DKT. TAX, TIC, ZIPA & TTB WAZUNGUMZA NA WAFANYABIASHARA VIENNA

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akizungumza katika Mkutano na jumuiya ya Wafanyabiashara wa Austria jijini Vienna.

Kaimu Balozi na mwakilishi wa Kudumu wa Jamhuri ya Muungano wa Tanzania Umoja wa Mataifa Vienna Bi Elizabeth Rwitunga akizungumza katika Mkutano na jumuiya ya Wafanyabiashara wa Austria jijini Vienna.

Mkurugenzi wa Idara ya Ushirikiano wa Kimataifa Wizara ya Mambo ya Nje na Ushirikiano wa Afrika Mashariki Balozi Noel Kaganda (wa kwanza kulia) na Mkurugenzi wa Idara ya Ulaya na Amerika Wizara ya Mambo ya Nje na Ushirikiano wa Afrika Mashariki Balozi Swahiba Mndeme wakifuatilia mkutano kati ya Wizara na Jumuiya ya Wafanyabiashara  Austria jijini Vienna uliofanyika tarehe 13 Juni, 2023.

Mkurugenzi Mkuu wa Kituo cha Uwekezaji Tanzania Bw. Gilead Teri akizungumza katika Mkutano na jumuiya ya Wafanyabiashara wa Austria uliofanyika jijini Vienna.

Mwakilishi wa Mkurugenzi Mkuu wa Mamlaka ya uwekezaji Zanzibar Bw. Khamis Dunia akizungumza katika mkutano na wafanyabiashara wa Austria uliofanyika jijini Vienna tarehe 13 Juni, 2023.

Mkurugenzi Mkuu wa bodi ya Utalii Tanzania (TTB) Bw. Damas Mfugale akizungumza katika mkutano na Jumuiya ya Wafanyabiashara wa Austria uliofanyika jijini Vienna tarehe 13 Juni, 2023

Mmoja wa wafanyabiashara wa nchini Austria akizungumza katika kikao kati ya Wizara ya Mambo ya Nje na Ushirikiano wa Afrika Mashariki na wafanyabiashara wa Austria kilichofanyika jijini Vienna tarehe 13 Juni,2023 kwa ajili ya kutangaza vivutio mbalimbali nchini kwa wafanyabiashara hao

Baadhi ya wafanyabiashara wa nchini Austria walioshiriki mkutano kati ya Wizara ya Mambo ya Nje na Ushirikiano wa Afrika Mashariki na wafanyabiashara wa Austria kilichofanyika jijini Vienna tarehe 13 Juni,2023 kwa ajili ya kutangaza vivutio mbalimbali nchini kwa wafanyabiashara hao

 

Baadhi ya wafanyabiashara wa nchini Austria walioshiriki  mkutano kati ya Wizara ya Mambo ya Nje na Ushirikiano wa Afrika Mashariki na wafanyabiashara wa Austria kilichofanyika jijini Vienna tarehe 13 Juni,2023 kwa ajili ya kutangaza vivutio mbalimbali nchini kwa wafanyabiashara hao

Waziri wa Mambo ya na Ushirikiano wa Afrika Mashariki Mhe Dkt. Stergomena Tax amekutana na kuzungumza na jumuiya ya Wafanyabiashara wa Austria jijini Vienna.

Dkt. Tax ameshiriki kikao hicho pamoja na Kituo cha Uwekezaji Tanzania (TIC), Mamlaka ya Uwekezaji Zanzibar (ZIPA) na Bodi ya Utalii Tanzania (TTB) ambapo kwa pamoja walielezea jinsi serikali ilivyoboresha mazingira ya kufanya biashara na uwekezaji nchini.

Wamewaelezea Wafanyabiashara wa Austria juu ya faida zinazoweza kupatikana kupitia uwekezaji au ubia na Serikali ya Tanzania au mtu binafsi.

Dkt. Tax amewahakikishia Wafanyabiashara hao kuwa Tanzania ni nchi yenye amani na usalama na ni kituo muafaka kwao kuwekeza mitaji yao na kufanya biashara.

Tanzania ni nchi yenye amani na usalama, kiufupi Tanzania ni njema na kwa hivyo mna uhakika na usalama wa mitaji yenu na kufanya biashara,” alisema Mhe. Waziri.

Akizungumza katika mkutano huo Mwakilishi wa Mamlaka ya Uwekezaji Zanzibar (ZIPA) Bw. Khamis Dunia alisema Serikali ya Mapinduzi Zanzibar imefungua milango ya uwekezaji na kuwakaribisha wenye nia ya kuwekeza Zanzibar katika maeneo ya utalii na miundombinu waje nchini kuwekeza na kujionea vivutio.

