Siku ya Kongamano la Biashara ya Kilimo na Uwekezaji kati ya Tanzania na Uholanzi yafana

 TAARIFA KWA VYOMBO VYA HABARI

Siku ya Kongamano la Biashara ya Kilimo na Uwekezaji kati ya Tanzania na Uholanzi yafana

Katika kutekeleza Sera ya Diplomasia ya Uchumi, Ubalozi wa Tanzania kwa kushirikiana na Ubalozi wa Uholanzi uliopo Tanzania, Wizara ya Masuala ya Uchumi na Wizara ya Mambo ya Nje za Uholanzi na Taasisi ya Netherlands–African Business Council (NABC)kwa pamoja ziliandaa Kongamano la Biashara na Uwekezaji lililofanyika hapa The Hague, Uholanzi tarehe 31 Mei 2017. Lengo kuu la Kongamamo hilo, pamoja na kuendeleza na kukuza uhusiano mzuri uliopo kati ya Tanzania na Uholanzi, nikutangaza fursa mbalimbali za biashara na uwekezaji zilizopo nchini Tanzania hususan katika Sekta za Kilimo, Ufugaji, Uvuvi na Miundombinu ya Kilimo. Aidha, Kongamano hilo lililohudhuriwa na Wawakilishi wa Makampuni takriban mia moja (100) ni mwendelezo wa utekelezaji wa makubaliano yaliyofikiwa kwenye Mkataba kati ya Tanzania na Uholanzi kuhusu Uingizwaji wa Mbegu za Viazi kutoka Uholanzi uliosainiwa kwenye ziara ya Mhe. Martijn Van Dam, Waziri wa Kilimo wa Uholanzi nchini Tanzania tarehe 16 Juni 2016. Aidha, Kongamano hii lilitanguliwa na ziara ya ujumbe kutembelea maeneo mbalimbali ikiwemo mashamba yanayomilikiwa na wakulima na wafugaji binafsi nchini Tanzania pamoja na kupata fursa za kusikiliza mada mbalimbali zilizotolewa na wakulima/wafugaji na wakufunzi wa Chuo Kikuu cha Wageningen kinachohusika na kufanya tafiti za Kilimo na Ufugaji.

Ujumbe kutoka Tanzania uliongozwa na Mhe.Eng. Mathew Mtigumwe, Katibu Mkuu anayeshughulikia Kilimo kutoka Wizara ya Kilimo, Ufugaji na Uvuvi, akimwakilisha Waziri wa Kilimo, Mifugo na Uvuvi.

Wajumbe wengine ni:

ü  Mhe. Yohana Budeba, Katibu Mkuu anayeshughulikia Uvuvi, Wizara ya Kilimo, Mifugo na Uvuvi,

ü  Mhe. Irene F.M. Kasyanju, Balozi wa Tanzania nchini Uholanzi,

ü  Bw. Twahir Nzallawahe, Mkurugenzi wa Maendeleo ya Mazao, Wizara ya Kilimo, Mifugo na Uvuvi,

ü  Bibi Anuciata Njombe, Mkurugenzi wa Uzalishaji wa Mifugo na Masoko, Wizara ya Kilimo, Mifugo na Uvuvi,

ü  Bw. Geoffrey Kirenga, Mtendaji Mkuu wa Kituo cha kuendeleleza Kilimo Ukanda wa Kusini (SAGCOT),

ü  Bibi Jennifer Baarn, Naibu Mtendaji Mkuuwa Kituo cha kuendeleleza Kilimo Ukanda wa Kusini (SAGCOT),

ü  Professa Andrew Temu, Mkurugenzi wa Diligent Consulting Ltd na Mwanachama wa Bodi ya SAGCOT,

ü  Bibi Jacqueline Mkindi, Mtendaji Mkuu wa Tanzania Horticulture Association (TAHA),

ü  Bw. Hussein Sufiani Ally, Mkurugenzi wa AZAM Bakhresa Group,

ü  Bibi Mona Mahecha, Afisa Mambo ya Nje Mwandamizi, Wizara ya Mambo ya Nje na Ushirikiano wa Afrika Mashariki,

ü  Maafisa wa Ubalozi wa Tanzania Uholanzi Bw. Matiku Kimenya (MC), Bibi Naomi Z. Mpemba (CO) na Bibi Agnes K. Tengia (FS).

Kwa upande wa Serikali ya Uholanzi, ujumbe uliongozwa na Mhe. Bibi Marjolijn Sonnema, Katibu Mkuu anayeshughulikia masuala ya Kilimo, Wizara ya Masuala ya Uchumi ya Uholanzi ambaye pia anakaimu kama Naibu Waziri wa Kilimo. Wengine ni;

ü  Mhe. Jaap Fredericks, Balozi wa Uholanzi nchini Tanzania,

ü  Bw. Bert Rikken, Afisa anayeshughulikia Masuala ya Kilimo, Ubalozi wa Uholanzi nchini Tanzania/Kenya,

ü  Bibi Ingrid Korving, Afisa Sera Mwandamizi, Wizara ya Masuala ya Uchumi ya Uholanzi,

ü  Bibi Hennie Wellen, Mratibu Wageni wa Kimataifa, Wizara ya Masuala ya Uchumi ya Uholanzi,

ü  Bibi Theresia Mcha, Afisa Kilimo, Ubalozi wa Uholanzi nchini Tanzania.

