Waziri Mwijage akutana na Balozi wa India nchini

Waziri wa Viwanda, Biashara na Uwekezaji, Mhe. Charles Mwijage (Mb.) akizungumza na Balozi wa India nchini, Mhe. Sandeep Arya kuhusu kuimarisha ushirikiano kwenye masuala ya biashara, viwanda na uwekezaji kati ya Tanzania na India. Mazungumzo hayo yalifanyika katika Ofisi za Wizara ya Mambo ya Nje na Ushirikiano wa Afrika Mashariki Jijini Dar es Salaam tarehe 16 Oktoba, 2017. Mazungumzo hayo yalihudhuriwa pia na Naibu Waziri wa Mambo ya Nje na Ushirikiano wa Afrika Mashariki, Mhe. Dkt. Susan Kolimba (Mb.), Katibu Mkuu wa Mambo ya Nje na Ushirikiano wa Afrika Mashariki, Balozi Dkt. Aziz Mlima pamoja na Kaimu Mkurugenzi wa Idara ya Asia na Australasia, Bw. Magabilo Murobi (hawapo pichani).

Naibu Waziri wa Mambo ya Nje na Ushirikiano wa Afrika Mashariki, Mhe. Dkt. Susan Kolimba (Mb.) (kushoto) akiwa na Katibu Mkuu wa Mambo ya Nje na Ushirikiano wa Afrika Mashariki, Balozi Dkt. Aziz Mlima (wa pili kushoto) pamoja na Kaimu Mkurugenzi wa Idara ya Asia na Australasia, Bw. Magabilo Murobi (wa kwanza kulia) wakati wa mazungumzo kati ya Mhe. Mwijage na Balozi wa India nchini (hawapo pichani).

Mhe. Dkt. Kolimba akichangia jambo wakati wa mazungumzo kati ya Waziri Mwijage na Balozi Arya.

Mazungumzo yakiendelea

Taarifa kuhusu ziara ya meli ya Kifalme kutoka Oman nchini

TAARIFA KWA VYOMBO VYA HABARI

Taarifa kuhusu ziara ya meli ya Kifalme kutoka Oman nchini

Meli ya Kifalme ya FULK AS SALAAM ya Mfalme Qaboos Bin Said Al Said wa Oman iliyo katika ziara ya kirafiki katika Pwani ya Afrika Mashariki itatia nanga katika Bandari ya Dar es Salaam kwa ziara ya siku sita kuanzia tarehe 16 hadi 21 Oktoba, 2017. Lengo kuu la ziara hiyo ni kueneza ujumbe wa amani, upendo na kuimarisha urafiki uliodumu kwa muda mrefu kati ya Oman na Tanzania. 

Meli hiyo ambayo imeanzia Zanzibar tarehe 12 hadi 15, 2017 inatarajiwa kuja na ujumbe wa zaidi ya watu mia tatu (300) ukiongozwa na Mhe. Mohammed bin Hamad Al Rumhy, Waziri wa Mafuta na Gesi wa Oman ambaye ataongozana na Mwenyekiti na Mtendaji Mkuu wa Mamlaka ya Umma ya Kukuza Uwekezaji nchini Oman, Dkt. Salim Al Nasser Ismaily na Mhe. Maitha Al Mahrouqi, Katibu Mkuu wa Utalii. 

Mara baada ya kuwasili katika Bandari ya Dar es Salaam, Meli hiyo itapokelewa na Waziri wa Ulinzi na Jeshi la Kujenga Taifa, Mhe. Hussein Ali Mwinyi (Mb.) na viongozi mbalimbali wa Serikali. 

Aidha, tarehe 17 Oktoba, 2017 kutakuwa na hafla maalum ya chakula cha mchana ndani ya Meli hiyo ambapo mgeni rasmi anatarajiwa kuwa Makamu wa Rais wa Jamhuri ya Muungano wa Tanzania, Mhe. Samia Suluhu Hassan. 

Tarehe 18 Oktoba, 2017 kutakuwa na tukio la Muziki wa Kitamaduni utakaopigwa mubashara na Bendi kutoka Oman katika Viwanja vya Mnazi Mmoja. 