Naye Mkurugenzi Mkuu wa Kituo cha Uwekezaji Tanzania (TIC) amesema Serikali imeunganisha mifumo ya taasisi za usajili na uwezeshaji biashara ili kutoa huduma bora kwa wawekezaji. Taasisi hizo zinajumuisha TIC, NIDA, TRA, BRELA, Uhamiaji na Idara ya Kazi.

Naye Mkurugenzi Mkuu wa Bodi ya Utalii Tanzania (TTB) Bw. Damas Mfugale Ali waambie wafanyabiashara hao kuwa eneo la utalii lina utalii wa aina nyingi ambazo wawekezaji wanaweza kuja nchini na kutembelea maeneo hayo na kuwekeza.

Aliongeza kuwa Wafanyabiashara hao wanaweza pia kuja nchini na kuwekeza mmoja mmoja au kwa kuungana na serikali kwa njia ya ubia na hivyo kusaidia uendelezaji wa maeneo ya utalii kwa faida ya pande zote mbili.

 

SHIRIKA LA NDEGE LA UFARANSA LAANZA SAFARI ZA MOJA KWA MOJA KUTOKA PARIS HADI DAR

Shirika la Ndege la Ufaransa yaani Air France limezindua safari yake ya kwanza kutoka Paris Charles de Gaulle hadi jijini Dar es Salaam tarehe 12 Juni 2023.

 

Uzinduzi wa safari hizi ni mwendelezo wa huduma za Shirika hilo baada ya kuazisha safari zake za moja kwa moja kutoka Paris hadi Zanzibar mwaka 2021.

 

Kuanzishwa kwa safari hii mpya na Shirika hilo ni matokeo ya jitihada zinazofanywa na Serikali ya Awamu ya Sita katika kuhamasisha utalii, biashara na uwekezaji nchini . Lakini pia zinatokana na ushirikiano na uhusiano mzuri wa kidiplomasia uliopo baina ya Tanzania na Ufaransa.

 

Aidha, inatarajiwa kuwa kuanzishwa kwa safari hizi kutasaidia kuongeza idadi ya watalii, wawekezaji na wafanyabiashara watakaotembelea nchini na hatimaye kukuza uchumi wa nchi.

 

Huduma za usafiri kupitia Air France  zitafanyika mara tatu kwa wiki katika siku za Jumatatu, Jumatano na Jumamosi ambapo Shirika hilo litatumia ndege aina ya Boeing 787-9.

 

Viongozi wa Serikali wakiongozwa na Mhe. Prof. Makame Mbarawa, Waziri wa Ujenzi na Uchukuzi walishiriki kwenye mapokezi hayo ambayo pia yalimshirikisha Balozi wa Ufaransa nchini, Mhe. Nabil Hajlaoui huku Naibu Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Fatma M. Rajab akimwakilisha Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax kwenye mapokezi hayo.

Waziri wa Ujenzi na Uchukuzi, Mhe. Prof. Makame Mbarawa (wa nne kushoto) akiwaongoza viongozi wengine kukata utepe kuashiria mapokezi ya ndege ya Shirika la Air France iliyoanza rasmi safari zake kutoka Paris hadi Dar es Salaam tarehe 12 Juni 2023. Kulia ni Naibu Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Fatma M. Rajab aliyemwakilisha Waziri wa Mambo ya Nje na Ushirikiano wa Afrika Mashariki, Mhe. Dkt. Stergomena Tax kwenye mapokezi hayo

Ndege ya Shirika la Air France ikipokelewa kwa kumwagiwa maji baada ya kuwasili kwa mara ya kwanza katika Uwanja wa Ndege wa Kimataifa wa Julius Nyerere jijini Dar es Salaam ikitokea Paris, Ufaransa. Ndege hiyo itafanya safari zake jijini Dar es Salaam mara tatu kwa wiki katika siku za Jumatatu, Jumatano na Jumamosi

Naibu Katibu Mkuu wa Wizara ya Mambo ya Nje na Ushirikiano wa Afrika Mashariki, Balozi Fatma M. Rajab akizungumza wakati wa hafla fupi iliyoandaliwa  na Ubalozi wa Ufaransa nchini. Hafla hiyo ilifanyika kabla ya mapokezi rasmi ya Ndege ya Air France.