Katika Kongamano hili, Viongozi wa Ujumbe wa Serikali ya Tanzania na Uholanzi walionesha dhamira ya kuendelea kushirikiana kwa pamoja kwa kusaini Barua (Letter of Intent) ya kuanzishwa kwa Kituo cha Kuendeleza Zao la Viazi nchini Tanzania (Centre for Development of the Potato Industry in Tanzania- CD PIT). Aidha, Makampuni takriban kumi (10) yanayojishughulisha na kilimo cha viazi, yalionesha utayari wa kuwa wanachama kwa kushirikiana na Serikali za nchi hizi mbili katika uanzishwaji wa Kituo hicho. Tukio hilo lilikamilishwa kwa Wawakilishi wa Makampuni hayo kuweka saini kwenye Kadi/Bango kuonesha utayari wao.

Kituo cha CD PIT kinatarajiwa kuanzishwa Mkoani Mbeya ambapo pamoja na kukuza maendeleo ya sekta binafsi na kutoa ajira, kitatoa mafunzo ya kujenga uwezo hususan katika uzalishaji na utafutaji masoko, kitaendesha tafiti mbalimbali za kilimo ikiwemo pia kukuza uhusiano wa kibiashara kati ya  Tanzania na Uholanzi. 

Ubalozi kwa upande wake umeridhishwa na mwitikio mkubwa uliooneshwa na wadau mbalimbali waliojitokeza kushiriki katika Kongamano hilo. Hii inadhihirisha kuzidi kuimarika kwa mahusiano mazuri yaliyopo kati ya nchi hizi mbili.

Pamoja na kubadilishana uzoefu, kujifunza na kufahamiana, Kongamano hilo liliwezesha wadau kupata fursa ya kujadili pia changamoto wanazokabiliana nazo katika shughuli mbalimbali za biashara na uwekezaji wanazoziendesha nchini Tanzania.

Imetolewa na:

Kitengo cha Mawasiliano ya Serikali,

Wizara ya Mambo ya Nje na Ushirikiano wa Afrika Mashariki,

The Hague, Uholanzi, 09 Juni 2017

Mhe. Mathew Mtigumwe, Katibu Mkuu wa Wizara Kilimo, Mifugo na Uvuvi akisoma hotuba.

Mhe. Irene Kasyanju, Balozi wa Tanzania nchini Uholanzi akisoma hotuba ya ufunguzi.

Mhe. Marjolijn Sonnema, Katibu Mkuu na Kaimu Naibu Waziri wa Kilimo wa Uholanzi  akisoma hotuba

Picha ya Pamoja ya Waheshimiwa Mabalozi wa Tanzania na Uhoalnzi na Makatibu Wakuu wa Kilimo na Uvuvi na Mkurugenzi wa TAHA.

Uwekaji saini wa makubaliano (letter of intent) ya kuanzishwa kwa kituo cha kuendeleza zao la viazi Tanzania

Vijana wahamisishwa kushiriki mashindano ya kubuni nembo ya EAC

Kaimu Katibu Mkuu wa Wizara ya Mambo ya Nje na Ushirikiano wa Afrika MasharikI, Balozi Ramadhan Muombwa Mwinyi akimsikiliza Afisa  Mkuu wa Uhusiano wa Sekrearieti ya Jumuiya ya Afrika Mshariki, Bw. Otrhieno Richard Owora (kushoto). Katika mazungumzo hayo, wawili hao walizungumzia maandalizi ya uzinduzi wa mashindano ya kubuni nembo mpya ya EAC yatakayowahusisha wanafunzi wa Vyuo Vikuu vilivyopo kwenye nchi wanachama wa Jumuiya hiyo. Uzinduzi huo utafanyika kwenye Chuo Kikuu cha Dar Es Salaam tarehe 09 Juni 2017. 

Mkuu wa Kitengo cha Mawasiliano na Msemaji wa Wizara ya Mambo ya Nje na Ushirikiano wa Afrika Mashariki, Bi. Mindi Kasiga (wa kwanza kushoto), pamoja na Maafisa Habari wa Wizara ya Mambo ya Nje na Ushirikiano wa Afrika ya Mashariki, wa kwanza kulia ni Bw. Ally Kondo pamoja na Robi Bwiru wakinukuu mambo yaliyokuwa yakizungumzwa na Balozi Mwinyi pamoja na Bw. Owora.

Mazungumzo yakiendelea.

Balozi Mwinyi akipokea kitabu chenye mwongozo wa namna ya kushiriki mashindano hayo.

