitiza umuhimu wa Kituo kuendelea kuelimisha Taifa kupitia mijadala na makongamano kwa lengo la kupanua uelewa wa masuala mbalimbali. Kituo kinapaswa pia kuendelea kusimamia na kutekeleza Majukumu ya Msingi ya kuanzishwa kwake ambayo yanajumuisha Taaluma, Utafiti na Ushauri Elekezi,” alisema Balozi Mbarouk.

Balozi Mbarouk aliongeza kuwa ni vyema Kituo kikaboresha progamu zake ili kukidhi mahitaji ya Wizara, Nchi na watanzania kwa ujumla wake, ambapo alishauri kuwa Kituo kiendelee kutoa elimu ya masuala mbalimbali yanayohusiana na Uhusiano wa Kimataifa, Diplomasia ya Uchumi na Stratejia kwa taasisi za Serikali na sekta binafsi ili kusaidia kukuza ujuzi wa wananchi wetu. 

“Naelekeza usimamie utekelezaji wa mabadiliko yanayoendelea kama ilivyopendekezwa na Kamati ya Rais wa Jamhuri ya Muungano wa Tanzania, Mhe. Dkt. Samia Suluhu Hassan ya kutathmini utendaji kazi wa Wizara ya Mambo ya Nje na Ushirikiano wa Afrika Mashariki na taasisi zilizo chini yake,” Aliongeza Balozi Mbarouk.

Kadhalika Balozi Mbarouk aliwasihi wahitimu kutambua kuwa soko la ajira serikalini na sekta binafsi kwa sasa ni ngumu, hivyo watumie ujuzi na elimu waliyoipata kujiajiri.

“Maarifa mliyoyapata ni mtaji mzuri kwenu unaowapa mwanga wa kutumia fursa za ndani na nje ya nchi katika kufanya biashara na kutoa huduma mbalimbali kwa mujibu wa kile mlichosomea,” alisema Balozi Mbarouk.

Kwa Upande wake Dkt. Reweta Wande ambaye alimwakilisha Mwenyekiti wa Baraza la Uongozi wa Kituo cha Uhusiano wa Kimataifa cha Dkt. Salim Ahmed Salim, Balozi Ramadhani M. Mwinyi, amesema Kituo kinaendelea kutoa elimu Uhusiano wa Kimataifa na Diplomasia ya uchumi pamoja na Stadi za Stratejia ambapo jitihada hizo zimetoa matunda ya ongezeko la wahitimu 1,008 kwa mwaka 2023 ikilinganishwa na wahitimu 990 kwa mwaka 2022.

“Lengo la kuanzishwa kwa Kituo ni kutoa elimu ya masuala ya Diplomasia kati ya Tanzania na Msumbiji. Ila kwa sasa Jukumu la Kituo ni kukuza maendeleo, ufahamu na uelewa wa masuala ya Uhusiano wa Kimataifa katika ngazi za kikanda na kimataifa kwa wataalamu wanaoendelea na wanaochipukia na umma kwa ujumla,” alisema Dkt. Wande

Pamoja na mambo mengine, Dkt. Wande ameahidi kuwa Kituo kitaendelea kutoa elimu ya masuala mbalimbali yanayohusiana na Uhusiano wa Kimataifa, Diplomasia ya Uchumi na Stratejia kwa taasisi za Serikali na sekta binafsi ili kusaidia kukuza ujuzi wa wananchi kwa ujumla.

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) akiwasilisha hotuba yake katika mahafali ya 26 ya Kituo cha Uhusiano wa Kimataifa cha Dkt. Salim Ahmed Salim Jijini Dar es Salaam 

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) akiwasilisha hotuba yake katika mahafali ya 26 ya Kituo cha Uhusiano wa Kimataifa cha Dkt. Salim Ahmed Salim Jijini Dar es Salaam 

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) akimkabidhi cheti mmoja kati ya wahitimu wa Kituo cha Uhusiano wa Kimataifa cha Dkt. Salim Ahmed Salim wakati wa Mahafali ya 26 ya Kituo hicho Jijini Dar es Salaam 