Hafla ikiendelea

Balozi Fatma na Viongozi wengine wakiwemo Mabalozi na Wawakilishi wa Ubalozi wa Ufaransa nchini wakikata keki kuashiria kukaribisha safari za Ndege za Shirika la Air France kutoka Paris kuja Dar es Salaam. Hafla hiyo ilifanyika kabla ya ndege hiyo kuwasili

Picha ya pamoja

 

KONSELI KUU YA LUBUMBASHI YAKUTANA NA MADEREVA

Kaimu Konseli Mkuu katika Konseli Kuu ya Tanzania, Lubumbashi, Bi. Asha Mlekwa akiwa na ujumbe wa wataalam kutoka Wizara ya Ujenzi na Uchukuzi na Waziri wa Mambo ya Ndani na Usalama wa Jimbo la Haut-Katanga, Mhe. Erick Muta Ndala walifanya ziara ya kutembelea madereva wa malori ya Tanzania  yanayofanya safari kati ya Tanzania na DRC upande wa Jimbo la Haut-Katanga na Jimbo la Lualaba. Ujumbe huo uliofika maeneo hayo tarehe 12 Juni 2023 ulisikiliza changamoto za kiusalama zinazowakabili madereva wa malori wanaosafirisha mizigo kati ya DRC na Tanzania inayopita katika Bandari ya Dar es Salaam. Mhe. Ndala aliahidi kuendelea kuboresha hali ya usalama wa madereva na mizigo akitoa mfano wa mafanikio yaliyofikiwa katika kupunguza vitendo vya utekaji wa malori yanayobeba madini ya shaba.

Madereva wa Malori wakielezea changamoto wanazokutana nazo na kupewa majibu kutoka kwa Wahusika.

Kaimu Konseli Mkuu katika Konseli Kuu ya Tanzania, Lubumbashi, Bi. Asha Mlekwa  na Waziri wa Mambo ya Ndani na Usalama wa Jimbo la Haut-Katanga, Mhe. Erick Muta Ndala na ujumbe wa wataalam kutoka Wizara ya Ujenzi na Uchukuzi wakiwasili eneo la kuegesha malori kwa ajili ya kujadili  utatuzi wa changamoto wanazokabiliana nazo madereva wa Tanzania wanaofanya safari kati ya Tanzania na DRC.

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akisalimiana na Waziri anayeshughulikia masuala ya Ulaya na Uhusiano wa Kimataifa wa Austria Mhe. Alexander Schallenberg ofisini kwake jijini Vienna, Austria

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akisalimiana na Waziri anayeshughulikia masuala ya Ulaya na Uhusiano wa Kimataifa wa Austria Mhe. Alexander Schallenberg ofisini kwake jijini Vienna, Austria

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akizungumza na Waziri wa Austria anayeshughulikia masuala ya Ulaya na uhusiano wa Kimataifa Mhe. Alexxander Schallenberg ofisini  kwake jijini Vienna, Austria.

 

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax amekutana na kuzungumza na Waziri anayeshughulikia masuala ya Ulaya na Uhusiano wa Kimataifa wa Austria Mhe. Alexander Schallenberg ofisini kwake jijini Vienna, Austria

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax na ujumbe wake katika picha ya pamoja na na Waziri anayeshughulikia masuala ya Ulaya na Uhusiano wa Kimataifa wa Austria Mhe. Alexander Schallenberg ofisini kwake jijini Vienna, Austria

 

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax amekutana na kuzungumza na Waziri anayeshughulikia masuala ya Ulaya na Uhusiano wa Kimataifa wa Austria Mhe. Alexander Schallenberg ofisini kwake jijini Vienna, Austria 

Viongozi hao wamena kujadili masuala mbalimbali kwa ajili ya kuimarisha uhusiano uliopo kati ya Tanzania na Austria.

Dkt. Tax alielezea kufurahishwa kwake na jinsi uhusiano wa kidiplomasia kati ya Tanzania na Austria ulivyo imara na hatua za kuhakikisha unaendelea kuimarika zinachukuliwa na pande zote mbili.

Waziri Dkt. Tax ameishukuru Serikali ya Austria hasa Wizara inayoshughulikia masuala ya Ulaya na uhusiano wa Kimataifa kwa ushirikiano mkubwa ambao imekua ikiupatia Ubalozi wa Tanzania Vienna tangu ulipoanzishwa mwaka 2021 na kuahidi kuwa Tanzania itaendelea kushirikiana na Austria kama mdau wake mkubwa wa maendeleo.