Pia tarehe 19 Oktoba, 2017 wananchi wakiwemo wanafunzi wataruhusiwa kufanya ziara ya kutembelea Meli hiyo kwa utaratibu maalum. Pamoja na kutembelea Tanzania, Kenya ni nchi nyingine iliyopewa nafasi ya kutembelewa na Meli hiyo ya Kifalme. 

Meli hiyo itaondoka Bandari ya Dar es Salaam tarehe 21 Oktoba, 2017 kuelekea Mombasa, Kenya. 

Imetolewa na;

Kitengo cha Mawasiliano ya Serikali,

Wizara ya Mambo ya Nje na Ushirikiano wa Afrika Mashariki, Dar es Salaam

14 Oktoba, 2017

Balozi wa Hispania atembelea Wizara

Naibu Waziri wa Mambo ya Nje na Ushirikiano wa Afrika Mashariki Dkt. Suzan Kolimba (Mb.) amekutana na kufanya mazungumzo na Balozi wa Hispania nchini Tanzania Filex Costales, katika mazungumzo yao walizungumzia masuala mbalimbali ya mahusiano kati ya Tanzania na Hispania hususani suala la jimbo la Catalonia kutaka kujitenga na Hispania

Mazungumzo yakiendelea.

Tanzania na Cuba kuongeza maeneo mapya ya ushirikiano

Naibu Waziri wa Mambo ya Nje na Ushirikiano wa Afrika Mashariki, Mhe. Dkt. Suzan Kolimba (Mb.) akutana na kufanya mazungumzo na Balozi wa Cuba nchini Tanzania, Mhe. Prof. Lucas Domingo Hernandez Polledo,alipomtembelea leo katika ofisi za Wizara Jijini Dar es Salaam.

Mkutano ukiendelea

Dkt. Kolimba akiwa katika picha ya pamoja na Balozi wa Cuba nchini Tanzania, Mhe.Prof. Polledo, wa pili kutoka kulia ni Kaimu Mkurugenzi Idara ya Amerika na Ulaya Bi. Mary Matare, na wa kwanza kulia ni Afisa Mambo ya Nje, Bi. Lilian Kimaro na kushoto ni afisa wa Ubalozi wa Cuba hapa nchini.

=======================================

Serikali ya Tanzania na Cuba zimeahidi kuendelea kuweka mikakati madhubuti kwaajili ya kuimarisha ushirikiano wa siku nyingi ulioasisiwa na viongozi wakuu wa Mataifa hayo Hayati Baba wa Taifa  Mwalimu Julius Kambarage Nyerere na Hayati Fidel Castor.

Hayo yamesemwa leo katika mazungumzo baina ya Naibu Waziri wa Wizara ya Mambo ya Nje na Ushirikiano na Ushirikiano wa Afrika Mashariki, Mhe. Dkt. Susan Kolimba na Balozi wa Cuba nchini, Mhe. Prof. Lucas Domingo Hernandez Polledo walipokutana katika ofisi za Wizara Jijini Dar es Salaam.

Kwa upande wa Mhe. Kolimba alieleza Cuba imekuwa mdau wa Maendeleo nchini tangu enzi za ukoloni ambapo ilishiriki katika kupigania Ukombozi wa Tanzania na Afrika kwa ujumla na hivyo kuleta undugu baina ya watu wa mataifa hayo mawili.

Aidha, aliongeza kwa kusema “Serikali ya Jamhuri ya Muungano wa Tanzania inatambua jitihada na mchango wa Serikali ya  Cuba katika Sekta  ya Afya kwa kuleta madakatari kwa upande wa Serikali ya Mapinduzi Zanzibar na Hospitali ya Taifa Muhimbili, Pia ujenzi wa kiwanda cha viuadudu kilichopo Kibaha ni sehemu ya jitihada za kuwasaidia Watanzania katika kuhakikisha wanakuwa na Afya bora ili kuweza kumudu majukumu yao ya kila siku katika kuliletea Taifa maendeleo” alisema Dkt. Kolimba.

Halikadhalika Mhe. Prof. Polledo alisisitiza kuwa Cuba itaendeleza ushirikiano na Tanzania na kuzidi kuangalia maeneo mengine ya ushirikiano hususani upande wa michezo ambapo nchi hiyo imekuwa ikifanya vizuri katika mchezo wa ngumi pamoja na walimu stadi wa mchezo huo ambao wamekuwa wakitoa mafunzo katika mataifa mengine ya Afrika.

