BALOZI MULAMULA AZUNGUMZA NA WAFANYAKAZI UBALOZI WA NEW YORK

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula akizungumza na wafanyakazi wa Ubalozi wa Kudumu wa Tanzania katika Umoja wa Mataifa jijini New York

Waziri wa Mambo ya Nje na Ushirikiano wa Afrika Mashariki Balozi Liberata Mulamula akizungumza na Balozi na Mwakilishi wa Kudumu wa Tanzania katika Umoja wa Mataifa Mhe. Prof. Gaston Kennedy (kushoto) na Balozi na Naibu Mwakilishi wa Kudumu wa Tanzania katika Umoja wa Mataifa Mhe. Dkt. Suleiman Ali Suleiman (kulia) alipokutana na wafanyakazi wa ofisi hiyo jijini New York

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula akizungumza na wafanyakazi wa Ofisi ya Uwakilishi wa Kudumu wa Tanzania katika Umoja wa Mataifa jijini New York

Balozi na Naibu Mwakilishi wa Kudumu wa Tanzania katika Umoja wa Mataifa Mhe. Dkt. Suleiman Ali Suleiman (wa tatu kulia) akizungumza katika kikao cha Mhe Waziri Mulamul alipokutana na wafanyakazi wa Ofisi ya Uwakilishi wa Kudumu wa Tanzania katika Umoja wa Mataifa jijini New York

Waziri wa Mambo ya Nje na Ushirikiano wa Afrika Mashariki Balozi Liberata Mulamula akizungumza na wafanyakazi wa Ubalozi wa Kudumu wa Tanzania katika Umoja wa Mataifa jijini New York

Waziri wa Mambo ya Nje na Ushirikiano wa Afrika Mashariki Balozi Liberata Mulamula katika picha ya pamoja na wafanyakazi wa Ofisi ya Uwakilishi wa Kudumu wa Tanzania katika Umoja wa Mataifa jijini New York

 

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula amekutana na kuzungumza na wafanyakazi wa Ubalozi wa Kudumu wa Tanzania katika Umoja wa Mataifa jijini New York na kuwataka kutanguliza uzalendo na kuzingatia sheria, taratibu na kanuni za utumishi wa umma wakati wa kutekeleza majukumu yao kwa faida ya nchi.

Balozi Mulamula pia amewataka watumishi hao kusimamia matumizi mazuri ya fedha za Serikali katika kutekeleza majukumu yao kwenye vituo vya uwalikishi wa nchi na kutangaza kazi mbalimbli zinazofanywa na ubalozi ili kuonesha kazi zao na hivyo kuonesha umuhimu wa uwakilishi katika Umoja wa Mataifa na mchango wao katika Diplomasia ya Uchumi.

"Hapa New York mna kila sababu ya kujitangaza, nyinyi hapa mnamuingiliano mkubwa, ni nyumbani kwa Umoja wa Mataifa, lazima  muoneshe faida ya nyinyi kuwakilishaa nchi kwenye Umoja wa Mataifa, onesheni mchango wenu katika shughuli za diplomasia ya uchumi na mashirika ya kimataifa,"alisema Balozi.

Amewapongeza kwa namna mnavyoshirikiana na Diaspora wa Tanzania walioko jijini New York, na kuawataka waendeleze ushirikiano huo kwani wao ni walezi  na wasaidizi wao panapohitajika jambo la kufuatilia
 

Nimeona mna ushirikiano sana na Diaspora wa hapa,  muendelee kuwashirikisha na muendelee kuwa walezi, washauri na msimbague mtu, sisi kama Wizara tunapenda kuwaona mkiwa pamoja, mshirikiane na Idara ya Diaspora katika kutekeleza suala hilo," alisema Balozi Mulamula

TUNATHAMINII NA KUTAMBUA MCHANGO WA INDIA: BALOZI MULAMULA

z

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula Balozi Mulamula akizungumza wakati wa hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula Balozi Mulamula akiwa na washiriki kutoka mataifa mbalimbali  katika hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

Naibu Katibu Mkuu wa Umoja wa Mataifa Mhe. Amin Juma Mohamed akizungumza wakati wa hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

Waziri wa Mambo ya Nje wa visiwa Vya Jamaica Mhe. Kamina Johnson Smith akizungumza wakati wa hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

Baadhi ya washiriki wa  hafla maalum ya kuadhimisha miaka 75 ya Jamhuri ya India katika Umoja wa Mataifa katika picha ya pamoja kwenye hafla hiyo iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

Baadhi ya washiriki wa  hafla maalum ya kuadhimisha miaka 75 ya Jamhuri ya India katika Umoja wa Mataifa katika picha ya pamoja kwenye hafla hiyo iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

 

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula amesema Tanzania inathamini na kutambua mchango mkubwa wa India katika kuendeleza miradi ya maji na afya nchini na hivyo kusaidia jiotihada za Tanzania katika kutekeleza malengo endelevu ya Umoja wa Mataifa na dira ya Tanzania ya Mwaka 2025 .