Picha ya pamoja.

Tanzania yashiriki Mkutano wa kujadili matumizi ya Bahari na rasilimali zake

Ujumbe wa Tanzania kwenye mkutano wa utekelezaji wa Malengo ya Maendeleo Endelevu Na. 14 (Sustainable Development Goals-SDGs14)  maarufu kama Oceans Conference unaojadili matumizi endelevu ya bahari na rasilimali zilizomo baharini.

Waziri wa Kilimo, Nifugo na Uvuvi, Mhe. Charles Tzeba akiwasilisha hotuba kwa niaba ya Serikali ya Tanzania kwenye Mkutano wa Kimataifa wa kuweka mikakati ya utekelezaji wa SDG14 unaoendelea Makao Makuu ya Umoja wa Mataifa New York, Marekan. Mkutano huo ni maalum kwa ajili ya kujadili kuhusu matumizi endelevu ya bahari na rasilimali zilizomo baharini kama sehemu ya utekelezaji wa lengo la 14 la malengo ya maendeleo endelevu

Wizara ya Mambo ya Nje yafanya usafi kwenye ufukwe wa Feri

Wizara ya Mambo ya Nje na Ushirikiano wa Afrika Mashariki waadhimisha siku ya mazingira duniani kwa kufanya usafi kwenye ufukwe wa Bahari ya Hindi eneo la Feri jijini Dar es Salaam.  Wanaoenekana wakifanya usafi wa kwanza kulia ni Mkurugenzi wa Idara ya Sera na Mipango, Bw. James Lugaganya akiwa pamoja na wafanya kazi wengine wa Wizara.

Mkurugenzi msaidizi Idara ya Utawala na Rasilimali watu Bw. Hamid Mbegu (kushoto) naye akifanya usafi

Sehemu nyingine ya watumishi wa Wizara ya Mambo ya Nje na Ushirikiano wa Afrika Mashariki wakijumuika kwa pamoja katika kufanya usafi kwenye ufukwe wa bahari eneo la Feri.

wakisomba taka

Sehemu nyingine ya watumishi wa Wizara ya Mambo ya Nje na Ushirikiano wa Afrika Mashariki wakiendelea kufanya usafi

Usafi ukiendelea

Kaimu Mkurugenzi wa idara ya Ushirikiano wa Kimataifa, Bw. Jestas Nyamanga  akizungumza na waandishi wa Habari mara baada ya kumaliza zoezi la kufanya usafi kwenye ufukwe eneo la ferri

HOTUBA YA BALOZI DKT. AZIZ P. MLIMA, KATIBU MKUU WA WIZARA YA MAMBO YA NJE NA USHIRIKIANO WA AFRIKA MASHARIKI KATIKA SHUGHULI YA KUFANYA USAFI KWENYE UFUKWE WA BAHARI YA HINDI, ENEO LA KIVUKONI (FERRY), DAR ES SALAAM

TAREHE 05 JUNI 2017

Waheshimiwa Mabalozi, Wakurugenzi na Makaimu Wakurugenzi kutoka Wizarani,

Wawakilishi wa Mashirika na Taasisi za Umoja wa Mataifa kwenye tukio hili;

Uongozi wa Kata ya Kivukoni ukiongozwa na Mhe. Henry Massaba, Diwani wa Kata ya Kivukoni;

Uongozi wa Mtaa wa Kivukoni ukiongozwa na Ndugu Gasper Makame, Mwenyekiti wa Serikali ya Mtaa wa Kivukoni;

Wafanyakazi wa Wizara na Taasisi zilizo chini ya Wizara;

Wananchi wote mlioshiriki;

Waandishi wa Habari;

Mabibi na Mabwana.

Awali ya yote, napenda kuwasilisha salamu kutoka kwa Mhe. Waziri, Dkt. Augustine P. Mahiga (Mb.), pamoja na Mhe. Naibu Waziri, Dkt. Susan A. Kolimba (Mb.). Wanawasalimu sana na walitamani wajumuike nasi kwenye zoezi hili, ila kutokana na kubanwa na majukumu mengine ya kitaifa wameshindwa. Lakini wamefurahishwa na hiki tulichokifanya na wanatupongeza sana.

Wizara inawashukuru sana wote mliojumuika nasi kwenye tukio hili muhimu la kusafisha mazingira ya ufukwe huu tunapoadhimisha Siku ya Mazingira Duniani.

Maadhimisho haya kidunia yanafanyika nchini Canada, na kwa hapa Tanzania, yanafanyika kitaifa huko Butiama, Mkoani Mara, chini ya kaulimbiu: “Hifadhi ya Mazingira: Muhimili kwa Tanzania ya Viwanda”.

Kaulimbiu hii inatukumbusha kuwa tunapoelekea kwenye Tanzania ya Viwanda na Uchumi wa Kati, hatuna budi kutunza mazingira, kwani rasilimali tunazozihitaji kutimiza azma yetu hii adhimu zinapatikana kwenye mazingira na mazingira ndiyo maisha yetu. Hivyo utajiri wetu wa kwanza ni mazingira.