 

Naye Waziri anayeshughulikia masuala ya Ulaya na Uhusiano wa Kimataifa wa Austria Mhe. Alexander Schallenberg alisema Austria inaupongeza uamuzi wa Serikali ya Tanzania wa kufungua Ubalozi wake nchini humo na hivyo kuwa na uwakilishi kamili.

Alisema Austria itaendelea kushirikiana na Tanzania katika maeneo mbalimbali ya ushirikiano kama vile elimu, afya, miundombinu na kubadilishana watalaamu ili kuwezesha nchi zote mbili kunufaika na uhusiano huo.

 

WAZIRI DKT. TAX AKUTANA NA MKURUGENZI MKUU WA IAEA JIJINI VIENNA

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akisalimiana na  Mkurugenzi Mkuu wa Shirika la Umoja wa Mataifa linaloshughulikia Nishati na Atomiki (IAEA) Bw.  Rafael Grossi walipokutana jijini Vienna, Austria.

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax katika picha na Mkurugenzi Mkuu wa Shirika la Umoja wa Mataifa linaloshughulikia Nishati na Atomiki (IAEA) Bw.  Rafael Grossi walipokutana jijini Vienna, Austria.

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena  na ujumbe wake wakizungumza na  Mkurugenzi Mkuu wa Shirika la Umoja wa Mataifa linaloshughulikia Nishati na Atomiki (IAEA) Bw.  Rafael Grossi jijini Vienna, Austria.

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akiwa na Mkurugenzi wa Idara ya Ushirikiano wa Kimataifa (DMC) Wizara ya Mambo ya Nje na Ushirikiano wa Afrika Mashariki Balozi Noel Kaganda walipokutana na Mkurugenzi Mkuu wa Shirika la Umoja wa Mataifa linashughulikia Nishati na Atomiki (IAEA) Bw.  Rafael Grossi  jijini Vienna, Austria.

 Mkurugenzi Mkuu wa Shirika la Umoja wa Mataifa linashughulikia Nishati na Atomiki (IAEA) Bw.  Rafael Grossi na ujumbe wake walipokutana na Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax na ujumbe wake kjijini Vienna, Austria.

 kikao kikiendelea.

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax amekutana na kuzungumza na Mkurugenzi Mkuu wa Shirika la Umoja wa Mataifa linaloshughulikia Nishati na Atomiki (IAEA) Bw.  Rafael Grossi jijini Vienna, Austria .

 

Katika mazungumzo yao Mhe. Dkt. Tax amemuhakikishia mkurugenzi huyo wa IAEA kuwa Tanzania itaendelea kushirikiana na shirika hilo kulishukuru kwa misaada inayoitoa kwa Tanzania kupitia sekta ya afya ikiwa ni pamoja na kuipatia vifaa tiba na kuongeza idadi ya wataalamu nchini.

 

WAZIRI TAX AKUTANA NA MKURUGENZI MKUU WA UNODC JIJINI VIENNA

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (Mb.) akiwa na Mkurugenzi Mkuu wa Shirika la Umoja wa Mataifa linalojishughulisha na udhibiti wa  biashara haramu ya dawa za kulevya na Uhalifu uliopangwa (UNODC) Mhe. Ghada Fathi Waly jijini Vienna.

 

 

 

kikao kati ya Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (Mb.) na. ujumbe wake na  Mkurugenzi Mkuu wa Shirika la Umoja wa Mataifa linalojishughulisha na udhibiti wa  biashara haramu ya dawa za kulevya na Uhalifu uliopangwa (UNODC) Mhe. Ghada Fathi Waly na ujumbe wake kikiendelea jijini Vienna

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (Mb.) amekutana na kuzungumza na Mkurugenzi Mkuu wa Shirika la Umoja wa Mataifa linalojishughulisha na udhibiti wa  biashara haramu ya dawa za kulevya na Uhalifu uliopangwa (UNODC) Mhe. Ghada Fathi Waly jijini Vienna.

Mhe. Dkt. Tax ameelezea kuridhishwa kwake na kupongeza kazi zinazofanywa na Shirika hilo  kufuatia jitihada zao za kukabiliana na biashara haramu ya dawa za kulevya , ufisadi na uhalifu wa kupangwa.  

Amesema Umoja wa Mataifa na UNODC wanatekeleza jukumu muhimu katika kukabiliana na biashara haramu ya dawa, ambayo inatishia amani, usalama na afya ya watu duniani. 