Balozi Mulamula ametoa kauli hiyo katika hafla maalum ya kuadhimisha miaka 75 ya Jamhuri ya India katika Umoja wa Mataifa iliyofanyika kwenye Ofisi za Ubalozi wa kudumu wa India katika Umoja wa Mataifa jijini New York.

 

“TANZANIA inathamini na kutambua mchango wa India katika kuisaida serikali kutekeleza mipango yake ya maendeleo, na tunaamini kuwa ushirikiano uliopo utakuwa zaidi na zaidi kwani ushirikiano huo ni matunda ya uhusiano wa nchi za kusini na kusini,”

 

Amesema uhusiano na Indi unachangia juhudi za Tanzania kufikia malengo ya maendeleo endelevu ya Umoja wa Mataifa ya Afya na ustawi wa watu na maji safi na salama na hivyo kuchangia utekelezaji wa dira ya Tanzania ya mwaka 2025 na kuongeza kuwa ni mmoja ya wawekezaji wakubwa nchini ambaye anachangia asilimia 16 ya biashara ya Tanzania na kuchagiza utekelezaji wa dira yetu ya 2025.

 

Ametaja miradi inayonufaika na ushirikiano huo kuwa ni usambaza maji Dar es Salaam hadi Chalinze wenye thamani ya Dolla za Marekani Milioni 178 ambao unatarajiwa kukamilika mwezi Desemba mwaka huu. 

Miradi mingine ni usambazaji wa bomba la maji kutoka Ziwa Victoria hadi  Tabora, Igunga, na Nzega uliozinduliwa mwezi January 2021; kusambaza bomba la maji kwenda katika miji ya Tinde na Shelui na vijiji vya jirani wenye thamani ya dola milioni 10.64 za Marekani ambao unaotarajiwa kukamilika mwezi Oktoba 2022; na mradi wa ujenzi wa mfumo wa usambazaji maji katika miji 28 Tanzanian wenye thamani ya dola milioni 500 za Marekani ambao utekelezaji wake unatarajiwa kuanza mwezi Disemba 2022.
 

Kuhusu sekta ya Afya Balozi Mulamula amesema Tanzania inaishukuru India kwa mchango wake kwa Tanzania kujiweka tayari kukabiliana na mlipuko wa ugonjwa wa COVID 19 hasa kwa kuwekeza katika ujenzi wa vituo vya afya, kuongeza nguvu ya watumishi wa afya nchini na kuongeza uwezo wa nchi kutengenza dawa, ugavi, chanjo na vifaa tiba.
 

Tarehe 15 Agosti 2022 India  iliadhimisha miaka 75 ya kuwa Jamhuri na miaka 76 tangu ipate uhuru  ipate Uhuru wake.

BALOZI MULAMULA AKUTANA NA MAWAZIRI WA UFARANSA NA RWANDA

Waziri wa Mambo ya Nje na Ushirikiano wa Afrika Mashariki Balozi Liberata Mulamula akisalimiana na Waziri wa Nchi, Maendeleo, Kifaransa na Ushirikiano wa Kimataifa wa Ufaransa Mhe. Chrysoula Zacharopoulou walipokutana katika Ofisi za Ubalozi wa Ufaransa Umoja wa Mataifa jijini New York ikiwa ni moja ya mikutano ya pembeni inayoendelea sambamba na Mkutano wa 77 wa Baraza Kuu la Umoja wa Mataifa nvhini Marekani.

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula akiangalia kitabu cha taarifa alichopatiwa na  na Waziri wa Nchi, Maendeleo, Kifaransa na Ushirikiano wa Kimataifa wa Ufaransa Mhe. Chrysoula Zacharopoulou walipokutana katika Ofisi za Ubalozi wa Ufaransa Umoja wa Mataifa jijini New York.

Waziri wa Mambo ya Nje na Ushirikiano wa Afrika Mashariki Balozi Liberata Mulamula akimuelezea kuhusu zawadi ya picha aliyompa Waziri wa Nchi, Maendeleo, Kifaransa na Ushirikiano wa Kimataifa wa Ufaransa Mhe. Chrysoula Zacharopoulou walipokutana katika Ofisi za Ubalozi wa Ufaransa Umoja wa Mataifa jijini New York.

Waziri wa Mambo ya Nje na Ushirikiano wa Afrika Mashariki Balozi Liberata Mulamula na ujumbe wake katika picha ya pamoja na Waziri wa Nchi, Maendeleo, Kifaransa na Ushirikiano wa Kimataifa wa Ufaransa Mhe. Chrysoula Zacharopoulou walipokutana katika Ofisi za Ubalozi wa Ufaransa Umoja wa Mataifa jijini New York.