Mabibi na Mabwana,

Tumechagua kufanya zoezi hili la usafi kwenye ufukwe wa bahari kwa sababu tunapozungumzia utunzaji wa mazingira, suala la utunzaji wa bahari linasahaulika. Hivyo, sisi tunaikumbusha jamii kuwa bahari nayo ni sehemu ya mazingira, ni urithi wetu, ni lazima tuitunze.

Kwa bahati, wakati sisi tunafanya zoezi hili, leo hii pia kwenye Makao Makuu ya Umoja wa Mataifa, huko New York, dunia inakutana kujadili namna ya kuhakikisha uhifadhi wa bahari na matumizi endelevu ya rasilimali zake, ukiwa ni Mkutano wa kwanza wa Umoja wa Mataifa kuhusu suala hili.

Hivyo, ndugu wananchi wenzangu, naomba tuone umuhimu wa kutunza bahari, tunaitegemea sana kwenye uchumi wetu na maisha yetu ya kila siku, tuache kuichafua kwani ikipoteza uhai ni hasara kwetu sote.

Mabibi na Mabwana,

Mtakubaliana nami kuwa, bila kufanya zoezi hili kwa ushirikiano, tusingefanya chochote cha msingi hapa. Basi, na hili liwe funzo wakati huu tunapotekeleza Malengo ya Maendeleo Endelevu (SDGs) na Makubaliano ya Paris ambayo yote yanasisisiza uhifadhi wa mazingira. Bila ushirikiano, itakuwa vigumu kutimiza azma hiyo ya Makuibaliano ya Paris na Malengo ya Maendeleo Endelevu (SDGs). Dunia ni yetu sote, inatutunza sote, inatukirimia sote sawa sawa, basi sote tuna jukumu la kuitunza, tena kwa ushirikiano.

Mabibi na Mabwana, Wananchi Wote Mliopo Hapa,

Kabla sijamaliza kuzungumza, napenda kutumia nafasi hii kuishukuru Ofisi ya Umoja wa Mataifa hapa nchini; Uongozi wa Manispaa ya Ilala na Kata ya Kivukoni kwa misaada yao ya hali na mali katika kufanikisha zoezi hili. Tunawashukuru sana.

Asanteni sana kwa kunisikiliza!

Serikali Mpya ya Lesotho yashauriwa kutekeleza Mageuzi - SADC

Waziri wa Mambo ya Nje na Ushrikiano wa Afrika Mashariki, Balozi Dkt. Augustine Mahiga na Mkuu wa Timu ya waangalizi ya SADC ya uchaguzi wa Lesotho akiwasilisha taarifa ya awali kuhusu uchaguzi huo

Waziri Mahiga akiendelea kuwasilisha taarifa ya awali ya uchaguzi wa Lesotho jijini Maseru

Waziri Mahiga bado anasoma taarifa ya awali ya uchaguzi wa Lesotho kwa wajumbe.

TAARIFA KWA VYOMBO VYA HABARI

Serikali Mpya ya Lesotho yashauriwa kutekeleza Mageuzi - SADC

Serikali itakayoingia madarakani  baada ya Uchaguzi wa Wabunge uliofanyika nchini Lesotho Julai 3, imeshauriwa kutekeleza kikamilifu na kwa nia ya dhati maazimio yote ya Wakuu wa Nchi na Serikali wa Jumuiya ya Maendeleo Kusini mwa Afrika SADC yanayohusu mageuzi kwenye sekta muhimu za katiba, sheria na mahakama, ulinzi na usalama, utumishi na sekta ya umma na vyombo vya habari kwa muda muafaka ili kuimarisha utawala bora na wa kidemokrasia nchini humo. 

Mnamo mwezi Machi mwaka 2017, baada ya Mfalme Letsie wa III wa Lesotho kutangaza tarehe ya uchaguzi mkuu, kikao cha juu cha maamuzi cha Jumuiya ya Maendeleo ya Kusini mwa Afrika (SADC Summit), kilielekeza Serikali mpya itakayoshinda uchaguzi na kuingia madarakani, itekeleze maazimio hayo kwa kuweka muda maalum na vigezo vya utekelezaji ili kuepuka chaguzi za mara kwa mara. 

Msimamo huo wa Jumuiya ya SADC umetolewa na Waziri wa Mambo ya Nje na Ushirikiano wa Afrika Mashariki wa Tanzania Mheshimiwa Augustine P. Mahiga, Mwenyekiti wa Kamati ya Asasi ya Ushirikiano ya Siasa, Ulinzi na Usalama ya SADC alipokuwa akitoa taarifa ya awali ya timu ya uangalizi siku mbili baada ya zoezi la upigaji kura kukamilika. 