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) katika picha ya pamoja na baadhi ya wakufunzi wa Kituo cha Uhusiano wa Kimataifa cha Dkt. Salim Ahmed Salim Jijini Dar es Salaam 

Naibu Waziri wa Mambo ya Nje na Ushirikiano wa Afrika Mashariki, Mhe. Balozi Mbarouk Nassor Mbarouk (Mb.) katika picha ya pamoja na viongozi mbalimbali katika mahafali ya 26 ya Kituo cha Uhusiano wa Kimataifa cha Dkt. Salim Ahmed Salim Jijini Dar es Salaam

Sehemu ya wahitimu

TANZANIA NA VENEZUELA KUIMARISHA USHIRIKIANO

Katibu Mkuu Wizara ya Mambo ya Nje na Ushirikiano wa Afrika Mashariki Balozi Dkt. Samwel Shelukindo akisalimiana na Balozi wa Venezuela nchini mwenye makazi yake jijini Nairobi, Kenya, Mhe. Jesus Manzanilla Puppo walipokutana kwa mazungumzo katika ofisi za Wizara jijini Dodoma

Serikali ya Tanzania na Venezuela zimeahidi kuendeleza ushirikiano wa kidiplomasia uliopo baina ya nchi hizo ili kufungua maeneo mapya ya ushirikiano kwa manufaa ya pande zote.

Ahadi hiyo imetolewa katika mazungumzo kati ya Katibu Mkuu Wizara ya Mambo ya Nje na Ushirikiano wa Afrika Mashariki, Balozi Dkt. Samwel Shelukindo na Balozi wa Venezuela nchini mwenye makazi yake jijini Nairobi, Kenya, Mhe. Jesus Manzanilla Puppo walipokutana katika ofisi za Wizara jijini Dodoma.

Mazungumzo ya viongozi hao yalijikita katika kuimarisha ushirikiano kwenye sekta za nishati hususan mafuta na gesi, kukuza teknolojia na maendeleo ya miji, elimu na utamaduni.

Pia, kupitia mazungumzo hayo Balozi Shelukindo amewakaribisha wawekezaji kutoka Venezuela kuja kuwekeza katika sekta za utalii, viwanda, madini, afya na kilimo.

Vilevile, kupitia mazungumzo hayo wamependekeza kuanzishwa kwa Tume ya Pamoja ya Kudumu ya Ushirikiano (JPC) kati ya Tanzania na Venezuela, ambapo Tanzania itakuwa mwenyeji wa mkutano huo utakaokubaliwa kati ya pande mbili.

Mazungumzo yakiendelea

Katibu Mkuu Wizara ya Mambo ya Nje na Ushirikiano wa Afrika Mashariki Balozi Dkt. Samwel Shelukindo akimsikiliza Balozi wa Venezuela nchini mwenye makazi yake jijini Nairobi, Kenya, Mhe. Jesus Manzanilla Puppo walipokutana kwa mazungumzo jijini Dodoma

Katibu Mkuu Wizara ya Mambo ya Nje na Ushirikiano wa Afrika Mashariki Balozi Dkt. Samwel Shelukindo akisisitiza jambo wakati wa mazungumzo na Balozi wa Venezuela nchini mwenye makazi yake jijini Nairobi, Kenya, Mhe. Jesus Manzanilla Puppo yaliyofanyika jijini Dodoma

WAZIRI MAKAMBA APOKEA NAKALA ZA HATI ZA UTAMBULISHO ZA BALOZI MTEULE WA LIBYA NCHINI

Waziri wa Mambo ya Nje na Ushirikiano na Ushirikiano wa Afrika Mashariki, Mhe. January Makamba (Mb.) amepokea nakala za hati za utambulisho za Balozi Mteule wa Libya nchini, Mhe. Abulmajed Albhloul Alshatewi katika hafla fupi iliyofanyika katika Ofisi Ndogo za Wizara Jijini Dar es Salaam.

Katika mazungumzo yao, Mhe. Makamba amemkaribisha nchini Mhe. Alshatewi na kumuahidi ushirikiano wa Wizara na Serikali kwa ujumla wakati wote atakaokuwa akitekeleza majukumu yake nchini.