Pia alieleza kutambua mchango wa Tanzania katika Kikao cha 72 cha Baraza kuu la Umoja wa Mataifa kwa msimamo wake wa kutaka Cuba kuondolewe vikwazo vya kiuchumi ambavyo vimekuwa vikikwamisha na kurudisha nyuma jitihada za maendeleo ya Taifa hilo. “ ni wakati sasa Cuba na Tanzania zikaimarisha ushirikiano wake kwa kuhakikisha unakuwa na mafanikio  kiuchumi kwa manufaa ya mataifa hayo” alisema Prof. Polledo

TAARIFA KWA UMMA

TAARIFA KWA UMMA

Ubalozi wa Tanzania nchini Kenya umeandaa Misa Maalum ya kumbukumbu ya Mwalimu Julius Kambarage Nyerere itakayofanyika tarehe 14 Oktoba, 2017 katika Kanisa la Holy Family Basilica, Nairobi kuanzia saa 4.00 hadi saa 5.00 asubuhi.

Watanzania wote pamoja na ndugu, jamaa na marafiki mnakaribishwa kushiriki katika Misa hii. Kufika kwenu kwa wingi ndio kufanikisha shughuli yetu sote.

TUNATANGULIZA SHUKRANI ZETU ZA  DHATI.

IMETOLEWA NA:

UBALOZI WA TANZANIA

NAIROBI, KENYA

10 OKTOBA, 2017

African countries told to use FOCAC Opportunities, Kairuki

Ambassador of the United Republic of Tanzania to the People's Republic of China, H.E. Mbelwa Kairuki delivering a key note address at the youth Forum on China-Africa Youth Exchange Programme on Poverty Reduction and Development  which took place in Beijing, China  on 9th  October, 2017 at Beijin Convetion Centre.

The forum on progress.

========================================================================

 Ambassador of the United Republic of  Tanzania to the People’s Republic of China, His Excellency  Mbelwa Kairuki has urged African countries to cooperate in order to tap into opportunities provided by China under China-Africa Cooperation (FOCAC) which is an official Forum between China and Africa.

This has been addressed during the Youth Forum and 2^nd  China – Africa Youth Exchange Programme on Poverty Reduction and Development which took place in Beijin, China  on 9th October 2017 at Beijing Convention Centre.

Ambassador Kairuki also expressed concern to the fact that Africa spends USD 35 Billion every year importing food from outside the continent while it is endowed with 60 percent of the World's arable land. He called on African governments to work together to implement regional  infrastructure projects that would unleash Africa's economic potential.

The forum was opened by the Deputy Prime Minister of China His Excellency WANG Yang. In his remarks Mr. Wang reported remarkable achievements made by China by lifting hundreds of millions or people out of poverty.

The forum was also attended by Mr. Tegegnework Gettu, the United Nations Under-Secretary General and  Associate Administrator of the United Nations Development Programme (UNDP) who represented the United Nations Secretary General to the Conference. In his message the United Nations Secretary General cautioned that globalization and technological progress have increased inequalities and left millions of people behind. He underscored that reducing and eradicating poverty is the key to improve lives and realizing the potential of hundreds of millions of people. 

Naibu Waziri afanya mazungumzo na Balozi wa Iran chini Tanzania

Naibu Waziri wa Mambo ya Nje na Ushirikiano wa Afrika Mashariki Mhe.Dkt. Susan Kolimba akiwa katika mazungumzo na Balozi wa Jamhuri ya Kiislam ya Iran nchini Tanzania Mhe.Mousa Farhang. Mazungumzo hayo yaliyofanyika katika ofisi za Wizara za Jijini Dar es Salaam yalijikita zaidi katika kujadili masuala mbalimbali yatakayo imarisha zaidi uhusino wa kidiplomasia uliodumu kwa kipindi cha takriban miaka 40 kati ya Mataifa hayo mawili ( Tanzania na Iran). 