Mheshimiwa Mahiga alisema, japokuwa zoezi la kuhesabu kura bado linaendelea, ni dhahiri kuwa wapiga kura nchini Lesotho wanatarajia mageuzi makubwa kutoka kwenye Serikali mpya yatakayoandika historia mpya nchini Lesotho, ambayo imafanya chaguzi tatu kuu ndani ya miaka mitano. 

Mapendekezo mengine yaliyotolewa kwenye taarifa hiyo ya awali ya SADC yanaitaka Serikali mpya kupitia na kufanyia mageuzi mfumo mzima wa uchaguzi ambao kwa sasa unatoa fursa kwa wabunge kuhama chama bila kupoteza ubunge wao (Floor Crossing). Alisema mfumo huo unayumbisha mfumo wa siasa na wa kibunge kwenye Falme ya Lesotho.

Kwenye upande wa ulinzi na usalama wa raia wakati wa uchaguzi, taarifa hiyo ilisifu Tume Huru ya Uchaguzi ya Lesotho kwa kuendesha kwa weledi mkubwa zoezi la upigaji kura na kushirikiana na Jeshi la Polisi kuimarisha usalama vituoni kwa mujibu wa sheria na taratibu za nchi. 

Hata hivyo taarifa za awali za waangalizi wa kimataifa zimeeleza kuwa Jeshi la Lesotho pia lilionekana kwenye baadhi ya maeneo,  nje ya vituo wakiimarisha ulinzi kwa mujibu wa sheria ya jeshi hilo.  Balozi Mahiga alieleza kuwa japokuwa uwepo wa jeshi  hakuathiri mwenendo mzima wa upigaji kura, bado kuna umuhimu wa kufanya mageuzi ndani ya vyombo hivyo ili kuainisha majukumu ya kila taasisi na kuondoa muingiliano wa kimajukumu kama ilivyo sasa. 

Mapendekezo mengine yaliyotolewa na Jumuiya ya SADC kwa Serikali mpya nchini humo ni kuweka mazingira bora yatakayowezesha wanawake na watu wanaoishi na ulemavu kushiriki kikamilifu kwenye shuguli za kisiasa bila ubaguzi. Vilevile kuifanyia mageuzi sekta ya habari nchini na kuwawezesha wananchi kupata habari za uhakika na kwa wakati.

Matokeo ya uchaguzi wa Wabunge yanaendelea kutangazwa ambapo na yanatarajiwa kukamilika ndani ya siku mbili ambapo upinzani mkali unaonekana baina ya Chama cha Democratic Congress kinachoongozwa na Waziri Mkuu wa sasa Mhe. Pakalitha Mosisili na Chama cha All Basotho Convention kinachoongozwa na Waziri Mkuu wa zamani Mhe. Thomas Motsoahae Thabane.

 -Mwisho-

Imetolewa na:

Kitengo cha Mawasiliano ya Serikali,

Wizara ya Mambo ya Nje na Ushirikiano wa Afrika Mashariki,

Maseru, Lesotho, 05 Juni 2017

Rais Magufuli atoa pole kufuatia kifo cha Balozi Mtiro

Waziri Mahiga awasiliha Ujumbe Maalum nchini Kenya

Waziri wa Mambo ya Nje na Ushirikiano wa Afrika Mashariki, Mhe. Balozi Dkt. Augustine Mahiga akisalimiana na Rais wa Kenya, Mhe. Uhuru Kenyatta katika mji wa Nyeri tarehe 01 Juni 2017. Waziri Mahiga alikwenda nchini Kenya kuwasilisha Ujumbe Maalum wa Rais wa Jamhuri ya Muungano wa Tanzania, Mhe. Dkt. John Pombe Joseph Magufuli.

Waziri Mahiga akiwa na Rais wa Kenya Mhe. Kenyatta walipoonana Nyeri, Kenya.

Bunge lapitisha Bajeti ya Wizara

Waziri wa Mambo ya Nje na Ushirikiano wa Afrika Mashariki, Mhe. Balozi Dkt. Augustine Mahiga amewasilisha hotuba ya makadirio ya bajeti ya mapato na matumizi ya Wizara kwa mwaka wa fedha 2017/2018 mbele ya Bunge la Jamhuri ya Muungano wa Tanzania.

Waziri Mahiga katika hotuba yake aliliomba Bunge kupitisha kiasi cha shilingi150,845,419,000 ambapo katika kiasi hiki cha fedha shilingi142,845,419,000 ni kwa ajili ya matumizi ya kawaida na shilingi 8,000,000,000 imetengwa kwa ajili ya bajeti ya maendeleo.