Waziri Mulamula alipokutana na  Waziri wa Mambo ya Nje wa Rwanda Mhe. Vincent Biruta jijini New York na kujadiliana juu ya masuala yenye maslahi baina ya nchi zao.

Waziri Mulamula akiwa na Balozi wa Tanznia nchini Marekani Mhe. Dke Elsie Kanza (wa kwanza kulia) walipokutana na Waziri wa Mambo ya Nje wa Rwanda Mhe. Vincent Biruta jijini New York na kujadiliana juu ya masuala yenye maslahi baina ya nchi zao.

 

Waziri wa Mambo ya Nje na Ushirikiano wa Afrika Mashariki Balozi Liberata Mulamula amekutana na kuzungumza na Waziri wa Mambo ya Nje wa Ufaransa Mhe. Chrysoula Zacharopoulou katika Ofisi za Ubalozi wa Ufaransa Umoja wa Mataifa jijini New York.

Katika mazungumzo yao viongozi hao wamejadili masuala mbalimbali ya kimaendeleo na namna ya kuendelea kuimarisha uhusiano baina ya Tanzania  na Ufaransa na namna ya kuendeleza sekta za uchukuzi, muindombinu, kilimo,  biashara na uwekezaji nchini.

Viongozi hao pia wamejadiliana namna ya kuongeza ujazo wa biashara kati ya Tanzania na Ufaransa na kuihusisha sekta binafsi katika harakati za kuinua uchumi wa Tanzania.

Katika tukio jingine Waziri Mulamula amekutana na Waziri wa Mambo ya Nje wa Rwanda Mhe. Vincent Biruta jijini New York na kujadiliana juu ya masuala yenye maslahi baina ya nchi hizo.

Viongozi hao wajadili namna wanavyoweza kushirikiana kupitia sekta ya biashara, uwekezaji na uchukuzi na hivyo kuchangia harakati za ukuzaji wa uchumi wan chi hizo.

Viongozi hao wako jijini New York kuhudhuria Mkutano wa 77 wa Baraza Kuu la Umoja wa  Mataifa (UNGA) unaoendelea nchini Marekani.

BALOZI MULAMULA ASHIRIKI MKUTANO WA AMANI NA USALAMA WA AU

 

 

 

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (kulia) akiwa na Mkurugenzi wa Idara ya Ushirikiano wa Kimataifa Balozi Robert Kahendaguza aliposhiriki katika  Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa Jijini New York.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (kulia) akiwa na Mkurugenzi wa Idara ya Ushirikiano wa Kimataifa Balozi Robert Kahendaguza akizungumza  katika  Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa Jijini New York tarehe 23/09/2022

Mwenyekiti wa Kamisheni ya Umoja wa Afrika Mhe. Mussa Faki Mahamat (kushoto ) katika meza kuu wakati wa ufunguzi wa Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa Jijini New York tarehe 23/09/2022

Baadhi ya washiriki wa Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa Jijini New York wakifuatilia mkutano huo.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula ameshiriki katika Mkutano wa Baraza la Usalama la Umoja wa Afrika uliofanyika katika Ofisi za Uwakilishi za Umoja wa Afrika kwenye Umoja wa Mataifa  Jijini New York.

Akizungumza katika mkutano huo Balozi Mulamula ameuhakikishia Umoja wa Afrika na Jumuiya ya Kimataifa kuwa Tanzania iko tayari na itaendelea kushirikiana na jumuiya hizo kushughulikia changamoto za amani na usalama.

Amesema utayari huo wa Tanzania unakwenda sambamba na kufanya mapambano dhidi ya ugaidi wa aina zote lazima uwe kipaumbele katika nchi zote na kutoa wito wa kuanzishwa kwa kamati ya mawaziri  ya kukabiliana na ugaidi kama ilivyokubaliwa wakati wa mkutano wa AU uliofanyika mjini Malabo.
 
Amesema vita dhidi ya ugaidi na vitendo vya kihalifu vinahitaji nguvu ya kushirikiana pamoja kwa ngazi zote kuanzia taasisi, nchi, kanda na taasisi za kimataifa na kusisitiza juu ya umuhimu wa kuunganisha kazi ya uangalizi ya Umoja wa Afrika  na Baraza la Usalama la Umoja wa Afrika ili kuwa na uratibu wa pamoja.
 
Amezisihi nchi wanachama wa Umoja wa Afrika kusaini na kuridhia mikataba muhimu kama  Mkataba wa  kuzuia na kupambana na ugaidi; Mkataba wa Umoja wa Afrika wa ushirikiano wa kuvuka mipaka na Mkataba wa Afrika wa  Ulinzi wa Usafiri majini,usalama na maendeleo ili kuimarisha nguvu katika kupambana na ugaidi, vitendo vya kidhalimu.