Aidha, Waziri Makamba ameongeza kuwa ushirikiano kati ya Tanzania na Libya umedumu kwa zaidi ya miaka 50 na na wakati wote umekuwa imara. “Tunaamini kuwa Mhe. Balozi wakati wa uwakilishi wako uhusiano baina ya mataifa yetu utaendelea kuimarika zaidi katika sekta mbalimbali za kimkakati,” aliongeza Waziri Makamba.

Kwa upande wake Balozi Mteule, wa Libya nchini, Mhe. Abulmajed Albhloul Alshatewi amesema kuwa atafanya kazi kwa ushirikiano na Tanzania wakati wote wa utekelezaji wa majukumu yake ya kibalozi hapa nchini.

Ni faraja kwangu kuja kufanya kazi Tanzania naahidi wakati wote wa uwakilishi wangu hapa Tanzania kama Balozi tutafanya kazi kwa ushirikiano katika kuendeleza sekta mbalimbali hususan biashara na uwekezaji, kilimo na nyingine.

Katika tukio jingine, Waziri Makamba amekutana kwa Mazungumzo na Balozi wa Uswisi nchini, Mhe. Didier Chassot, Balozi wa Vatican nchini, Mhe. Askofu Mkuu Angelo Accattino pamoja na Naibu Balozi wa Marekani nchini, Bw. Robert Raines.

Pamoja na mambo mengine, Waziri Makamba amejadiliana na Mabalozi hao masuala mbalimbali ya ushirikiano wa uwili, kikanda na ushirikiano wa kimataifa baina ya Tanzania na nchi zao.

Waziri wa Mambo ya Nje na Ushirikiano na Ushirikiano wa Afrika Mashariki, Mhe. January Makamba akipokea nakala za hati za utambulisho za Balozi Mteule wa Libya nchini, Mhe. Abulmajed Albhloul Alshatewi katika Ofisi Ndogo za Wizara jijini Dar es Salaam

Waziri wa Mambo ya Nje na Ushirikiano na Ushirikiano wa Afrika Mashariki, Mhe. January Makamba akipokea nakala za hati za utambulisho za Balozi Mteule wa Libya nchini, Mhe. Abulmajed Albhloul Alshatewi katika Ofisi Ndogo za Wizara jijini Dar es Salaam

Waziri wa Mambo ya Nje na Ushirikiano na Ushirikiano wa Afrika Mashariki, Mhe. January Makamba katika picha ya pamoja na Balozi Mteule wa Libya nchini, Mhe. Abulmajed Albhloul Alshatewi pamoja na maafisa waandamizi kutoka Wizara ya Mambo ya Nje na Ushirikiano wa Afrika Mashariki na Maafisa kutoka Ubalozi wa Libya baada ya Balozi Mteule kuwasilisha nakala za hati za utambulisho 

Balozi wa Uswisi nchini, Mhe. Didier Chassot akizungumza jambo na Waziri wa Mambo ya Nje na Ushirikiano na Ushirikiano wa Afrika Mashariki, Mhe. January Makamba katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano na Ushirikiano wa Afrika Mashariki, Mhe. January Makamba akiteta jambo na Balozi wa Vatican nchini, Mhe. Askofu Mkuu Angelo Accattino katika Ofisi Ndogo za Wizara Jijini Dar es Salaam

Waziri wa Mambo ya Nje na Ushirikiano na Ushirikiano wa Afrika Mashariki, Mhe. January Makamba akizungumza na Naibu Balozi wa Marekani nchini, Bw. Robert Raines katika Ofisi Ndogo za Wizara Jijini Dar es Salaam

WAZIRI MAKAMBA APOKEA TAARIFA MAALUM YA KUTATHMINI HALI YA UTUMISHI

Waziri wa Mambo ya Nje na Ushirikiano wa Afrika Mashariki, Mhe. January Makamba (Mb.) akipokea taarifa Maalum ya kutathmini hali ya utumishi, majengo na uwakilishi katika Balozi zote za Tanzania kutoka kwa Kamati Maalum iliyoongozwa na Balozi Saidi Othman Yakubu katika Ofisi Ndogo za Wizara Jijini Dar es Salaam.