Bajeti hii ya mwaka 2017/2018 pamoja na mambo mengine imepanga kutekeleza malengo makuu muhimu kulingana na majukumu ya Wizara kama ifuatavyo;

• Kutangaza mazingira mazuri ya nchi yetu kwa ajili ya uwekezaji kutokana na historia yake ya miaka mingi ya amani, umoja, utulivu na mshikamano wa kitaifa;

• Kuendelea kufuatilia utekelezaji wa ahadi mbalimbali zilizotolewa kwa nchi yetu na nchi wahisani, mashirika ya kikanda na ya kimataifa katika kusaidia utekelezaji wa mipango yetu ya maendeleo;

•  Kuendelea kuratibu Wizara, Idara na Taasisi nyingine za Serikali katika kuvutia wawekezaji na watalii, kutafuta nafasi za masomo, ajira na nafasi za kubadilishana uzoefu na kutafuta masoko; 

• Kusimamia, kufuatilia na kuratibu utekelezaji wa mikataba mbalimbali iliyosainiwa kati ya nchi yetu na nchi nyingine na ile ya mashirika ya kikanda na kimataifa;

• Kufuatilia utekelezaji wa maelekezo ya viongozi mbalimbali wa kitaifa;

• Kuendelea kusimamia balozi zetu katika kutekeleza majukumu ya uratibu hasa kutafuta wawekezaji, fursa za ajira, nafasi za masomo na masoko kwa bidhaa zetu;
• 
  
• Kuendelea kufuatilia kwa karibu mageuzi kwenye taasisi za Umoja wa Mataifa kama vile Baraza la Usalama la Umoja wa Mataifa, Baraza la Kiuchumi na Kijamii, Baraza Kuu la Umoja wa Mataifa na utekelezaji wa Malengo Endelevu ya Maendeleo;

• Kuongeza uwakilishi wetu nje kwa kufungua Balozi mpya na Konseli Kuu na kuendelea kununua, kujenga na kukarabati majengo kwa ajili ya makazi na ofisi za Balozi kwa kadri hali ya fedha itakavyoruhusu; 

• Kujenga mahusiano ya kirafiki na ushirikiano wa kiuchumi kati yetu na vyombo mbalimbali vya Kikanda na Kimataifa, unaozingatia maslahi ya Taifa letu; 

• Kuendelea kutetea na kusimamia maslahi ya nchi maskini kwenye mikutano yote mikubwa na hasa ile ya Umoja wa Mataifa na taasisi zake. Vilevile, tutaendelea kufanya mazungumzo na nchi tajiri duniani ili kuhakikisha zinatekeleza ahadi mbalimbali zilizotoa ili kuharakisha maendeleo ya nchi maskini. Kwa mfano, ahadi za G8 na ile ahadi ya kila nchi tajiri kutoa asilimia 0.7 ya pato lake la Taifa kwa nchi zinazoendelea na kutoa asilimia 0.2 ya pato lake kwa nchi maskini sana duniani kama msaada; 

• Kuendelea kutambua jumuiya za watanzania wanaoishi ughaibuni na kuweka utaratibu utakaowawezesha kuchangia maendeleo ya taifa; 

• Kuratibu maandalizi na kushiriki kwenye majadiliano katika mikutano ya Viongozi Wakuu wa Nchi Wanachama wa Jumuiya ya Afrika Mashariki, Baraza la Mawaziri la Jumuiya ya Afrika Mashariki, Mabaraza ya Kisekta ya Mawaziri ya Jumuiya ya Afrika Mashariki pamoja na mikutano ya Vikundi Kazi na Wataalam; 

• Kuratibu na kufuatilia utekelezaji wa maamuzi na maelekezo ya Wakuu wa Nchi Wanachama wa Jumuiya ya Afrika Mashariki, Baraza la Mawaziri la Jumuiya ya Afrika Mashariki na Mabaraza ya Kisekta ya Mawaziri ya Afrika Mashariki, miradi na programu za Jumuiya ya Afrika Mashariki; 

• Kuratibu utekelezaji wa Mpango Kazi wa miaka kumi wa Umoja wa Fedha katika kuelekea kwenye eneo la Sarafu Moja ya Jumuiya ya Afrika Mashariki; 

• Kuratibu zoezi la mapitio ya Sheria za Tanzania ili kuwezesha Watanzania kunufaika na utekelezaji wa Itifaki ya Soko la Pamoja la Jumuiya ya Afrika Mashariki;

• Kuratibu majadiliano na kusimamia utekelezaji wa makubaliano ya kuanzisha Eneo Huru la Biashara baina ya Jumuiya ya Afrika Mashariki na COMESA na SADC pamoja na Eneo Huru la Biashara la Afrika; 

• Kuratibu majadiliano kuhusu maeneo ya ushirikiano katika uendelezaji wa miundombinu ya kiuchumi (reli, barabara, bandari, nishati, viwanja vya ndege na hali ya hewa) na kijamii (elimu, afya, mazingira, jinsia na watoto) katika Jumuiya ya Afrika Mashariki; 

• Kuratibu uondoaji wa Vikwazo Visivyo vya Kiforodha katika biashara baina ya Nchi Wanachama wa Jumuiya ya Afrika Mashariki; 

• Kuratibu ushiriki wa Tanzania katika Mikutano ya Bunge la Afrika Mashariki;