FILAMU YA THE ROYAL TOUR ILIYOTAFSIRIWA KWA KIJAPAN YAZINDULIWA JAPAN

Wageni wanaotembelea Banda la Tanzania katika Maonesho ya Kimataifa ya Utalii yanayoendelea nchini Japan wakiangalia Filamu ya "The Royal Tour"

Wageni wanaotembelea Banda la Tanzania katika Maonesho ya Kimataifa ya Utalii yanayoendelea nchini Japan wakiangalia Filamu ya "The Royal Tour" huku wakiburudika kwa kula vyakula vya Kitanzania

Sehemu ya Filamu ya "The Royal Tour" ikimuonesha Rais wa Jamhuri ya Muungano wa Tanzania, Mhe. Samia Suluhu Hassan alivyokuwa akiapa kushika wadhifa huo

Banda la Tanzania limependeza kweli kweli ambapo linavutia wageni wengi kulitembelea.

 

DKT MPANGO AHUTUBIA BARAZA. KUU LA UMOJA WA MATAIFA

Makamu wa Rais wa Jamhuri ya Muungano wa Tanzania Mhe. Dkt.Philip Mpango akihutubia Mkutano wa 77 wa Baraza Kuu la Umoja wa Mataifa (UNGA) alipomwakilisha Rais wa Jamhuri ya Muungano wa Tanzania Mhe. Samia Suluhu Hassan jijini New York nchini Marekani.

Makamu wa Rais wa Jamhuri ya Muungano wa Tanzania Mhe. Dkt.Philip Mpango akihutubia Mkutano wa 77 wa Baraza Kuu la Umoja wa Mataifa (UNGA) jijini New York.

Makamu wa Rais wa Jamhuri ya Muungano wa Tanzania Mhe. Dkt.Philip Mpango akihutubia Mkutano wa 77 wa Baraza Kuu la Umoja wa Mataifa (UNGA).

Waziri wa Mambo ya Nje na Ushirikiano wa Afrika Mashariki Balozi Liberata Mulamula (kushoto) Waziri wa Nchi Serikali za Mitaa na Tawala za Mikoa Zanzibar Mhe. Masoud Ali Mohammed , Waziri wa Afya Mhe. Ummy Mwalimu na Mama Dionisia Mpango Mke wa Makamu wa Rais wa Jamhuri ya Muungano wa Tanzania wakifuatilia hotuba ya Makamu wa Rais Dkt. Mpango katika Mkutano wa 77 wa Baraza Kuu la Umoja wa Mataifa jijijini New York nchini Marekani 

 

 

Makamu wa Rais wa Jamhuri ya Muungano wa Tanzania Mhe. Dkt. Philip Mpango amesema Tanzania inaamini diplomasia na meza za mazungumzo ni chombo bora cha kutatua migogoro duniani na kwamba nchi zina wajibu wa kuzingatia utatuzi wa migogoro kwa njia za amani ili kulinda ustawi wa watu watu na kuepuka athari zinazoweza tokana na migogoro duniani.

Mhe. Dkt. Mpango amesema hayo jijini New York alipohutubia Mkutano wa 77 wa Baraza Kuu la Umoja wa Mataifa (UNGA) alipomuwakilisha Rais wa Jamhuri ya Muungano wa Tanzania Mhe. Samia Suluhu Hassan.

“Tanzania inaamini kuwa diplomasia na meza za mazungumzo ndiyo chombo muhimu na ni vitu vikuu vya kuzingatia wakati wa  kutatua migogoro duniani, Mataifa yanapaswa kuzingatia kuwa yanahaki na wajibu wa kulinda maisha ya binadamu hasa watoto na wanawake lakini pia lazima wahakikishe ustawi wa watu wote , ni muhimu  kutafuta suluhu au kutatua migogoro kwa njia za amani, hii inasaidia kuepuka athari zitokanazo na migogoro hiyo kama vile ongezeko la bei za chakula na mafuta na kushuka kwa uzalishaji wa kilimo na viwanda duniani kote,“ alisema Dkt. Mpango.

Makamu wa Rais pia amepongeza juhudi za Umoja wa Mataifa katika kukuza lugha mbalimbali duniani ikiwemo tamko la kihistoria la Shirika la Umoja wa Mataifa la Elimu na Sayansi (UNESCO) lililoitaja "7 Julai" kuwa Siku ya Lugha ya Kiswahili Duniani na kuwezesha lugha hiyo kuadhimishwa kwa mara ya kwanza duniani na hivyo kuitambua arsmi kimataifa.

Amesema Tanzania inajivunia kushiriki katika shughuli za kulinda amani ambapo imechangia Askari katika misheni 5 kati ya 16 zilizopo za kulinda amani duniani na kuahidi kuwa  itaendelea kuchangia zaidi iwapo itaombwa kufanya hivyo na kuiomba Umoja wa Mataifa kuongeza uungaji mkono wake kwa juhudi za kikanda katika za kujenga na kulinda amani.