Naibu Waziri Mhe. Dkt.Susan Kolimba akimsikiliza Balozi wa Jamhuri ya Kiislam ya Iran Mhe. Mousa Farhang walipokutana kwa mazungumzo Wizarani Jijini Dar es Salaam

Naibu Waziri Mhe.Dkt. Kolimba na Balozi Mhe.Farhang wakiwa katika picha ya pamoja. Wapili kulia ni Balozi Innocent Shio, Afisa kutoka Wizarani Bw.Hangi Mgaka (wa kwanza kulia) na mjumbe kutoka Ubalozi wa Iran nchini (wa kwanza kushoto)

BBC Tanzania watembelea wadau wake

Mkuu wa Kitengo cha Mawasiliano ya Serikali na Msemaji wa Wizara ya Mambo ya Nje na Ushirikiano wa Afrika Mashariki, Bi. Mindi Kasiga akiwa katika mazungumzo na Mkuu wa BBC, Idhaa ya Kiswahili kwa upande wa Tanzania, Bw. John Solombi  leo katika Ofisi za Wizara ya Mambo ya Nje. Timu ya BBC imeanza ziara kuwatembelea wadau wake wakubwa katika masuala ya kupashana habari na wameanza kwa kuitembelea Wizara ya Mambo ya Nje na baadaye walielekea kwa msemaji wa  Jeshi la Polisi nchini. Katika mazungumzo hayo, wawili hao walikubaliana kufanya kazi kwa karibu kwa maslahi ya kuuelimisha na kuuhabarisha umma.

Bw. Solombi akisisitiza jambo katika mazungumzo hayo.

Mazungumzo yanaendelea. Katika picha anaonekana Bw. Aboubkar Famau, Mtangazaji wa BBC na Mkuu wa Kitengo cha Uratibu wa Vipindi, akichangia jambo katika mazungumzo hayo. Kulia kwake ni Bw. Ally Kondo, Afisa Mawasiliano wa Wizara ya Mambo ya Nje na aliyekaa peke yake ni Bi. Halima Nyanza, Mtangazaji wa BBC.

Picha ya pamoja

Timu ya BBC baada ya kukutana na  Kitengo cha Mawasiliano ilipata fursa ya kusalimiana na Naibu Waziri wa Mambo ya Nje na Ushirikiano wa Afrika Mashariki, Mhe. Dkt. Suzan Kolimba (Mb). Pichani anaoenekana Mhe. Naibu Waziri akiwapa neno la shukrani Team ya BBC kwa uamuzi wao wa kuichagua Wizara ya Mambo ya Nje na Ushirikiano wa Afrika Mashariki kuwa mdau wa kwanza kutembelewa.

Mhe. Naibu Waziri akiwa katika picha ya pamoja na Team ya BBC na Kitengo cha Mawasiliano ya Serikali cha Wizara ya Mambo ya Nje

Naibu Waziri wa Mambo ya Nje na Ushirikiano wa Afrika Mashariki Mhe. Dkt. Suzan Kolimba amekutana na kufanya mazungumzo na Balozi wa Ujerumani Mhe. Dkt. Detlef Waechter, tarehe 27/09/2017, Wizarani. 
Katika mazungumzo yao yaliyojikita katika kuendeleza uhusiano kati ya Tanzania na Ujerumani katika masuala ya maendeleo katika sekta mbalimbali hasa maeneo ya Kilimo, elimu na Afya. Ambapo Ujerumani kwa kushirikiana na wadau wengine wanatarajia kuwekeza katika Kiwanda cha kutengeneza mbolea Mkoani Lindi, inatarajiwa kiwanda hicho kitatoa jumla ya ajira 5,000 kwa Watanzania.

Balozi Dkt. Waechter naye akizungumza katika

Sehemu ya watumishi wa Wizara ya Mambo ya Nje na Ushirikiano wa Afrika Mashariki wakisikiliza kwa makini mazungumzo hayo.

Dkt. Suzan Kolimba, Dkt.Weachter na watumishi wa Wizara wakiwa katika picha ya pamoja baada ya Mkutano.

                                                                                                                                                                                                                                                                ~

Balozi Baraka Luvanda awasilisha hati za utambulisho kwa Rais Ram Nath Kovind wa India

Balozi wa Tanzania nchini India, Mhe. Baraka Luvanda (kulia), akimkabidhi Rais wa India Mhe. Ram Nath Kovind, hati ya utambulisho kutoka kwa Rais wa Jamhuri ya Muungano wa Tanzania Mhe. Dkt. John Pombe Magufuli.