• Kuratibu na kushiriki katika maandalizi ya Rasimu ya Katiba ya Shirikisho la Kisiasa la Jumuiya ya Afrika Mashariki kwa kuzingatia mfumo wa Confederation; 

• Kuratibu na kushiriki katika majadiliano ya kuanzisha Baraza la Usalama la Jumuiya ya Afrika Mashariki; 

• Kuratibu na kushiriki katika majadiliano ya Mkataba wa Ulinzi wa Pamoja wa Afrika Mashariki; 

• Kuratibu na kushiriki katika majadiliano ya kuanzisha Itifaki ya Utawala Bora ya Jumuiya ya Afrika Mashariki na Itifaki ya Kuzuia na Kupambana na Rushwa ya Jumuiya ya Afrika Mashariki; 

• Kutoa Elimu kwa Umma juu ya fursa zitokanazo na mtangamano wa Jumuiya ya Afrika Mashariki; 

•  Kuratibu mapitio, utafiti, ufuatiliaji na tathmini ya utekelezaji wa Mtangamano wa Jumuiya ya Afrika Mashariki;

• Kuratibu na kufanya uchambuzi wa utekelezaji wa miradi inayofadhiliwa na Taasisi ya TradeMark East Africa Wizarani, Wizara nyingine, Idara, Taasisi za Serikali na sekta binafsi; na 

• Kukamilisha kuandaa Sera Mpya ya Mambo ya Nje 

Hotuba ya makadirio ya bajeti ya mapato na matumizi kwa mwaka wa fedha 2017/2018  mara baada ya kuwasiliswa ilijadiliwa na kuchangiwa na Wabunge mbalimbali na hatimaye kupitishwa na Bunge hilo.

Waziri wa Mambo ya Nje na Ushirikiano wa Afrika Mashariki Mhe. Balozi Dkt. Augustine Philip Mahiga  (Mb) akiwasilisha hotuba ya bajeti ya Makadirio ya Mapato na Matumizi kwa mwaka wa fedha 2017/2018 Bungeni mjini Dodoma

Naibu Waziri wa Mambo ya Nje na Ushikiano wa Afrika Mashariki Mhe. Dkt. Susan Kolimba (Mb) akijibu hoja mbalimbali za Wabunge wakati wa Kikao cha Bunge baada ya kuwasilishwa kwa bajeti ya Wizara Mjini Dodoma.

Baadhi ya Waheshimiwa Mabalozi wanaoziwakilisha nchi mbalimbali nchini wakifuatilia uwasilishwaji wa Hotuba ya Makadirio ya  Bajeti ya Mapato na Matumizi ya Wizara ya Mambo ya Nje na Ushirikiano wa Afrika Mashariki Bungeni mjini Dodoma

Waziri Mhe.Balozi Dkt. Mahiga akifurahia jambo na Waziri Kivuli wa Wizara ya Mambo ya Nje na Ushirikiano wa Mambo ya Nje na Ushikiano wa Afrika Mashariki Mhe.Peter Msigwa mara baada ya kuwasilisha hotuba ya bajeti Bungeni mjini Dodoma

Waziri Mhe.Balozi Dkt. Mahiga, Naibu Waziri Dkt. Susan Kolimba, Katibu Mkuu  Balozi Dkt. Aziz Mlima na Waziri Kivuli wa Wizara Mhe. Msigwa wakiwa katika picha ya pamoja na Mabalozi na baadhi ya Wabunge.

Waziri Mhe. Balozi Dkt. Mahiga na Katibu Mkuu Balozi Dkt. Aziz Mlima wakishirikishana jambo baada ya kuwasilisha hotuba ya Madirio ya Bajeti ya Mapato na Matumizi kwa Mwaka 2017/2018 katika viwanja vya Bunge mjini Dodoma

Waziri Mhe.Balozi Dkt. Mahiga akijibu hoja za wa Bunge Bungeni.

Waziri Mhe.Dkt. Mahiga na Naibu Waziri Mhe.Dkt. Susan Kolimba wakiwa katika picha ya pamoja na Watendaji mbalimbali wa Wizara mara baada ya kupitishwa kwa Bajeti ya Wizara Bungeni Mjini Dodoma

 HOTUBA YA MHESHIMIWA BALOZI DKT. AUGUSTINE PHILIP MAHIGA (MB), WAZIRI WA MAMBO YA NJE NA USHIRIKIANO WA AFRIKA MASHARIKI AKIWASILISHA BUNGENI MAKADIRIO YA BAJETI YA MAPATO NA MATUMIZI YA WIZARA KWA MWAKA WA

 FEDHA 2017/2018

Intentanational Community Applauds Tanzania’s Leadership of SADC Organ

Ambassador Mahiga in conversation with the United States Ambassador to the Kingdom of Lesotho H.E. Matthew T. Harrington after launching SEOM at AVANI Hotel in Maseru Lesotho. 