 

Kuhusu mabadiliko ya tabia nchi Dkt. Mpango amesema nchi za Afrika zinahitaji mabadiliko ya haki na utaratibu katika kufikia matumizi ya nishati mbadala kwa kuzingatia hali za Maisha ya watu wa bara hilo wenye changamoto mbalimbali za upatikanaji wa nishati hizo na kutoa wito wa kuondolewa kwa upinzani dhidi ya ufadhili wa kimataifa katika utekelezaji wa miradi ya mageuzi katika nchi za Afrika ambayo inalenga kutumia rasilimali ikiwemo gesi kwa ajili ya nishati na matumizi mengine katika kufikia maendeleo.

 

Amesema biashara ya hewa ukaa barani Afrika inapaswa kufanyika kwa uwazi na kuwanufaisha wananchi waliotunza mazingira na misitu inayozalisha hewa hiyo kwa matumizi ya dunia na kuongeza kuwa Tanzania ni moja ya iliyowekeza zaidi katika uhifadhi wa misitu ambapo asilimia 30 ya eneo la ardhi ya taifa hilo imehifadhiwa.

 Kuhusu mapambano ya ugonjwa wa COVID 19, Dkt. Mpango amesema amezishukuru nchi na jumuiya za kimataifa zilizoshirikiana na Tanzania kupambana na janga hilo kuanzia utoaji wa vifaa vya uchunguzi, dawa, programu za msaada wa chanjo, ambazo zimekuwa muhimu katika kushinda vita dhidi ya janga hilo na kuwezesha nchi kufikia asilimia 60 ya kuchanja watu wake hadi sasa na kuongeza kuwa kuchelewa kwa Afrika kupata chanjo za ugonjwa huo kunasisitza hitaji la Nchi za Kiafrika kufanya kazi pamoja katika ukuzaji wa masuluhisho asilia kupitia utafiti wa pamoja wa kisayansi.

Ametoa wito kwa mataifa kuweka vipaumbele vya vitendo hasa kwenye malengo ya maendeleo endelevu ambapo amayasihi mataifa kujitolea kufanya kazi kwa karibu na Umoja wa Mataifa na Nchi Wanachama wake, kwa nia ya ushirikiano na mshikamano wa kimataifa kuelekea mustakabali endelevu.

BALOZI MULAMULA ASHIRIKI MKUTANO WA 12 WA MAWAZIRI MARAFIKI WA UN WA USULUHISHI

 

Waziri wa Mambo ya Nje na Ushirikiano wa Afrika Mashariki Mhe Balozi Liberata Mulamula  akishiriki Mkutano wa 12 wa Mawaziri Marafiki wa Umoja wa Mataifa wa Usuluhishi unaofanyika sambamba na Mkutano wa 77 wa Baraza Kuu la Umoja wa Mataifa jijini New York.

Waziri wa Mambo ya Nje na Ushirikiano wa Afrika Mashariki Mhe Balozi Liberata Mulamula  akijadiliana jambo na washiriki wa Mkutano wa 12 wa Mawaziri Marafiki wa Umoja wa Mataifa wa Usuluhishi uliofanyika  jijini New York.

Waziri wa Mambo ya Nje na Ushirikiano wa Afrika Mashariki Mhe Balozi Liberata Mulamula  akiwa katika Mkutano wa 12 wa Mawaziri Marafiki wa Umoja wa Mataifa wa Usuluhishi ujijini New York.

Wenyeviti wenza wa Mkutano wa 12 wa Mawaziri Marafiki wa Umoja wa Mataifa wa Usuluhishi Uturuki na Finland wakiwasikiliza washiriki wa kikao hicho

 

Waziri wa Mambo ya Nje na Ushirikiano wa Afrika Mashariki Mhe Balozi Liberata Mulamula  ameshiriki Mkutano wa 12 wa Mawaziri Marafiki wa Umoja wa Mataifa wa Usuluhishi unaofanyika sambamba na Mkutano wa 77 wa Baraza Kuu la Umoja wa Mataifa jijini New York. 

Akizungumza katika mkutano huo Balozi Mulamula amesema usuluhishi ni njia muhimu  katika kutatua changamoto za migogoro duniani na kuusihi Umoja wa Mataifa kuliingiza suala la usuluhishi katika mifumo ya utatuzi wa migogoro ya Umoja wa Mataifa.

Amesema usluhishi ukiingizwa katika mifumo ya utatuzi ya migogoro ya Umoja huo utasaidia shughuli za upatanishi na utatuzio wa migogoro na hivyo kuufanya Umoja huo kufikia lengo la utatuzi wa migogoro na kuifanya dunia kuwa sehemu salama .