Amesema kupitia mikakati yao kamili, mipango, na ushirikiano, wamekuwa muhimu katika kuongeza uelewa, kutoa msaada wa kiufundi na kuimarisha ushirikiano wa kimataifa ili kukabiliana na masuala yanayohusiana na dawa kwa ufanisi.

TANZANIA YAZINDUA UBALOZI WAKE VIENNA, AUSTRIA

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akikata utepe kuashiria ufunguzi rasmi wa Ubalozi na Uwakilishi wa Kudumu wa Tanzania katika Umoja wa mataifa Vienna, Austria. Pamoja naye ni Naibu Waziri wa Austria aneyeshughulikia masuala ya Ulaya na Uhusiano wa Kimataifa Mhe. Peter Launsky-Tieffenthal ambaye alihudhuria hafla hiyo ya ufunguzi iliyofanyika tarehe 12 Juni, 2023.

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akiwa na Naibu Waziri wa Austria anayeshughulikia Masuala ya Ulaya na Uhusiano wa Kimataifa  Mhe. Peter Launsky-Tieffenthal wakipongezana  baada ya ufunguzi rasmi wa Ubalozi wa Tanzania jijini Vienna, Austria.

 

Kaimu Balozi na Mwakilishi wa Kudumu wa Tanzania Umoja wa Mataifa Vienna nchini Austria Bi. Elizabeth Rwitunga akizungumza katika hafla ya kuzindua Ubalozi wa Tanzania Vienna terehe 12 Juni, 2013

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akizungumza kwenye hafla ya ufunguzi rasmi wa Ubalozi wa Tanzania jijini Vienna Austria.

Mhe. Dkt. Tax akizungumza kwenye hafla ya ufunguzi rasmi wa Ubalozi wa Tanzania jijini Vienna Austria.

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akiwa na Naibu Waziri wa Austria anayeshughulikia Masuala ya Ulaya na Uhusiano wa Kimataifa  Mhe. Peter Launsky-Tieffenthal wakinyanyua mikono baada ya ufunguzi rasmi wa Ubalozi wa Tanzania jijini Vienna, Austria.

 

Naibu Waziri wa Austria anayeshughulikia Masuala ya Ulaya na Uhusiano wa Kimataifa  Mhe. Peter Launsky-Tieffenthal akizungumza wakati wa hafla ufunguzi wa Ubalozi wa Tanzania jijini Vienna, nchini Austria.

 

Baadhi ya wanadiplomasia waliopo jijini Vienna walioshiriki hafla ya  ufunguzi rasmi wa Ubalozi wa Tanzania jijini Vienna wakifuatilia ufunguzi huo.

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akiwa na Naibu Waziri wa Austria anayeshughulikia Masuala ya Ulaya na Uhusiano wa Kimataifa  Mhe. Peter Launsky-Tieffenthal katika picha ya pamoja na Diaspora wa Tanzania nchini Austria walioshiriki hafla ya  ufunguzi rasmi wa Ubalozi wa Tanzania jijini Vienna

 

 

 

 

 

 

 

 

Serikali ya Jamhuri ya Muungano wa Tanzania imezindua rasmi Ubalozi na Uwakilishi wa Kudumu wa Jamhuri ya Muungano wa Tanzania katika Umoja wa Mataifa jijini Vienna nchini Austria.

 

Akizungumza katika uzinduzi huo Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax (Mb.) amesema kufunguliwa kwa Ubalozi huo ni mafanikio yanayoimarisha uhusiano wa kidiplomasia kati ya Tanzania na Austria na Taasisi za Umoja wa Mataifa zilizopo jijini Vienna na kinaonesha jinsi Tanzania inavyoipa kipaumbele Austria.

 

“Kufunguliwa kwa Ubalozi huu ni mafanikio makubwa ambayo yanaimarisha uhusiano wa kidiplomasia kati ya Tanzania na Austria na Taasisi za Umoja wa Mataifa zilizopo hapa jijini Vienna na kinaonesha kwa vitendo kuwa Tanzania inaipa kipaumbele Uhusiano wake na Austria,” alisema Dkt. Tax.

 

Ameishukuru Serikali ya Austria na Wizara inayoshughulikia masuala ya Ulaya na uhusiano wa Kimataifa kwa ushirikiano mkubwa ambao imekua ikiupatia Ubalozi wa Tanzania Vienna tangu ulipoanzishwa hadi kufikia siku ya uzinduzi.