Ambassador Mahiga flagged with SADC Secretariat together with members of SADC Organ with all SADC Elections Observation Mission in a group photo. SADC has deployed about 40 observers from 9 member states in this year's election. 

Head of SADC Elections Observation Mission in Lesotho and Chairperson of the Ministerial Committee of the Organ Amb. Dr. Augustine Mahiga, delivering his statement during the launch of the mission recently in Maseru Lesotho.

    PRESS RELEASE

INTERNATIONAL COMMUNITY APPLAUDS TANZANIA’s LEADERSHIP OF SADC ORGAN AND EFFORTS TO STABILIZE POLITICAL SITUATION IN LESOTHO

Tanzania’s President Dr. John Pombe Magufuli has been applauded by the international community for his impeccable leadership of the SADC organ on politics, defense and security cooperation at this juncture when the community is ushering Lesotho into yet another National Parliamentary Election, the third within five years. 

Representatives from international organizations operating within SADC region and Lesotho in particular including the United Nations and European Union have commended SADC urgent call to the incoming government for serious structural and constitutional reforms. 

During the recent launch of SADC Electoral Observation Mission (SEOM) in Lesotho held in Maseru, Hon. Dr. Augustine Mahiga, Tanzania’s foreign Minister, Chairperson of the Ministerial Committee of the Organ and mission head reiterated SADC ‘s earlier mandate to the current government to undertake reforms in order to stabilize its political system and avoid a repeat of previous political crises. 

While commending political parties for signing pledges to accept election results and Independent Electoral Commission of Lesotho (IEC) for its preparedness for the upcoming national elections, Ambassador Mahiga sends a strong message to Lesotho,

“After three elections within less than five years the fatigued voters deserve a different and durable outcome. SADC will definitely take these pledges and commitments seriously in supporting the reform process in the Kingdom of Lesotho by the next government” said Ambassador Mahiga

Briefing members of SADC Secretariat before the launch, Amb. Mahiga said that it is upon SADC that leaders of the next government of Lesotho be held accountable to carry out the reforms. 

“Presedent Magufuli, our Chair of the Organ has given me clear instructions that we must work hard, together, and to make sure that this time around we are successful. The people of Lesotho have great expectations on us as SADC, let us not disappoint them” he remarked. 

Similar message was shared at the launch with all stakeholders about the commitment of President Magufuli, to stabilize political situation in the Mountain Kingdom as well as in the SADC region. He said that the work of SADC mission in the country was mandated by President Magufuli and that several groups have been working tirelessly since April 2017 in Lesotho. Based on their observation and preliminary work, SADC is still of the view that major reforms are needed in the country and not just national elections.

“It is evident from our extended presence on the ground in the Kingdom of Lesotho that the resolution of the political and security problems is not entirely predicated upon the elections and its outcomes, Clearly, there has to be stronger and time-bound commitment to broader reforms in the political, security and public sectors in order to stabilize the country” he added. 

As Tanzania is about to finish its term as the head of this important organ of the community, Ambassador Mahiga said he is simply executing President Magufuli’s vision in Tanzania’s engagements in regional integration bodies. He said that Tanzania is of the view that SADC is stronger when there is integration and cooperation. But SADC cannot make full progress if one member is in political crisis. Three elections within five years do not just bring fatigue to voters, it disorient the badly-needed work force, preventing them to contribute effectively to daily economic activities but it also dwindle much-needed resources for the government. 

In his speech, Ambassador Mahiga reminded the audience that as the continent celebrates fifty plus years of the African Unity, it is mind-boggling for Lesotho to still be pre-occupied with the basics of forming a stable government. 

“Allow me to add that it is strange paradox indeed that on this 25th day of May, 2017 marking the historical occasion of the Commemoration of the founding of the Organisation of African Unity; when we should ordinarily be celebrating milestones in the advancement of our societies and the consolidation of our democratic institutions; we are still locked in protracted debates on the basic requirements of forming and stabilizing governments”.

Commenting on SADC engagement in Lesotho, United Nations Development Program Deputy Resident Representative in Lesotho Ms. Christy Ahenkora said SADC intervention and follow up was badly needed for Lesotho to carry out reforms which will stabilize its political set up focusing on how coalition government should operate. 

Similarly, the Head of the European Union Delegation in Lesotho noted with keen interest the strong message from Ambassador Mahiga during the lunch of the mission and commended the organization for playing its part in Lesotho. The delegation has not brought in observers this time around, but it will deploy EUPlus Diplomatic Watch of 42 officials. 

An applaud was also given to Tanzania and SADC Mission by the American Ambassador to the Kingdom of Lesotho immediately after Hon. Mahiga's statement saying that candid observation by SEOM and deliberate efforts by SADC in Lesotho will bring about well-built democratic institutions and organization in the region.

ENDS

Issued by:
Government Communication Unit, 
Ministry of Foreign Affairs and East African Community, Maseru, Lesotho, 
May 28, 2017