BALOZI MULAMULA ASHIRIKI HAFLA NEW YORK

 

Waziri wa Mambo ya Nje na Ushirikiano wa Arika Mashariki, Mhe. Balozi Liberata Mulamula ameshiriki katika hafla ya chakula cha jioni kilichoandaliwa maalum kwa Mawaziri wanawake wanaoshiriki Mkutano wa 77 wa Baraza Kuu la Umoja wa Mataifa

Waziri wa Mambo ya Nje na Ushirikiano wa Afrika Mashariki, Mhe. Balozi Liberata Mulamula ameshiriki katika hafla ya chakula cha jioni kilichoandaliwa maalum kwa Mawaziri wanawake wanaoshiriki Mkutano wa 77 wa Baraza Kuu la Umoja wa Mataifa

Waziri wa Mambo ya Nje na Ushirikiano wa Afrika Mashariki, Mhe. Balozi Liberata Mulamula ameshiriki katika hafla ya chakula cha jioni kilichoandaliwa maalum kwa Mawaziri wanawake wanaoshiriki Mkutano wa 77 wa Baraza Kuu la Umoja wa Mataifa

Waziri wa Mambo ya Nje na Ushirikiano wa Afrika Mashariki, Mhe. Balozi Liberata Mulamula ameshiriki katika hafla ya chakula cha jioni kilichoandaliwa maalum kwa Mawaziri wanawake wanaoshiriki Mkutano wa 77 wa Baraza Kuu la Umoja wa Mataifa

Waziri wa Mambo ya Nje na Ushirikiano wa Arika Mashariki, Mhe. Balozi Liberata Mulamula ameshiriki katika hafla ya chakula cha jioni kilichoandaliwa maalum  na Ubalozi wa Leinchestein kwa ajili ya Mawaziri Wanawake wanaoshiriki mkutano wa UNGA 77 unaoendelea jijini New York

DKT. MPANGO AKUTANA NA MKURUGENZI WA USAID

Makamu wa Rais wa Jamhuri ya Muungano wa Tanzania Mhe. Dkt. Philip Mpango na ujumbe wake wakiwa katika mazungumzo na ujumbe wa Mkuu wa Shirika la Maendeleo ya Kimataifa la Marekani (USAID) Bi. Samantha Power Jijiji New York Nchini Marekani

 

Makamu wa Rais wa Jamhuri ya Muungano wa Tanzania Mhe. Dkt. Philip Mpango katika picha na Mkuu wa Shirika la Maendeleo ya Kimataifa la Marekani (USAID) Bi. Samantha Power baada ya kumaliza mazungumzo yao Jijiji New York Nchini Marekani

Makamu wa Rais wa Jamhuri ya Muungano wa Tanzania Mhe. Dkt. Philip Mpango na ujumbe wake katika picha ya pamoja na ujumbe wa Mkuu wa Shirika la Maendeleo ya Kimataifa la Marekani (USAID) Bi. Samantha Power baada ya kumaliza mazungumzo yao Jijiji New York Nchini Marekani

Makamu wa Rais wa Jamhuri ya Muungano wa Tanzania Mhe. Dkt. Philip Mpango na Mkuu wa Shirika la Maendeleo ya Kimataifa la Marekani (USAID) Bi. Samantha Power wakionesha zawadi ya picha ambayo Bi. Samantha alipatiwa na Dkt. Mpango baada ya kumaliza mazungumzo yao Jijiji New York Nchini Marekani

 

Makamu wa Rais wa Jamhuri ya Muungano wa Tanzania Mhe. Dkt. Philip Mpango amekutana na kuzungumza na Mkuu wa Shirika la Maendeleo ya Kimataifa la Marekani (USAID) Bi. Samantha Power, Mazungumzo yamefanyika Jijiji New York Nchini Marekani .
 
Katika kikao hicho Makamu wa Rais ametaja hatua mbalimbali zinazochukuliwa na serikali ya Awamu ya Sita katika kuboresha sekta ya afya hususani afya ya mama na mtoto ambapo ameelezea kuanzisha programu mbalimbali za kuokoa maisha ya mama na mtoto kwa kushirikiana na wadau ikiwemo programu ya M- Mama. 

Amesema Serikali itaendelea kushirikiana na wadau wa afya katika kuboresha huduma za afya na kuongeza juhudi katika ujenzi wa miundombinu ya afya ikiwemo vituo vya afya pamoja na hospitali.
 
Makamu wa Rais ameishukuru Serikali ya Marekani kwa kushirikiana na Tanzania katika kupambana na ugonjwa wa Uviko 19 ambapo nchi hiyo imetoa msaada wa dozi milioni  5 za chanjo ya ugonjwa huo.
 