 

SPEECH BY HIS EXCELLENCY BARAKA HARAN LUVANDA AT THE PRESENTATION OF CREDENTIALS CEREMONY, RASHTRAPATI BHAWAN, NEW DELHI, 19TH SEPTEMBER 2017

Honourable President Ram Nath Kovind,

Excellencies, Ladies & Gentlemen,

It is a great pleasure and honour for me to present my credentials today as the 14th High Commissioner of the United Republic of Tanzania to the Republic of India. It is, indeed heartening that I present the same to the 14th President of this Great nation.

Permit me to convey to Your Excellency the best wishes of His Excellency Dr. John Pombe Joseph Mgufuli, President of the United Republic of Tanzania to the Government and the People of the Republic of India.

India and Tanzania established formal diplomatic ties in 1961 and 1962, respectively. For many years then, the relationship was largely driven by the shared ideological commitments to anti-colonialism, anti-racism, south-south cooperation and the non alignment policies. Today, whilst the strong historical foundations have been emulated, there has been a pragmatic policy shift with an increased emphasis being placed on greater and diversified socio-economic, technical and cultural exchanges.

The recent and historic high-level visits to spur these bilateral engagements include that of former President Dr. Jakaya Mrisho Kikwete to India in June 2015 and the visit to Tanzania by Prime Minister Narendra Modi in July 2016.

In addition to our bilateral cooperation, there has been a mutually agreed approach towards our multilateral commitments in the area of peace and security, democracy, equity, good governance and the rule of law.

Your Excellency, there could no better frameworks for me to start off my call of duty in India than the existing ones. I am hopeful and determined to scale up these bilateral exchanges to even greater heights.

                                                                          Thank you,

                                                            (BARAKA HARAN LUVANDA)

                                                 HIGH COMMISSIONER OF THE UNITED

                                                      REPUBLIC OF TANZANIA TO INDIA

                                                            New Delhi, September 19, 2017.

Waziri wa Nchi Ofisi ya Rais Menejimenti na Utawala Bora Mhe. Angela Kairuki (Mb.), akitoa Salamu za pole kwa niaba ya Serikali ya Jamhuri ya Muungano wa Tanzania kwa familia, ndugu na jamaa wote waliofiwa na ndugu zao kutokana na ajali iliyotokea Nchini Uganda, pia alitumia fursa hiyo kutoa neno la shukrani kwa Serikali ya Uganda kwa kusaidia kusafirisha miili ya ndugu zetu kuja nchini Tanzania kwa taratibu za mazishi, Serikali ya Uganda imewakilishwa na Waziri wa Nchi anayeshughulikia Masuala ya Jiji la Kampala Mhe. Betty Namisango na  Balozi wa Uganda nchini Tanzania Mhe. Balozi Richard Kabonelo

Naibu Waziri wa Mambo ya Nje na Ushirikiano wa Afrika Mashariki Dkt. Suzan Kolimba(wa pili kutoka kushoto), Profesa Charles Ibingira baba wa bwana Harusi(Kulia kwake), Naibu Mwanasheria Mkuu wa Serikali Mhe. Gerson Mdemu ( wa mwisho kulia) na Dkt Gregory Teu baba wa bibi harusi ( wa mwisho kushoto)wakiwa na majonzi katika shughuli ya kuaga miili ya watanzania waliopoteza maisha

Mkuu wa Kitengo cha Mawasiliano na Msemaji wa Wizara ya Mambo ya Nje na Ushirikiano wa Afrika Mashariki Bi. Mindi Kasiga akitoa utaratibu kwenye tukio la kuaga miili ya watanzania waliopata ajali nchini Uganda.

Sehemu ya Ndugu waliofiwa wakiwa na nyuso za huzuni.

Miili ya Watanzania waliopata ajali nchini Uganda ikiwasili

Viongozi mbalimbali wa Serikalini wakiongozwa na Mhe. Angela Kairuki wakiwa wamesimama kwa pamoja wakati miili ya watanzania waliopoteza maisha ikiwasili.