 

Akiongelea uhusiano uliopo Dkt. Tax amesema Tanzania na Austria zimeendelea kufaidika na uhusiano mzuri kati yao kupitia maeneo mbalimbali kama elimu, afya, miundombinu na hivyo kuchangia maendeleo ya kiuchumi kwa faida ya wananchi wake.

 

Amesema Serikali ya Tanzania inathamini uhusiano na ushirikiano na wadau wote ambao wanapambania agenda moja za kulinda na kukuza amani na usalama pamoja na kupambana na uhalifu wa kupangwa, rushwa, ugaidi na amewaomba kuendelea kufanya kazi kwa pamoja ili kuleta maendeleo endelevu kwa manufaa ya watu wote.

 

“Serikali ya Tanzania inathamini uhusiano na ushirikiano na wadau wote ambao tunapigania agenda moja, ajenda hizi ni kama  kulinda na kukuza amani na usalama, kupambana na uhalifu wa kupangwa, rushwa, ugaidi na mengine mengi , nawaomba tuendelee kufanya kazi kwa pamoja ili kuleta maendeleo endelevu kwa manufaa ya watu wote,” alisisitiza Dkt. Tax.

 

Akizungumza katika hafla ya uzinduzi wa Ubalozi huo jijini Vienna Naibu Waziri anayeshughulikia Masuala ya Ulaya na Uhusiano wa Kimataifa wa Austria Mhe. Peter Launsky-Tieffenthal amesema Austria inapongeza uamuzi wa Serikali ya Tanzania wa kufungua Ubalozi wake Austria na kuungana na nchi nyingine 16 za Afrika zenye Ubalozi nchini humo na kuahidi kuusaidia Ubalozi huo kwa kila hali ili kufikia malengo ya kuanzishwa kwake.

 

 “Austria inapongeza uamuzi wa Serikali ya Tanzania wa kufungua Ubalozi wake Austria na hivyo kuungana na nchi nyingine 16 za Afrika ambazo zina Balozi zao hapa nchini, niwa ahidi na kuwahakikishia kuwa Serikali ya Austria iko tayari kuusaidia Ubalozi huo kwa kila hali ili ufikie  malengo ya kuanzishwa kwake”, alisisitiza Waziri huyo.

 

Amesema Austria inaangalia uhusiano wake na Tanzania ambao una miaka mingi ukiwa imara na dhabiti na kuongeza kuwa ni imani yao kuwa kufunguliwa kwa Ubalozi huo ni hatua muhimu ya kuendelea kuimarisha uhusiano kati ya nchi hizo.

 

Alisema Tanzania ina picha nzuri nchini Austria na nchi yao ni mshirika mkubwa anayeamini katika demokrasia imara na kuongeza kuwa Tanzania kujihusisha na harakati za kutafuta amani katika ukanda wa Afrika Mashariki na katika maeneo mengine kunavutia zaidi.

“Tanzania ina picha nzuri hapa Vienna, niseme wazi kuwa Nchi yetu ni mshirika mkubwa anayeamini katika demokrasia imara na kujihusisha kwa Tanzania katika harakati za kutafuta amani katika ukanda wa Afrika Mashariki na kwingineko kunaongeza uzuri wa picha yake,” alisema.

Hafla ya uzinduzi wa Ubalozi huo ulioanzishwa mwaka 2021 ilihudhuriwa na  wanadiplomasia mbalimbali walioko jijini Vienna.

 

 

DKT TAX AZUNGUMZA NA RAIS WA JUMUIYA YA SAN EGIDIO

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akiwa na Rais wa Jumuiya ya San Egidio, Marco Impagliazzo, walipokutana jijini Roma, Italia.

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax akizungumza na Rais wa Jumuiya ya San Egidio, Marco Impagliazzo, walipokutana jijini Roma, Italia.

 

Mazungumzo kati ya Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax na Rais wa Jumuiya ya San Egidio, Marco Impagliazzo, yakiendelea .

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax na ujumbe wake katika picha ya pamoja  na Rais wa Jumuiya ya San Egidio, Marco Impagliazzo na ujumbe wake , walipokutana jijini Roma, Italia.

 

 

Waziri wa Mambo ya Nje na Ushirikiano wa Afrika Mashariki Mhe. Dkt. Stergomena Tax amekutana na Rais wa Jumuiya ya San Egidio, Marco Impagliazzo, jijini Roma, Italia. 

Dkt. ameipongeza jumuiya hiyo kwa kazi nzuri ya kutoa misaada ya kibinadamu na kuwakaribisha kushirikiana na serikali katika kutafuta amani na kuboresha maisha ya watu wenye uhitaji.