Amesema serikali imeweka mkazo katika kuboresha mazingira ya uwekezaji kwa kuweka sera rafiki na kuunganisha taasisi zinazohusika na uwekezaji ili kuondoa urasimu kwa wenye nia ya kuwekeza Tanzania. Pia Makamu wa Rais ametaja juhudi zinazofanywa katika kuboresha miundombinu ya usafirishaji pamoja na nishati ili kuwa na mazingira rafiki kwa wawekezaji.
 
Katika kukabiliana na mabadiliko ya tabianchi, Makamu wa Rais ameikaribisha USAID kushirikiana na Tanzania katika kupata teknolojia rafiki ya mazingira itakayowezesha wananchi kuendelea na shughuli za kiuchumi na kijamii bila kuathiri mazingira.
 
Kwa upande wake Mkuu wa Shirika la Maendeleo  ya Kimataifa la Marekani (USAID) Bi. Samantha Power amesema Shirika hilo litaendelea kushirikiana na Tanzania katika kuunga mkono juhudi mbalimbali za mageuzi hususani katika sekta ya afya na kilimo.
 
Bi Samantha ameongeza kwamba shirika hilo linaiunga mkono Tanzania katika kuifanya kuwa tegemeo la upatikanaji wa chakula kwa kuwezesha kupatikana kwa mbolea ya gharama nafuu itakayosaidia kuinua sekta ya kilimo.

Mhe. Dkt. Mpango yuko nchini Marekani kuhudhuria Mkutano wa 77 wa Baraza Kuu la Umoja wa Mataifa akimwakilisha Rais wa Jamhuri ya Muungano wa Tanzania Mhe. Samia Suluhu Hassan. Dkt. Mpango atahutubia Mkutano huo  Alhamis tarehe 22 Septemba 2022.

 

DKT. MPANGO ASHIRIKI KIKAO CHA DEMOKRASIA UN

 

Makamu wa Rais wa Jamhuri ya Muungano wa Tanzania Mhe. Dkt. Philip Mpango akishiriki  kikao cha majadiliano ya  Demokrasia kilichoandaliwa na Umoja wa Mataifa jijini New York.

 

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa katika kikao cha majadiliano ya Demokrasia kilichoandaliwa na Umoja wa Mataifa jijini New York.

 

kikao cha majadiliano ya Demokrasia kilichoandaliwa na Umoja wa Mataifa kikiendelea jijini New York

 

Makamu wa Rais wa Jamhuri ya Muungano wa Tanzania Mhe. Dkt. Philip Mpango ameshiriki  kikao cha majadiliano cha  Ajenda ya Demokrasia jijini New York.

Kikao hicho kiliwakutanisha Wakuu wa Nchi, Serikali na Mashirika ya Kimataifa kimefanyika  kando ya  Mkutano wa 77 wa Baraza Kuu la la Umoja wa Mataifa (UNGA) unaoendelea Jijini New York nchini Marekani kiliandaliwa na Shirika la la Maendeleo  ya Kimataifa la Marekani (USAID).
 
Katika majadiliano hayo , Makamu wa Rais amesema serikali ya Tanzania imeweka mkazo katika mageuzi ya kuimarisha uchumi na utawala wa kidemokrasia kwa kuhakikisha sekta binafsi inashiriki vema katika ujenzi wa taifa pamoja na kushirikiana na wadau wa kimataifa katika kufikia maendeleo.

Makamu wa Rais Dkt. Mpango yuko nchini Marekani kuhudhuria Mkutano wa 77 wa Baraza Kuu la Umoja wa Mataifa akimwakilisha Rais wa Jamhuri ya Muungano wa Tanzania Mhe. Samia Suluhu Hassan

BALOZI MULAMULA ASHIRIKI MKUTANO WA MAWAZIRI KUHUSU MAZINGIRA NA MAENDELEO

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula akiwa katika  Mkutano wa Mawaziri kuhusu Mazingira na Maendeleo ulioandaliwa na Uingereza na Rwanda na kufanyika  jijini New York tarehe 20 Septemba, 2022 ikiwa ni mkutano wa pembezoni wakati huu wa Mkutano wa 77 wa Baraza Kuu la Umoja wa Mataifa (UNGA)

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula akiwa katika  Mkutano wa Mawaziri kuhusu Mazingira na Maendeleo ulioandaliwa na Uingereza na Rwanda na kufanyika  jijini New York tarehe 20 Septemba, 2022

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula akiwa katika Mkutano wa Mawaziri kuhusu Mazingira na Maendeleo

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula akiwa katika  Mkutano wa Mawaziri kuhusu Mazingira na Maendeleo ulioandaliwa na Uingereza na Rwanda na kufanyika  jijini New York tarehe 20 Septemba, 2022

 

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula ameshiriki  Mkutano wa Mawaziri kuhusu Mazingira na Maendeleo ulioandaliwa na Uingereza na Rwanda na kufanyika  jijini New York tarehe 20 Septemba, 2022 ikiwa ni mkutano wa pembezoni wakati huu wa Mkutano wa 77 wa Baraza Kuu la Umoja wa Mataifa (UNGA) unaoendelea nchini Marekani.

Akizungumza katika mkutano huo, Balozi Mulamula amesema Tanzania imeandaa mpango maalum  utakaoongoza namna ya kukabiliana na athari za uharibifu wa mazingira kulingana na ukubwa wa athari hizo katika kila eneo nchini.

Amesema mpango huo umepangwa kulingana na ukubwa wa nchi na hali tofauti za hewa katika kila eneo, misimu ya mvua,  upepo, kiwango cha joto na shughuli za kijamii na kiuchumi katika eneo husika.

Ameongeza kuwa kupitia mpango huo changamoto 12 kuu zitokanazo na uharibifu wa mazingira ambazo ni uharibifu wa ardhi, ukataji miti, upotevu wa viumbe hai, mabadiliko ya hali ya hewa, uharibifu wa vyanzo vya maji, uharibifu wa fukwe na viumbe vya majini, usimamizi wa taka, uchafuzi wa hewa na uvamizi wa viumbe zimebainishwa na hivyo itaisaidia nchi kuchukua njia stahiki kukabiliana nayo na kuyatafutia afua zake kikamilifu

DKT. MPANGO : TUJITOE UPYA NA KUONGEZA UWEKEZAJI KATIKA ELIMU

 

Makamu wa Rais wa Jamhuri ya Muungano wa Tanzzania Mhe. Dkt. Philip Mpango akihutubia Mkutano wa Umoja wa Mataifa wa Mageuzi katika sekta ya elimu ulioshirikisha Wakuu wa Nchi na Serikali kutoka mataifa mbalimbali, Wakuu wa Taasisi na Mashirika na wadau wa elimu jijini New York , Marekani tarehe 19 Septemba, 2022

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa na Waziri wa Mambo ya Nje na Ushirikiano wa Afrika Mashariki Balozi Liberata Mulamula na Waziri wa Elimu na Mafunzo ya Amali Zanzibar Mhe. Lela Mohamed Mussa waliposhiriki Mkutano wa Umoja wa Mataifa wa Mageuzi katika sekta ya elimu ulioshirikisha Wakuu wa Nchi na Serikali kutoka mataifa mbalimbali, Wakuu wa Taasisi na Mashirika na wadau wa elimu jijini New York , Marekani tarehe 19 Septemba, 2022

 

 

Makamu wa Rais wa Jamhuri ya Muungano wa Tanzania Mhe. Dkt. Philip Mpango amesema  Mataifa yanapaswa kujitoa upya na kuongeza uwekezaji  zaidi katika sekta ya elimu ili kuhakikisha watoto wanapata elimu bora na ya uhakika katika kuelekea mwaka 2030.

 

Makamu wa Rais Dkt. Mpango amesema hayo alipohutubia Mkutano wa Umoja wa Mataifa uliobeba ajenda ya Mageuzi katika sekta ya elimu ulioshirikisha Wakuu wa Nchi na Serikali kutoka mataifa mbalimbali, Wakuu wa Taasisi na Mashirika na wadau wa elimu jijini New York , Marekani tarehe 19 Septemba, 2022

Makamu wa Rais amesema elimu ni sehemu muhimu ya ajenda ya maendeleo 2030 hivyo hakuna budi kuchukua hatua katika kuleta mabadiliko kwenye sekta hiyo na kuongeza kuwa kupatikana kwa elimu bora kutapunguza matabaka katika ajira pamoja na kipato baina ya wananchi.

 

Amesema Tanzania imechukua hatua mbalimbali katika kuboresha sekta ya elimu ikiwemo kuanza mchakato wa kuboresha mitaala kwa kuwashirikisha wadau wa elimu, kuwekeza katika vyuo vya ufundi stadi na mafunzo , kutoa elimu bila malipo kwa shule za msingi na sekondari na kuongeza bajeti ya wizara husika kufikia asilimia 18 ya bajeti yote ya serikali.

 

Amesema Serikali ya Tanzania inahakikisha upatikanaji wa elimu jumuishi kwa wote bila kujali jinsia , ulemavu na hali ya uchumi na kwa kuzingatia maendeleo ya sayansi na teknolojia Serikali  pia imedhamiria kuboresha usimamizi wa nguvu kazi ya walimu ili kuboresha ufundishaji na ujifunzaji bora kwa kuwajengea uwezo walimu na maofisa elimu kuhusu uunganishaji wa teknolojia katika ufundishaji na ujifunzaji  na uandaaji  wa masomo ya kidijitali.

 

Makamu wa Rais Dkt. Mpango, yupo nchini Marekani kumwakilisha Rais wa Jamhuri ya Muungano wa Tanzania Mhe. Samia Suluhu Hassan katika Mkutano wa 77 wa Baraza Kuu la Umoja wa Mataifa.